ເພື່ອຮັບປະກັນທາງດ້ານເນື້ອໃນຂອງຮ່າງກົດໝາຍວ່າດ້ວຍການສະກັດກັ້ນ ແລະ ຕ້ານອັກຄີໄພ (ສະບັບປັບປຸງ) ທີ່ຈະນໍາເຂົ້າພິຈາລະນາໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX ໃຫ້ມີການຄົ້ນຄວ້າທີ່ເລິກເຊິ່ງ, ຈະແຈ້ງ, ສອດຄ່ອງກັບແນວທາງນະໂຍບາຍຂອງລັດ, ລັດຖະທໍາມະນູນ, ກົດໝາຍອື່ນ, ສົນທິສັນຍາສາກົນທີ່ ສປປລາວ ເປັນພາຄີ ແລະ ແທດເໝາະກັບສະພາບການຂະຫຍາຍຕົວທາງດ້ານເສດຖະກິດ-ສັງຄົມ ທັງເປັນການລະດົມສະຕິປັນຍາຈາກທຸກພາກສ່ວນທີ່ກ່ຽວຂ້ອງກັບການສ້າງ ແລະ ປັບປຸງກົດໝາຍ ກ່ອນນຳສະເໜີກອງປະຊຸມຄະນະປະຈໍາສະພາແຫ່ງຊາດ (ຄປຈສພຊ) ຕົກລົງນໍາເຂົ້າພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7 ຂອງ ສພຊ ຊຸດທີ IX. ລະຫວ່າງວັນທີ 5-6 ເມສາ ນີ້ ທີ່ເມືອງແກ້ວອຸດົມ ແຂວງວຽງຈັນ ໄດ້ມີກອງປະຊຸມກວດກາເນື້ອໃນຮອບດ້ານຮ່າງກົດໝາຍວ່າດ້ວຍການສະກັດກັ້ນ ແລະ ຕ້ານອັກຄີໄພ (ສະບັບປັບປຸງ) ໂດຍການເປັນປະ ທານຮ່ວມຂອງທ່ານ ພູທອນ ວໍລະເພັດ ຮອງປະທານກຳມາທິການກົດໝາຍ, ທ່ານ ພົຈວ. ມາລາ ວິລະຈິດ ຮອງປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ ແລະ ທ່ານ ພົຕ. ສົມວັນ ສາຍລ້ອງພາ ຮອງລັດຖະມົນຕີກະຊວງປ້ອງກັນຄວາມສະຫງົບ (ປກສ); ເຂົ້າຮ່ວມມີບັນດາທ່ານຮອງຫົວໜ້າຫ້ອງວ່າການສຳນັກງານປະທານປະເທດ, ຮອງລັດຖະມົນຕີກະຊວງຍຸຕິທຳ, ຄະນະທີ່ປຶກສາທາງດ້ານກົດໝາຍຂອງ ຄປຈສພຊ, ຫ້ອງວ່າການສຳນັກງານນາຍົກລັດຖະມົນຕີ, ກົມຕຳຫຼວດສະກັດກັ້ນ ແລະ ຕ້ານອັກຄີໄພ ພ້ອມດ້ວຍຄະນະກົມ, ຄະນະພະແນກ ແລະ ພະນັກງານ-ລັດຖະກອນຈາກພາກສ່ວນທີ່ກ່ຽວຂ້ອງຈຳນວນໜຶ່ງ.
ທ່ານ ພູທອນ ວໍລະເພັດ ໄດ້ມີຄຳເຫັນກ່າວເປີດວ່າ: ກອງປະຊຸມຄັ້ງນີ້ເປັນຂັ້ນຕອນໜຶ່ງຕາມທີ່ກົດໝາຍວ່າດ້ວຍການສ້າງນິຕິກຳໄດ້ກຳນົດໄວ້ ເພື່ອກວດກາເນື້ອໃນລະອຽດ, ຮອບດ້ານ ກ່ອນນຳເຂົ້າພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX.ເພື່ອຮັບປະກັນໃຫ້ກອງປະຊຸມໄດ້ຮັບຜົນສຳເລັດຕາມຈຸດປະສົງ ແລະ ເປົ້າໝາຍ ຮຽກຮ້ອງມາຍັງບັນດາທ່ານທີ່ເຂົ້າຮ່ວມຈົ່ງພ້ອມກັນຄົ້ນຄວ້າ ແລະປະກອບຄໍາເຫັນຢ່າງກົງໄປກົງມາ, ບັນຫາໃດທີ່ກອງປະຊຸມຍົກຂຶ້ນ ຊຶ່ງກ່ຽວຂ້ອງທາງດ້ານວິຊາການກໍໃຫ້ຄະນະຮັບຜິດຊອບປັບປຸງຮ່າງກົດໝາຍ ກໍຄືກະຊວງປ້ອງກັນຄວາມສະຫງົບ ເປັນເຈົ້າການອະທິບາຍ, ໃຫ້ຄວາມກະຈ່າງແຈ້ງຕື່ມ ແນໃສ່ເຮັດໃຫ້ເນື້ອໃນຂອງຮ່າງກົດໝາຍ ມີຄວາມຄົບຖ້ວນ ແລະ ສອດຄ່ອງກັບລັດຖະທຳມະນູນ, ກົດໝາຍອື່ນທີ່ປະກາດໃຊ້ແລ້ວ, ສົນທິສັນຍາ, ສັນຍາສາກົນທີ່ກ່ຽວຂ້ອງ. ພ້ອມກັນນີ້,ກໍສະເໜີໃຫ້ກອງປະຊຸມພິຈາລະນາຮ່າງກົດໝາຍຢ່າງຮອບດ້ານ ໂດຍສະເພາະເນື້ອໃນມາດຕາທີ່ໄດ້ປັບປຸງ; ບັນຫາທີ່ຜູ້ເຂົ້າຮ່ວມຍົກຂຶ້ນມາ ໃຫ້ພ້ອມກັນຄົ້ນຄວ້າ, ສົນທະນາຢ່າງກົງໄປກົງມາ;ບັນຫາໃດຕິດພັນດ້ານວິຊາການ ໃຫ້ຄະນະຮັບຜິດຊອບອະທິບາຍ, ໃຫ້ຄວາມກະຈ່າງແຈ້ງຕື່ມ; ບັນຫາໃດທີ່ມີຄຳເຫັນບໍ່ເປັນເອກະພາບກັນຈະໄດ້ນຳເຂົ້າລາຍງານຂໍຄຳເຫັນຢູ່ກອງປະຊຸມຄະນະປະຈຳສະພາແຫ່ງຊາດ ພິຈາລະນາ; ພາຍຫຼັງສຳເລັດກອງປະຊຸມ ມອບໃຫ້ກົມກົດໝາຍຂອງສະພາແຫ່ງຊາດ ກະກຽມບົດລາຍງານ ແລະ ບົດບັນທຶກລະອຽດ ເພື່ອລາຍງານຕໍ່ກອງປະຊຸມຄະນະປະຈຳສະພາແຫ່ງຊາດປະຈຳເດືອນເມສານີ້.
ໃນກອງປະຊຸມ, ໄດ້ຮັບຟັງການສະເໜີຫຍໍ້ກ່ຽວກັບເນື້ອໃນບາງມາດຕາທີ່ໄດ້ປັບປຸງ ຈາກທ່ານຮອງລັດຖະມົນຕີກະຊວງ ປກສ ແລະ ເນື້ອໃນກົດໝາຍວ່າດ້ວຍການສະກັດກັ້ນ ແລະ ຕ້ານອັກຄີໄພ (ສະບັບປັບປຸງ) ຈາກທ່ານຫົວໜ້າກົມກົດໝາຍ; ຈາກນັ້ນ, ບັນດາຜູ້ເຂົ້າຮ່ວມໄດ້ສຸມໃສ່ຄົ້ນຄວ້າ, ສົນທະນາແລກປ່ຽນ, ປະກອບຄຳຄິດຄຳເຫັນຢ່າງກົງໄປກົງມາ ແລະ ມີຈຸດສຸມ.
ກອງປະຊຸມຄັ້ງນີ້ໄດ້ຮັບການສະໜັບສະໜູນຊ່ວຍເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫຼື ສະເຕັບສ (STEPs) ໂດຍຜ່ານກອງເລຂາຄຸ້ມຄອງແຫຼ່ງທຶນຊ່ວຍເຫຼືອໃຫ້ແກ່ສະພາແຫ່ງຊາດ.
(ຂ່າວ-ພາບ: ນາງ ສຸພາວັນ ຫອມສະນິດ)
ທ່ານ ພູທອນ ວໍລະເພັດ ໄດ້ມີຄຳເຫັນກ່າວເປີດວ່າ: ກອງປະຊຸມຄັ້ງນີ້ເປັນຂັ້ນຕອນໜຶ່ງຕາມທີ່ກົດໝາຍວ່າດ້ວຍການສ້າງນິຕິກຳໄດ້ກຳນົດໄວ້ ເພື່ອກວດກາເນື້ອໃນລະອຽດ, ຮອບດ້ານ ກ່ອນນຳເຂົ້າພິຈາລະນາຮັບຮອງເອົາໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ IX.ເພື່ອຮັບປະກັນໃຫ້ກອງປະຊຸມໄດ້ຮັບຜົນສຳເລັດຕາມຈຸດປະສົງ ແລະ ເປົ້າໝາຍ ຮຽກຮ້ອງມາຍັງບັນດາທ່ານທີ່ເຂົ້າຮ່ວມຈົ່ງພ້ອມກັນຄົ້ນຄວ້າ ແລະປະກອບຄໍາເຫັນຢ່າງກົງໄປກົງມາ, ບັນຫາໃດທີ່ກອງປະຊຸມຍົກຂຶ້ນ ຊຶ່ງກ່ຽວຂ້ອງທາງດ້ານວິຊາການກໍໃຫ້ຄະນະຮັບຜິດຊອບປັບປຸງຮ່າງກົດໝາຍ ກໍຄືກະຊວງປ້ອງກັນຄວາມສະຫງົບ ເປັນເຈົ້າການອະທິບາຍ, ໃຫ້ຄວາມກະຈ່າງແຈ້ງຕື່ມ ແນໃສ່ເຮັດໃຫ້ເນື້ອໃນຂອງຮ່າງກົດໝາຍ ມີຄວາມຄົບຖ້ວນ ແລະ ສອດຄ່ອງກັບລັດຖະທຳມະນູນ, ກົດໝາຍອື່ນທີ່ປະກາດໃຊ້ແລ້ວ, ສົນທິສັນຍາ, ສັນຍາສາກົນທີ່ກ່ຽວຂ້ອງ. ພ້ອມກັນນີ້,ກໍສະເໜີໃຫ້ກອງປະຊຸມພິຈາລະນາຮ່າງກົດໝາຍຢ່າງຮອບດ້ານ ໂດຍສະເພາະເນື້ອໃນມາດຕາທີ່ໄດ້ປັບປຸງ; ບັນຫາທີ່ຜູ້ເຂົ້າຮ່ວມຍົກຂຶ້ນມາ ໃຫ້ພ້ອມກັນຄົ້ນຄວ້າ, ສົນທະນາຢ່າງກົງໄປກົງມາ;ບັນຫາໃດຕິດພັນດ້ານວິຊາການ ໃຫ້ຄະນະຮັບຜິດຊອບອະທິບາຍ, ໃຫ້ຄວາມກະຈ່າງແຈ້ງຕື່ມ; ບັນຫາໃດທີ່ມີຄຳເຫັນບໍ່ເປັນເອກະພາບກັນຈະໄດ້ນຳເຂົ້າລາຍງານຂໍຄຳເຫັນຢູ່ກອງປະຊຸມຄະນະປະຈຳສະພາແຫ່ງຊາດ ພິຈາລະນາ; ພາຍຫຼັງສຳເລັດກອງປະຊຸມ ມອບໃຫ້ກົມກົດໝາຍຂອງສະພາແຫ່ງຊາດ ກະກຽມບົດລາຍງານ ແລະ ບົດບັນທຶກລະອຽດ ເພື່ອລາຍງານຕໍ່ກອງປະຊຸມຄະນະປະຈຳສະພາແຫ່ງຊາດປະຈຳເດືອນເມສານີ້.
ໃນກອງປະຊຸມ, ໄດ້ຮັບຟັງການສະເໜີຫຍໍ້ກ່ຽວກັບເນື້ອໃນບາງມາດຕາທີ່ໄດ້ປັບປຸງ ຈາກທ່ານຮອງລັດຖະມົນຕີກະຊວງ ປກສ ແລະ ເນື້ອໃນກົດໝາຍວ່າດ້ວຍການສະກັດກັ້ນ ແລະ ຕ້ານອັກຄີໄພ (ສະບັບປັບປຸງ) ຈາກທ່ານຫົວໜ້າກົມກົດໝາຍ; ຈາກນັ້ນ, ບັນດາຜູ້ເຂົ້າຮ່ວມໄດ້ສຸມໃສ່ຄົ້ນຄວ້າ, ສົນທະນາແລກປ່ຽນ, ປະກອບຄຳຄິດຄຳເຫັນຢ່າງກົງໄປກົງມາ ແລະ ມີຈຸດສຸມ.
ກອງປະຊຸມຄັ້ງນີ້ໄດ້ຮັບການສະໜັບສະໜູນຊ່ວຍເຫຼືອທາງດ້ານງົບປະມານຈາກໂຄງການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຫຼື ສະເຕັບສ (STEPs) ໂດຍຜ່ານກອງເລຂາຄຸ້ມຄອງແຫຼ່ງທຶນຊ່ວຍເຫຼືອໃຫ້ແກ່ສະພາແຫ່ງຊາດ.
(ຂ່າວ-ພາບ: ນາງ ສຸພາວັນ ຫອມສະນິດ)
