ໃນວັນທີ 16 ພຶດສະພາ ຜ່ານມາ ທີ່ສະໂມສອນຄະນະຈັດຕັ້ງສູນກາງພັກໄດ້ຈັດກອງປະຊຸມສະຫຼຸບວຽກງານກວດກາພາຍໃນ ຄະນະຈັດຕັ້ງສູນກາງພັກ ແລະ ການຈັດຕັ້ງຜັນຂະຫຍາຍເນື້ອໃນຈິດໃຈກອງປະຊຸມວຽກງານກວດກາທົ່ວປະເທດ ປະຈຳປີ 2023ພ້ອມກັບວາງທິດທາງແຜນການ ປະຈຳປີ 2024 ພາຍໃຕ້ການເປັນປະທານຂອງສະຫາຍ ທອງຈັນ ໂຂງພູມຄຳ ກຳມະການປະຈຳພັກຮອງຫົວໜ້າຄະນະຈັດຕັ້ງສູນກາງພັກ ປະທານກວດກາຄະນະຈັດຕັ້ງສູນກາງພັກ, ມີພະນັກງານຂັ້ນກົມ ແລະ ຂັ້ນພະແນກເຂົ້າຮ່ວມ.
ກອງປະຊຸມໄດ້ຕີລາຄາຄືນດ້ານດີ, ດ້ານອ່ອນ ແລະ ສະຫຼຸບບັນຫາຕົວຈິງຈາກການຈັດຕັ້ງປະຕິບັດວຽກງານຕິດຕາມ ກວດກາ ໃນ 1 ປີຜ່ານມາ ຊຶ່ງຄະນະກວດກາ ຄະນະຈັດຕັ້ງສູນກາງພັກ ໄດ້ເຄື່ອນໄຫວປະຕິບັດວຽກງານ ຕາມພາລະບົດບາດ, ໜ້າທີ່, ຂອບເຂດສິດຂອງຕົນ; ໄດ້ຄົ້ນຄວ້າປັບປຸງອອກນິຕິກຳ ແລະ ຜັນຂະຫຍາຍວຽກງານກວດກາ, ສໍາເລັດການຄົ້ນຄວ້ານິຕິກຳກ່ຽວກັບວຽກງານກວດກາ 2 ສະບັບຄື: ຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຜູ້ເຮັດວຽກງານກວດກາໜ່ວຍພັກ ພາຍໃນຄະນະຈັດຕັ້ງສູນກາງພັກ ແລະ ມະຕິຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກວດກາພັກ ຄະນະຈັດຕັ້ງສູນກາງພັກ ພ້ອມທັງສຳເລັດການຈັດຕັ້ງເຜີຍແຜ່ເຊື່ອມຊຶມ; ໄດ້ເອົາໃຈໃສ່ຕິດຕາມ, ກວດກາການຜັນຂະຫຍາຍເຜີຍແຜ່-ເຊື່ອມຊຶມເອກະສານສໍາຄັນຕ່າງໆ, ການນໍາພາ-ຊີ້ນໍາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ສະມາຊິກພັກ ຄັ້ງທີ IX ຂອງອົງຄະນະພັກ ຄະນະຈັດຕັ້ງສູນກາງພັກ, ມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI, ບັນດາມະຕິຄົບຄະນະບໍລິຫານງານສູນກາງພັກ ສະໄໝທີ XIແລະ ນິຕິກຳສໍາຄັນຕ່າງໆ ມີຜູ້ເຂົ້າຮ່ວມ 779 ເທື່ອຄົນຍິງ 326 ເທື່ອຄົນ.
ການຕິດຕາມກວດກາ ການກໍ່ສ້າງ ແລະ ຂະຫຍາຍພັກ ບັນດາໜ່ວຍພັກ ໄດ້ກຳແໜ້ນຫຼັກການ, ຖືເອົາຄຸນນະພາບເປັນກົກ, ປະຕິບັດຖືກຕ້ອງຕາມບາດກ້າວ ແລະ ຂັ້ນຕອນຂອງການຂະຫຍາຍພັກ, ບັນດາໜ່ວຍພັກໄດ້ມີການຂະຫຍາຍມະຫາຊົນເຂົ້າເປັນສະມາຊິກພັກຢ່າງຕໍ່ເນື່ອງ ໂດຍເລີ່ມຈາກການຕິດຕາມ, ການຮຽນສະໜັບສະໜູນ, ຮຽນກົດລະບຽບພັກ, ເຂົ້າເປັນສະມາຊິກພັກສຳຮອງ ແລະ ເລື່ອນເປັນສະມາຊິກພັກສົມບູນ; ແຕ່ລະໜ່ວຍພັກ ໄດ້ຖືເອົາການດໍາເນີນຊີວິດການເມືອງປະຈໍາເດືອນພາຍໃນໜ່ວຍ ເຊື່ອມຊຶມມະຕິ, ຄໍາສັ່ງ, ຂໍ້ກຳນົດ, ກົດລະບຽບ ແລະ ເອກະສານສໍາຄັນຕ່າງໆຂອງພັກພ້ອມທັງສຶກສາອົບຮົມການເມືອງ-ແນວຄິດ, ເຕົ້າໂຮມຄວາມສາມັກຄີ ແລະ ຕຳນິກໍ່ສ້າງຊຶ່ງກັນ ແລະ ກັນ, ພ້ອມທັງຕື່ນຕົວເສຍເງິນສະຕິພັກ ເປັນປົກກະຕິ.
ການປະເມີນສະມາຊິກພັກ ແລະ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ຈໍານວນ 8 ໜ່ວຍພັກ ສາມາດຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 6 ໜ່ວຍພັກ ແລະ ໜ່ວຍພັກກາງ 2 ໜ່ວຍພັກ; ສະມາຊິກພັກມີເງື່ອນໄຂປະເມີນ 133 ສະຫາຍຍິງ 55 ສະຫາຍ, ໄດ້ປະເພດແຂງ 118 ສະຫາຍຍິງ 45 ສະຫາຍ, ປະເພດກາງ 13 ສະຫາຍຍິງ 9 ສະຫາຍ ແລະ ປະເພດອ່ອນ 2 ສະຫາຍຍິງ 1 ສະຫາຍ; ສະມາຊິພັກພັກບໍ່ມີເງື່ອນໄຂປະເມີນ 53 ສະຫາຍຍິງ 18 ສະຫາຍ; ນອກຈາກນີ້ ຄະນະກວດກາ ຄະນະຈັດຕັ້ງສູນກາງພັກ ຍັງໄດ້ເຄື່ອນໄຫວປະຕິບັດໜ້າທີ່ວຽກງານຂອງຕົນມີຜົນສຳເລັດຕາມເປົ້າໝາຍຫຼາຍດ້ານ.
ໃນວາລະກອງປະຊຸມ ຜູ້ເຂົ້າຮ່ວມໄດ້ມີການປະກອບຄຳເຫັນໃສ່ບົດສະຫຼຸບວຽກງານກວດກາພາຍໃນ ຄຈສພ ປະຈຳປີ 2023 ແລະ ໄດ້ຮັບຟັງການເຜີຍແຜ່ເນື້ອໃນຈິດໃຈກອງປະຊຸມວຽກງານກວດກາທົ່ວປະເທດ ປະຈຳປີ 2023, ນິຕິກໍາກ່ຽວຂ້ອງຈໍານວນໜຶ່ງ ເປັນຕົ້ນແມ່ນຄໍາສັ່ງແນະນໍາຂອງຄະນະເລຂາທິການສູນກາງພັກ ເລກທີ 169/ຄລສພ, ລົງວັນທີ 15 ສິງຫາ 2022, ຄຳແນະນຳຂອງອົງການກວດກາລັດເລກທີ 331/ອກຫລ, ລົງວັນທີ 3 ຕຸລາ 2023, ລັດຖະດຳລັດຂອງປະທານປະເທດ ເລກທີ 141/ປປທ, ລົງວັນທີ 28 ກັນຍາ 2023, ຄຳແນະນຳຂອງຄະນະເລຂາທິການສູນກາງພັກ ເລກທີ 379/ຄລສພ, ລົງວັນທີ 7 ພະຈິກ 2023, ຄຳແນະນຳຂອງຄະນະເລຂາທິການສູນກາງພັກ ເລກທີ 285/ຄລສພ, ລົງວັນທີ 15 ກັນຍາ 2023 ແລະ ບົດໂອ້ລົມຂອງສະຫາຍ ຄຳພັນ ພົມມະທັດ ກໍາມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກວດກາສູນກາງພັກ ຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2023 (ຄັ້ງວັນທີ 7 ມີນາ 2024).
ໃນຕອນທ້າຍຂອງກອງປະຊຸມ ສະຫາຍ ທອງຈັນ ໂຂງພູມຄຳ ປະທານກອງປະຊຸມ ໄດ້ມີຄໍາເຫັນສະຫຼຸບສັງລວມການເຄື່ອນໄຫວວຽກງານກວດກາໃນໄລຍະຜ່ານມາ ເພື່ອເສີມຂະຫຍາຍດ້ານຕັ້ງໜ້າ ແລະ ແກ້ໄຂດ້ານຫຍໍ້ທໍ້ ຮັບປະກັນໃນການຈັດຕັ້ງປະຕິບັດວຽກງານກວດກາໃນຕໍ່ໜ້າໃຫ້ດີຂຶ້ນກວ່າເກົ່າ, ພວກເຮົາຕ້ອງໄດ້ນຳເອົາເນື້ອໃນຈິດໃຈຄຳເຫັນຊີ້ນຳຂອງສະຫາຍປະທານຄະນະກວດກາສູນກາງພັກທີ່ໄດ້ໂອ້ລົມຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2023 ມາຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ,ຕ້ອງກຳໃຫ້ໄດ້ພາລະບົດບາດຂອງວຽກງານກວດກາແຕ່ລະໜ້າວຽກ ທັງຕ້ອງໄດ້ກຳນົດແບບແຜນວິທີເຮັດວຽກໃຫ້ເປັນລະບົບໂລ່ງລ່ຽນກົມກຽວ, ເພື່ອເຮັດໃຫ້ວຽກງານກວດກາໄດ້ຮັບປະສິດທິພາບ ແລະ ປະສິດທິຜົນສູງ, ຄະນະພັກແຕ່ລະຂັ້ນຕ້ອງໄດ້ເອົາໃຈໃສ່ຊີ້ນຳຜູ້ທີ່ເຮັດວຽກງານກວດກາໃນຂັ້ນຂອງຕົນ ເພີ່ມທະວີຄວາມຮັບຜິດຊອບຕໍ່ວຽກງານດັ່ງກ່າວໃຫ້ເຂັ້ມແຂງກວ່າເກົ່າ, ຜູ້ຮັບຜິດຊອບວຽກງານກວດກາ ຕ້ອງກຳແໜ້ນນິຕິກຳຂອງພັກ ຂອງລັດ ແລະ ກຳແໜ້ນພາລະບົດບາດວຽກງານກວດກາຂອງຕົນ, ຄະນະໜ່ວຍພັກອ້ອມຂ້າງ ຄຈສພ ເອົາໃຈໃສ່ຊີ້ນຳວຽກງານກວດກາຂອງຕົນ, ອົງການຊ່ວຍວຽກງານກວດກາ ຕ້ອງເພີ່ມທະວີການປະຕິບັດພາລະບົດບາດເປັນເສນາທິການວຽກງານກວດກາ ຄຈສພ ໃຫ້ເຂັ້ມແຂງຂຶ້ນກວ່າເກົ່າ, ພະນັກງານ-ລັດຖະກອນ ເປັນເຈົ້າການເສີມຂະຫຍາຍຄວາມຮັບຜິດຊອບການມີສ່ວນຮ່ວມຂອງຕົນຕໍ່ວຽກງານກວດກາລວມຂອງ ຄຈສພ ທັງເປັນເຈົ້າການກຳແໜ້ນນິຕິກຳທີ່ກ່ຽວຂ້ອງກັບວຽກງານກວດກາ, ກະກຽມຄວາມພ້ອມເຂົ້າສູ່ການຕິດຕາມກວດກາ ການດຳເນີນຊີວິດການເມືອງໃນກອງປະຊຸມໃຫຍ່ 3 ຂັ້ນຂອງພັກ ໃຫ້ໄດ້ຮັບຜົນດີ.
(ຂ່າວ-ພາບ: ຄຈສພ)
ກອງປະຊຸມໄດ້ຕີລາຄາຄືນດ້ານດີ, ດ້ານອ່ອນ ແລະ ສະຫຼຸບບັນຫາຕົວຈິງຈາກການຈັດຕັ້ງປະຕິບັດວຽກງານຕິດຕາມ ກວດກາ ໃນ 1 ປີຜ່ານມາ ຊຶ່ງຄະນະກວດກາ ຄະນະຈັດຕັ້ງສູນກາງພັກ ໄດ້ເຄື່ອນໄຫວປະຕິບັດວຽກງານ ຕາມພາລະບົດບາດ, ໜ້າທີ່, ຂອບເຂດສິດຂອງຕົນ; ໄດ້ຄົ້ນຄວ້າປັບປຸງອອກນິຕິກຳ ແລະ ຜັນຂະຫຍາຍວຽກງານກວດກາ, ສໍາເລັດການຄົ້ນຄວ້ານິຕິກຳກ່ຽວກັບວຽກງານກວດກາ 2 ສະບັບຄື: ຂໍ້ຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຜູ້ເຮັດວຽກງານກວດກາໜ່ວຍພັກ ພາຍໃນຄະນະຈັດຕັ້ງສູນກາງພັກ ແລະ ມະຕິຕົກລົງວ່າດ້ວຍການຈັດຕັ້ງ ແລະ ການເຄື່ອນໄຫວຂອງຄະນະກວດກາພັກ ຄະນະຈັດຕັ້ງສູນກາງພັກ ພ້ອມທັງສຳເລັດການຈັດຕັ້ງເຜີຍແຜ່ເຊື່ອມຊຶມ; ໄດ້ເອົາໃຈໃສ່ຕິດຕາມ, ກວດກາການຜັນຂະຫຍາຍເຜີຍແຜ່-ເຊື່ອມຊຶມເອກະສານສໍາຄັນຕ່າງໆ, ການນໍາພາ-ຊີ້ນໍາການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ, ມະຕິກອງປະຊຸມໃຫຍ່ສະມາຊິກພັກ ຄັ້ງທີ IX ຂອງອົງຄະນະພັກ ຄະນະຈັດຕັ້ງສູນກາງພັກ, ມະຕິກອງປະຊຸມວຽກງານຈັດຕັ້ງທົ່ວປະເທດ ຄັ້ງທີ XI, ບັນດາມະຕິຄົບຄະນະບໍລິຫານງານສູນກາງພັກ ສະໄໝທີ XIແລະ ນິຕິກຳສໍາຄັນຕ່າງໆ ມີຜູ້ເຂົ້າຮ່ວມ 779 ເທື່ອຄົນຍິງ 326 ເທື່ອຄົນ.
ການຕິດຕາມກວດກາ ການກໍ່ສ້າງ ແລະ ຂະຫຍາຍພັກ ບັນດາໜ່ວຍພັກ ໄດ້ກຳແໜ້ນຫຼັກການ, ຖືເອົາຄຸນນະພາບເປັນກົກ, ປະຕິບັດຖືກຕ້ອງຕາມບາດກ້າວ ແລະ ຂັ້ນຕອນຂອງການຂະຫຍາຍພັກ, ບັນດາໜ່ວຍພັກໄດ້ມີການຂະຫຍາຍມະຫາຊົນເຂົ້າເປັນສະມາຊິກພັກຢ່າງຕໍ່ເນື່ອງ ໂດຍເລີ່ມຈາກການຕິດຕາມ, ການຮຽນສະໜັບສະໜູນ, ຮຽນກົດລະບຽບພັກ, ເຂົ້າເປັນສະມາຊິກພັກສຳຮອງ ແລະ ເລື່ອນເປັນສະມາຊິກພັກສົມບູນ; ແຕ່ລະໜ່ວຍພັກ ໄດ້ຖືເອົາການດໍາເນີນຊີວິດການເມືອງປະຈໍາເດືອນພາຍໃນໜ່ວຍ ເຊື່ອມຊຶມມະຕິ, ຄໍາສັ່ງ, ຂໍ້ກຳນົດ, ກົດລະບຽບ ແລະ ເອກະສານສໍາຄັນຕ່າງໆຂອງພັກພ້ອມທັງສຶກສາອົບຮົມການເມືອງ-ແນວຄິດ, ເຕົ້າໂຮມຄວາມສາມັກຄີ ແລະ ຕຳນິກໍ່ສ້າງຊຶ່ງກັນ ແລະ ກັນ, ພ້ອມທັງຕື່ນຕົວເສຍເງິນສະຕິພັກ ເປັນປົກກະຕິ.
ການປະເມີນສະມາຊິກພັກ ແລະ ໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈໍາປີ 2023 ຈໍານວນ 8 ໜ່ວຍພັກ ສາມາດຮັບຮອງເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 6 ໜ່ວຍພັກ ແລະ ໜ່ວຍພັກກາງ 2 ໜ່ວຍພັກ; ສະມາຊິກພັກມີເງື່ອນໄຂປະເມີນ 133 ສະຫາຍຍິງ 55 ສະຫາຍ, ໄດ້ປະເພດແຂງ 118 ສະຫາຍຍິງ 45 ສະຫາຍ, ປະເພດກາງ 13 ສະຫາຍຍິງ 9 ສະຫາຍ ແລະ ປະເພດອ່ອນ 2 ສະຫາຍຍິງ 1 ສະຫາຍ; ສະມາຊິພັກພັກບໍ່ມີເງື່ອນໄຂປະເມີນ 53 ສະຫາຍຍິງ 18 ສະຫາຍ; ນອກຈາກນີ້ ຄະນະກວດກາ ຄະນະຈັດຕັ້ງສູນກາງພັກ ຍັງໄດ້ເຄື່ອນໄຫວປະຕິບັດໜ້າທີ່ວຽກງານຂອງຕົນມີຜົນສຳເລັດຕາມເປົ້າໝາຍຫຼາຍດ້ານ.
ໃນວາລະກອງປະຊຸມ ຜູ້ເຂົ້າຮ່ວມໄດ້ມີການປະກອບຄຳເຫັນໃສ່ບົດສະຫຼຸບວຽກງານກວດກາພາຍໃນ ຄຈສພ ປະຈຳປີ 2023 ແລະ ໄດ້ຮັບຟັງການເຜີຍແຜ່ເນື້ອໃນຈິດໃຈກອງປະຊຸມວຽກງານກວດກາທົ່ວປະເທດ ປະຈຳປີ 2023, ນິຕິກໍາກ່ຽວຂ້ອງຈໍານວນໜຶ່ງ ເປັນຕົ້ນແມ່ນຄໍາສັ່ງແນະນໍາຂອງຄະນະເລຂາທິການສູນກາງພັກ ເລກທີ 169/ຄລສພ, ລົງວັນທີ 15 ສິງຫາ 2022, ຄຳແນະນຳຂອງອົງການກວດກາລັດເລກທີ 331/ອກຫລ, ລົງວັນທີ 3 ຕຸລາ 2023, ລັດຖະດຳລັດຂອງປະທານປະເທດ ເລກທີ 141/ປປທ, ລົງວັນທີ 28 ກັນຍາ 2023, ຄຳແນະນຳຂອງຄະນະເລຂາທິການສູນກາງພັກ ເລກທີ 379/ຄລສພ, ລົງວັນທີ 7 ພະຈິກ 2023, ຄຳແນະນຳຂອງຄະນະເລຂາທິການສູນກາງພັກ ເລກທີ 285/ຄລສພ, ລົງວັນທີ 15 ກັນຍາ 2023 ແລະ ບົດໂອ້ລົມຂອງສະຫາຍ ຄຳພັນ ພົມມະທັດ ກໍາມະການກົມການເມືອງສູນກາງພັກ ເລຂາທິການສູນກາງພັກ ປະທານຄະນະກວດກາສູນກາງພັກ ຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2023 (ຄັ້ງວັນທີ 7 ມີນາ 2024).
ໃນຕອນທ້າຍຂອງກອງປະຊຸມ ສະຫາຍ ທອງຈັນ ໂຂງພູມຄຳ ປະທານກອງປະຊຸມ ໄດ້ມີຄໍາເຫັນສະຫຼຸບສັງລວມການເຄື່ອນໄຫວວຽກງານກວດກາໃນໄລຍະຜ່ານມາ ເພື່ອເສີມຂະຫຍາຍດ້ານຕັ້ງໜ້າ ແລະ ແກ້ໄຂດ້ານຫຍໍ້ທໍ້ ຮັບປະກັນໃນການຈັດຕັ້ງປະຕິບັດວຽກງານກວດກາໃນຕໍ່ໜ້າໃຫ້ດີຂຶ້ນກວ່າເກົ່າ, ພວກເຮົາຕ້ອງໄດ້ນຳເອົາເນື້ອໃນຈິດໃຈຄຳເຫັນຊີ້ນຳຂອງສະຫາຍປະທານຄະນະກວດກາສູນກາງພັກທີ່ໄດ້ໂອ້ລົມຕໍ່ກອງປະຊຸມວຽກງານກວດກາທົ່ວປະເທດປະຈຳປີ 2023 ມາຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ,ຕ້ອງກຳໃຫ້ໄດ້ພາລະບົດບາດຂອງວຽກງານກວດກາແຕ່ລະໜ້າວຽກ ທັງຕ້ອງໄດ້ກຳນົດແບບແຜນວິທີເຮັດວຽກໃຫ້ເປັນລະບົບໂລ່ງລ່ຽນກົມກຽວ, ເພື່ອເຮັດໃຫ້ວຽກງານກວດກາໄດ້ຮັບປະສິດທິພາບ ແລະ ປະສິດທິຜົນສູງ, ຄະນະພັກແຕ່ລະຂັ້ນຕ້ອງໄດ້ເອົາໃຈໃສ່ຊີ້ນຳຜູ້ທີ່ເຮັດວຽກງານກວດກາໃນຂັ້ນຂອງຕົນ ເພີ່ມທະວີຄວາມຮັບຜິດຊອບຕໍ່ວຽກງານດັ່ງກ່າວໃຫ້ເຂັ້ມແຂງກວ່າເກົ່າ, ຜູ້ຮັບຜິດຊອບວຽກງານກວດກາ ຕ້ອງກຳແໜ້ນນິຕິກຳຂອງພັກ ຂອງລັດ ແລະ ກຳແໜ້ນພາລະບົດບາດວຽກງານກວດກາຂອງຕົນ, ຄະນະໜ່ວຍພັກອ້ອມຂ້າງ ຄຈສພ ເອົາໃຈໃສ່ຊີ້ນຳວຽກງານກວດກາຂອງຕົນ, ອົງການຊ່ວຍວຽກງານກວດກາ ຕ້ອງເພີ່ມທະວີການປະຕິບັດພາລະບົດບາດເປັນເສນາທິການວຽກງານກວດກາ ຄຈສພ ໃຫ້ເຂັ້ມແຂງຂຶ້ນກວ່າເກົ່າ, ພະນັກງານ-ລັດຖະກອນ ເປັນເຈົ້າການເສີມຂະຫຍາຍຄວາມຮັບຜິດຊອບການມີສ່ວນຮ່ວມຂອງຕົນຕໍ່ວຽກງານກວດກາລວມຂອງ ຄຈສພ ທັງເປັນເຈົ້າການກຳແໜ້ນນິຕິກຳທີ່ກ່ຽວຂ້ອງກັບວຽກງານກວດກາ, ກະກຽມຄວາມພ້ອມເຂົ້າສູ່ການຕິດຕາມກວດກາ ການດຳເນີນຊີວິດການເມືອງໃນກອງປະຊຸມໃຫຍ່ 3 ຂັ້ນຂອງພັກ ໃຫ້ໄດ້ຮັບຜົນດີ.
(ຂ່າວ-ພາບ: ຄຈສພ)
