ພິທີພົບປະມິດຕະພາບຊາວໜຸ່ມລາວ-ຫວຽດນາມ ປະຈໍາປີ 2023 ແລະ ກອງປະຊຸມສໍາມະນາວິທະຍາ ສາດພາຍໃຕ້ຫົວຂໍ້ “ເພີ່ມທະວີບົດບາດການມີສ່ວນຮ່ວມຂອງຊາວໜຸ່ມໃນການສົ່ງເສີມການຜະລິດ ແລະ ຊົມໃຊ້ຜະລິດຕະພັນພາຍໃນ ເພື່ອພັດທະນາເສດຖະກິດຂອງຊາດ ໄດ້ຈັດຂຶ້ນໃນວັນທີ 10 ຕຸລາ ນີ້ ທີ່ໂຮງແຮມ ຄຣາວພາຊາ ນະຄອນຫຼວງວຽງຈັນ ສປປ ລາວ; ຝ່າຍລາວນໍາໂດຍ ທ່ານ ມອນໄຊ ລາວມົວຊົ່ງ ກໍາມະການສໍາຮອງສູນກາງພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ (ສຊປລ); ຝ່າຍຫວຽດນາມ ນໍາໂດຍ ທ່ານ ບຸ່ຍ ກວາງ ຮຸ່ຍ ກໍາມະການສໍາຮອງສູນກາງພັກ ເລຂາທີໜຶ່ງ ຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນ ພ້ອມດ້ວຍຄະນະທັງສອງຝ່າຍເຂົ້າຮ່ວມ ຊຶ່ງກ່ອນໜ້ານີ້ກໍໄດ້ຮ່ວມກອງປະຊຸມພົບປະລະຫວ່າງຜູ້ແທນຂັ້ນສູງສູນກາງຊາວໜຸ່ມກອມມູນິດໂຮ່ຈິມິນ ແລະ ສູນກາງຊາວໜຸ່ມປະຊາຊົນປະຕິວັດລາວ. ອີງຕາມບົດບັນທຶກການຮ່ວມມືລະຫວ່າງສອງສູນກາງຊາວໜຸ່ມລາວ-ຫວຽດນາມ ທີ່ໄດ້ຈັດຕັ້ງປະຕິບັດຜ່ານມາແຕ່ລະໄລຍະ ໃນນີ້ກິດຈະກໍາໜຶ່ງທີ່ສໍາຄັນແມ່ນການຈັດງານພົບປະມິດຕະພາບຊາວໜຸ່ມລາວ-ຫວຽດນາມ, ຫວຽດນາມ-ລາວ ຊຶ່ງໄດ້ຜັດປ່ຽນກັນເປັນເຈົ້າພາບໃນແຕ່ລະປີ ຊຶ່ງໃນປີ 2023 ນີ້, ສຊປລ ໄດ້ຮັບກຽດເປັນເຈົ້າພາບ ແລະ ໄດ້ມີການເຄື່ອນໄຫວຫຼາຍກິດຈະກໍາ.
ກອງປະຊຸມຄັ້ງນີ້, ທັງສອງຝ່າຍໄດ້ມີການແລກປ່ຽນສົນທະນາກັນຢ່າງມີຈຸດສຸມໃນບັນດາຫົວຂໍ້ທີ່ສໍາຄັນເປັນຕົ້ນ: ສະພາບເສດຖະກິດຂອງ ສປປ ລາວ ໃນປັດຈຸບັນ ແລະ ທ່າອ່ຽງດ້ານເສດຖະກິດໃນອະນາຄົດ; ທິດທາງຊຸກຍູ້ໃຫ້ຊາວໜຸ່ມເຂົ້າຮ່ວມສົ່ງເສີມການຜະລິດໃຫ້ກາຍເປັນສິນຄ້າ ແລະ ສົ່ງເສີມການຊົມໃຊ້ຜະລິດຕະພັນພາຍໃນປະເທດ; ເນື່ອງຈາກວ່າການພັດທະນາເສດຖະກິດຂອງປະເທດຕ້ອງໄດ້ຮຽກຮ້ອງໃຫ້ມີການຮ່ວມມືຈາກທຸກພາກສ່ວນທັງພາກລັດ, ພາກເອກະຊົນ ແລະ ປະຊາຊົນ ໂດຍສະເພາະແມ່ນຊາວໜຸ່ມ ຊຶ່ງແມ່ນບຸກຄົນທີ່ພວມເຕີບໃຫຍ່ຂະຫຍາຍຕົວທາງດ້ານຮ່າງກາຍ ແລະ ຈິດໃຈ, ມີຄວາມສະດຸ້ງໄວໃນການຮໍ່າຮຽນ ແລະ ຮັບ ຮອງເອົາສິ່ງໃໝ່ໆ, ເປັນຜູ້ທີ່ມີຄວາມຫ້າວຫັນສູງ, ເປັນກໍາລັງສໍາຄັນຢູ່ໃນທຸກໆຂະບວນການ ສາມາດຄົງຕົວ ແລະ ຂະຫຍາຍຕົວຂອງສັງຄົມໄດ້ ໂດຍບໍ່ຈໍາກັດສາສະໜາ, ເພດ, ເຜົ່າ ແລະ ອາຊີບຈຶ່ງເປັນກໍາລັງໜຶ່ງທີ່ສໍາຄັນ ທີ່ຈະຊ່ວຍຊຸກຍູ້ການພັດທະນາເສດຖະກິດຂອງປະເທດໃຫ້ກ້າວໄປຂ້າງໜ້າ. ດັ່ງທີ່ ປະທານ ໂຮ່ຈິມິນ ໄດ້ເວົ້າວ່າ: “ຊາວໜຸ່ມປຽບເໜືອນລະດູບານໃໝ່ ດອກໄມ້ພວມເບັ່ງບານ, ເດືອນພວມເຕັມດວງ ແລະ ນົກແອ່ນພວມບິນເຈີດເຈີ້ຍໄປມາຕາມທ້ອງຟ້າສີຄາມ” ໃນທຸກສະໄໝ, ບໍ່ວ່າຊາດໃດ, ປະເທດໃດ ຊາວໜຸ່ມຖືເປັນກໍາລັງໃຫຍ່ຫຼວງ ແລະ ເຂັ້ມແຂງກວ່າໝູ່ໝົດ. ດັ່ງນັ້ນ, ຊາວໜຸ່ມຈຶ່ງກາຍເປັນຜູ້ແບກຫາບໜ້າທີ່ປະຫວັດສາດຂອງຊາດ.
ສໍາລັບການສົ່ງເສີມການຜະລິດທົນແທນການນໍາເຂົ້າ ແລະ ເປັນສິນຄ້າສົ່ງອອກ ໂດຍການນໍາໃຊ້ກາລະໂອກາດ, ທ່າແຮງການເຊື່ອມໂຍງ-ເຊື່ອມຈອດ ຕາມເລວເສດຖະກິດ, ສ້າງລາຍຮັບໃຫ້ໄວ, ສ້າງເສດ ຖະກິດໃຫ້ເຂັ້ມແຂງ, ຍູ້ແຮງການຜະລິດພາຍໃນ ເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກ ກໍານົດນະໂຍບາຍສົ່ງເສີມຈຸນລະວິສາຫະກິດ, ທຸລະກິດຂະໜາດນ້ອຍ ແລະ ກາງໃຫ້ຈະແຈ້ງ; ສ້າງ ແລະ ຂະຫຍາຍທຸລະກິດຂະໜາດນ້ອຍ, ຂະໜາດກາງໃຫ້ຫຼາຍຂຶ້ນ ແລະ ເປັນຮູບປະທໍາ, ຫັນຈາກສັງຄົມຜູ້ບໍລິໂພກມາສູ່ສັງຄົມຜູ້ຜະລິດ ຊຶ່ງທັງໝົດນີ້ຖືເປັນວຽກຈຸດສຸມອີກຢ່າງໜຶ່ງຂອງວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດການເງິນຂອງ ສປປ ລາວ.
ຂ່າວ-ພາບ: ຍຸພິນທອງ
ກອງປະຊຸມຄັ້ງນີ້, ທັງສອງຝ່າຍໄດ້ມີການແລກປ່ຽນສົນທະນາກັນຢ່າງມີຈຸດສຸມໃນບັນດາຫົວຂໍ້ທີ່ສໍາຄັນເປັນຕົ້ນ: ສະພາບເສດຖະກິດຂອງ ສປປ ລາວ ໃນປັດຈຸບັນ ແລະ ທ່າອ່ຽງດ້ານເສດຖະກິດໃນອະນາຄົດ; ທິດທາງຊຸກຍູ້ໃຫ້ຊາວໜຸ່ມເຂົ້າຮ່ວມສົ່ງເສີມການຜະລິດໃຫ້ກາຍເປັນສິນຄ້າ ແລະ ສົ່ງເສີມການຊົມໃຊ້ຜະລິດຕະພັນພາຍໃນປະເທດ; ເນື່ອງຈາກວ່າການພັດທະນາເສດຖະກິດຂອງປະເທດຕ້ອງໄດ້ຮຽກຮ້ອງໃຫ້ມີການຮ່ວມມືຈາກທຸກພາກສ່ວນທັງພາກລັດ, ພາກເອກະຊົນ ແລະ ປະຊາຊົນ ໂດຍສະເພາະແມ່ນຊາວໜຸ່ມ ຊຶ່ງແມ່ນບຸກຄົນທີ່ພວມເຕີບໃຫຍ່ຂະຫຍາຍຕົວທາງດ້ານຮ່າງກາຍ ແລະ ຈິດໃຈ, ມີຄວາມສະດຸ້ງໄວໃນການຮໍ່າຮຽນ ແລະ ຮັບ ຮອງເອົາສິ່ງໃໝ່ໆ, ເປັນຜູ້ທີ່ມີຄວາມຫ້າວຫັນສູງ, ເປັນກໍາລັງສໍາຄັນຢູ່ໃນທຸກໆຂະບວນການ ສາມາດຄົງຕົວ ແລະ ຂະຫຍາຍຕົວຂອງສັງຄົມໄດ້ ໂດຍບໍ່ຈໍາກັດສາສະໜາ, ເພດ, ເຜົ່າ ແລະ ອາຊີບຈຶ່ງເປັນກໍາລັງໜຶ່ງທີ່ສໍາຄັນ ທີ່ຈະຊ່ວຍຊຸກຍູ້ການພັດທະນາເສດຖະກິດຂອງປະເທດໃຫ້ກ້າວໄປຂ້າງໜ້າ. ດັ່ງທີ່ ປະທານ ໂຮ່ຈິມິນ ໄດ້ເວົ້າວ່າ: “ຊາວໜຸ່ມປຽບເໜືອນລະດູບານໃໝ່ ດອກໄມ້ພວມເບັ່ງບານ, ເດືອນພວມເຕັມດວງ ແລະ ນົກແອ່ນພວມບິນເຈີດເຈີ້ຍໄປມາຕາມທ້ອງຟ້າສີຄາມ” ໃນທຸກສະໄໝ, ບໍ່ວ່າຊາດໃດ, ປະເທດໃດ ຊາວໜຸ່ມຖືເປັນກໍາລັງໃຫຍ່ຫຼວງ ແລະ ເຂັ້ມແຂງກວ່າໝູ່ໝົດ. ດັ່ງນັ້ນ, ຊາວໜຸ່ມຈຶ່ງກາຍເປັນຜູ້ແບກຫາບໜ້າທີ່ປະຫວັດສາດຂອງຊາດ.
ສໍາລັບການສົ່ງເສີມການຜະລິດທົນແທນການນໍາເຂົ້າ ແລະ ເປັນສິນຄ້າສົ່ງອອກ ໂດຍການນໍາໃຊ້ກາລະໂອກາດ, ທ່າແຮງການເຊື່ອມໂຍງ-ເຊື່ອມຈອດ ຕາມເລວເສດຖະກິດ, ສ້າງລາຍຮັບໃຫ້ໄວ, ສ້າງເສດ ຖະກິດໃຫ້ເຂັ້ມແຂງ, ຍູ້ແຮງການຜະລິດພາຍໃນ ເພື່ອທົດແທນການນໍາເຂົ້າ ແລະ ເປັນສິນຄ້າສົ່ງອອກ ກໍານົດນະໂຍບາຍສົ່ງເສີມຈຸນລະວິສາຫະກິດ, ທຸລະກິດຂະໜາດນ້ອຍ ແລະ ກາງໃຫ້ຈະແຈ້ງ; ສ້າງ ແລະ ຂະຫຍາຍທຸລະກິດຂະໜາດນ້ອຍ, ຂະໜາດກາງໃຫ້ຫຼາຍຂຶ້ນ ແລະ ເປັນຮູບປະທໍາ, ຫັນຈາກສັງຄົມຜູ້ບໍລິໂພກມາສູ່ສັງຄົມຜູ້ຜະລິດ ຊຶ່ງທັງໝົດນີ້ຖືເປັນວຽກຈຸດສຸມອີກຢ່າງໜຶ່ງຂອງວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດການເງິນຂອງ ສປປ ລາວ.
ຂ່າວ-ພາບ: ຍຸພິນທອງ
