ໃນຕອນເຊົ້າວັນທີ 6 ເມສາ ຜ່ານມາ ທີ່ເດີ່ນທາດຫຼວງ ນະຄອນ ຫຼວງພະບາງ ແຂວງຫຼວງພະບາງ ໄດ້ມີພິທີເປີດງານສັບປະດາແຫ່ງຊາດດ້ານຄວາມປອດໄພທາງຫຼວງໂດຍໃຫ້ກຽດເຂົ້າຮວ່ມຂອງທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ ປະທານຄະນະກໍາມະການແຫ່ງຊາດດ້ານຄວາມປອດໄພທາງຫຼວງ, ມີທ່ານ ງາມປະສົງ ເມືອງມະນີ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ຮອງປະທານຄະນະກໍາມະການແຫ່ງຊາດດ້ານຄວາມປອດໄພທາງຫຼວງ, ທ່ານ ຄໍາຂັນ ຈັນທະວີສຸກ ເຈົ້າແຂວງໆຫຼວງພະບາງ, ມີແຂກຖືກເຊີນຈາກສູນກາງ, ບັນດາແຂວງ ແລະ ມວນຊົນຊາວແຂວງຫຼວງພະບາງ ເຂົ້າຮ່ວມ.
ໃນພິທີ, ທ່ານ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ລາຍງານຫຍໍ້ ກ່ຽວກັບປະຫວັດຄວາມເປັນມາຂອງງານສັບປະດາຄວາມປອດໄພທາງຫຼວງ ຊຶ່ງອົງການສະຫະປະຊາຊາດເປັນຜູ້ລິເລີ່ມຈັດຄັ້ງທີ 1 ໃນປີ 2007 ຊຶ່ງໃນແຕ່ລະປີກໍມີຄຳຂວັນແຕກຕ່າງກັນ, ຍົກໃຫ້ເຫັນຄວາມເສຍຫາຍຈາກອຸປະຕິເຫດທາງຫຼວງ, ຖ້າຄິດໄລ່ມູນຄ່າເສຍຫາຍທາງດ້ານເສດຖະກິດແມ່ນເປັນຈໍານວນມະຫາສານ. ໃນທົ່ວໂລກປີໜຶ່ງສະເລ່ຍມີຜູ້ເສຍຊີວິດຈາກອຸປະຕິເຫດທາງຫຼວງ ປະມານ 1,3 ລ້ານຄົນ. ສໍາລັບ ສປປ ລາວ, ອີງຕາມ ກົດໝາຍວ່າດ້ວຍຈະລາຈອນທາງບົກ ສະບັບເລກທີ 23/ສພຊ, ລົງວັນທີ 12 ທັນວາ 2012, ມາດຕາ 78: ສັບປະດາແຫ່ງຊາດດ້ານຄວາມປອດໄພທາງຫຼວງໄດ້ກຳນົດເອົາສັບປະດາທຳອິດ ຂອງເດືອນເມສາ ເປັນມື້ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ. ສ່ວນຜູ້ເສຍຊີວິດ ສະເລ່ຍມີປະມານ 1.000 ຄົນຕໍ່ປີ. ສະນັ້ນ, ອົງການສະຫະປະຊາຊາດ ຈຶ່ງໄດ້ກຳນົດມາດຕະການປ້ອງກັນ ແລະ ແກ້ໄຂໂດຍປະກອບມີ 5 ເສົາຄ້ຳ ເປັນຕົ້ນ ໂຄງລ່າງຄົມມະນາຄົມ-ຂົນສົ່ງປອດໄພ; ພາຫະນະປອດໄພ, ຄົນໃຊ້ລົດ ໃຊ້ທາງຫຼວງປອດໄພ, ການກອບກູ້ຊີວິດຫຼັງເກີດອຸປະຕິເຫດ ແລະ ການຄຸ້ມຄອງຄວາມປອດໄພ ຄຽງຄູ່ກັບການໂຄສະນາເຜີຍແຜ່, ປູກຈິດສຳນຶກ, ການປະຕິບັດກົດໝາຍ ແລະ ລະບຽບກ່ຽວກັບການຈະລາຈອນຢ່າງຕໍ່ເນື່ອງ.
ໃນໂອກາດດຽວກັນ, ທ່ານຮອງນາຍົກລັດຖະມົນຕີ ໄດ້ກ່າວວ່າ: ການຈັດງານໃນຄັ້ງນີ້, ພາຍໃຕ້ຫົວຂໍ້ “ຂັບຂີ່ມີວິໄນ ມີນໍ້າໃຈໃຫ້ກຽດຄົນຍ່າງ” ເປັນເວທີທີ່ມີຄວາມໝາຍ ແລະ ສໍາຄັນ, ສະແດງເຖິງຄວາມເປັນຫ່ວງເປັນໄຍ, ຄວາມເອົາໃຈໃສ່ ແລະ ຄວາມຮັບຜິດຊອບຂອງລັດຖະບານກໍ່ຄືບັນດາແຂວງ ຕໍ່ວຽກງານຄວາມປອດໄພທາງຫຼວງ. ທັງເປັນການຈັດຕັ້ງປະຕິບັດກົດໝາຍວ່າດ້ວຍການຈະລາຈອນທາງບົກ, ຍຸດທະສາດແຫ່ງຊາດດ້ານຄວາມປອດໄພທາງຫຼວງ ແລະ ມະຕິຂອງອົງການສະຫະປະຊາຊາດ ກ່ຽວກັບການປັບປຸງຄວາມປອດໄພທາງຫຼວງໃນທົ່ວໂລກ (ປີ 2005) ແນໃສ່ເພື່ອໂຄສະນາ, ສ້າງສະຕິ ແລະ ປູກຈິດສໍານຶກໃຫ້ປະຊາຊົນທຸກຊັ້ນຄົນທົ່ວສັງຄົມ ເຫັນໄດ້ໄພອັນຕະລາຍຂອງການລະເມີດກົດຈະລາຈອນເປັນຕົ້ນ ການຂັບຂີ່ລົດໄວ, ການດື່ມສິ່ງມຶນເມົາແລ້ວຂັບ ຊຶ່ງເປັນສາເຫດສ່ວນໃຫຍ່ໃນການເກີດອຸປະຕິເຫດ ທີ່ໄດ້ສົ່ງຜົນກະທົບ ແລະ ຜົນສະທ້ອນຂອງການເກີດອຸປະຕິເຫດຕໍ່ການດໍາລົງຊີວິດຂອງສັງຄົມ, ຕໍ່ເສດຖະກິດ ແລະ ການພັດທະນາຂອງຊາດ. ພ້ອມນັ້ນ, ທ່ານ ຍັງໄດ້ຮຽກຮ້ອງມາຍັງທຸກພາກສ່ວນ, ທຸກຂະແໜງການ ແລະ ທົ່ວສັງຄົມ ຈົ່ງໄດ້ພ້ອມກັນຮ່ວມແຮງຮ່ວມໃຈປະຕິບັດກົດຈະລາຈອນຢ່າງເຂັ້ມງວດ ແລະ ໂຄສະນາປູກຈິດສໍານຶກກ່ຽວກັບວຽກງານຄວາມປອດໄພທາງຫຼວງໃຫ້ທົ່ວສັງຄົມຮັບຮູ້ ເພື່ອຈໍາກັດ, ຫຼຸດຜ່ອນອຸປະຕິເຫດທາງຫຼວງ; ເພື່ອປົກປ້ອງຊີວິດ ແລະ ຊັບສິນຂອງປະຊາຊົນ ກໍຄືການປົກປ້ອງສຸຂະພາບ ແລະ ສະຫວັດດີການສັງຄົມ. ຫຼັງຈາກນັ້ນ, ທ່ານ ຮອງນາຍົກລັດຖະມົນຕີ ກໍໄດ້ກ່າວເປີດພິທີຍ່າງເພື່ອສຸຂະພາບ ຢ່າງເປັນທາງການ ແລະ ຢ້ຽມຊົມການວາງສະແດງສິນຄ້າ ແລະ ຜະລິດຕະພັນ ທີ່ຕິດພັນກັບຄວາມປອດໄພທາງຫຼວງ ແລະ ກິດຈະກໍາເທີງເວທີ ເປັນຕົ້ນ ລະຄອນເວທີ, ໂຕ້ວາທີ, ຖາມ-ຕອບ ແລະ ອື່ນໆ.
(ຂ່າວ ແລະ ພາບ: ກົມປະຊາສຳພັນ ຫສນຍ).
ໃນພິທີ, ທ່ານ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ໄດ້ລາຍງານຫຍໍ້ ກ່ຽວກັບປະຫວັດຄວາມເປັນມາຂອງງານສັບປະດາຄວາມປອດໄພທາງຫຼວງ ຊຶ່ງອົງການສະຫະປະຊາຊາດເປັນຜູ້ລິເລີ່ມຈັດຄັ້ງທີ 1 ໃນປີ 2007 ຊຶ່ງໃນແຕ່ລະປີກໍມີຄຳຂວັນແຕກຕ່າງກັນ, ຍົກໃຫ້ເຫັນຄວາມເສຍຫາຍຈາກອຸປະຕິເຫດທາງຫຼວງ, ຖ້າຄິດໄລ່ມູນຄ່າເສຍຫາຍທາງດ້ານເສດຖະກິດແມ່ນເປັນຈໍານວນມະຫາສານ. ໃນທົ່ວໂລກປີໜຶ່ງສະເລ່ຍມີຜູ້ເສຍຊີວິດຈາກອຸປະຕິເຫດທາງຫຼວງ ປະມານ 1,3 ລ້ານຄົນ. ສໍາລັບ ສປປ ລາວ, ອີງຕາມ ກົດໝາຍວ່າດ້ວຍຈະລາຈອນທາງບົກ ສະບັບເລກທີ 23/ສພຊ, ລົງວັນທີ 12 ທັນວາ 2012, ມາດຕາ 78: ສັບປະດາແຫ່ງຊາດດ້ານຄວາມປອດໄພທາງຫຼວງໄດ້ກຳນົດເອົາສັບປະດາທຳອິດ ຂອງເດືອນເມສາ ເປັນມື້ຈັດງານສັບປະດາແຫ່ງຊາດ ດ້ານຄວາມປອດໄພທາງຫຼວງ. ສ່ວນຜູ້ເສຍຊີວິດ ສະເລ່ຍມີປະມານ 1.000 ຄົນຕໍ່ປີ. ສະນັ້ນ, ອົງການສະຫະປະຊາຊາດ ຈຶ່ງໄດ້ກຳນົດມາດຕະການປ້ອງກັນ ແລະ ແກ້ໄຂໂດຍປະກອບມີ 5 ເສົາຄ້ຳ ເປັນຕົ້ນ ໂຄງລ່າງຄົມມະນາຄົມ-ຂົນສົ່ງປອດໄພ; ພາຫະນະປອດໄພ, ຄົນໃຊ້ລົດ ໃຊ້ທາງຫຼວງປອດໄພ, ການກອບກູ້ຊີວິດຫຼັງເກີດອຸປະຕິເຫດ ແລະ ການຄຸ້ມຄອງຄວາມປອດໄພ ຄຽງຄູ່ກັບການໂຄສະນາເຜີຍແຜ່, ປູກຈິດສຳນຶກ, ການປະຕິບັດກົດໝາຍ ແລະ ລະບຽບກ່ຽວກັບການຈະລາຈອນຢ່າງຕໍ່ເນື່ອງ.
ໃນໂອກາດດຽວກັນ, ທ່ານຮອງນາຍົກລັດຖະມົນຕີ ໄດ້ກ່າວວ່າ: ການຈັດງານໃນຄັ້ງນີ້, ພາຍໃຕ້ຫົວຂໍ້ “ຂັບຂີ່ມີວິໄນ ມີນໍ້າໃຈໃຫ້ກຽດຄົນຍ່າງ” ເປັນເວທີທີ່ມີຄວາມໝາຍ ແລະ ສໍາຄັນ, ສະແດງເຖິງຄວາມເປັນຫ່ວງເປັນໄຍ, ຄວາມເອົາໃຈໃສ່ ແລະ ຄວາມຮັບຜິດຊອບຂອງລັດຖະບານກໍ່ຄືບັນດາແຂວງ ຕໍ່ວຽກງານຄວາມປອດໄພທາງຫຼວງ. ທັງເປັນການຈັດຕັ້ງປະຕິບັດກົດໝາຍວ່າດ້ວຍການຈະລາຈອນທາງບົກ, ຍຸດທະສາດແຫ່ງຊາດດ້ານຄວາມປອດໄພທາງຫຼວງ ແລະ ມະຕິຂອງອົງການສະຫະປະຊາຊາດ ກ່ຽວກັບການປັບປຸງຄວາມປອດໄພທາງຫຼວງໃນທົ່ວໂລກ (ປີ 2005) ແນໃສ່ເພື່ອໂຄສະນາ, ສ້າງສະຕິ ແລະ ປູກຈິດສໍານຶກໃຫ້ປະຊາຊົນທຸກຊັ້ນຄົນທົ່ວສັງຄົມ ເຫັນໄດ້ໄພອັນຕະລາຍຂອງການລະເມີດກົດຈະລາຈອນເປັນຕົ້ນ ການຂັບຂີ່ລົດໄວ, ການດື່ມສິ່ງມຶນເມົາແລ້ວຂັບ ຊຶ່ງເປັນສາເຫດສ່ວນໃຫຍ່ໃນການເກີດອຸປະຕິເຫດ ທີ່ໄດ້ສົ່ງຜົນກະທົບ ແລະ ຜົນສະທ້ອນຂອງການເກີດອຸປະຕິເຫດຕໍ່ການດໍາລົງຊີວິດຂອງສັງຄົມ, ຕໍ່ເສດຖະກິດ ແລະ ການພັດທະນາຂອງຊາດ. ພ້ອມນັ້ນ, ທ່ານ ຍັງໄດ້ຮຽກຮ້ອງມາຍັງທຸກພາກສ່ວນ, ທຸກຂະແໜງການ ແລະ ທົ່ວສັງຄົມ ຈົ່ງໄດ້ພ້ອມກັນຮ່ວມແຮງຮ່ວມໃຈປະຕິບັດກົດຈະລາຈອນຢ່າງເຂັ້ມງວດ ແລະ ໂຄສະນາປູກຈິດສໍານຶກກ່ຽວກັບວຽກງານຄວາມປອດໄພທາງຫຼວງໃຫ້ທົ່ວສັງຄົມຮັບຮູ້ ເພື່ອຈໍາກັດ, ຫຼຸດຜ່ອນອຸປະຕິເຫດທາງຫຼວງ; ເພື່ອປົກປ້ອງຊີວິດ ແລະ ຊັບສິນຂອງປະຊາຊົນ ກໍຄືການປົກປ້ອງສຸຂະພາບ ແລະ ສະຫວັດດີການສັງຄົມ. ຫຼັງຈາກນັ້ນ, ທ່ານ ຮອງນາຍົກລັດຖະມົນຕີ ກໍໄດ້ກ່າວເປີດພິທີຍ່າງເພື່ອສຸຂະພາບ ຢ່າງເປັນທາງການ ແລະ ຢ້ຽມຊົມການວາງສະແດງສິນຄ້າ ແລະ ຜະລິດຕະພັນ ທີ່ຕິດພັນກັບຄວາມປອດໄພທາງຫຼວງ ແລະ ກິດຈະກໍາເທີງເວທີ ເປັນຕົ້ນ ລະຄອນເວທີ, ໂຕ້ວາທີ, ຖາມ-ຕອບ ແລະ ອື່ນໆ.
(ຂ່າວ ແລະ ພາບ: ກົມປະຊາສຳພັນ ຫສນຍ).
