ໃນວັນທີ 9 ເມສາ ນີ້ ທີ່ ອົງການໄອຍະການປະຊາຊົນສູງສຸດ (ອອປສ) ໄດ້ມີ ກອງປະຊຸມຄົ້ນຄວ້າ ຮ່າງສົນທິສັນຍາອາຊຽນ ວ່າດ້ວຍການສົ່ງຜູ້ຮ້າຍຂ້າມແດນ (ASEAN Treaty on Extradition) ພາຍໃຕ້ການເປັນປະທານຂອງ ທ່ານ ຄໍາເພັດ ສົມວໍລະຈິດ ຮອງຫົວໜ້າ ອົງການໄອຍະການປະຊາຊົນສູງສຸດ, ທ່ານ ເກດສະໜາ ພົມມະຈັນ ຮອງລັດຖະມົນຕິກະຊວງຍຸຕິທໍາ ແລະ ມີ ບັນດາພາກສ່ວນກ່ຽວຂ້ອງເຂົ້າຮ່ວມ.
ສປປ ລາວ ກໍຄື ກະຊວງຍຸຕິທໍາ ແລະ ອົງການໄອຍະການປະຊາຊົນສູງສຸດ ໄດ້ເຂົ້າຮ່ວມໃນຄະນະຄົ້ນຄວ້າ ຮ່າງ ສົນທິສັນຍາອາຊຽນດັ່ງກ່າວ ໄດ້ເລີ່ມຈັດຕັ້ງປະຕິບັດນັບຕັ້ງແຕ່ປີ 2021 ເປັນຕົ້ນມາ ຊຶ່ງມາເຖິງປັດຈຸບັນ ສົນທິສັນຍາດັ່ງກ່າວໄດ້ຜ່ານການຄົ້ນຄວ້າຮ່ວມກັບບັນດາປະເທດສະມາຊິກອາຊຽນມາແລ້ວ 8 ຄັ້ງ, ຜ່ານການຄົ້ນຄວ້າໃນໄລຍະຜ່ານມາ, ຄະນະຄົ້ນຄວ້າຈາກຝ່າຍລາວ ກໍໄດ້ເຂົ້າຮ່ວມ ແລະ ປະກອບສ່ວນເຂົ້າໃນການປະກອບຄໍາເຫັນຕໍ່ກັບຮ່າງສົນທິສັນຍາອາຊຽນຕ່າງໆດ້ວຍຄວາມຮັບຜິດຊອບສູງ ຊຶ່ງເຫັນວ່າ ໂດຍພື້ນຖານແລ້ວທາງດ້ານເນື້ອໃນແມ່ນມີຄວາມຖືກຕ້ອງ,ສອດຄ່ອງກັບແນວທາງນະໂຍບາຍການຕ່າງປະເທດ ກໍຄື ກົດໝາຍຂອງ ສປປ ລາວ ແລະ ສົນທິສັນຍາສາກົນຕ່າງໆ, ແຕ່ເຖິງຢ່າງໃດກໍຕາມ, ຍັງມີບາງຈຸດ, ບາງບັນຫາຄົງຄ້າງ ທີ່ຍັງບໍ່ທັນເປັນເອກະພາບ ທີ່ຈະຕ້ອງໄດ້ປຶກສາຫາລືພາຍໃນ ເພື່ອປະກອບຄໍາຄິດຄໍາເຫັນ ແລະ ຄົ້ນຄວ້າ ບັນດາປະເດັນ ທີ່ຕິດພັນກັບ ຂະແໜງການຕ່າງໆທີ່ກ່ຽວຂ້ອງ ເພື່ອເປັນບ່ອນອີງໃນການສືບຕໍ່ຄົ້ນຄວ້າ ແລະ ປະກອບຄໍາເຫັນຕໍ່ເນື້ອໃນສົນທິສັນຍາດັ່ງກ່າວໃຫ້ມີຄວາມຄົບຖ້ວນສົມບູນຍິ່ງຂຶ້ນ. ເພື່ອແນໃສ່ຮັບປະກັນສິດຜົນປະໂຫຍດ ອັນຊອບທໍາຂອງ ສປປ ລາວ ແລະ ຖືກຕ້ອງສອດຄ່ອງກັບກົດໝາຍ ແລະ ນະໂຍບາຍການຕ່າງປະເທດຂອງ ສປປ ລາວ.
ກອງປະຊຸມໃນຄັ້ງນີ້ ໄດ້ພ້ອມກັນ ປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບ ຮ່າງສົນທິສັນຍາອາຊຽນວ່າດ້ວຍການສົ່ງຜູ້ຮ້າຍຂ້າມແດນ ທີ່ ສປປ ລາວ ເວົ້າລວມ, ເວົ້າສະເພາະ ກະຊວງຍຸຕິທໍາ ແລະ ອົງການໄອຍະການປະຊາຊົນສູງສຸດ ໄດ້ເຂົ້າຮ່ວມເປັນຄະນະຄົ້ນຄວ້າຮ່ວມກັບ ກອງເລຂາອາຊຽນ ແລະ ບັນດາປະເທດສະມາຊິກອາຊຽນ.
ໃນໂອກາດດັ່ງກ່າວ ທ່ານ ຄຳເພັດ ສົມວໍລະຈິດ ກໍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ ຜົນສໍາເລັດໃນການເຂົ້າຮ່ວມໃນການຄົ້ນຄວ້າຮ່າງສົນທິສັນຍາອາຊຽນດັ່ງກ່າວຮ່ວມກັບບັນດາປະເທດສະມາຊິກອາຊຽນ ໃນໄລຍະຜ່ານມາ ຊຶ່ງສົນທິສັນຍາອາຊຽນວ່າດ້ວຍການສົ່ງຜູ້ຮ້າຍຂ້າມແດນດັ່ງກ່າວຈະກາຍເປັນເຄື່ອງມືສາກົນທີ່ສໍາຄັນ ໃນການຮ່ວມມືກັບຕ່າງປະເທດໃນການຕ້ານ ແລະ ສະກັດກັ້ນອາຊະຍາກໍາຂ້າມຊາດ ແລະ ເປັນການເສີມຂະຫຍາຍການພົວພັນຮ່ວມມືທາງດ້ານກົດໝາຍ ກັບບັນດາປະເທດພາກພື້ນ ກໍຄືໃນໂລກ ໃຫ້ນັບມື້ນັບກ້າວໜ້າສູ່ລວງເລິກ ແລະ ມີປະສິດທິຜົນຢ່າງບໍ່ຢຸດຢັ້ງ. (ຂ່າວ: ອອປສ)
ສປປ ລາວ ກໍຄື ກະຊວງຍຸຕິທໍາ ແລະ ອົງການໄອຍະການປະຊາຊົນສູງສຸດ ໄດ້ເຂົ້າຮ່ວມໃນຄະນະຄົ້ນຄວ້າ ຮ່າງ ສົນທິສັນຍາອາຊຽນດັ່ງກ່າວ ໄດ້ເລີ່ມຈັດຕັ້ງປະຕິບັດນັບຕັ້ງແຕ່ປີ 2021 ເປັນຕົ້ນມາ ຊຶ່ງມາເຖິງປັດຈຸບັນ ສົນທິສັນຍາດັ່ງກ່າວໄດ້ຜ່ານການຄົ້ນຄວ້າຮ່ວມກັບບັນດາປະເທດສະມາຊິກອາຊຽນມາແລ້ວ 8 ຄັ້ງ, ຜ່ານການຄົ້ນຄວ້າໃນໄລຍະຜ່ານມາ, ຄະນະຄົ້ນຄວ້າຈາກຝ່າຍລາວ ກໍໄດ້ເຂົ້າຮ່ວມ ແລະ ປະກອບສ່ວນເຂົ້າໃນການປະກອບຄໍາເຫັນຕໍ່ກັບຮ່າງສົນທິສັນຍາອາຊຽນຕ່າງໆດ້ວຍຄວາມຮັບຜິດຊອບສູງ ຊຶ່ງເຫັນວ່າ ໂດຍພື້ນຖານແລ້ວທາງດ້ານເນື້ອໃນແມ່ນມີຄວາມຖືກຕ້ອງ,ສອດຄ່ອງກັບແນວທາງນະໂຍບາຍການຕ່າງປະເທດ ກໍຄື ກົດໝາຍຂອງ ສປປ ລາວ ແລະ ສົນທິສັນຍາສາກົນຕ່າງໆ, ແຕ່ເຖິງຢ່າງໃດກໍຕາມ, ຍັງມີບາງຈຸດ, ບາງບັນຫາຄົງຄ້າງ ທີ່ຍັງບໍ່ທັນເປັນເອກະພາບ ທີ່ຈະຕ້ອງໄດ້ປຶກສາຫາລືພາຍໃນ ເພື່ອປະກອບຄໍາຄິດຄໍາເຫັນ ແລະ ຄົ້ນຄວ້າ ບັນດາປະເດັນ ທີ່ຕິດພັນກັບ ຂະແໜງການຕ່າງໆທີ່ກ່ຽວຂ້ອງ ເພື່ອເປັນບ່ອນອີງໃນການສືບຕໍ່ຄົ້ນຄວ້າ ແລະ ປະກອບຄໍາເຫັນຕໍ່ເນື້ອໃນສົນທິສັນຍາດັ່ງກ່າວໃຫ້ມີຄວາມຄົບຖ້ວນສົມບູນຍິ່ງຂຶ້ນ. ເພື່ອແນໃສ່ຮັບປະກັນສິດຜົນປະໂຫຍດ ອັນຊອບທໍາຂອງ ສປປ ລາວ ແລະ ຖືກຕ້ອງສອດຄ່ອງກັບກົດໝາຍ ແລະ ນະໂຍບາຍການຕ່າງປະເທດຂອງ ສປປ ລາວ.
ກອງປະຊຸມໃນຄັ້ງນີ້ ໄດ້ພ້ອມກັນ ປຶກສາຫາລື ແລະ ແລກປ່ຽນຄໍາຄິດຄໍາເຫັນກ່ຽວກັບ ຮ່າງສົນທິສັນຍາອາຊຽນວ່າດ້ວຍການສົ່ງຜູ້ຮ້າຍຂ້າມແດນ ທີ່ ສປປ ລາວ ເວົ້າລວມ, ເວົ້າສະເພາະ ກະຊວງຍຸຕິທໍາ ແລະ ອົງການໄອຍະການປະຊາຊົນສູງສຸດ ໄດ້ເຂົ້າຮ່ວມເປັນຄະນະຄົ້ນຄວ້າຮ່ວມກັບ ກອງເລຂາອາຊຽນ ແລະ ບັນດາປະເທດສະມາຊິກອາຊຽນ.
ໃນໂອກາດດັ່ງກ່າວ ທ່ານ ຄຳເພັດ ສົມວໍລະຈິດ ກໍໄດ້ສະແດງຄວາມຍ້ອງຍໍຊົມເຊີຍ ແລະ ຕີລາຄາສູງຕໍ່ ຜົນສໍາເລັດໃນການເຂົ້າຮ່ວມໃນການຄົ້ນຄວ້າຮ່າງສົນທິສັນຍາອາຊຽນດັ່ງກ່າວຮ່ວມກັບບັນດາປະເທດສະມາຊິກອາຊຽນ ໃນໄລຍະຜ່ານມາ ຊຶ່ງສົນທິສັນຍາອາຊຽນວ່າດ້ວຍການສົ່ງຜູ້ຮ້າຍຂ້າມແດນດັ່ງກ່າວຈະກາຍເປັນເຄື່ອງມືສາກົນທີ່ສໍາຄັນ ໃນການຮ່ວມມືກັບຕ່າງປະເທດໃນການຕ້ານ ແລະ ສະກັດກັ້ນອາຊະຍາກໍາຂ້າມຊາດ ແລະ ເປັນການເສີມຂະຫຍາຍການພົວພັນຮ່ວມມືທາງດ້ານກົດໝາຍ ກັບບັນດາປະເທດພາກພື້ນ ກໍຄືໃນໂລກ ໃຫ້ນັບມື້ນັບກ້າວໜ້າສູ່ລວງເລິກ ແລະ ມີປະສິດທິຜົນຢ່າງບໍ່ຢຸດຢັ້ງ. (ຂ່າວ: ອອປສ)
