ຂ່າວສານຊີອາໄອລາຍງານ ໃນວັນທີ 8 ເມສາ ຜ່ານມາວ່າ: ຫ້ອງການຄົ້ນຄວ້າເສດຖະກິດມະຫາພາກອາຊຽນ ກັບ ຈີນ, ຍີ່ປຸ່ນ ແລະ ສເກົາຫຼີຫຼື AMRO ໄດ້ເປີດເຜີຍບົດລາຍງານ “ການສັງເກດເບິ່ງເສດຖະກິດພາກພື້ນອາຊຽນ ກັບ ຈີນ ຍີ່ປຸ່ນ ແລະ ສເກົາຫຼີ ປີ 2024” ທີ່ສິງກະໂປ. ບົດລາຍງານເປີດເຜີຍວ່າ: ການເຕີບໂຕດ້ານເສດຖະກິດພາກພື້ນອາຊຽນກັບຈີນ, ຍີ່ປຸ່ນ ແລະ ສເກົາຫຼີຈະເພີ່ມຈາກ 4,3% ໃນປີ 2023 ຂຶ້ນເປັນ 4,5% ໃນປີ 2024, ຄາດວ່າຈັງຫວະເຕີບໂຕຂອງເສດຖະກິດໃນປີ 2025 ຈະຢູ່ໃນລະດັບ 4,2%. ຈັງຫວະການເຕີບໂຕດ້ານເສດຖະກິດຂອງຈີນຈະເພີ່ມຈາກ 5,2% ໃນປີ 2023 ຂຶ້ນເປັນ 5,3% ໃນປີ 2024, ຄາດວ່າຈັງຫວະເຕີບໂຕຂອງເສດຖະກິດຈີນໃນປີ 2025 ຢູ່ໃນລະດັບ 4,9%.
    ໃນບົດລາຍງານຄາດວ່າ, ປີ 2024, ສາມປະເທດທີ່ມີຈັງຫວະເສດຖະກິດເຕີບໂຕໄວທີ່ສຸດໃນພາກພື້ນອາຊຽນ ກັບ ຈີນ, ຍີ່ປຸ່ນ ແລະ ສເກົາຫຼີໄດ້ແກ່ຟີລິບປີນ, ກຳປູເຈຍ ແລະ ຫວຽດນາມ, ໃນນັ້ນເສດຖະກິດຂອງຟີລິບປີນຈະເຕີບໂຕ 6,3%, ກຳປູເຈຍຈະເຕີບໂຕ 6,2%, ສ່ວນຫວຽດນາມຈະເຕີບໂຕ 6,0%.