ໂດຍ: ວັນເພັງ
ການປະກອບອາຊີບໃດກໍຕາມຖ້າມີຄວາມດຸໝັ້ນ, ອົດທົນ, ປະຢັດ, ຊື່ສັດ ກໍຈະເຮັດໃຫ້ຕົນເອງ, ຄອບຄົວມີຢູ່ມີກິນ ແລະ ຍັງມີເງິນເກັບເງິນທ້ອນໄວ້ເພື່ອໃຊ້ຈ່າຍໃນຍາມຈຳເປັນ, ດັ່ງຄອບຄົວ ແມ່ຕູ້ນຸດ ພັນວິໄລ ເຮັດອາຊີບຄ້າຂາຍປັ່ນນໍ້າອ້ອຍຂາຍເຮັດໃຫ້ຄອບຄົວມີຢູ່ມີກິນ.
ແມ່ຕູ້ນຸດ ພັນວິໄລ ອາຍຸ59 ປີ ເຮັດອາຊີບຄ້າຂາຍປັ່ນນໍ້າອ້ອຍຂາຍຢູ່ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ (ນວ) ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນຜ່ານມາວ່າ: ຕົນເອງໄດ້ຢຶດຖືອາຊີບ ປັ່ນນໍ້າອ້ອຍຂາຍມາໄດ້ຫຼາຍປີແລ້ວ, ເບື້ອງຕົ້ນໄດ້ຊື້ຈັກເຄື່ອງປັ່ນນໍ້າອ້ອຍ 1 ເຄື່ອງ ເພື່ອນໍາມາປັ່ນນໍ້າອ້ອຍຂາຍ ຊຶ່ງປັ່ນຂາຍໄດ້ພຽງ 3 ປີແລ້ວຕົນເອງໄດ້ຢຸດ ຊຶ່ງເປັນເວລາ 5 ປີ ຍ້ອນມີບັນຫາດ້ານສຸຂະພາບ. ມາຮອດຕົ້ນປີ 2024 ສຸຂະພາບກັບມາແຂງແຮງດີຈຶ່ງໄດ້ເລີ່ມຕົ້ນປັ່ນນໍ້າອ້ອຍຂາຍອີກ ເຫັນວ່າປັດຈຸບັນບວກກັບອາກາດຮ້ອນຫຼາຍ ເຮັດໃຫ້ການປັ່ນນໍ້າອ້ອຍຂາຍແມ່ນໄດ້ຂາຍດີເປັນພິເສດ ຍັງໄດ້ກຳໄລດີຊຶ່ງອ້ອຍທີ່ນໍາມາປັ່ນແມ່ນຊື້ຈາກພໍ່ຄ້າ-ແມ່ຄ້າພາຍນອກນໍາມາສົ່ງໃຫ້ ມື້ໜຶ່ງ 4-5 ມັດໃຫຍ່ໃນລາຄາ 90.000 ກີບ ຫາ 130.000 ກີບຂຶ້ນກັບອ້ອຍງາມ. ພ້ອມນັ້ນ, ກໍໄດ້ລົງທຶນຊື້ຈອກຂະໜາດ 12 ອອນ ແລະ 18 ອອນ, ທໍ່ດູດ, ນໍ້າກ້ອນ ລວມແລ້ວລົງທຶນພຽງ 7-8 ແສນກີບເທົ່ານັ້ນ ກໍສາມາດປັ່ນນໍ້າອ້ອຍຂາຍໄດ້ແລ້ວ.
ແມ່ຕູ້ນຸດ ພັນວິໄລ ໃຫ້ຮູ້ຕື່ມວ່າ: ການປັນນໍ້າອ້ອຍຂາຍແມ່ນໄລຍະເດືອນມັງກອນ ຫາເດືອນພຶດສະພາ ເພາະໄລຍະນີ້ອາກາດຮ້ອນ ແມ່ນໄດ້ຂາຍດີ ເຮັດໃຫ້ແຕ່ລະມື້ໄດ້ຂາຍຮອດ 100-150 ຈອກ ເມື່ອຫັກຕົ້ນທຶນອອກແລ້ວ ໄດ້ກໍາໄລມື້ລະ 3-4 ແສນກີບ. ສ່ວນລາຄາຂາຍນໍ້າອ້ອຍບໍ່ແພງ 1 ຈອກພຽງ 10.000 ກີບ ຫາ 15.000 ກີບ, ຖ້າເອົາເປັນລິດ 1 ລິດ/30.000 ກີບ. ສໍາລັບເຕັກນິກການປັ່ນນໍ້າອ້ອຍ ເພື່ອໃຫ້ໄດ້ລົດຊາດແຊບຫວານ, ສະອາດ ກ່ອນອື່ນໄດ້ນໍາເອົາລໍາອ້ອຍໄປຂູດໃຫ້ກ້ຽງງາມ, ບ່ອນໃດອ້ອຍບໍ່ງາມກໍຕັດອອກ ແລ້ວນໍາໄປລ້າງໃຫ້ສະອາດ, ເຊັດດ້ວຍແພສະອາດໃຫ້ແຫ້ງດີຈຶ່ງນໍາໄປຕັດເປັນທ່ອນປັ່ນ ຫຼັງຈາກປັ່ນສຳເລັດ ກໍນໍາໄປຕອງອີກ 2 ຮອບ ເພື່ອໃຫ້ໄດ້ນໍ້າອ້ອຍທີ່ສະອາດ, ບໍ່ບູດໄວ ແລະ ໃໝ່ສົດທຸກມື້.ຮ້ານຕັ້ງຢູ່ແຄມທາງຕິດກັບຮ່ອມ 3 ບ້ານໂພນທອງ ເມືອງໄຊເສດຖາ ນວ ທ່ານໃດໄດ້ກາຍໄປເສັ້ນທາງດັ່ງກ່າວສາມາດແວ່ອູດໜູນເພິ່ນໄດ້ຂາຍທຸກໆມື້.
ແມ່ຕູ້ນຸດພັນວິໄລຍັງໃຫ້ຮູ້ຕື່ມວ່າ: ເລີ່ມແຕ່ເຮັດອາຊີບປັ່ນນໍ້າອ້ອຍຂາຍ ເຮັດໃຫ້ຄອບຄົວມີຢູ່ມີກິນ.ພ້ອມນີ້, ຍັງມີເງິນເກັບເງິນທ້ອນໄວ້ຕື່ມອີກ.ເນື່ອງໃນໂອກາດວັນກຳມະກອນສາກົນ ຄົບຮອບ 138 ປີ ແມ່ຕູ້ນຸດພັນວິໄລ ຍັງໄດ້ອວຍພອນໄຊໃຫ້ພອນແກ່ຊາວຜູ້ອອກແຮງແຮງ ກໍຄືຊົນຊັ້ນກຳມະກອນທຸກທົ່ງໜ້າ ຈົ່ງມີສຸຂະພາບພາລະນາໄມແຂງແຮງ, ຈົ່ງສືບຕໍ່ປະຕິບັດໜ້າທີວຽກງານຮັບຜິດຊອບໃຫ້ສຳເລັດ ແລະ ມີຄວາມກ້າວໜ້າຂຶ້ນຢ່າງບໍ່ຢຸດຢັ້ງ.
ການປະກອບອາຊີບໃດກໍຕາມຖ້າມີຄວາມດຸໝັ້ນ, ອົດທົນ, ປະຢັດ, ຊື່ສັດ ກໍຈະເຮັດໃຫ້ຕົນເອງ, ຄອບຄົວມີຢູ່ມີກິນ ແລະ ຍັງມີເງິນເກັບເງິນທ້ອນໄວ້ເພື່ອໃຊ້ຈ່າຍໃນຍາມຈຳເປັນ, ດັ່ງຄອບຄົວ ແມ່ຕູ້ນຸດ ພັນວິໄລ ເຮັດອາຊີບຄ້າຂາຍປັ່ນນໍ້າອ້ອຍຂາຍເຮັດໃຫ້ຄອບຄົວມີຢູ່ມີກິນ.
ແມ່ຕູ້ນຸດ ພັນວິໄລ ອາຍຸ59 ປີ ເຮັດອາຊີບຄ້າຂາຍປັ່ນນໍ້າອ້ອຍຂາຍຢູ່ບ້ານໂພນທອງ ເມືອງໄຊເສດຖາ ນະຄອນຫຼວງວຽງຈັນ (ນວ) ໃຫ້ສຳພາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນຜ່ານມາວ່າ: ຕົນເອງໄດ້ຢຶດຖືອາຊີບ ປັ່ນນໍ້າອ້ອຍຂາຍມາໄດ້ຫຼາຍປີແລ້ວ, ເບື້ອງຕົ້ນໄດ້ຊື້ຈັກເຄື່ອງປັ່ນນໍ້າອ້ອຍ 1 ເຄື່ອງ ເພື່ອນໍາມາປັ່ນນໍ້າອ້ອຍຂາຍ ຊຶ່ງປັ່ນຂາຍໄດ້ພຽງ 3 ປີແລ້ວຕົນເອງໄດ້ຢຸດ ຊຶ່ງເປັນເວລາ 5 ປີ ຍ້ອນມີບັນຫາດ້ານສຸຂະພາບ. ມາຮອດຕົ້ນປີ 2024 ສຸຂະພາບກັບມາແຂງແຮງດີຈຶ່ງໄດ້ເລີ່ມຕົ້ນປັ່ນນໍ້າອ້ອຍຂາຍອີກ ເຫັນວ່າປັດຈຸບັນບວກກັບອາກາດຮ້ອນຫຼາຍ ເຮັດໃຫ້ການປັ່ນນໍ້າອ້ອຍຂາຍແມ່ນໄດ້ຂາຍດີເປັນພິເສດ ຍັງໄດ້ກຳໄລດີຊຶ່ງອ້ອຍທີ່ນໍາມາປັ່ນແມ່ນຊື້ຈາກພໍ່ຄ້າ-ແມ່ຄ້າພາຍນອກນໍາມາສົ່ງໃຫ້ ມື້ໜຶ່ງ 4-5 ມັດໃຫຍ່ໃນລາຄາ 90.000 ກີບ ຫາ 130.000 ກີບຂຶ້ນກັບອ້ອຍງາມ. ພ້ອມນັ້ນ, ກໍໄດ້ລົງທຶນຊື້ຈອກຂະໜາດ 12 ອອນ ແລະ 18 ອອນ, ທໍ່ດູດ, ນໍ້າກ້ອນ ລວມແລ້ວລົງທຶນພຽງ 7-8 ແສນກີບເທົ່ານັ້ນ ກໍສາມາດປັ່ນນໍ້າອ້ອຍຂາຍໄດ້ແລ້ວ.
ແມ່ຕູ້ນຸດ ພັນວິໄລ ໃຫ້ຮູ້ຕື່ມວ່າ: ການປັນນໍ້າອ້ອຍຂາຍແມ່ນໄລຍະເດືອນມັງກອນ ຫາເດືອນພຶດສະພາ ເພາະໄລຍະນີ້ອາກາດຮ້ອນ ແມ່ນໄດ້ຂາຍດີ ເຮັດໃຫ້ແຕ່ລະມື້ໄດ້ຂາຍຮອດ 100-150 ຈອກ ເມື່ອຫັກຕົ້ນທຶນອອກແລ້ວ ໄດ້ກໍາໄລມື້ລະ 3-4 ແສນກີບ. ສ່ວນລາຄາຂາຍນໍ້າອ້ອຍບໍ່ແພງ 1 ຈອກພຽງ 10.000 ກີບ ຫາ 15.000 ກີບ, ຖ້າເອົາເປັນລິດ 1 ລິດ/30.000 ກີບ. ສໍາລັບເຕັກນິກການປັ່ນນໍ້າອ້ອຍ ເພື່ອໃຫ້ໄດ້ລົດຊາດແຊບຫວານ, ສະອາດ ກ່ອນອື່ນໄດ້ນໍາເອົາລໍາອ້ອຍໄປຂູດໃຫ້ກ້ຽງງາມ, ບ່ອນໃດອ້ອຍບໍ່ງາມກໍຕັດອອກ ແລ້ວນໍາໄປລ້າງໃຫ້ສະອາດ, ເຊັດດ້ວຍແພສະອາດໃຫ້ແຫ້ງດີຈຶ່ງນໍາໄປຕັດເປັນທ່ອນປັ່ນ ຫຼັງຈາກປັ່ນສຳເລັດ ກໍນໍາໄປຕອງອີກ 2 ຮອບ ເພື່ອໃຫ້ໄດ້ນໍ້າອ້ອຍທີ່ສະອາດ, ບໍ່ບູດໄວ ແລະ ໃໝ່ສົດທຸກມື້.ຮ້ານຕັ້ງຢູ່ແຄມທາງຕິດກັບຮ່ອມ 3 ບ້ານໂພນທອງ ເມືອງໄຊເສດຖາ ນວ ທ່ານໃດໄດ້ກາຍໄປເສັ້ນທາງດັ່ງກ່າວສາມາດແວ່ອູດໜູນເພິ່ນໄດ້ຂາຍທຸກໆມື້.
ແມ່ຕູ້ນຸດພັນວິໄລຍັງໃຫ້ຮູ້ຕື່ມວ່າ: ເລີ່ມແຕ່ເຮັດອາຊີບປັ່ນນໍ້າອ້ອຍຂາຍ ເຮັດໃຫ້ຄອບຄົວມີຢູ່ມີກິນ.ພ້ອມນີ້, ຍັງມີເງິນເກັບເງິນທ້ອນໄວ້ຕື່ມອີກ.ເນື່ອງໃນໂອກາດວັນກຳມະກອນສາກົນ ຄົບຮອບ 138 ປີ ແມ່ຕູ້ນຸດພັນວິໄລ ຍັງໄດ້ອວຍພອນໄຊໃຫ້ພອນແກ່ຊາວຜູ້ອອກແຮງແຮງ ກໍຄືຊົນຊັ້ນກຳມະກອນທຸກທົ່ງໜ້າ ຈົ່ງມີສຸຂະພາບພາລະນາໄມແຂງແຮງ, ຈົ່ງສືບຕໍ່ປະຕິບັດໜ້າທີວຽກງານຮັບຜິດຊອບໃຫ້ສຳເລັດ ແລະ ມີຄວາມກ້າວໜ້າຂຶ້ນຢ່າງບໍ່ຢຸດຢັ້ງ.
