ກະຊວງຊັບພະຍາກອນມໍາມະຊາດ ແລະ ສິ່ງແວດລ້ອມ (ກຊສ), ໄດ້ຈັດພິທີປາຖະກະຖາ ວັນໄຊຊະນະບັ້ນຮົບດຽນບຽນຝູ້ ຄົບຮອບ 70ປີ (7/5/1954-7/5/2024), ວັນຜ່າວົງປິດລ້ອມ ຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ (18/5/1959-18/5/2024) ແລະ ວິລະກຳ ໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ຄົບຮອບ 64 ປີ (24/5/1960-24/5/2024) ໃນຕອນເຊົ້າຂອງວັນທີ 22 ພຶດສະພານີ້ທີ່ສະໂມສອນຂອງກະຊວງດັ່ງກ່າວ, ເປັນກຽດປາຖະກະຖາໂດຍ ສະຫາຍ ນາງ ບຸນຄໍາ ວໍລະຈິດ ກຳມະການສູນກາງພັກເລຂາຄະນະພັກລັດຖະມົນຕີ ກຊສ, ເຂົ້າຮ່ວມຮັບຟັງມີ ຄະນະປະຈຳພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ຄະນະໜ່ວຍພັກທີ່ຂຶ້ນກັບ ຄະນະພັກຮາກຖານ, ສະມາຊິກພັກ ແລະ ພະນັກງານ-ລັດຖະກອນທັງໝົດ ພາຍໃນກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າຮ່ວມຢ່າງພ້ອມພຽງ.
ຈຸດປະສົງ ຂອງການປາຖະກະຖາໃນຄັ້ງນີ້ ເພື່ອເປັນການຫວນຄົນ ແລະ ລະນຶກເຖິງເຫດການຂອງ 3 ວັນດັ່ງກ່າວ ທັງເປັນການຮັບຮູ້ທາງດ້ານປະຫວັດສາດ ທີ່ໄດ້ສ່ອງແສງໃຫ້ເຫັນການປະຕິວັດໄຊຊະນະບັ້ນຮົບດຽນບຽນຝູ້, ການຕໍ່ສູ້ອັນພິລາອາດຫານ ແລະ ຜົນງານທີ່ຍາດມາໄດ້ຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ໃນສະໄໝຕໍ່ສູ້ກູ້ຊາດເພື່ອຍາດເອົາໄຊຊະນະໃນແຕ່ລະເຫດການ. ໃນພິທີປາຖະກະຖາ ໄດ້ມີການສາຍວິດີໂອ (ຟີມ) ສາລະຄະດີ 3 ວັນປະຫວັດສາດ ໃຫ້ບັນດາຜູ້ທີ່ເຂົ້າຮ່ວມໄດ້ຮັບຊົມມູນເຊື້ອປະຫວັດສາດ ການເຄື່ອນໄຫວຕົວຈິງ ທີ່ສະແດງເຖິງຄວາມພິລະອາດຫານ, ຄວາມຕັດສິນໃຈຂອງຜູ້ນໍາທີ່ປີຊາສາມາດ ນໍາພາສູ້ຮົບໃນແຕ່ລະເຫດການຢ່າງມີຜົນສໍາເລັດ, ເຫດການ 3 ວັນດັ່ງກ່າວ ໄດ້ເປັນຂີດໝາຍທາງປະຫວັດສາດ ແລະ ເຮັດໃຫ້ການປະຕິວັດຊາດກໍຄືການປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ ໃນແຕ່ລະໄລຍະຍຸກສະໄໝໄດ້ລະນຶກເຖິງໃນແຕ່ລະປີຂອງ 3 ວັນດັ່ງກ່າວ. ພາຍຫຼັງໄດ້ເບິ່ງສາລະຄະດີ (ຟີມ) ຂອງ 3 ວັນດັ່ງກ່າວແລ້ວ ສະຫາຍ ນາງ ບຸນຄໍາ ວໍລະຈິດ ໄດ້ເນັ້ນໜັກ,ຍົກໃຫ້ເຫັນກ່ຽວກັບສະພາບເຫດການໃນອະດີດ ຕໍ່ກັບ ໄຊຊະນະດຽນບຽນຝູ້ ຊຶ່ງເປັນໄຊຊະນະທີ່ສະຫວ່າງສະໄຫວທີ່ສຸດໃນປະຫວັດສາດການຕໍ່ສູ້ຕ້ານການຮຸກຮານຂອງຈັກກະພັດພາຍນອກ ຂອງປະຊາຊົນຫວຽດນາມ ໂດຍໄດ້ບັນທຶກເຂົ້າໃນປະຫວັດສາດ ແລະ ຂອງໂລກ ຢູ່ ໃນສະຕະວັດທີ XX, ພາຍໃຕ້ການຊີ້ນໍາ-ນໍາພາຂອງພັກ ແລະ ປະທານ ໂຮ່ຈິມິນ ທີ່ໄດ້ໝູນໃຊ້ກໍາລັງປະກອບອາວຸດທົ່ວປວງຊົນ ຊຶ່ງສາມາດຕີເອົາໄຊຊະນະກັບສັດຕູຜູ້ທີ່ມາຮຸກຮານທີ່ມີພື້ນຖານເສດຖະກິດ ແລະ ການທະຫານເຂັ້ມແຂງ ແລະ ທັນສະໄໝກວ່າຫຼາຍເທົ່າ, ໄຊຊະນະດຽນບຽນຝູ້ບໍ່ພຽງແຕ່ແມ່ນໄຊຊະນະຂອງປະຊາຊົນຫວຽດນາມ ແຕ່ຍັງແມ່ນໄຊຊະນະ ຂອງປະຊາຊົນລາວ ແລະ ປະຊາຊົນກຳປູເຈຍ, ໄຊຊະນະດັ່ງກ່າວເປັນບ່ອນອີງທີ່ໜັກແໜ້ນ, ທັງເປັນແວ່ນແຍງທີ່ໃສແຈ້ງໃຫ້ແກ່ບັນດາປະຊາຊາດ ທີ່ຕົກເປັນຫົວເມືອງຂຶ້ນ ໄດ້ລຸກຂຶ້ນຕໍ່ສູ້ຕ້ານການກົດຂີ່ຂູດຮີດ ແລະ ແອກຄອບຄອງເມືອງຂຶ້ນແບບເກົ່າຢູ່ຫຼາຍບ່ອນໃນທົ່ວໂລກ, ພ້ອມດຽວກັນສະຫາຍກໍໄດ້ຫວນຄືນມູນເຊື້ອຂອງ 2 ວັນປະຫວັດຊາດຂອງລາວ ທີ່ໄດ້ສະແດງໃຫ້ເຫັນນໍ້າໃຈພິລະອາດຫານ ອົງອາດກ້າແກ່ນ ເດັດດ່ຽວ ໜຽວແໜ້ນ ແລະ ມີພິກໄຫວອັນສະຫຼາດສ່ອງໃສຂອງ ພະນັກງານ-ນັກຮົບກອງພັນທີ 2 ພາຍໃຕ້ການນໍາພາຂອງພັກປະຊາຊົນປະຕິວັດລາວ ທີ່ບໍ່ຍອມຈຳນົນຕໍ່ພວກຈັກກະພັດອາເມຣິກາຜູ້ມາຮຸກຮານ, ວັນຜ່າວົງປິດລ້ອມຂອງກອງພັນທີ 2 ແມ່ນໄຊຊະນະອັນໃຫຍ່ຫຼວງ ຂອງກຳລັງປະກອບອາວຸດ ຊຶ່ງເປັນເຫດການປະຫວັດສາດອັນສໍາຄັນຂອງຊາດທີ່ສາມາດທັບມ້າງກົນອຸບາຍຂອງພວກຈັກກະພັດ ແລະ ລູກແຫຼ້ງຕີນມື ຂອງພວກເຂົາ ທີ່ຫວັງດັບມ້າງກໍາລັງປະຕິວັດ.
ໂອກາດດຽວກັນນີ້, ສະຫາຍຍັງໄດ້ຍົກໃຫ້ເຫັນເຫດການວິລະກຳໂຕນຄຸກ ຢ່າງມະຫັດສະຈັນຂອງບັນດາທ່ານຜູ້ນໍາພັກ ແລະ ແນວລາວຮັກຊາດ ທີ່ມີຄວາມກ້າຫານ, ຕັດສິນໃຈຕໍ່ສູ້ຢ່າງມີຄວາມປີຊາສາມາດ ແລະ ສາມາດຂົນຂວາຍ ສຶກສາອົບຮົມສາລະວັດທະຫານ ໃຫ້ມີນໍ້າໃຈຮັກຊາດອັນດູດດື່ມ ມີຄວາມຕື່ນຕົວ ເຮັດໃຫ້ສັດຕູກາຍເປັນມິດສະຫາຍ ຮ່ວມຕາຍນໍາກັນ ຈົນສາມາດໂຕນຄຸກໄດ້ຢ່າງມະຫັດສະຈັນ. ນີ້ແມ່ນເຫດການສໍາຄັນທີ່ສຸດໃນ ປະຫວັດສາດລາວ ທັງເປັນການສຶກສາອົບຮົມໃຫ້ພະນັກງານ-ສະມາຊິກພັກ ແລະ ນັກຮົບ ເຊື່ອມຊຶມກຳແໜ້ນມູນເຊື້ອ ດັ່ງກ່າວ ເປັນບົດຮຽນ ແລະ ເປັນພື້ນຖານໃຫ້ແກ່ການຝຶກຝົນຫຼໍ່ຫຼອມຕົນເອງ ໃຫ້ມີຄຸນທາດການເມືອງ ມີຄຸນສົມບັດ ສິນທໍາປະຕິວັດ ແລະ ໃຫ້ກາຍເປັນພະນັກງານ-ນັກຮົບຮຸ່ນສືບທອດທີ່ດີໃນອະນາຄົດ. ຍ້ອນແນວນັ້ນ, ໃນທຸກໆປີພວກເຮົາຈຶ່ງພ້ອມກັນລະນຶກເຖິງວັນທີ 18 ພຶດສະພາ 1959 ແລະ ວັນທີ 24 ພຶດສະພາ 1960 ເປັນວັນທີ່ສໍາຄັນ ແລະ ລະນຶກເຖິງ ເຫດການວັນຜ່າວົງປິດລ້ອມ ຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນ ຂອງ ບັນດາຜູ້ນໍາຂອງພັກ ແລະ ແນວລາວຮັກຊາດ.
(ຂ່າວ-ພາບ: ແສງຈັນ)
ຈຸດປະສົງ ຂອງການປາຖະກະຖາໃນຄັ້ງນີ້ ເພື່ອເປັນການຫວນຄົນ ແລະ ລະນຶກເຖິງເຫດການຂອງ 3 ວັນດັ່ງກ່າວ ທັງເປັນການຮັບຮູ້ທາງດ້ານປະຫວັດສາດ ທີ່ໄດ້ສ່ອງແສງໃຫ້ເຫັນການປະຕິວັດໄຊຊະນະບັ້ນຮົບດຽນບຽນຝູ້, ການຕໍ່ສູ້ອັນພິລາອາດຫານ ແລະ ຜົນງານທີ່ຍາດມາໄດ້ຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນໍາຂອງພັກ ແລະ ແນວລາວຮັກຊາດ ໃນສະໄໝຕໍ່ສູ້ກູ້ຊາດເພື່ອຍາດເອົາໄຊຊະນະໃນແຕ່ລະເຫດການ. ໃນພິທີປາຖະກະຖາ ໄດ້ມີການສາຍວິດີໂອ (ຟີມ) ສາລະຄະດີ 3 ວັນປະຫວັດສາດ ໃຫ້ບັນດາຜູ້ທີ່ເຂົ້າຮ່ວມໄດ້ຮັບຊົມມູນເຊື້ອປະຫວັດສາດ ການເຄື່ອນໄຫວຕົວຈິງ ທີ່ສະແດງເຖິງຄວາມພິລະອາດຫານ, ຄວາມຕັດສິນໃຈຂອງຜູ້ນໍາທີ່ປີຊາສາມາດ ນໍາພາສູ້ຮົບໃນແຕ່ລະເຫດການຢ່າງມີຜົນສໍາເລັດ, ເຫດການ 3 ວັນດັ່ງກ່າວ ໄດ້ເປັນຂີດໝາຍທາງປະຫວັດສາດ ແລະ ເຮັດໃຫ້ການປະຕິວັດຊາດກໍຄືການປະກອບສ່ວນເຂົ້າໃນການປົກປັກຮັກສາ ແລະ ພັດທະນາປະເທດຊາດ ໃນແຕ່ລະໄລຍະຍຸກສະໄໝໄດ້ລະນຶກເຖິງໃນແຕ່ລະປີຂອງ 3 ວັນດັ່ງກ່າວ. ພາຍຫຼັງໄດ້ເບິ່ງສາລະຄະດີ (ຟີມ) ຂອງ 3 ວັນດັ່ງກ່າວແລ້ວ ສະຫາຍ ນາງ ບຸນຄໍາ ວໍລະຈິດ ໄດ້ເນັ້ນໜັກ,ຍົກໃຫ້ເຫັນກ່ຽວກັບສະພາບເຫດການໃນອະດີດ ຕໍ່ກັບ ໄຊຊະນະດຽນບຽນຝູ້ ຊຶ່ງເປັນໄຊຊະນະທີ່ສະຫວ່າງສະໄຫວທີ່ສຸດໃນປະຫວັດສາດການຕໍ່ສູ້ຕ້ານການຮຸກຮານຂອງຈັກກະພັດພາຍນອກ ຂອງປະຊາຊົນຫວຽດນາມ ໂດຍໄດ້ບັນທຶກເຂົ້າໃນປະຫວັດສາດ ແລະ ຂອງໂລກ ຢູ່ ໃນສະຕະວັດທີ XX, ພາຍໃຕ້ການຊີ້ນໍາ-ນໍາພາຂອງພັກ ແລະ ປະທານ ໂຮ່ຈິມິນ ທີ່ໄດ້ໝູນໃຊ້ກໍາລັງປະກອບອາວຸດທົ່ວປວງຊົນ ຊຶ່ງສາມາດຕີເອົາໄຊຊະນະກັບສັດຕູຜູ້ທີ່ມາຮຸກຮານທີ່ມີພື້ນຖານເສດຖະກິດ ແລະ ການທະຫານເຂັ້ມແຂງ ແລະ ທັນສະໄໝກວ່າຫຼາຍເທົ່າ, ໄຊຊະນະດຽນບຽນຝູ້ບໍ່ພຽງແຕ່ແມ່ນໄຊຊະນະຂອງປະຊາຊົນຫວຽດນາມ ແຕ່ຍັງແມ່ນໄຊຊະນະ ຂອງປະຊາຊົນລາວ ແລະ ປະຊາຊົນກຳປູເຈຍ, ໄຊຊະນະດັ່ງກ່າວເປັນບ່ອນອີງທີ່ໜັກແໜ້ນ, ທັງເປັນແວ່ນແຍງທີ່ໃສແຈ້ງໃຫ້ແກ່ບັນດາປະຊາຊາດ ທີ່ຕົກເປັນຫົວເມືອງຂຶ້ນ ໄດ້ລຸກຂຶ້ນຕໍ່ສູ້ຕ້ານການກົດຂີ່ຂູດຮີດ ແລະ ແອກຄອບຄອງເມືອງຂຶ້ນແບບເກົ່າຢູ່ຫຼາຍບ່ອນໃນທົ່ວໂລກ, ພ້ອມດຽວກັນສະຫາຍກໍໄດ້ຫວນຄືນມູນເຊື້ອຂອງ 2 ວັນປະຫວັດຊາດຂອງລາວ ທີ່ໄດ້ສະແດງໃຫ້ເຫັນນໍ້າໃຈພິລະອາດຫານ ອົງອາດກ້າແກ່ນ ເດັດດ່ຽວ ໜຽວແໜ້ນ ແລະ ມີພິກໄຫວອັນສະຫຼາດສ່ອງໃສຂອງ ພະນັກງານ-ນັກຮົບກອງພັນທີ 2 ພາຍໃຕ້ການນໍາພາຂອງພັກປະຊາຊົນປະຕິວັດລາວ ທີ່ບໍ່ຍອມຈຳນົນຕໍ່ພວກຈັກກະພັດອາເມຣິກາຜູ້ມາຮຸກຮານ, ວັນຜ່າວົງປິດລ້ອມຂອງກອງພັນທີ 2 ແມ່ນໄຊຊະນະອັນໃຫຍ່ຫຼວງ ຂອງກຳລັງປະກອບອາວຸດ ຊຶ່ງເປັນເຫດການປະຫວັດສາດອັນສໍາຄັນຂອງຊາດທີ່ສາມາດທັບມ້າງກົນອຸບາຍຂອງພວກຈັກກະພັດ ແລະ ລູກແຫຼ້ງຕີນມື ຂອງພວກເຂົາ ທີ່ຫວັງດັບມ້າງກໍາລັງປະຕິວັດ.
ໂອກາດດຽວກັນນີ້, ສະຫາຍຍັງໄດ້ຍົກໃຫ້ເຫັນເຫດການວິລະກຳໂຕນຄຸກ ຢ່າງມະຫັດສະຈັນຂອງບັນດາທ່ານຜູ້ນໍາພັກ ແລະ ແນວລາວຮັກຊາດ ທີ່ມີຄວາມກ້າຫານ, ຕັດສິນໃຈຕໍ່ສູ້ຢ່າງມີຄວາມປີຊາສາມາດ ແລະ ສາມາດຂົນຂວາຍ ສຶກສາອົບຮົມສາລະວັດທະຫານ ໃຫ້ມີນໍ້າໃຈຮັກຊາດອັນດູດດື່ມ ມີຄວາມຕື່ນຕົວ ເຮັດໃຫ້ສັດຕູກາຍເປັນມິດສະຫາຍ ຮ່ວມຕາຍນໍາກັນ ຈົນສາມາດໂຕນຄຸກໄດ້ຢ່າງມະຫັດສະຈັນ. ນີ້ແມ່ນເຫດການສໍາຄັນທີ່ສຸດໃນ ປະຫວັດສາດລາວ ທັງເປັນການສຶກສາອົບຮົມໃຫ້ພະນັກງານ-ສະມາຊິກພັກ ແລະ ນັກຮົບ ເຊື່ອມຊຶມກຳແໜ້ນມູນເຊື້ອ ດັ່ງກ່າວ ເປັນບົດຮຽນ ແລະ ເປັນພື້ນຖານໃຫ້ແກ່ການຝຶກຝົນຫຼໍ່ຫຼອມຕົນເອງ ໃຫ້ມີຄຸນທາດການເມືອງ ມີຄຸນສົມບັດ ສິນທໍາປະຕິວັດ ແລະ ໃຫ້ກາຍເປັນພະນັກງານ-ນັກຮົບຮຸ່ນສືບທອດທີ່ດີໃນອະນາຄົດ. ຍ້ອນແນວນັ້ນ, ໃນທຸກໆປີພວກເຮົາຈຶ່ງພ້ອມກັນລະນຶກເຖິງວັນທີ 18 ພຶດສະພາ 1959 ແລະ ວັນທີ 24 ພຶດສະພາ 1960 ເປັນວັນທີ່ສໍາຄັນ ແລະ ລະນຶກເຖິງ ເຫດການວັນຜ່າວົງປິດລ້ອມ ຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນ ຂອງ ບັນດາຜູ້ນໍາຂອງພັກ ແລະ ແນວລາວຮັກຊາດ.
(ຂ່າວ-ພາບ: ແສງຈັນ)
