ວັນທີ 9 ເມສາ ຜ່ານມານີ້ ຢູ່ທີສະໂມສອນເມືອງເງິນ ແຂວງໄຊຍະບູລີ ໄດ້ຈັດພິທີປະກາດຄະນະຊາວໜຸ່ມ ປະຊາຊົນ ປະຕິວັດລາວ (ຊປປລ) ເມືອງເງິນ ເປັນເມືອງ 3 ດີ 4 ຮູ້. ໂດຍມີ ສະຫາຍ ອິນເນດ ຂຽວສີຟ້າ ຄະນະປະຈຳພັກເມືອງ ປະທານແນວລາວສ້າງຊາດເມືອງ ຜູ້ຊີ້ນຳຂົງເຂດອົງການຈັດຕັ້ງມະຫາຊົນ, ມີສະຫາຍ ໄຊພອນ ສິລິສົມບັດ ວ່າການເລຂາຄະນະບໍລິຫານບໍລິຫານງານຊາວໜຸ່ມເມືອງ, ມີແຂກຖືກເຊີນ ແລະ ພາກສ່ວນກນຽວຂ້ອງເຂົ້າຮ່ວມ.
ໂດຍປະຕິບັດຕາມບົດແນະນຳຂອງຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ສະບັບເລກທີ 332/ ລຂ, ລົງວັນທີ 2 ກໍລະກົດ 2021 ວ່າດ້ວຍການຈັດຕັ້ງປະຕິບັດຂໍ້ແຂ່ງຂັນ 3 ດີ 4 ຮູ້ ແລະ ອີງໃສ່ຜົນຂອງການປະເມີນກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 3 ດີ 4 ຮູ້ຂອງນ້ອງນ້ອຍເຍົາວະຊົນ ແຕ່ລະປີຜ່ານມາ.ພາຍຫຼັງທີມີບົດແນະນຳ ສະບັບເລກທີ 332/ລຂ, ລົງວັນທີ 2 ກໍລະກົດ 2021 ຄະນະບໍລິຫານງານຊາວໜຸ່ມ ເວົ້າລວມ, ເວົ້າສະເພາະ ກໍແມ່ນຊາວໜຸ່ມອາຊີບໄດ້ພ້ອມກັນ ຄົ້ນຄວ້າ, ເຊື່ອມຊືມ ແລະ ຈັດຕັ້ງເຜີຍແຜ່ຢູ່ຂັ້ນເມືອງ. ຕິດພັນກັບ ຂໍ້ແຂ່ງຂັນ 4 ບຸກຂອງຊາວໜຸ່ມ. ຈາກນັ້ນຈຶ່ງໄດ້ແບ່ງຄວາມຮັບຜິດຊອບ ໃຫ້ບັນດາສະຫາຍ ຄະນະບໍລິຫານງານ ຊາວໜຸ່ມເມືອງ ແລະ ຊາວໜຸ່ມອາຊີບ ນຳໄປເຜີຍແຜ່ເຊື່ອມຊືມໃຫ້ແກ່ກຸ່ມເຍົາວະຊົນ ຢູ່ບັນດາໂຮງຮຽນພາຍໃນເມືອງ ການຈັດຕັ້ງປະຕິບັດຕົວຈິງ. ໃນແຕ່ລະປີຄະນະຊາວໜຸ່ມເມືອງ, ຜູ້ຮັບຜິດຊອບວຽກງານເຍົາວະຊົນແຕ່ລະຂັ້ນ ໄດ້ລົງປະເມີນຜົນ ຢູ່ແຕ່ລະໂຮງຮຽນ 1 ຄັ້ງຕໍ່ປີ. ຜ່ານການຈັດຕັ້ງປະຕິບັດຂະບວນການແຂ່ງຂັນຂໍ້ແຂ່ງຂັນ 3 ດີ 4 ຮູ້ ໃນໄລຍະ 5 ປີ ຜ່ານມາ ທຽບໃສ່ບັນດາມາດຖານ ຄະນະ ຊປປລ ເມືອງເງິນ ມີໂຮງຮຽນໄດ້ຮັບໃບຢັ້ງຢືນການປະຕິບັດຂໍ້ແຂ່ງຂັນ 3 ດີ 4 ຮູ້ແລ້ວຈຳນວນ 24 ໂຮງຮຽນກວມເອົາ 100%, ກອງເຍົາວະຊົນ ທັນວາລວມ 12 ກອງເປັນກອງເຍົາວະຊົນທັນວາ 3 ດີ 4 ຮູ້ ຈໍານວນ 10 ກອງກວມເອົາ 83,33% ຂອງຈໍານວນກອງເຍົາວະຊົນ ທົ່ວເມືອງ ແມ່ນໄດ້ຮັບຮອງຢັ້ງຢືນເປັນຄະນະ ຊປປລ ເມືອງເງິນ 3 ດີ 4 ຮູ້ ຈາກຄະນະ ຊປປລ ແຂວງ.
ຂໍ້ແຂ່ງຂັນ 3 ດີ ເທົ້າ 90,47% ຄື: ຮໍ່າຮຽນດີ 91,5%, ສາມັກຄີດີ 89,66%, ອານາໄມດີ 90,25%, ຂໍ້ແຂ່ງຂັນ 4 ຮູ້ ເທົ້າ 91.83% ຄື: ຮູ້ຮັກປະເທດຊາດ ແລະ ທ່ານຜູ້ນໍາ 95%, ຮູ້ຮັກພໍ່ແມ່ ແລະ ຄູອາຈານ 92%, ຮູ້ຮັກທໍາມະຊາດ ແລະ ການອອກແຮງງານ 90%, ຮູ້ຈໍາແນກມິດ ແລະ ສັດຕູຢ່າງຈະແຈ້ງ 90,35%. ຈາກນັ້ນ, ກໍໄດ້ມອບໃບຢັ້ງຢືນ ຮັບຮອງຄະນະ ຊປປລ ເມືອງເງິນ ເປັນເມືອງ 3 ດີ 4 ຮູ້ ຢ່າງເປັນທາງການ.
(ພາບ-ຂ່າວ: ອິນແປງ ແຫວນຄຳ)
ໂດຍປະຕິບັດຕາມບົດແນະນຳຂອງຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ສະບັບເລກທີ 332/ ລຂ, ລົງວັນທີ 2 ກໍລະກົດ 2021 ວ່າດ້ວຍການຈັດຕັ້ງປະຕິບັດຂໍ້ແຂ່ງຂັນ 3 ດີ 4 ຮູ້ ແລະ ອີງໃສ່ຜົນຂອງການປະເມີນກ່ຽວກັບການຈັດຕັ້ງປະຕິບັດຂໍ້ແຂ່ງຂັນ 3 ດີ 4 ຮູ້ຂອງນ້ອງນ້ອຍເຍົາວະຊົນ ແຕ່ລະປີຜ່ານມາ.ພາຍຫຼັງທີມີບົດແນະນຳ ສະບັບເລກທີ 332/ລຂ, ລົງວັນທີ 2 ກໍລະກົດ 2021 ຄະນະບໍລິຫານງານຊາວໜຸ່ມ ເວົ້າລວມ, ເວົ້າສະເພາະ ກໍແມ່ນຊາວໜຸ່ມອາຊີບໄດ້ພ້ອມກັນ ຄົ້ນຄວ້າ, ເຊື່ອມຊືມ ແລະ ຈັດຕັ້ງເຜີຍແຜ່ຢູ່ຂັ້ນເມືອງ. ຕິດພັນກັບ ຂໍ້ແຂ່ງຂັນ 4 ບຸກຂອງຊາວໜຸ່ມ. ຈາກນັ້ນຈຶ່ງໄດ້ແບ່ງຄວາມຮັບຜິດຊອບ ໃຫ້ບັນດາສະຫາຍ ຄະນະບໍລິຫານງານ ຊາວໜຸ່ມເມືອງ ແລະ ຊາວໜຸ່ມອາຊີບ ນຳໄປເຜີຍແຜ່ເຊື່ອມຊືມໃຫ້ແກ່ກຸ່ມເຍົາວະຊົນ ຢູ່ບັນດາໂຮງຮຽນພາຍໃນເມືອງ ການຈັດຕັ້ງປະຕິບັດຕົວຈິງ. ໃນແຕ່ລະປີຄະນະຊາວໜຸ່ມເມືອງ, ຜູ້ຮັບຜິດຊອບວຽກງານເຍົາວະຊົນແຕ່ລະຂັ້ນ ໄດ້ລົງປະເມີນຜົນ ຢູ່ແຕ່ລະໂຮງຮຽນ 1 ຄັ້ງຕໍ່ປີ. ຜ່ານການຈັດຕັ້ງປະຕິບັດຂະບວນການແຂ່ງຂັນຂໍ້ແຂ່ງຂັນ 3 ດີ 4 ຮູ້ ໃນໄລຍະ 5 ປີ ຜ່ານມາ ທຽບໃສ່ບັນດາມາດຖານ ຄະນະ ຊປປລ ເມືອງເງິນ ມີໂຮງຮຽນໄດ້ຮັບໃບຢັ້ງຢືນການປະຕິບັດຂໍ້ແຂ່ງຂັນ 3 ດີ 4 ຮູ້ແລ້ວຈຳນວນ 24 ໂຮງຮຽນກວມເອົາ 100%, ກອງເຍົາວະຊົນ ທັນວາລວມ 12 ກອງເປັນກອງເຍົາວະຊົນທັນວາ 3 ດີ 4 ຮູ້ ຈໍານວນ 10 ກອງກວມເອົາ 83,33% ຂອງຈໍານວນກອງເຍົາວະຊົນ ທົ່ວເມືອງ ແມ່ນໄດ້ຮັບຮອງຢັ້ງຢືນເປັນຄະນະ ຊປປລ ເມືອງເງິນ 3 ດີ 4 ຮູ້ ຈາກຄະນະ ຊປປລ ແຂວງ.
ຂໍ້ແຂ່ງຂັນ 3 ດີ ເທົ້າ 90,47% ຄື: ຮໍ່າຮຽນດີ 91,5%, ສາມັກຄີດີ 89,66%, ອານາໄມດີ 90,25%, ຂໍ້ແຂ່ງຂັນ 4 ຮູ້ ເທົ້າ 91.83% ຄື: ຮູ້ຮັກປະເທດຊາດ ແລະ ທ່ານຜູ້ນໍາ 95%, ຮູ້ຮັກພໍ່ແມ່ ແລະ ຄູອາຈານ 92%, ຮູ້ຮັກທໍາມະຊາດ ແລະ ການອອກແຮງງານ 90%, ຮູ້ຈໍາແນກມິດ ແລະ ສັດຕູຢ່າງຈະແຈ້ງ 90,35%. ຈາກນັ້ນ, ກໍໄດ້ມອບໃບຢັ້ງຢືນ ຮັບຮອງຄະນະ ຊປປລ ເມືອງເງິນ ເປັນເມືອງ 3 ດີ 4 ຮູ້ ຢ່າງເປັນທາງການ.
(ພາບ-ຂ່າວ: ອິນແປງ ແຫວນຄຳ)
