ສພຊ - ທ່ານ ພົທ. ສຸວອນ ເລືອງບຸນມີ ຮອງປະທານສະພາແຫ່ງຊາດ ພ້ອມດ້ວຍຄະນະຈາກສະພາແຫ່ງຊາດ(ສພຊ) ໄດ້ສືບຕໍ່ເຄື່ອນໄຫວຕິດຕາມກວດກາ, ຊຸກຍູ້ການພັດທະນາຊົນນະບົດ ແລະ ແກ້ໄຂຄວາມທຸກຍາກເຂດພື້ນຖານການປະຕິວັດຢູ່ເມືອງກວັນ ແຂວງຫົວພັນ ໃນລະຫວ່າງວັນທີ 6-8 ເມສາຜ່ານມາ ໂດຍມີທ່ານ ສົມສັກ ດອນຈານິດ ຮອງປະທານສະພາປະຊາຊົນແຂວງ ພ້ອມຄະນະ ເຂົ້າຮ່ວມຕິດຕາມ.
ໃນການເຄື່ອນໄຫວຄັ້ງນີ້, ທ່ານຮອງປະທານ ສພຊ ໄດ້ຢ້ຽມຢາມ ແລະ ເຮັດວຽກກັບບໍລິສັດໂກເອໂກ ຊຶ່ງເປັນໜຶ່ງໃນບັນດາບໍລິສັດຜູ້ດຳເນີນໂຄງການພັດທະນາຈຸດສຸມກຸ່ມບ້ານຜາແດງ, ພົບປະປະຊາຊົນຢູ່ບັນດາບ້ານຈຸດສຸມພັດທະນາຄື: ຜາແດງ ແລະ ປຸ່ງຫວາຍ ເພື່ອຮັບຟັງການລາຍງານໂດຍຫຍໍ້ຈາກອຳນາດການປົກຄອງບ້ານ, ຮັບຟັງຄິດຄຳເຫັນ ແລະ ຄຳສະເໜີຂອງປະຊາຊົນທັງໃຫ້ທິດຊີ້ນໍາຕໍ່ອຳນາດການປົກຄອງບ້ານ, ໃຫ້ກຳລັງໃຈ ແລະ ສະແດງຄວາມຊົມເຊີຍຕໍ່ນ້ຳໃຈຮັກເຊື້ອແພງຊາດຂອງປະຊາຊົນ 2 ບ້ານໃນໄລຍະຕໍ່ສູ້ກູ້ຊາດ ກໍຄືນໍ້າໃຈເສຍສະຫຼະພື້ນທີ່ທໍາການຜະລິດ ແລະ ອື່ນໆເພື່ອອຳນວຍຄວາມສະດວກໃຫ້ການພັດທະນາບ້ານເມືອງໃນປັດຈຸບັນ.
ທ່ານ ພົທ. ສຸວອນ ເລືອງບຸນມີ ຍັງໄດ້ເປັນປະທານກອງປະຊຸມຊຸກຍູ້ວຽກງານຊົນນະບົດ ແລະ ແກ້ໄຂຄວາມທຸກຍາກ ທີ່ສະໂມສອນເມືອງກວັນ ຊຶ່ງໄດ້ຮັບຟັງການລາຍງານສະພາບລວມການພັດທະນາເສດຖະກິດ-ສັງຄົມຂອງເມືອງ ຈາກທ່ານເຈົ້າເມືອງ ແລະ ການຈັດຕັ້ງປະຕິບັດບັນດາໂຄງການຢູ່ເຂດພື້ນຖານການປະຕິວັດຢູ່ກຸ່ມບ້ານຜາແດງ ຈາກທ່ານພັຕ. ຄໍາແຄງ ທໍາມະວົງສາ ຫົວໜ້າການເມືອງກອງບັນຊາການທະຫານເມືອງກວັນ ໂດຍໄດ້ຍົກໃຫ້ເຫັັນຂໍ້ສະດວກ ແລະ ຂໍ້ຫຍຸ້ງຍາກຂອງການພັດທະນາເສດຖະກິດ-ສັງຄົມຂອງເມືອງໃນໄລຍະຜ່ານມາ ທັງຍົກໃຫ້ເຫັນການຈັດຕັ້ງປະຕິບັດໂຄງການ ແລະ ກິດຈະການໜ້າວຽກຂອງບໍລິສັດ ຊຶ່ງກຸ່ມບ້ານຜາແດງປະກອບມີ 10 ບ້ານ ເປັນກຸ່ມບ້ານທີ່ມີຊາຍແດນຕິດຈອດກັບ ສສ. ຫວຽດນາມ ມີຄວາມຍາວ 30 ກວ່າກິໂລແມັດ ກວມເອົາ 13 ຫຼັກໝາຍຊາຍແດນ ປະຊາຊົນມີອາຊີບຕົ້ນຕໍຖາງໄຮ່ເລື່ອນລອຍ, ລ້ຽງສັດໃຫຍ່, ເນື້ອທີ່ນາມີຈຳກັດ ສະເລ່ຍອັດຕາຄວາມທຸກຍາກ 90% ຂອງພົນລະເມືອງ. ໂຄງການພັດທະນາກຸ່ມບ້ານຜາແດງ ແມ່ນໂຄງການຮ່ວມມືລະຫວ່າງລັດຖະບານ ລາວ-ຫວຽດນາມ ໂດຍມີ 3 ບໍລິສັດເປັນຜູ້ດຳເນີນໂຄງການ ຊຶ່ງຝ່າຍລາວແມ່ນບໍລິສັດ ສະຫວັນໄຊ ກໍ່ສ້າງ, ຝ່າຍຫວຽດນາມ ມີ 2 ບໍລິສັດຄື: ບໍລິສັດ ໂກເອໂກ ລາວ ຈຳກັດຜູ້ດຽວ ແລະ ບໍລິສັດ ພັດທະນາພູດອຍ ຂຶ້ນກັບບໍລິສັດແມ່ໂກເອໂກ, ສຳລັບກິດຈະການຂອງໂຄງການປະກອບມີສ້າງພື້ນຖານໂຄງລ່າງ ເປັນຕົ້ນແມ່ນເສັ້ນທາງປູແຮ່ເຂົ້າແຕ່ລະບ້ານ, ໂຮງຮຽນ, ປ້ອມກວດກາຊາຍແດນ, ນ້ຳລິນ, ສ້າງຕັ້ງໂຮງງານຜະລິດເສັ້ນລ້ອນມັນສາຄູ ແລະ ອື່ນໆ.
ໂອກາດດຽວກັນນີ້, ທ່ານຮອງປະທານ ສພຊ ຍັງໄດ້ມອບເຄື່ອງຊ່ວຍເຫຼືອຈຳນວນໜຶ່ງໃຫ້ປະຊາຊົນຂອງ 2 ບ້ານທີ່ໄດ້ເຄື່ອນໄຫວພົບປະ ຊຶ່ງປະກອບມີ ໝີ່, ເກືອ, ແປ້ງນົວ ແລະ ປາກະປ໋ອງ ລວມມູນຄ່າ 2 ລ້ານກວ່າກີບ. (ພາບ-ຂ່າວ: ນາງ ປາກາລັກ ພົມມີໄຊ)
ໃນການເຄື່ອນໄຫວຄັ້ງນີ້, ທ່ານຮອງປະທານ ສພຊ ໄດ້ຢ້ຽມຢາມ ແລະ ເຮັດວຽກກັບບໍລິສັດໂກເອໂກ ຊຶ່ງເປັນໜຶ່ງໃນບັນດາບໍລິສັດຜູ້ດຳເນີນໂຄງການພັດທະນາຈຸດສຸມກຸ່ມບ້ານຜາແດງ, ພົບປະປະຊາຊົນຢູ່ບັນດາບ້ານຈຸດສຸມພັດທະນາຄື: ຜາແດງ ແລະ ປຸ່ງຫວາຍ ເພື່ອຮັບຟັງການລາຍງານໂດຍຫຍໍ້ຈາກອຳນາດການປົກຄອງບ້ານ, ຮັບຟັງຄິດຄຳເຫັນ ແລະ ຄຳສະເໜີຂອງປະຊາຊົນທັງໃຫ້ທິດຊີ້ນໍາຕໍ່ອຳນາດການປົກຄອງບ້ານ, ໃຫ້ກຳລັງໃຈ ແລະ ສະແດງຄວາມຊົມເຊີຍຕໍ່ນ້ຳໃຈຮັກເຊື້ອແພງຊາດຂອງປະຊາຊົນ 2 ບ້ານໃນໄລຍະຕໍ່ສູ້ກູ້ຊາດ ກໍຄືນໍ້າໃຈເສຍສະຫຼະພື້ນທີ່ທໍາການຜະລິດ ແລະ ອື່ນໆເພື່ອອຳນວຍຄວາມສະດວກໃຫ້ການພັດທະນາບ້ານເມືອງໃນປັດຈຸບັນ.
ທ່ານ ພົທ. ສຸວອນ ເລືອງບຸນມີ ຍັງໄດ້ເປັນປະທານກອງປະຊຸມຊຸກຍູ້ວຽກງານຊົນນະບົດ ແລະ ແກ້ໄຂຄວາມທຸກຍາກ ທີ່ສະໂມສອນເມືອງກວັນ ຊຶ່ງໄດ້ຮັບຟັງການລາຍງານສະພາບລວມການພັດທະນາເສດຖະກິດ-ສັງຄົມຂອງເມືອງ ຈາກທ່ານເຈົ້າເມືອງ ແລະ ການຈັດຕັ້ງປະຕິບັດບັນດາໂຄງການຢູ່ເຂດພື້ນຖານການປະຕິວັດຢູ່ກຸ່ມບ້ານຜາແດງ ຈາກທ່ານພັຕ. ຄໍາແຄງ ທໍາມະວົງສາ ຫົວໜ້າການເມືອງກອງບັນຊາການທະຫານເມືອງກວັນ ໂດຍໄດ້ຍົກໃຫ້ເຫັັນຂໍ້ສະດວກ ແລະ ຂໍ້ຫຍຸ້ງຍາກຂອງການພັດທະນາເສດຖະກິດ-ສັງຄົມຂອງເມືອງໃນໄລຍະຜ່ານມາ ທັງຍົກໃຫ້ເຫັນການຈັດຕັ້ງປະຕິບັດໂຄງການ ແລະ ກິດຈະການໜ້າວຽກຂອງບໍລິສັດ ຊຶ່ງກຸ່ມບ້ານຜາແດງປະກອບມີ 10 ບ້ານ ເປັນກຸ່ມບ້ານທີ່ມີຊາຍແດນຕິດຈອດກັບ ສສ. ຫວຽດນາມ ມີຄວາມຍາວ 30 ກວ່າກິໂລແມັດ ກວມເອົາ 13 ຫຼັກໝາຍຊາຍແດນ ປະຊາຊົນມີອາຊີບຕົ້ນຕໍຖາງໄຮ່ເລື່ອນລອຍ, ລ້ຽງສັດໃຫຍ່, ເນື້ອທີ່ນາມີຈຳກັດ ສະເລ່ຍອັດຕາຄວາມທຸກຍາກ 90% ຂອງພົນລະເມືອງ. ໂຄງການພັດທະນາກຸ່ມບ້ານຜາແດງ ແມ່ນໂຄງການຮ່ວມມືລະຫວ່າງລັດຖະບານ ລາວ-ຫວຽດນາມ ໂດຍມີ 3 ບໍລິສັດເປັນຜູ້ດຳເນີນໂຄງການ ຊຶ່ງຝ່າຍລາວແມ່ນບໍລິສັດ ສະຫວັນໄຊ ກໍ່ສ້າງ, ຝ່າຍຫວຽດນາມ ມີ 2 ບໍລິສັດຄື: ບໍລິສັດ ໂກເອໂກ ລາວ ຈຳກັດຜູ້ດຽວ ແລະ ບໍລິສັດ ພັດທະນາພູດອຍ ຂຶ້ນກັບບໍລິສັດແມ່ໂກເອໂກ, ສຳລັບກິດຈະການຂອງໂຄງການປະກອບມີສ້າງພື້ນຖານໂຄງລ່າງ ເປັນຕົ້ນແມ່ນເສັ້ນທາງປູແຮ່ເຂົ້າແຕ່ລະບ້ານ, ໂຮງຮຽນ, ປ້ອມກວດກາຊາຍແດນ, ນ້ຳລິນ, ສ້າງຕັ້ງໂຮງງານຜະລິດເສັ້ນລ້ອນມັນສາຄູ ແລະ ອື່ນໆ.
ໂອກາດດຽວກັນນີ້, ທ່ານຮອງປະທານ ສພຊ ຍັງໄດ້ມອບເຄື່ອງຊ່ວຍເຫຼືອຈຳນວນໜຶ່ງໃຫ້ປະຊາຊົນຂອງ 2 ບ້ານທີ່ໄດ້ເຄື່ອນໄຫວພົບປະ ຊຶ່ງປະກອບມີ ໝີ່, ເກືອ, ແປ້ງນົວ ແລະ ປາກະປ໋ອງ ລວມມູນຄ່າ 2 ລ້ານກວ່າກີບ. (ພາບ-ຂ່າວ: ນາງ ປາກາລັກ ພົມມີໄຊ)
