ງານແຂ່ງຂັນສີມືແຮງງານ ປະຈໍາປີ2024ຂອງລັດວິສາຫະກິດໄຟຟ້າລາວໄດ້ເປີດຂຶ້ນໃນວັນທີ 30 ເມສານີ້ ທີ່ບໍລິເວນເດີ່ນຂອງສໍານັກງານໃຫຍ່ ໂດຍການເຂົ້າຮ່ວມ ຂອງທ່ານ ທອງພັດ ອິນທະວົງ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່(ພບ) ຊຶ່ງມີຄະນະພັກກະຊວງ, ປະທານ ແລະ ຄະນະບໍລິຫານງານສະຫະພັນກໍາມະບານ ກະຊວງພະລັງງານ ແລະ ບໍ່ແຮ່, ພ້ອມແຂກຖືກເຊີນ ພ້ອມດ້ວຍພະນັກງານເຂົ້າຮ່ວມ
ການຈັດງານແຂ່ງຂັນສີມືແຮງງານຄັ້ງນີ້ ເພື່ອເປັນການປະກອບສ່ວນເຂົ້າໃນການສ້າງຂະບວນຄໍານັບຮັບຕ້ອນ ແລະ ສະເຫຼີມສະຫຼອງວັນກໍາມະກອນສາກົນ 1 ພຶດສະພາ 1886 ຄົບຮອບ 138ປີ.
ໃນພິທີ, ທ່ານ ທອງພັດ ອິນທະວົງ ກ່າວວ່າ: ກ່ອນໜ້ານີ້1 ພຶດສະພາ 1886 ຢູ່ບັນດາໂຮງຈັກ, ໂຮງງານ ຂອງເມືອງຊີກາໂກ ແລະ ໃນຕົວເມືອງທີ່ສໍາຄັນ ຂອງສະຫະລັດອາເມຣິກາ 5.000 ກວ່າແຫ່ງ ມີຊາວກໍາມະກອນ ແລະ ຜູ້ອອກແຮງງານເກືອບ 400.000ຄົນ ໄດ້ລຸກຂຶ້ນຕໍ່ສູ້ກັບພວກນາຍທຶນ ເພື່ອທວງເອົາສິດໃນດ້ານຕ່າງໆ ແລະ ບັງຄັບໃຫ້ພວກນາຍທຶນຕ້ອງຮັບຮອງ ແລະ ປະຕິບັດຕໍ່ຊົນຊັ້ນກໍາມະກອນ ຄື: ກໍາມະກອນຜູ້ໜຶ່ງເຮັດວຽກບໍ່ເກີນ 8 ຊົ່ວໂມງຕໍ່ມື້, ໃຫ້ມີເວລາພັກຜ່ອນ 8ຊົ່ວໂມງ ແລະ ອີກ 8ຊົ່ວໂມງ ເພື່ອການສຶກສາ, ຄົ້ນຄວ້າ, ຮໍ່າຮຽນ. ຕໍ່ມາໝາກຜົນຂອງຂະບວນການຕໍ່ສູ້ດັ່ງກ່າວ ໄດ້ປຸກລະດົມຂະບວນການຕໍ່ສູ້ຂອງຊາວກໍາມະກອນ ຢູ່ໃນປະເທດຕ່າງໆຢ່າງກວ້າງຂວາງ, ຟົດຟື້ນ ສືບເນື່ອງເລື້ອຍໆມາ ແລະ ໄດ້ກາຍມາເປັນມູນເຊື້ອ, ເປັນສັນຍາລັກ ແລະ ເປັນສຽງລະຄັງ ເພື່ອປ່າວເຕືອນຂະບວນການລຸກຮືຂຶ້ນຕໍ່ສູ້ ຂອງຊົນຊັ້ນກໍາມະກອນ ເພື່ອທວງເອົາສິດ ແລະ ຜົນປະໂຫຍດອັນຊອບທໍາຂອງຕົນ ຈົນມາເຖິງປັດຈຸບັນ. ສໍາລັບຢູ່ປະເທດລາວ ນັບແຕ່ມີພັກນໍາພາ, ໜໍ່ແໜງຂອງການຕໍ່ສູ້ໄດ້ເກີດຂຶ້ນ ແລະ ໄດ້ກາຍເປັນຂະບວນການຕໍ່ສູ້ຂອງກໍາມະກອນຢູ່ໂຮງຈັກ, ໂຮງງານຫຼາຍບ່ອນໄດ້ເລີ່ມກໍ່ຕົວຂຶ້ນ ແລະ ຂະຫຍາຍຕົວເລື້ອໆມາ.
ໂອກາດດັ່ງກ່າວ, ທ່ານທອງພັດ ອິນທະວົງ ກ່າວຕື່ມວ່າ: ການຈັດງານແຂ່ງຂັນດັ່ງກ່າວ, ແມ່ນມີຄວາມສໍາຄັນຫຼາຍ, ສະຫະພັນກໍາມະບານກະຊວງພບ ໄດ້ຈັດງານດັ່ງກ່າວຂຶ້ນຕິດຕໍ່ກັນມາເປັນເວລາ ຫຼາຍປີແລ້ວ ແລະ ເຫັນວ່າ ກາຍເປັນຂະບວນການໜຶ່ງທີ່ມີບັນຍາກາດຟົດຟື້ນ, ມີການເຂົ້າຮ່ວມຢ່າງກວ້າງຂວາງ, ຕັ້ງໜ້າ ແລະ ເປັນເຈົ້າການ ຂອງສະມາຊິກກໍາມະບານ ແລະ ພະນັກງານ-ລັດຖະກອນ, ກໍາມະກອນພວກເຮົາ. ຜ່ານການແຂ່ງຂັນໃນແຕ່ລະປີ ສາມາດເລືອກເຟັ້ນບຸກຄົນ, ທີມງານ, ກົມກອງ ທີ່ມີສີມືເດັ່ນ, ມີຄວາມຊໍານານງານໃນການເຮັດໜ້າທີ່, ການອອກແຮງງານ ແລະ ມີຫົວຄິດປະດິດສ້າງ ຂອງແຕ່ລະຫົວໜ່ວຍວິຊາສະເພາະ-ວິຊາການ ແລະ ຫົວໜ່ວຍຄຸ້ມຄອງ-ບໍລິຫານ ພາຍໃນຂະແໜງການ ຂອງພວກເຮົາ ພ້ອມດຽວກັນນີ້ ສາມາດຕີລາຄາ ແລະ ປະເມີນໄດ້ລະດັບການເຕີບໃຫຍ່ຂະຫຍາຍຕົວ ຂອງພະນັກງານ, ກໍາມະກອນ ໂດຍຜ່ານຂະບວນການເຄື່ອນໄຫວວຽກງານໃນພາກຕົວຈິງເດັ່ນຊັດຂຶ້ນ. ບັນດາທີມງານທີ່ໄດ້ເຂົ້າຮ່ວມງານແຂ່ງຂັນດັ່ງກ່າວ ແມ່ນມາຈາກໄຟຟ້າທົ່ວປະເທດ ຄື: ການຄິດໄລ່ພະລັງງານຄືນຫຼັງ-ປັບໃໝ, ການກວດກາ-ທົດສອບໝໍ້ຈໍາໜ່າຍ CT ແລະ VT, ການປ່ຽນດອກກັນໄຟ 115kv, ການເຊື່ອມສາຍFiber optic, ນະວັດຕະກໍາໃໝ່, ການລົງບັນຊີ ສະຫຼຸບປະຈໍາເດືອນ, ການແຂ່ງຂັນພິທີກອນ-ພິທີການ, ການແຂ່ງຂັນຂັບລໍາ-ຮ້ອງເພງ-ຂັບລໍາສຽງດີ, ລວມທີມທີ່ລົງທະບຽນທັງໝົດ 8ຫົວຂໍ້ 99ທີມ.
(ຂ່າວ-ພາບ: ແສງຈັນ)
ການຈັດງານແຂ່ງຂັນສີມືແຮງງານຄັ້ງນີ້ ເພື່ອເປັນການປະກອບສ່ວນເຂົ້າໃນການສ້າງຂະບວນຄໍານັບຮັບຕ້ອນ ແລະ ສະເຫຼີມສະຫຼອງວັນກໍາມະກອນສາກົນ 1 ພຶດສະພາ 1886 ຄົບຮອບ 138ປີ.
ໃນພິທີ, ທ່ານ ທອງພັດ ອິນທະວົງ ກ່າວວ່າ: ກ່ອນໜ້ານີ້1 ພຶດສະພາ 1886 ຢູ່ບັນດາໂຮງຈັກ, ໂຮງງານ ຂອງເມືອງຊີກາໂກ ແລະ ໃນຕົວເມືອງທີ່ສໍາຄັນ ຂອງສະຫະລັດອາເມຣິກາ 5.000 ກວ່າແຫ່ງ ມີຊາວກໍາມະກອນ ແລະ ຜູ້ອອກແຮງງານເກືອບ 400.000ຄົນ ໄດ້ລຸກຂຶ້ນຕໍ່ສູ້ກັບພວກນາຍທຶນ ເພື່ອທວງເອົາສິດໃນດ້ານຕ່າງໆ ແລະ ບັງຄັບໃຫ້ພວກນາຍທຶນຕ້ອງຮັບຮອງ ແລະ ປະຕິບັດຕໍ່ຊົນຊັ້ນກໍາມະກອນ ຄື: ກໍາມະກອນຜູ້ໜຶ່ງເຮັດວຽກບໍ່ເກີນ 8 ຊົ່ວໂມງຕໍ່ມື້, ໃຫ້ມີເວລາພັກຜ່ອນ 8ຊົ່ວໂມງ ແລະ ອີກ 8ຊົ່ວໂມງ ເພື່ອການສຶກສາ, ຄົ້ນຄວ້າ, ຮໍ່າຮຽນ. ຕໍ່ມາໝາກຜົນຂອງຂະບວນການຕໍ່ສູ້ດັ່ງກ່າວ ໄດ້ປຸກລະດົມຂະບວນການຕໍ່ສູ້ຂອງຊາວກໍາມະກອນ ຢູ່ໃນປະເທດຕ່າງໆຢ່າງກວ້າງຂວາງ, ຟົດຟື້ນ ສືບເນື່ອງເລື້ອຍໆມາ ແລະ ໄດ້ກາຍມາເປັນມູນເຊື້ອ, ເປັນສັນຍາລັກ ແລະ ເປັນສຽງລະຄັງ ເພື່ອປ່າວເຕືອນຂະບວນການລຸກຮືຂຶ້ນຕໍ່ສູ້ ຂອງຊົນຊັ້ນກໍາມະກອນ ເພື່ອທວງເອົາສິດ ແລະ ຜົນປະໂຫຍດອັນຊອບທໍາຂອງຕົນ ຈົນມາເຖິງປັດຈຸບັນ. ສໍາລັບຢູ່ປະເທດລາວ ນັບແຕ່ມີພັກນໍາພາ, ໜໍ່ແໜງຂອງການຕໍ່ສູ້ໄດ້ເກີດຂຶ້ນ ແລະ ໄດ້ກາຍເປັນຂະບວນການຕໍ່ສູ້ຂອງກໍາມະກອນຢູ່ໂຮງຈັກ, ໂຮງງານຫຼາຍບ່ອນໄດ້ເລີ່ມກໍ່ຕົວຂຶ້ນ ແລະ ຂະຫຍາຍຕົວເລື້ອໆມາ.
ໂອກາດດັ່ງກ່າວ, ທ່ານທອງພັດ ອິນທະວົງ ກ່າວຕື່ມວ່າ: ການຈັດງານແຂ່ງຂັນດັ່ງກ່າວ, ແມ່ນມີຄວາມສໍາຄັນຫຼາຍ, ສະຫະພັນກໍາມະບານກະຊວງພບ ໄດ້ຈັດງານດັ່ງກ່າວຂຶ້ນຕິດຕໍ່ກັນມາເປັນເວລາ ຫຼາຍປີແລ້ວ ແລະ ເຫັນວ່າ ກາຍເປັນຂະບວນການໜຶ່ງທີ່ມີບັນຍາກາດຟົດຟື້ນ, ມີການເຂົ້າຮ່ວມຢ່າງກວ້າງຂວາງ, ຕັ້ງໜ້າ ແລະ ເປັນເຈົ້າການ ຂອງສະມາຊິກກໍາມະບານ ແລະ ພະນັກງານ-ລັດຖະກອນ, ກໍາມະກອນພວກເຮົາ. ຜ່ານການແຂ່ງຂັນໃນແຕ່ລະປີ ສາມາດເລືອກເຟັ້ນບຸກຄົນ, ທີມງານ, ກົມກອງ ທີ່ມີສີມືເດັ່ນ, ມີຄວາມຊໍານານງານໃນການເຮັດໜ້າທີ່, ການອອກແຮງງານ ແລະ ມີຫົວຄິດປະດິດສ້າງ ຂອງແຕ່ລະຫົວໜ່ວຍວິຊາສະເພາະ-ວິຊາການ ແລະ ຫົວໜ່ວຍຄຸ້ມຄອງ-ບໍລິຫານ ພາຍໃນຂະແໜງການ ຂອງພວກເຮົາ ພ້ອມດຽວກັນນີ້ ສາມາດຕີລາຄາ ແລະ ປະເມີນໄດ້ລະດັບການເຕີບໃຫຍ່ຂະຫຍາຍຕົວ ຂອງພະນັກງານ, ກໍາມະກອນ ໂດຍຜ່ານຂະບວນການເຄື່ອນໄຫວວຽກງານໃນພາກຕົວຈິງເດັ່ນຊັດຂຶ້ນ. ບັນດາທີມງານທີ່ໄດ້ເຂົ້າຮ່ວມງານແຂ່ງຂັນດັ່ງກ່າວ ແມ່ນມາຈາກໄຟຟ້າທົ່ວປະເທດ ຄື: ການຄິດໄລ່ພະລັງງານຄືນຫຼັງ-ປັບໃໝ, ການກວດກາ-ທົດສອບໝໍ້ຈໍາໜ່າຍ CT ແລະ VT, ການປ່ຽນດອກກັນໄຟ 115kv, ການເຊື່ອມສາຍFiber optic, ນະວັດຕະກໍາໃໝ່, ການລົງບັນຊີ ສະຫຼຸບປະຈໍາເດືອນ, ການແຂ່ງຂັນພິທີກອນ-ພິທີການ, ການແຂ່ງຂັນຂັບລໍາ-ຮ້ອງເພງ-ຂັບລໍາສຽງດີ, ລວມທີມທີ່ລົງທະບຽນທັງໝົດ 8ຫົວຂໍ້ 99ທີມ.
(ຂ່າວ-ພາບ: ແສງຈັນ)
