ກອງປະຊຸມຄະນະຮັບຜິດຊອບ 40 ປີ ແຫ່ງການປ່ຽນແປງໃໝ່ ໄດ້ເປີດຂຶ້ນໃນຕອນເຊົ້າວັນທີ 3 ພຶດສະພານີ້ທີ່ຫ້ອງວ່າການສູນກາງພັກ ໂດຍພາຍໃຕ້ການເປັນປະທານຂອງ ສະຫາຍ ບຸນທອງ ຈິດມະນີກຳມະການກົມການເມືອງສູນກາງພັກຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ ແຫ່ງ ສປປ ລາວ, ມີບັນດາສະຫາຍກຳມະການກົມການເມືອງສູນກາງພັກ, ບັນດາສະຫາຍເລຂາທິການສູນກາງພັກ, ກຳມະການສູນກາງພັກ ພ້ອມດ້ວຍບັນດາສະຫາຍຄະນະຮັບຜິດຊອບສະຫຼຸບ 40 ປີ ແຫ່ງການປ່ຽນໃໝ່ ເຂົ້າຮ່ວມ.
ໃນພິທີ, ສະຫາຍ ບຸນທອງຈິດມະນີ ໄດ້ກ່າວວ່າ:ໂດຍປະຕິບັດຕາມມະຕິຕົກລົງ ຂອງຄະນະບໍລິຫານງານສູນກາງພັກ ວ່າດ້ວຍການແຕ່ງຕັ້ງຄະນະຮັບຜິດຊອບສະຫຼຸບ 40 ປີ ແຫ່ງການປ່ຽນແປງໃໝ່ ຢູ່ ສປປ ລາວ (1986-2026), ສະບັບເລກທີ 01/ຄບສພ ລົງວັນທີ 6 ມີນາ 2024; ໂດຍໄດ້ຮັບການມອບໝາຍຈາກກົມການເມືອງສູນກາງພັກ, ຂ້າພະເຈົ້າໃນນາມຫົວໜ້າຄະນະຊີ້ນຳລວມ ຂໍສະແດງຄວາມປິຕິຍິນດີເປັນຢ່າງຍິ່ງທີ່ໄດ້ຕ້ອນຮັບບັນດາສະຫາຍທີ່ໄດ້ເຂົ້າຮ່ວມກອງປະຊຸມໃນມື້ນີ້.
ເພື່ອປະຕິບັດຕາມທິດຊີ້ນຳ ຂອງຄະນະບໍລິຫານງານສູນກາງພັກ, ການກະກຽມສະຫຼຸບ 40 ປີ ແຫ່ງການປ່ຽນແປງໃໝ່ແມ່ນວຽກງານໜຶ່ງທີ່ມີຄວາມໝາຍສຳຄັນ ເພາະຕະຫຼອດໄລຍະແຫ່ງການຈັດຕັ້ງນຳພາຂອງພັກໃນພາລະກິດແຫ່ງການປ່ຽນແປງໃໝ່ ກໍຄືການປົກປັກຮັກສາ ແລະສ້າງສາພັດທະນາປະເທດຊາດ ຊຶ່ງບັນດາຜົນງານແຫ່ງການຈັດຕັ້ງນຳພາພາລະກິດປ່ຽນແປງໃໝ່ໄດ້ເປັນການສ່ອງແສງໃຫ້ເຫັນເຖິງໝາກຜົນແຫ່ງໄຊຊະນະ ຂອງການປົກປັກຮັກສາ-ສ້າງສາພັດທະນາປະເທດຊາດ ຂອງພັກເຮົາຕະຫຼອດໄລຍະ 40 ປີ (1986-2026), ທັງນີ້ ກໍເພື່ອເປັນການກະກຽມໃຫ້ແກ່ການຈັດຕັ້ງກອງປະຊຸມໃຫຍ່ ຄັ້ງທີ XII ຂອງພັກ, ພັກເຮົາຈຶ່ງຕັ້ງບັນຫາກ່ຽວກັບການສະຫຼຸບການຈັດຕັ້ງປະຕິບັດແນວທາງປ່ຽນແປງໃໝ່ ຂອງພັກ ເພື່ອຍົກໃຫ້ເຫັນສະພາບແວດລ້ອມແຫ່ງການກຳເນີດແນວທາງປ່ຽນແປງໃໝ່ ຂອງພັກເຮົາ ແລະການສະຫຼຸບຕີລາຄາໝາກຜົນດັ່ງກ່າວ ຢ່າງຖືກຕ້ອງ, ພາວະວິໄສ, ການຖອດຖອນບົດຮຽນຈາກພາຍໃນ ແລະບົດຮຽນ ຂອງບັນດາປະເທດເພື່ອນມິດຍຸດທະສາດ ພ້ອມກັນນັ້ນ ກໍກຳນົດອອກໃຫ້ເຫັນຢ່າງຈະແຈ້ງກ່ຽວກັບການກຳນົດທິດທາງ, ວິທີການ ແນໃສ່ສືບຕໍ່ເຮັດໃຫ້ການປະຕິບັດແນວທາງປ່ຽນແປງໃໝ່ ຂອງພັກໃຫ້ປະກົດຜົນເປັນຈິງ ແລະສອດຄ່ອງກັບສະພາບການຫັນປ່ຽນໃໝ່ ຂອງພາກພື້ນ ແລະສາກົນ.
ສະນັ້ນ, ກອງປະຊຸມມື້ນີ້ຍັງຈະໄດ້ພ້ອມກັນປະກອບຄຳຄິດເຫັນຕໍ່ກັບສ້າງໂຄງຮ່າງສະຫຼຸບ 40 ປີ ແຫ່ງການປ່ຽນແປງໃໝ່ ທີ່ຄະນະຮັບຜິດຊອບໄດ້ກະກຽມ ເພື່ອສ້າງຄວາມເປັນເອກະພາບ ແລະເພື່ອສະເໜີກອງປະຊຸມຄົບຄະນະບໍລິຫານງານສູນກາງພັກ ທີ່ຈະເປີດຂຶ້ນໃນມໍ່ໆນີ້ພິຈາລະນາ-ຮັບຮອງ. ດັ່ງນັ້ນ, ຂ້າພະເຈົ້າ ຂໍຮຽກຮ້ອງມາຍັງບັນດາສະຫາຍ ຈົ່ງໄດ້ສຸມສະຕິປັນຍາໃນການປະກອບຄຳຄິດເຫັນຕໍ່ກັບບັນຫາຕ່າງໆດ້ວຍຄວາມຮັບຜິດຊອບສູງ ແລະມີລັກສະນະວິທະຍາສາດ ເພື່ອໃຫ້ອະນຸກຳມະການດ້ານເນື້ອໃນໄດ້ນຳໄປປັບປຸງໃຫ້ສົມບູນ ແລະພ້ອມກັນນັ້ນ ກໍຮຽກຮ້ອງມາຍັງບັນດາສະຫາຍສະເໜີເປັນລາຍລັກອັກສອນການປັບປຸງເພື່ອສົ່ງໃຫ້ຄະນະຮັບຜິດຊອບເນື້ອໃນ.
ຈາກນັ້ນ, ສະຫາຍ ຄຳພັນ ເຜີຍຍະວົງຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ຮອງຫົວໜ້າຄະນະຊີ້ນຳລວມ ທັງເປັນຜູ້ປະຈຳການ ໄດ້ສະເໜີຜ່ານມະຕິຕົກລົງ ຂອງຄະນະບໍລິຫານງານສູນກາງພັກວ່າດ້ວຍການແຕ່ງຕັ້ງຄະນະຮັບຜິດຊອບສະຫຼຸບ 40 ປີແຫ່ງການປ່ຽນແປງໃໝ່ ຢູ່ ສປປ ລາວ ຊຶ່ງຄະນະຮັບຜິດຊອບຊີ້ນຳລວມປະກອບມີ 11 ສະຫາຍ,ອະນຸກຳມະການຮັບຜິດຊອບເນື້ອໃນສະຫຼຸບຂົງເຂດການເມືອງ ປະກອບມີ: 9 ສະຫາຍ,ອະນຸກຳມະການສະຫຼຸບຂົງເຂດເສດຖະກິດປະກອບມີ 13 ສະຫາຍ,ອະນຸກຳມະການວັດທະນະທຳ-ສັງຄົມ ປະກອບມີ8 ສະຫາຍ,ອະນຸກຳມະການຂົງເຂດແນວໂຮມ ແລະ ອົງການຈັດຕັ້ງມະຫາຊົນ ປະກອບມີ12 ສະຫາຍ,ອະນຸກຳມະການຂົງເຂດປ້ອງກັນຊາດ-ປ້ອງກັນຄວາມສະຫງົບແລະການຕ່າງປະເທດ ປະກອບມີ 9 ສະຫາຍ,ອະນຸກຳມະການຂົງເຂດອຳນາດລັດ ປະກອບມີ11 ສະຫາຍ,ນອກນັ້ນກໍໄດ້ແຕ່ງຕັ້ງຄະນະຮຽບຮຽງ ແລະ ບັນນາທິການ ປະກອບມີ6 ສະຫາຍ ແລະ ກອງເລຂາຊ່ວຍວຽກ ປະກອບມີ10 ສະຫາຍ,ກອງປະຊຸມຍັງໄດ້ຮັບຟັງການສະເໜີຜ່ານຮ່າງສະຫຼຸບ 40 ປີ ແຫ່ງການປ່ຽນແປງໃໝ່ ແລະ ແຜນການດຳເນີນງານວຽກງານສະຫຼຸບ 40 ປີດັ່ງກ່າວ.
ຂ່າວ-ພາບ:ພູວຽງຄຳ
ໃນພິທີ, ສະຫາຍ ບຸນທອງຈິດມະນີ ໄດ້ກ່າວວ່າ:ໂດຍປະຕິບັດຕາມມະຕິຕົກລົງ ຂອງຄະນະບໍລິຫານງານສູນກາງພັກ ວ່າດ້ວຍການແຕ່ງຕັ້ງຄະນະຮັບຜິດຊອບສະຫຼຸບ 40 ປີ ແຫ່ງການປ່ຽນແປງໃໝ່ ຢູ່ ສປປ ລາວ (1986-2026), ສະບັບເລກທີ 01/ຄບສພ ລົງວັນທີ 6 ມີນາ 2024; ໂດຍໄດ້ຮັບການມອບໝາຍຈາກກົມການເມືອງສູນກາງພັກ, ຂ້າພະເຈົ້າໃນນາມຫົວໜ້າຄະນະຊີ້ນຳລວມ ຂໍສະແດງຄວາມປິຕິຍິນດີເປັນຢ່າງຍິ່ງທີ່ໄດ້ຕ້ອນຮັບບັນດາສະຫາຍທີ່ໄດ້ເຂົ້າຮ່ວມກອງປະຊຸມໃນມື້ນີ້.
ເພື່ອປະຕິບັດຕາມທິດຊີ້ນຳ ຂອງຄະນະບໍລິຫານງານສູນກາງພັກ, ການກະກຽມສະຫຼຸບ 40 ປີ ແຫ່ງການປ່ຽນແປງໃໝ່ແມ່ນວຽກງານໜຶ່ງທີ່ມີຄວາມໝາຍສຳຄັນ ເພາະຕະຫຼອດໄລຍະແຫ່ງການຈັດຕັ້ງນຳພາຂອງພັກໃນພາລະກິດແຫ່ງການປ່ຽນແປງໃໝ່ ກໍຄືການປົກປັກຮັກສາ ແລະສ້າງສາພັດທະນາປະເທດຊາດ ຊຶ່ງບັນດາຜົນງານແຫ່ງການຈັດຕັ້ງນຳພາພາລະກິດປ່ຽນແປງໃໝ່ໄດ້ເປັນການສ່ອງແສງໃຫ້ເຫັນເຖິງໝາກຜົນແຫ່ງໄຊຊະນະ ຂອງການປົກປັກຮັກສາ-ສ້າງສາພັດທະນາປະເທດຊາດ ຂອງພັກເຮົາຕະຫຼອດໄລຍະ 40 ປີ (1986-2026), ທັງນີ້ ກໍເພື່ອເປັນການກະກຽມໃຫ້ແກ່ການຈັດຕັ້ງກອງປະຊຸມໃຫຍ່ ຄັ້ງທີ XII ຂອງພັກ, ພັກເຮົາຈຶ່ງຕັ້ງບັນຫາກ່ຽວກັບການສະຫຼຸບການຈັດຕັ້ງປະຕິບັດແນວທາງປ່ຽນແປງໃໝ່ ຂອງພັກ ເພື່ອຍົກໃຫ້ເຫັນສະພາບແວດລ້ອມແຫ່ງການກຳເນີດແນວທາງປ່ຽນແປງໃໝ່ ຂອງພັກເຮົາ ແລະການສະຫຼຸບຕີລາຄາໝາກຜົນດັ່ງກ່າວ ຢ່າງຖືກຕ້ອງ, ພາວະວິໄສ, ການຖອດຖອນບົດຮຽນຈາກພາຍໃນ ແລະບົດຮຽນ ຂອງບັນດາປະເທດເພື່ອນມິດຍຸດທະສາດ ພ້ອມກັນນັ້ນ ກໍກຳນົດອອກໃຫ້ເຫັນຢ່າງຈະແຈ້ງກ່ຽວກັບການກຳນົດທິດທາງ, ວິທີການ ແນໃສ່ສືບຕໍ່ເຮັດໃຫ້ການປະຕິບັດແນວທາງປ່ຽນແປງໃໝ່ ຂອງພັກໃຫ້ປະກົດຜົນເປັນຈິງ ແລະສອດຄ່ອງກັບສະພາບການຫັນປ່ຽນໃໝ່ ຂອງພາກພື້ນ ແລະສາກົນ.
ສະນັ້ນ, ກອງປະຊຸມມື້ນີ້ຍັງຈະໄດ້ພ້ອມກັນປະກອບຄຳຄິດເຫັນຕໍ່ກັບສ້າງໂຄງຮ່າງສະຫຼຸບ 40 ປີ ແຫ່ງການປ່ຽນແປງໃໝ່ ທີ່ຄະນະຮັບຜິດຊອບໄດ້ກະກຽມ ເພື່ອສ້າງຄວາມເປັນເອກະພາບ ແລະເພື່ອສະເໜີກອງປະຊຸມຄົບຄະນະບໍລິຫານງານສູນກາງພັກ ທີ່ຈະເປີດຂຶ້ນໃນມໍ່ໆນີ້ພິຈາລະນາ-ຮັບຮອງ. ດັ່ງນັ້ນ, ຂ້າພະເຈົ້າ ຂໍຮຽກຮ້ອງມາຍັງບັນດາສະຫາຍ ຈົ່ງໄດ້ສຸມສະຕິປັນຍາໃນການປະກອບຄຳຄິດເຫັນຕໍ່ກັບບັນຫາຕ່າງໆດ້ວຍຄວາມຮັບຜິດຊອບສູງ ແລະມີລັກສະນະວິທະຍາສາດ ເພື່ອໃຫ້ອະນຸກຳມະການດ້ານເນື້ອໃນໄດ້ນຳໄປປັບປຸງໃຫ້ສົມບູນ ແລະພ້ອມກັນນັ້ນ ກໍຮຽກຮ້ອງມາຍັງບັນດາສະຫາຍສະເໜີເປັນລາຍລັກອັກສອນການປັບປຸງເພື່ອສົ່ງໃຫ້ຄະນະຮັບຜິດຊອບເນື້ອໃນ.
ຈາກນັ້ນ, ສະຫາຍ ຄຳພັນ ເຜີຍຍະວົງຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ຮອງຫົວໜ້າຄະນະຊີ້ນຳລວມ ທັງເປັນຜູ້ປະຈຳການ ໄດ້ສະເໜີຜ່ານມະຕິຕົກລົງ ຂອງຄະນະບໍລິຫານງານສູນກາງພັກວ່າດ້ວຍການແຕ່ງຕັ້ງຄະນະຮັບຜິດຊອບສະຫຼຸບ 40 ປີແຫ່ງການປ່ຽນແປງໃໝ່ ຢູ່ ສປປ ລາວ ຊຶ່ງຄະນະຮັບຜິດຊອບຊີ້ນຳລວມປະກອບມີ 11 ສະຫາຍ,ອະນຸກຳມະການຮັບຜິດຊອບເນື້ອໃນສະຫຼຸບຂົງເຂດການເມືອງ ປະກອບມີ: 9 ສະຫາຍ,ອະນຸກຳມະການສະຫຼຸບຂົງເຂດເສດຖະກິດປະກອບມີ 13 ສະຫາຍ,ອະນຸກຳມະການວັດທະນະທຳ-ສັງຄົມ ປະກອບມີ8 ສະຫາຍ,ອະນຸກຳມະການຂົງເຂດແນວໂຮມ ແລະ ອົງການຈັດຕັ້ງມະຫາຊົນ ປະກອບມີ12 ສະຫາຍ,ອະນຸກຳມະການຂົງເຂດປ້ອງກັນຊາດ-ປ້ອງກັນຄວາມສະຫງົບແລະການຕ່າງປະເທດ ປະກອບມີ 9 ສະຫາຍ,ອະນຸກຳມະການຂົງເຂດອຳນາດລັດ ປະກອບມີ11 ສະຫາຍ,ນອກນັ້ນກໍໄດ້ແຕ່ງຕັ້ງຄະນະຮຽບຮຽງ ແລະ ບັນນາທິການ ປະກອບມີ6 ສະຫາຍ ແລະ ກອງເລຂາຊ່ວຍວຽກ ປະກອບມີ10 ສະຫາຍ,ກອງປະຊຸມຍັງໄດ້ຮັບຟັງການສະເໜີຜ່ານຮ່າງສະຫຼຸບ 40 ປີ ແຫ່ງການປ່ຽນແປງໃໝ່ ແລະ ແຜນການດຳເນີນງານວຽກງານສະຫຼຸບ 40 ປີດັ່ງກ່າວ.
ຂ່າວ-ພາບ:ພູວຽງຄຳ
