ຄະນະບໍລິຫານງານພັກກະຊວງການເງິນ ໄດ້ຈັດກອງປະຊຸມປາຖະກະຖາຫວນຄືນມູນເຊື້ອວັນສຳຄັນຂອງພັກ-ຂອງຊາດ ແລະ ສາກົນຂຶ້ນໃນວັນທີ 22 ພຶດສະພາ ຜ່ານມາໂດຍການເປັນປະທານ ແລະ ໃຫ້ກຽດປາຖະກະຖາຂອງທ່ານ ບຸນປອນ ວັນນະຈິດ ຮອງລັດຖະມົນຕີກະຊວງການເງິນ, ມີຄະນະພັກ- ຄະນະກົມ, ຫົວໜ້າສະຖາບັນ ແລະ ລັດວິສາຫາກິດເຂົ້າຮ່ວມ.
ທ່ານ ບຸນປອນ ວັນນະຈິດ ໄດ້ຍົກໃຫ້ເຫັນມູນເຊື້ອແຫ່ງວັນໄຊຊະນະບັ້ນຮົບດຽນບຽນຝູ້ຄົບຮອບ 70 ປີ (7 ພຶດສະພາ 1954-7 ພຶດສະພາ 2024) ຊຶ່ງສະແດງໃຫ້ເຫັນເຖິງຄວາມສາມັກຄີເປັນປຶກແຜ່ນຂອງ 3 ຊາດ ລາວ-ຫວຽດນາມ-ກຳປູເຈຍ ທີ່ສາມາດຍາດໄດ້ເອົາຊະນະສັດຕູທີ່ມີກຳລັງຫຼາຍທີ່ສຸດ, ມີອາວຸດທັນສະໄໝທີ່ສຸດ ແລະ ເປັນສັດຕູທີ່ຮັ່ງມີທີ່ສຸດໃນໂລກ ແຕ່ຍ້ອນການຊີ້ນຳ-ນຳພາລວມຂອງພັກກອມມູນິດ ເຖິງຈະມີກຳລັງດ້ອຍກວ່າຫຼາຍດ້ານ ແຕ່ຜ່ານຂະບວນການຕໍ່ສູ້ເປັນແຕ່ລະໄລຍະເປັນບາດຂ້ອນ ຈົນສາມາດຕີເອົາໄຊນະນະນັ້ນມາໄດ້ຢ່າງອົງອາດກ້າຫານ, ໄຊຊະນະດຽນບຽນຝູ້ ແລະ ໄຊຊະນະໃນການຕໍ່ສູ້ກູ້ຊາດ ຕ້ານພວກລ່າເມືອງຂຶ້ນຝຣັ່ງຂອງປະຊາຊົນ 3 ຊາດນີ້ ແມ່ນເປັນເທື່ອທຳອິດທີ່ໄດ້ເຮັດໃຫ້ພວກລ່າເມືອງຂຶ້ນແບບເກົ່າຖືກພັງທະລາຍລົງໃນໂລກ.ໄຊຊະນະດັ່ງກ່າວຍັງເປັນບ່ອນອີງທີ່ໜັກແໜ້ນ ທັງເປັນແວ່ນແຍງອັນໃສແຈ້ງ ໃຫ້ແກ່ບັນດາປະຊາຊາດ ທີ່ຕົກເປັນຫົວເມືອງຂຶ້ນ ໄດ້ລຸກຂຶ້ນຕໍ່ສູ້ຕ້ານກັບການກົດຂີ່ຂູດຮີດ-ແອກຄອບຄອງແບບເກົ່າຢູ່ຫຼາຍບ່ອນໃນທົ່ວໂລກ.
ສຳລັບວິລະກຳວັນຜ່າວົງປິດລ້ອມສັດຕູຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ (18 ພຶດສະພາ1959-18 ພຶດສະພາ 2024) ແລະ ວິລະກໍາໂຕນຄຸກຢ່າງມະຫັດສະຈັນຂອງບັນດາທ່ານຜູ້ນໍາພັກ ແລະ ແນວລາວຮັກຊາດ ຄົບຮອບ 64 ປີ (24 ພຶດສະພາ 1960-24 ພຶດສະພາ 2024) ເຖິງແມ່ນວ່າສັດຕູ ຈະມີການປິດລ້ອມກັກຂັງບັນດາທ່ານຜູ້ນຳຂອງພັກເຮົາ ໂດຍມີການວາງກຳລັງເວນຍາມ, ຄຸ້ມກັນ, ມີກຳລັງທີ່ຫຼາຍກວ່າຫຼາຍເທົ່າກໍຕາມປິດລ້ອມທຸກດ້ານ ແຕ່ຍ້ອນຄວາມສະຫຼາດ, ສ່ອງໃສບວກກັບຄວາມສາມັກຄີ ນ້ຳໃຈໜັກແໜ້ນ, ບໍ່ຫວັ່ນກົວ, ຄອນແຄນ ຕໍ່ສະພາບການຂອງສັດຕູ ພາຍໃຕການຊີ້ນຳ-ນຳພາຂອງພັກ ຈຶ່ງເຮັດໃຫ້ພາລະກິດທີ່ຍິ່ງໃຫຍ່, ສຳຄັນນີ້ສຳເລັດລຸລ່ວງຢ່າງເອກອ້າງທະນົງໃຈເຮັດໃຫ້ພວກສັດຕູເຈັບແຊບ ແລະ ຄາດບໍ່ເຖິງຕໍ່ວິລະກຳດັ່ງກ່າວ.
ໃນການປາຖະກະຖາຄັ້ງນີ້ຈັດຂຶ້ນ ເພື່ອແນໃສ່ປຸກລະດົມສ້າງຂະບວນການກະກຽມໃຫ້ແກ່ກອງປະຊຸມໃຫຍ່ 3 ຂັ້ນຂອງກະຊວງການເງິນ ເຮັດໃຫ້ຄະນະພັກແຕ່ລະຂັ້ນ, ສະມາຊິກພັກ, ພະນັກງານຮັບຮູ້, ເຂົ້າໃຈ, ເຊື່ອມຊຶມ ແລະ ກຳແໜ້ນໄດ້ຢ່າງເລິກເຊິ່ງກ່ຽວກັບການສ້າງເສດຖະກິດເອກະລາດເປັນເຈົ້າຕົນເອງ ແລະຄວາມເປັນເຈົ້າໃນການປະຕິບັດພັນທະ, ໜ້າທີ່ຂອງແຕ່ລະພາກສ່ວນຢ່າງທົ່ວເຖິງ; ເພື່ອເປັນການສ້າງບາດກ້າວບຸກທະລຸໃນການພັດທະນາຮັບປະກັນໃຫ້ແກ່ການເຕີບໂຕທາງດ້ານເສດຖະກິດດ້ວຍຈັງຫວະທີ່ໝັ້ນທ່ຽງ ແລະ ຕໍ່ເນື່ອງ ຊຶ່ງຈະເປັນເງື່ອນໄຂພື້ນຖານຮັບປະກັນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ກໍຄືການພັດທະນາເສດຖະກິດຕະຫຼາດ ຕາມທິດສັງຄົມນິຍົມຢູ່ປະເທດເຮົາໃຫ້ນັບມື້ເປັນຮູບປະທໍາຍິ່ງຂຶ້ນ ດ້ວຍຈິດໃຈບຸກທະລຸຍົກສູງຄວາມຮັບຜິດຊອບຂອງຄະນະພັກແຕ່ລະຂັ້ນ, ສ້າງຄວາມຢູ່ດີກິນດີໃຫ້ປະຊາຊົນພາຍໃນຊາດ ເຮັດໃຫ້ປະເທດຊາດມີສະຖຽນລະພາບທາງດ້ານການເມືອງ ແລະ ມີຄວາມໝັ້ນຄົງຢ່າງໜັກແໜ້ນ;ເພື່ອສ້າງຄວາມເຊື່ອໝັ້ນຢ່າງໜັກແໜ້ນຕໍ່ການນຳພາຂອງພັກ, ການຄຸ້ມຄອງ-ບໍລິຫານຂອງລັດໃນການສືບຕໍ່ນຳພາປະເທດຊາດໃຫ້ຫຼຸດພົ້ນອອກຈາກຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ສະຖານະພາບດ້ອຍພັດທະນາ, ສືບຕໍ່ບູລະນະລະບອບປະຊາທິປະໄຕ ປະຊາຊົນໃຫ້ສົມບູນຍິ່ງຂຶ້ນ.
(ຂ່າວ-ພາບ: ກະຊວງການເງິນ)
ທ່ານ ບຸນປອນ ວັນນະຈິດ ໄດ້ຍົກໃຫ້ເຫັນມູນເຊື້ອແຫ່ງວັນໄຊຊະນະບັ້ນຮົບດຽນບຽນຝູ້ຄົບຮອບ 70 ປີ (7 ພຶດສະພາ 1954-7 ພຶດສະພາ 2024) ຊຶ່ງສະແດງໃຫ້ເຫັນເຖິງຄວາມສາມັກຄີເປັນປຶກແຜ່ນຂອງ 3 ຊາດ ລາວ-ຫວຽດນາມ-ກຳປູເຈຍ ທີ່ສາມາດຍາດໄດ້ເອົາຊະນະສັດຕູທີ່ມີກຳລັງຫຼາຍທີ່ສຸດ, ມີອາວຸດທັນສະໄໝທີ່ສຸດ ແລະ ເປັນສັດຕູທີ່ຮັ່ງມີທີ່ສຸດໃນໂລກ ແຕ່ຍ້ອນການຊີ້ນຳ-ນຳພາລວມຂອງພັກກອມມູນິດ ເຖິງຈະມີກຳລັງດ້ອຍກວ່າຫຼາຍດ້ານ ແຕ່ຜ່ານຂະບວນການຕໍ່ສູ້ເປັນແຕ່ລະໄລຍະເປັນບາດຂ້ອນ ຈົນສາມາດຕີເອົາໄຊນະນະນັ້ນມາໄດ້ຢ່າງອົງອາດກ້າຫານ, ໄຊຊະນະດຽນບຽນຝູ້ ແລະ ໄຊຊະນະໃນການຕໍ່ສູ້ກູ້ຊາດ ຕ້ານພວກລ່າເມືອງຂຶ້ນຝຣັ່ງຂອງປະຊາຊົນ 3 ຊາດນີ້ ແມ່ນເປັນເທື່ອທຳອິດທີ່ໄດ້ເຮັດໃຫ້ພວກລ່າເມືອງຂຶ້ນແບບເກົ່າຖືກພັງທະລາຍລົງໃນໂລກ.ໄຊຊະນະດັ່ງກ່າວຍັງເປັນບ່ອນອີງທີ່ໜັກແໜ້ນ ທັງເປັນແວ່ນແຍງອັນໃສແຈ້ງ ໃຫ້ແກ່ບັນດາປະຊາຊາດ ທີ່ຕົກເປັນຫົວເມືອງຂຶ້ນ ໄດ້ລຸກຂຶ້ນຕໍ່ສູ້ຕ້ານກັບການກົດຂີ່ຂູດຮີດ-ແອກຄອບຄອງແບບເກົ່າຢູ່ຫຼາຍບ່ອນໃນທົ່ວໂລກ.
ສຳລັບວິລະກຳວັນຜ່າວົງປິດລ້ອມສັດຕູຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ (18 ພຶດສະພາ1959-18 ພຶດສະພາ 2024) ແລະ ວິລະກໍາໂຕນຄຸກຢ່າງມະຫັດສະຈັນຂອງບັນດາທ່ານຜູ້ນໍາພັກ ແລະ ແນວລາວຮັກຊາດ ຄົບຮອບ 64 ປີ (24 ພຶດສະພາ 1960-24 ພຶດສະພາ 2024) ເຖິງແມ່ນວ່າສັດຕູ ຈະມີການປິດລ້ອມກັກຂັງບັນດາທ່ານຜູ້ນຳຂອງພັກເຮົາ ໂດຍມີການວາງກຳລັງເວນຍາມ, ຄຸ້ມກັນ, ມີກຳລັງທີ່ຫຼາຍກວ່າຫຼາຍເທົ່າກໍຕາມປິດລ້ອມທຸກດ້ານ ແຕ່ຍ້ອນຄວາມສະຫຼາດ, ສ່ອງໃສບວກກັບຄວາມສາມັກຄີ ນ້ຳໃຈໜັກແໜ້ນ, ບໍ່ຫວັ່ນກົວ, ຄອນແຄນ ຕໍ່ສະພາບການຂອງສັດຕູ ພາຍໃຕການຊີ້ນຳ-ນຳພາຂອງພັກ ຈຶ່ງເຮັດໃຫ້ພາລະກິດທີ່ຍິ່ງໃຫຍ່, ສຳຄັນນີ້ສຳເລັດລຸລ່ວງຢ່າງເອກອ້າງທະນົງໃຈເຮັດໃຫ້ພວກສັດຕູເຈັບແຊບ ແລະ ຄາດບໍ່ເຖິງຕໍ່ວິລະກຳດັ່ງກ່າວ.
ໃນການປາຖະກະຖາຄັ້ງນີ້ຈັດຂຶ້ນ ເພື່ອແນໃສ່ປຸກລະດົມສ້າງຂະບວນການກະກຽມໃຫ້ແກ່ກອງປະຊຸມໃຫຍ່ 3 ຂັ້ນຂອງກະຊວງການເງິນ ເຮັດໃຫ້ຄະນະພັກແຕ່ລະຂັ້ນ, ສະມາຊິກພັກ, ພະນັກງານຮັບຮູ້, ເຂົ້າໃຈ, ເຊື່ອມຊຶມ ແລະ ກຳແໜ້ນໄດ້ຢ່າງເລິກເຊິ່ງກ່ຽວກັບການສ້າງເສດຖະກິດເອກະລາດເປັນເຈົ້າຕົນເອງ ແລະຄວາມເປັນເຈົ້າໃນການປະຕິບັດພັນທະ, ໜ້າທີ່ຂອງແຕ່ລະພາກສ່ວນຢ່າງທົ່ວເຖິງ; ເພື່ອເປັນການສ້າງບາດກ້າວບຸກທະລຸໃນການພັດທະນາຮັບປະກັນໃຫ້ແກ່ການເຕີບໂຕທາງດ້ານເສດຖະກິດດ້ວຍຈັງຫວະທີ່ໝັ້ນທ່ຽງ ແລະ ຕໍ່ເນື່ອງ ຊຶ່ງຈະເປັນເງື່ອນໄຂພື້ນຖານຮັບປະກັນການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ກໍຄືການພັດທະນາເສດຖະກິດຕະຫຼາດ ຕາມທິດສັງຄົມນິຍົມຢູ່ປະເທດເຮົາໃຫ້ນັບມື້ເປັນຮູບປະທໍາຍິ່ງຂຶ້ນ ດ້ວຍຈິດໃຈບຸກທະລຸຍົກສູງຄວາມຮັບຜິດຊອບຂອງຄະນະພັກແຕ່ລະຂັ້ນ, ສ້າງຄວາມຢູ່ດີກິນດີໃຫ້ປະຊາຊົນພາຍໃນຊາດ ເຮັດໃຫ້ປະເທດຊາດມີສະຖຽນລະພາບທາງດ້ານການເມືອງ ແລະ ມີຄວາມໝັ້ນຄົງຢ່າງໜັກແໜ້ນ;ເພື່ອສ້າງຄວາມເຊື່ອໝັ້ນຢ່າງໜັກແໜ້ນຕໍ່ການນຳພາຂອງພັກ, ການຄຸ້ມຄອງ-ບໍລິຫານຂອງລັດໃນການສືບຕໍ່ນຳພາປະເທດຊາດໃຫ້ຫຼຸດພົ້ນອອກຈາກຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ສະຖານະພາບດ້ອຍພັດທະນາ, ສືບຕໍ່ບູລະນະລະບອບປະຊາທິປະໄຕ ປະຊາຊົນໃຫ້ສົມບູນຍິ່ງຂຶ້ນ.
(ຂ່າວ-ພາບ: ກະຊວງການເງິນ)
