ຂ່າວສານຊີອາໄອລາຍງານເມື່ອບໍ່ດົນມານີ້, ສູນຄົ້ນຄວ້າກະສິກອນໄທເຜີຍແຜ່ບົດລາຍງານໃຫ້ຮູ້ວ່າ: ຄາດວ່ານັກທ່ອງທ່ຽວຕ່າງປະເທດທີ່ມາທ່ຽວປະເທດໄທຈະບັນລຸເຖິງ 36 ລ້ານເທື່ອຄົນໃນປີ 2024, ເທົ່າກັບ 90% ຂອງຈຳນວນນັກທ່ອງທ່ຽວທີ່ເຂົ້າປະເທດໄທກ່ອນຍັງບໍ່ທັນເກີດການແຜ່ລະບາດຂອງພະຍາດໂຄວິດ-19.
ສູນຄົ້ນຄວ້າກະສິກອນໄທຍັງໄດ້ແຈ້ງໃຫ້ຮູ້ອີກວ່າ: ໃນໄຕມາດທີໜຶ່ງຂອງປີນີ້, ນັກທ່ອງທ່ຽວຕ່າງປະເທດທີ່ມາທ່ຽວປະເທດໄທໄດ້ບັນລຸເຖິງ 9,37 ລ້ານເທື່ອຄົນ, ເພີ່ມຂຶ້ນ 44% ເມື່ອທຽບໃສ່ໄລຍະດຽວກັນຂອງປີ 2023; ປີນີ້, ນັກທ່ອງທ່ຽວຈາກຈີນ, ມາເລເຊຍ, ສເກົາຫຼີ, ອິນເດຍ, ຣັດເຊຍ ຊຶ່ງເປັນແຫຼ່ງຕະຫຼາດນັກທ່ອງທ່ຽວທີ່ສຳຄັນລວມທັງອິນໂດເນເຊຍ ແລະ ປະເທດເອີຣົບໄດ້ເພີ່ມຂຶ້ນເປັນຢ່າງດີ. ສະນັ້ນ, ສູນຄົ້ນຄວ້າດັ່ງກ່າວຈຶ່ງຄາດຄະເນວ່ານັກທ່ອງທ່ຽວຕ່າງປະເທດທີ່ມາທ່ຽວປະເທດໄທໃນປີ 2024 ຈະບັນລຸເຖິງ 36 ລ້ານເທື່ອຄົນ, ເທົ່າກັບ 90% ຂອງຈຳນວນນັກທ່ອງທ່ຽວທີ່ເຂົ້າມາປະເທດໄທໃນປີ  2019 ກ່ອນຍັງບໍ່ທັນເກີດການແຜ່ລະບາດຂອງພະຍາດໂຄວິດ-19.