ໃນວັນທີ 23 ກັນຍາ 2023 ພະນະທ່ານ ໂພສີ ແກ້ວມະນີວົງ ຮອງລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ໄດ້ສືບຕໍ່ ເຂົ້າຮ່ວກອງປະຊຸມລັດຖະມົນຕີຖະແຫຼງຂ່າວອາຊຽນບວກສາມຄັ້ງທີ 7 (7th AMRI+3) ທີ່ນະຄອນດານັງ, ຫວຽດນາມ.
ໂດຍມີຄຳເຫັນວ່າ ປະເທດລາວ ໃຫ້ຄວາມສຳຄັນຢ່າງສູງໃນການສະໜັບສະໜູນ ແລະ ການຮ່ວມມືຢ່າງບໍ່ຢຸດຢັ້ງຈາກບັນດາປະເທດ ອາຊຽນ +3 ໂດຍອີງໃສ່ແຜນວຽກງານເພີ່ມທະວີການຮ່ວມມືອາຊຽນ ບວກ 3 ຜ່ານດ້ານຂໍ້ມູນຂ່າວສານ ແລະ ສື່ມວນຊົນໃນໄລຍະປີ 2018-2023, ໂດຍສະເພາະແມ່ນໃນຂົງເຂດ ການສ້າງຄວາມສາມາດຜ່ານການຝຶກອົບຮົມ, ກອງປະຊຸມສຳມະນາ ແລະ ໂຄງການແລກປ່ຽນດ້ານວິຊາການໃນການຮ່ວມມືດ້ານສື່ມວນຊົນ ແລະ ຂໍ້ມູນຂ່າວສານ ເຊິ່ງທັງສອງໄດ້ດຳເນີນຢູ່ພາຍໃນອາຊຽນ ແລະ ໃນປະເທດອາຊຽນ +3 ໃນຊຸມປີຜ່ານມາ.
ສປປ ລາວ ໄດ້ເຂົ້າຮ່ວມຢ່າງຕັ້ງໜ້າ ໃນຫຼາຍກິດຈະກຳທີ່ຜ່ານມາ ແລະ ສື່ມວນຊົນທີ່ຈັດຂຶ້ນຢູ່ຈີນ, ຍີ່ປຸ່ນ ແລະ ສ.ເກົາຫຼີ. ຕໍ່ເລື່ອງນີ້, ຂໍສະແດງຄວາມຂອບໃຈຢ່າງຈິງໃຈ ແລະ ຂອບໃຈມາຍັງລັດຖະບານຈີນ, ຍີ່ປຸ່ນ ແລະ ສ.ເກົາຫຼີທີ່ໄດ້ໃຫ້ການສະໜັບສະໜູນຢ່າງບໍ່ຢຸດຢັ້ງໃນຊຸມປີທີ່ຜ່ານມາ ແລະ ຫວັງວ່າພວກເຮົາຈະມີການຮ່ວມມືຕໍ່ໄປໃນອານາຄົດ.
ສະຫລຸບແລ້ວ, ຂ້າພະເຈົ້າຂໍຢ້ຳຄືນຄຳໝັ້ນສັນຍາອັນແຂງແຮງຂອງປະເທດລາວລາວ ແລະ ຄວາມພ້ອມທີ່ຈະເຮັດວຽກຢ່າງໃກ້ຊິດກັບບັນດາປະເທດສະມາຊິກອາຊຽນ ແລະ ປະເທດອາຊຽນ +3.
ສຸດທ້າຍ, ຂ້າພະເຈົ້າມີຄວາມໝັ້ນໃຈຢ່າງໜັກແໜ້ນວ່າ ພາຍໃຕ້ການນຳພາທີ່ມີປະສົບການຂອງທ່ານປະທານຮ່ວມ, ກອງປະຊຸມຄັ້ງນີ້ຈະໄດ້ຮັບຜົນສຳເລັດຢ່າງຕັ້ງໜ້າ.
