ຂ່າວສານຫວຽດນາມລາຍງານວ່າ: ລາຄານ້ຳມັນໂລກເພີ່ມຂຶ້ນໃນຮອບຊື້-ຂາຍໃນວັນທີ 10 ເມສາ ຜ່ານມານີ້ ຫຼັງຈາກຄວາມຂັດແຍ່ງຢູ່ຕາເວັນອອກກາງເພີ່ມຂຶ້ນ,ລາຄານໍ້າມັນເບຣນ (Brent) ເພີ່ມຂຶ້ນ 1,06 ໂດລາ (1,2%) ເປັນ 90,48 ໂດລາ/ບາເຣນ ໃນຂະນະທີ່ລາຄານ້ຳມັນ WTI ຂອງ ອາເມຣິກາ ເພີ່ມຂຶ້ນ 98 ເຊັນ (1,2%) ເປັນ 86,21 ໂດລາ/ບາເຣນ.
ຂ່າວລາຍງານວ່າ: ທ່ານ ຈອນ ຄິລດັຟ ຜູ້ຊ່ຽວຊານ ແລະຄູ່ຮ່ວມງານຂອງບໍລິສັດການລົງທຶນ Again Capital LLC ຢູ່ ນິວຢອກກ່າວວ່າ: ຕະຫຼາດນ້ໍາມັນຍັງສືບຕໍ່ມີປະຕິກິລິຍາຢ່າງແຂງແຮງຕໍ່ຂ່າວກ່ຽວກັບສະຖານະການໃນກາຊາ.
ອົງການພະລັງງານອາເມຣິກາ (EIA) ຄາດວ່າລາຄານ້ຳມັນ Brent ຈະຢູ່ໃນລະດັບສະເລ່ຍ 88,55 ໂດລາ/ບາເຣນ ໃນປີ 2024 ເພີ່ມຂຶ້ນຈາກການຄາດຄະເນກ່ອນໜ້ານີ້ແມ່ນ 87 ໂດລາ/ບາເຣລ ແລະ ໄດ້ຍົກລະດັບການຄາດຄະເນກ່ຽວກັບຄວາມຕ້ອງການນ້ຳມັນໃນສອງປີຜ່ານມາ.