ການຂາຍເສື້ອລາຍດອກໄມ້ກາຍເປັນສັນຍາລັກໃນເທດສະການປີໃໝ່ລາວ ຊຶ່ງປີນີ້ທຸລະກິດຂາຍເສື້ອຜ້າໃນເທດສະການບຸນປີໃໝ່ລາວປະຈຳປີ 2024ໄດ້ຮັບຄວາມນິຍົມທີ່ສຸດຂາຍດີກວ່າປີຜ່ານມາ ໂດຍສະເພາະເສື້ອທີ່ມີລາຍດອກໄມ້ຫຼາຍສີສັນສວຍງາມເປັນທີ່ຕ້ອງການຂອງລູກຄ້າ.

ທ່ານນາງ ມິ່ງ ຄົນສັນຊາດຫວຽດນາມ ເຈົ້າຂອງຮ້ານເສື້ອຜ້າຍິງ-ຊາຍ ໄດ້ໃຫ້ສຳພາດຕໍ່ສື່ມວນຊົນໃນວັນທີ 12 ເມສານີ້ວ່າ: ໄດ້ເປີດຮ້ານຂາຍເສື້ອຜ້າຢູ່ລາວມາໄດ້ 20 ກວ່າປີແລ້ວ ຊຶ່ງຮ້ານຕັ້ງຢູ່ໃກ້ກັບໄຟແດງທາດຫຼວງນະຄອນຫຼວງວຽງຈັນ, ຂາຍເສື້ອຜ້າທຸກເພດທຸກໄວຕາມເທດສະການໂດຍສະເພາະໃນໄລຍະປີໃໝ່ລາວນີ້ທາງຮ້ານໄດ້ເນັ້ນຂາຍເສື້ອຜ້າລາຍດອກໄມ້ທີ່ມີສີສັນສວຍງາມເນັ້ນໃສ່ສະບາຍ ສະແດງອອກເຖິງວັດທະນະທຳລາວທີ່ເປັນເອກະລັກຂອງຊາດມີຫຼາຍລາຄາໃຫ້ເລືອກຊື້, ເທດສະການປີໃໝ່ລາວປີນີ້ເສື້ອລາຍດອກໄດ້ຮັບຄວາມນິຍົມຫຼາຍຂາຍດີກວ່າປີຜ່ານມາຊຶ່ງໃນປີນີ້ການຫຼິ້ນບຸນປີໃໝ່ລາວມີບັນຍາກາດຄຶກຄື້ນມ່ວນຊື່ນກວ່າປີຜ່ານມາ, ສ່ວນໜຶ່ງຍ້ອນມີວັນພັກບຸນຫຼາຍມື້ຕິດຕໍ່ກັນເຮັດໃຫ້ທຸລະກິດຂາຍເສື້ອຜ້າໃນໄລຍະເທດສະການບຸນປີໃໝ່ລາວປີນີ້ໄດ້ຂາຍດີເປັນພິເສດ.

ຂ່າວ-ພາບ: ພູວັນ