ທ່ານ ພັອ ຄໍາສອນ ສີດາວົງ ຄະນະກົມຕໍາຫຼວດຈະລາຈອນ ຮອງກົມຕໍາຫຼວດຈະລາຈອນ ກົມໃຫຍ່ຕໍາຫຼວດ ກະຊວງປ້ອງກັນຄວາມສະຫງົບ (ປກສ) ໄດ້ຖະແຫຼງຂ່າວກ່ຽວກັບການກຽມຄວາມພ້ອມວຽກງານປ້ອງກັນ, ສະກັດກັ້ນອຸບັດເຫດຈະລາຈອນທາງບົກໃນໄລຍະການສະເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ລາວ ພ.ສ 2567 ຂຶ້ນໃນວັນທີ 9 ເມສານີ້ ທີ່ກົມຕໍາຫຼວດຈະລາຈອນ.
ທ່ານ ພັອ ຄໍາສອນ ສີດາວົງ ກ່າວວ່າ: ປີໃໝ່ລາວປີນີ້ ກົມຕໍາຫຼວດຈະລາຈອນປະຕິບັດຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງປ້ອງກັນຄວາມສະຫງົບ ສະບັບເລກທີ 189/ປກສ, ລົງວັນທີ 15 ກຸມພາ 2009 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມຕໍາຫຼວດຈະລາຈອນ ໂດຍສະເພາະປະຕິບັດຕາມພາລະບົດໜ້າທີ່ຂອງຕົນຕໍ່ສັງຄົມ. ເພື່ອເຮັດໃຫ້ການເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ລາວ ພສ 2567 ໃຫ້ມີຄວາມສະຫງົບ, ມີຄວາມປອດໄພ, ມີບັນຍາກາດເບີກບານມ່ວນຊື່ນ ແລະ ປາສະຈາກຜົນເສຍຫາຍທາງສຸຂະພາບ, ຊີວິດ ແລະ ຊັບສິນທີ່ເກີດຈາກອຸບັດເຫດຈະລາຈອນທາງບົກ, ກົມຕໍາຫຼວດຈະລາຈອນຈຶ່ງໄດ້ອອກແຈ້ງການເຖິງປະຊາຊົນ, ພະນັກງານ, ທະຫານ, ຕໍາຫຼວດ ແລະ ຜູ້ໃຊ້ລົດ-ໃຊ້ຖະໜົນກ່ຽວກັບການປ້ອງກັນສະກັດກັ້ນອຸບັດເຫດຈະລາຈອນໃນຊ່ວງໄລຍະການສະຫຼອງບຸນປີໃໝ່ລາວ ພສ 2567 ມີດັ່ງນີ້:
1. ຜູ້ຂັບຂີ່ລົດຕ້ອງເຄົາລົບ ແລະ ປະຕິບັດຕາມກົດຈະລາຈອນທາງບົກຢ່າງເຂັ້ມງວດ, ຖືເອກະສານລົດເມື່ອມີການກວດກາຂອງເຈົ້າໜ້າທີ່.
2. ຂັບຂີ່ລົດຈັກຕ້ອງໃສ່ໝວກກັນກະທົບທັງຜູ້ຂັບ ແລະ ຜູ້ຊ້ອນທ້າຍ ( ຖ້າຫາກລະເມີດຈະຖຶກສຶກສາອົບຮົມ, ກັກລົດໄວ້ ແລະ ປັບໄໝຕາມລະບຽບການ )ເພື່ອຄວາມປອດໄພຂອງຜູ້ຂັບຂີ່.
3. ຂັບຂີ່ລົດໃຫຍ່ຕ້ອງຮັດສາຍແອວນິລະໄພເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.
4. ກ່ອນຈະນຳໃຊ້ຍານພາຫະນະຕ້ອງກວດສະພາບເຕັກນິກ, ຄວາມພ້ອມຂອງຍານພາຫະນະໃຫ້ມີຄວາມຮັບປະກັນເປັນຢ່າງດີ.
5. ລົດຂົນສົ່ງໂດຍສານທາງໄກຕ້ອງມີໂຊເຟີສຳຮອງທຸກຄັ້ງເວລາເດີນທາງ ແລະ ປະຕິບັດລະບຽບກົດໝາຍກ່ຽວກັບການຂົນສົ່ງທາງບົກຢ່າງເຂັ້ມງວດ.
6. ສະເພາະເສັ້ນທາງດ່ວນນະຄອນຫຼວງວຽງຈັນ-ວັງວຽງ, ສໍາລັບລົດເກັງ, ກະບະ, ລົດຈິບປະເພດລົດເບົາການໃຊ້ຄວາມໄວສູງສຸດບໍ່ໃຫ້ເກີນ 120 km/ຊົ່ວໂມງ ແລະ ຄວາມໄວຕໍ່າສຸດບໍ່ໃຫ້ຫຼຸດ 80 km/ຊົ່ວໂມງ, ລົດບັນທຸກ, ລົດຂົນ ສົ່ງໂດຍສານ ແລະ ຂົນສົ່ງສິນຄ້າຄວາມໄວ້ສຸງສຸດບໍ່ໃຫ້ເກີນ 70-90 km/ຊົ່ວໂມງ, ເຂົ້າທາງອຸໂມງຄວາມໄວສຸງສຸດ 80 km/ຊົ່ວໂມງ( ເຈົ້າໜ້າທີ່ຕໍາຫຼວດຈະໄດ້ຈັບຄວາມໄວ ).
7. ຫ້າມຜູ້ຂັບຂີ່ດື່ມສິ່ງມືນເມົາ ( ເມົາຫ້າມຂັບຂີ່ລົດ ) ຢ່າງເດັດຂາດ, ຖ້າຫາກກວດກາພົບເຫັນເຈົ້າໜ້າທີ່ຕໍາຫຼວດຈະລາຈອນຈະໄດ້ກັກຜູ້ຂັບຂີ່ໄວ້ເພື່ອສຶກສາອົບຮົມ, ຊ່ວງເມົາແລ້ວຈຶ່ງອະນຸຍາດໃຫ້ໄປ ຫຼືໃຫ້ຍາດພີ່ນ້ອງ, ໝູ່ຄູ່ມາຮັບເອົາ ເພື່ອຮັບປະກັນຄວາມປອດໄພ ພ້ອມດໍາເນີນຕາມຂັ້ນຕອນຂອງລະບຽບກົດໝາຍໃນເວລາຕໍ່ໄປ.
8. ຫ້າມຂັບຂີ່ຍານພາຫະນະເກີນຄວາມໄວທີ່ກົດໝາຍລະບຽບການ ແລະ ປ້າຍສັນຍານຈະລາຈອນກໍານົດໄວ້, ຫ້າມໃຊ້ໂທລະສັບໃນເວລາຂັບຂີ່.
9. ຫ້າມຂີ່ລົດຈັກເປັນພຶງເປັນແພກີດຂວາງການສັນຈອນຕາມເສັ້ນທາງຢ່າງເດັດຂາດ, (ບໍ່ໄປຕາມຊ່ອງຈະລາຈອນ ຂອງລົດຈັກ).
10. ຫ້າມຜູ້ໂດຍສານນັ່ງຂອບກະບະລົດ ຫຼືນັ່ງຝາທ້າຍລົດໃນເວລາລົດກໍາລັງສັນຈອນຢ່າງເດັດຂາດ.
11. ຫ້າມນຳໃຊ້ລົດຂົນສົ່ງໂດຍສານບັນທຸກສິນຄ້າ ແລະ ບັນທຸກຄົນໂດຍສານເກີນຈໍານວນ ແລະ ຊ່ວງຊີງເອົາຄົນໂດຍສານຢ່າງເດັດຂາດ.
12. ຫ້າມຜູ້ປົກຄອງປະປ່ອຍໃຫ້ເດັກນ້ອຍທີ່ອາຍຸບໍ່ເຖິງກະສຽນຂັບຂີ່ຍານພາຫະນະຢ່າງເດັດຂາດ.
13. ຫ້າມຈອດລົດໃນເສັ້ນທາງດ່ວນຢ່າງເດັດຂາດ (ຍົກເວັ້ນກໍລະນີຍານພາຫະນະເປ່ເພ່).
14. ຖ້າບຸກຄົນໃດຫາກລະເມີດຕໍ່ບັນດາຂໍ້ຫ້າມ ດໍາລັດວ່າດ້ວຍກົດຈະລາຈອນທາງບົກຈະຖຶກສຶກສາອົບຮົມ ແລະ ປັບໃໝຕາມລະບຽບກົດໝາຍກໍານົດໄວ້ຢ່າງເຂັ້ມງວດ.
ກົມຕໍາຫຼວດຈະລາຈອນຮ່ວມກັບພະແນກຕໍາຫຼວດຈະລາຈອນແຂວງ, ນະຄອນຫຼວງວຽງຈັນໃນຂອບເຂດທົ່ວປະເທດຈະໄດ້ເພີ່ມທະວີການບໍລິການຮັບໃຊ້ປະຊາຊົນ, ຜູ້ໃຊ້ລົດ-ໃຊ້ຖະໜົນໃນຊ່ວງໄລຍະການສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ ພສ 2567 ຕາມຮີດຄອງປະເພນີລາວໃຫ້ມີຄວາມສະຫງົບ, ມີຄວາມສະດວກ ແລະ ປອດໄພໃນການສັນຈອນ, ກໍາລັງຕໍາຫຼວດຈະລາຈອນແຕ່ລະແຂວງຈະໄດ້ເຮັດໜ້າທີ່ຕິດຕາມກວດກາການສັນຈອນ, ຈັດສັນຄວາມເປັນລະບຽບການສັນຈອນ, ການຍ່າງ ແລະ ການຈອດຂອງຍານພາຫະນະຢ່າງເຂັ້ມງວດຕະຫຼອດໄລຍະເວລາສະຫຼອງປີ ໃໝ່ລາວທີ່ຈະມາເຖິງນີ້.
ສະນັ້ນ, ຮຽກຮ້ອງເຖິງປະຊາຊົນ, ພົນລະເມືອງ, ຜູ້ປົກຄອງ, ອໍານາດການປົກຄອງບ້ານ, ພະນັກງານ, ທະຫານ, ຕໍາຫຼວດ ເປັນເຈົ້າການໃນການສຶກສາອົບຮົມ, ແນະນໍາລູກຫຼານ ແລະ ພະນັກງານທີ່ຢູ່ໃນຄວາມຮັບຜິດຊອບໃຫ້ເປັນເຈົ້າການປ້ອງກັນຕົນເອງເພື່ອຫຼຸດຜ່ອນການເກີດອຸບັດເຫດ.
ຂ່າວ: ຍຸພິນທອງ
ທ່ານ ພັອ ຄໍາສອນ ສີດາວົງ ກ່າວວ່າ: ປີໃໝ່ລາວປີນີ້ ກົມຕໍາຫຼວດຈະລາຈອນປະຕິບັດຕາມຂໍ້ຕົກລົງຂອງທ່ານລັດຖະມົນຕີວ່າການກະຊວງປ້ອງກັນຄວາມສະຫງົບ ສະບັບເລກທີ 189/ປກສ, ລົງວັນທີ 15 ກຸມພາ 2009 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມຕໍາຫຼວດຈະລາຈອນ ໂດຍສະເພາະປະຕິບັດຕາມພາລະບົດໜ້າທີ່ຂອງຕົນຕໍ່ສັງຄົມ. ເພື່ອເຮັດໃຫ້ການເຫຼີມສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ລາວ ພສ 2567 ໃຫ້ມີຄວາມສະຫງົບ, ມີຄວາມປອດໄພ, ມີບັນຍາກາດເບີກບານມ່ວນຊື່ນ ແລະ ປາສະຈາກຜົນເສຍຫາຍທາງສຸຂະພາບ, ຊີວິດ ແລະ ຊັບສິນທີ່ເກີດຈາກອຸບັດເຫດຈະລາຈອນທາງບົກ, ກົມຕໍາຫຼວດຈະລາຈອນຈຶ່ງໄດ້ອອກແຈ້ງການເຖິງປະຊາຊົນ, ພະນັກງານ, ທະຫານ, ຕໍາຫຼວດ ແລະ ຜູ້ໃຊ້ລົດ-ໃຊ້ຖະໜົນກ່ຽວກັບການປ້ອງກັນສະກັດກັ້ນອຸບັດເຫດຈະລາຈອນໃນຊ່ວງໄລຍະການສະຫຼອງບຸນປີໃໝ່ລາວ ພສ 2567 ມີດັ່ງນີ້:
1. ຜູ້ຂັບຂີ່ລົດຕ້ອງເຄົາລົບ ແລະ ປະຕິບັດຕາມກົດຈະລາຈອນທາງບົກຢ່າງເຂັ້ມງວດ, ຖືເອກະສານລົດເມື່ອມີການກວດກາຂອງເຈົ້າໜ້າທີ່.
2. ຂັບຂີ່ລົດຈັກຕ້ອງໃສ່ໝວກກັນກະທົບທັງຜູ້ຂັບ ແລະ ຜູ້ຊ້ອນທ້າຍ ( ຖ້າຫາກລະເມີດຈະຖຶກສຶກສາອົບຮົມ, ກັກລົດໄວ້ ແລະ ປັບໄໝຕາມລະບຽບການ )ເພື່ອຄວາມປອດໄພຂອງຜູ້ຂັບຂີ່.
3. ຂັບຂີ່ລົດໃຫຍ່ຕ້ອງຮັດສາຍແອວນິລະໄພເພື່ອຮັບປະກັນຄວາມປອດໄພໃຫ້ແກ່ຜູ້ຂັບຂີ່ ແລະ ຜູ້ໂດຍສານ.
4. ກ່ອນຈະນຳໃຊ້ຍານພາຫະນະຕ້ອງກວດສະພາບເຕັກນິກ, ຄວາມພ້ອມຂອງຍານພາຫະນະໃຫ້ມີຄວາມຮັບປະກັນເປັນຢ່າງດີ.
5. ລົດຂົນສົ່ງໂດຍສານທາງໄກຕ້ອງມີໂຊເຟີສຳຮອງທຸກຄັ້ງເວລາເດີນທາງ ແລະ ປະຕິບັດລະບຽບກົດໝາຍກ່ຽວກັບການຂົນສົ່ງທາງບົກຢ່າງເຂັ້ມງວດ.
6. ສະເພາະເສັ້ນທາງດ່ວນນະຄອນຫຼວງວຽງຈັນ-ວັງວຽງ, ສໍາລັບລົດເກັງ, ກະບະ, ລົດຈິບປະເພດລົດເບົາການໃຊ້ຄວາມໄວສູງສຸດບໍ່ໃຫ້ເກີນ 120 km/ຊົ່ວໂມງ ແລະ ຄວາມໄວຕໍ່າສຸດບໍ່ໃຫ້ຫຼຸດ 80 km/ຊົ່ວໂມງ, ລົດບັນທຸກ, ລົດຂົນ ສົ່ງໂດຍສານ ແລະ ຂົນສົ່ງສິນຄ້າຄວາມໄວ້ສຸງສຸດບໍ່ໃຫ້ເກີນ 70-90 km/ຊົ່ວໂມງ, ເຂົ້າທາງອຸໂມງຄວາມໄວສຸງສຸດ 80 km/ຊົ່ວໂມງ( ເຈົ້າໜ້າທີ່ຕໍາຫຼວດຈະໄດ້ຈັບຄວາມໄວ ).
7. ຫ້າມຜູ້ຂັບຂີ່ດື່ມສິ່ງມືນເມົາ ( ເມົາຫ້າມຂັບຂີ່ລົດ ) ຢ່າງເດັດຂາດ, ຖ້າຫາກກວດກາພົບເຫັນເຈົ້າໜ້າທີ່ຕໍາຫຼວດຈະລາຈອນຈະໄດ້ກັກຜູ້ຂັບຂີ່ໄວ້ເພື່ອສຶກສາອົບຮົມ, ຊ່ວງເມົາແລ້ວຈຶ່ງອະນຸຍາດໃຫ້ໄປ ຫຼືໃຫ້ຍາດພີ່ນ້ອງ, ໝູ່ຄູ່ມາຮັບເອົາ ເພື່ອຮັບປະກັນຄວາມປອດໄພ ພ້ອມດໍາເນີນຕາມຂັ້ນຕອນຂອງລະບຽບກົດໝາຍໃນເວລາຕໍ່ໄປ.
8. ຫ້າມຂັບຂີ່ຍານພາຫະນະເກີນຄວາມໄວທີ່ກົດໝາຍລະບຽບການ ແລະ ປ້າຍສັນຍານຈະລາຈອນກໍານົດໄວ້, ຫ້າມໃຊ້ໂທລະສັບໃນເວລາຂັບຂີ່.
9. ຫ້າມຂີ່ລົດຈັກເປັນພຶງເປັນແພກີດຂວາງການສັນຈອນຕາມເສັ້ນທາງຢ່າງເດັດຂາດ, (ບໍ່ໄປຕາມຊ່ອງຈະລາຈອນ ຂອງລົດຈັກ).
10. ຫ້າມຜູ້ໂດຍສານນັ່ງຂອບກະບະລົດ ຫຼືນັ່ງຝາທ້າຍລົດໃນເວລາລົດກໍາລັງສັນຈອນຢ່າງເດັດຂາດ.
11. ຫ້າມນຳໃຊ້ລົດຂົນສົ່ງໂດຍສານບັນທຸກສິນຄ້າ ແລະ ບັນທຸກຄົນໂດຍສານເກີນຈໍານວນ ແລະ ຊ່ວງຊີງເອົາຄົນໂດຍສານຢ່າງເດັດຂາດ.
12. ຫ້າມຜູ້ປົກຄອງປະປ່ອຍໃຫ້ເດັກນ້ອຍທີ່ອາຍຸບໍ່ເຖິງກະສຽນຂັບຂີ່ຍານພາຫະນະຢ່າງເດັດຂາດ.
13. ຫ້າມຈອດລົດໃນເສັ້ນທາງດ່ວນຢ່າງເດັດຂາດ (ຍົກເວັ້ນກໍລະນີຍານພາຫະນະເປ່ເພ່).
14. ຖ້າບຸກຄົນໃດຫາກລະເມີດຕໍ່ບັນດາຂໍ້ຫ້າມ ດໍາລັດວ່າດ້ວຍກົດຈະລາຈອນທາງບົກຈະຖຶກສຶກສາອົບຮົມ ແລະ ປັບໃໝຕາມລະບຽບກົດໝາຍກໍານົດໄວ້ຢ່າງເຂັ້ມງວດ.
ກົມຕໍາຫຼວດຈະລາຈອນຮ່ວມກັບພະແນກຕໍາຫຼວດຈະລາຈອນແຂວງ, ນະຄອນຫຼວງວຽງຈັນໃນຂອບເຂດທົ່ວປະເທດຈະໄດ້ເພີ່ມທະວີການບໍລິການຮັບໃຊ້ປະຊາຊົນ, ຜູ້ໃຊ້ລົດ-ໃຊ້ຖະໜົນໃນຊ່ວງໄລຍະການສະຫຼອງສົ່ງທ້າຍປີເກົ່າ-ຕ້ອນຮັບປີໃໝ່ ພສ 2567 ຕາມຮີດຄອງປະເພນີລາວໃຫ້ມີຄວາມສະຫງົບ, ມີຄວາມສະດວກ ແລະ ປອດໄພໃນການສັນຈອນ, ກໍາລັງຕໍາຫຼວດຈະລາຈອນແຕ່ລະແຂວງຈະໄດ້ເຮັດໜ້າທີ່ຕິດຕາມກວດກາການສັນຈອນ, ຈັດສັນຄວາມເປັນລະບຽບການສັນຈອນ, ການຍ່າງ ແລະ ການຈອດຂອງຍານພາຫະນະຢ່າງເຂັ້ມງວດຕະຫຼອດໄລຍະເວລາສະຫຼອງປີ ໃໝ່ລາວທີ່ຈະມາເຖິງນີ້.
ສະນັ້ນ, ຮຽກຮ້ອງເຖິງປະຊາຊົນ, ພົນລະເມືອງ, ຜູ້ປົກຄອງ, ອໍານາດການປົກຄອງບ້ານ, ພະນັກງານ, ທະຫານ, ຕໍາຫຼວດ ເປັນເຈົ້າການໃນການສຶກສາອົບຮົມ, ແນະນໍາລູກຫຼານ ແລະ ພະນັກງານທີ່ຢູ່ໃນຄວາມຮັບຜິດຊອບໃຫ້ເປັນເຈົ້າການປ້ອງກັນຕົນເອງເພື່ອຫຼຸດຜ່ອນການເກີດອຸບັດເຫດ.
ຂ່າວ: ຍຸພິນທອງ
