ສະພາທິດສະດີສູນກາງພັກ ໄດ້ເປີດກອງປະຊຸມວິທະຍາສາດ ເພື່ອພິຈາລະນາ-ຮັບຮອງເອົາເນື້ອໃນຜົນການຄົ້ນຄວ້າໂຄງການລະດັບຊາດໃນຫົວຂໍ້ “ການສ້າງເສດຖະກິດຕະຫຼາດຕາມທິດສັງຄົມນິຍົມຢູ່ສປປລາວ” ໃນວັນທີ 27 ພຶດສະພາ ນີ້ ທີ່ຫ້ອງປະຊຸມສະພາທິດສະດີສູນກາງພັກ ໂດຍການເປັນປະທານ ຂອງທ່ານ ຄຳພັນ ເຜີຍຍະວົງ ຄະນະເລຂາທິການສູນກາງພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ, ໃນກອງປະຊຸມມີຮອງປະທານສະພາທິດສະດີສູນກາງ, ຄະນະປະຈຳສະພາທິດສະດີສູນກາງພັກ, ຄະນະເລຂາວິທະຍາສາດສະພາທິດສະດີສູນກາງພັກພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
ໂຄງການຄົ້ນຄວ້າໃນຫົວຂໍ້ “ການສ້າງເສດຖະກິດຕະຫຼາດຕາມທິດສັງຄົມນິຍົມຢູ່ສປປລາວ”ເປັນໜຶ່ງໃນບັນດາໂຄງການຄົ້ນຄວ້າທາງດ້ານທິດສະດີ-ພຶດຕິກຳທີ່ຄະນະເລຂາທິການສູນກາງພັກໄດ້ອະນຸມັດ. ໂຄງການດັ່ງກ່າວໄດ້ສຳເລັດການດຳເນີນການຄົ້ນຄວ້າແລະໄດ້ຜ່ານກອງປະຊຸມສຳມະນາວິທະຍາສາດເປີດກວ້າງລະດົມຄຳຄິດເຫັນທັງພາຍໃນຄະນະຮັບຜິດຊອບໂຄງການແລະຮ່ວມກັບຄະນະກຳມະການດ້ານເສດຖະກິດ, ຄະນະປະຈຳສະພາທິດສະດີສູນກາງພັກເພື່ອປະກອບຄຳເຫັນໃນໄລຍະຜ່ານມາ.
ຜ່ານການຈັດຕັ້ງປະຕິບັດໂຄງການຄົ້ນຄວ້າຕ່າງໆໃນໄລຍະຜ່ານມາ ມາຮອດປັດຈຸບັນນີ້, ສາມາດຮັບຮອງເອົາເນື້ອໃນຜົນການຄົ້ນຄວ້າໂຄງການລະດັບຊາດໄດ້ 3 ໂຄງການໃນນັ້ນໄດ້ສະເໜີຈັດພິມເປັນສະບັບສົມບູນ 1 ໂຄງການ. ບັນດາຜະລິດຕະພັນດັ່ງກ່າວຖືໄດ້ວ່າເປັນຜົນງານການຄົ້ນຄວ້າຂອງສະພາທິດສະດີສູນກາງພັກກໍຄືບັນດາສະຫາຍໃນຄະນະຮັບຜິດຊອບໂຄງການຄົ້ນຄວ້າໃນຫົວຂໍ້ຕ່າງໆທີ່ໄດ້ສຸມທຸກກຳລັງສະຕິປັນຍາໃນການດຳເນີນການຄົ້ນຄວ້າແລະສາມາດນຳສະເໜີເພື່ອໃຫ້ສະພາທິດສະດີສູນກາງພັກພິຈາລະນາຮັບຮອງ.
ສຳລັບໂຄງການຄົ້ນຄວ້ານີ້ຄະນະຮັບຜິດຊອບໂຄງການໄດ້ມີຄວາມເອົາໃຈໃສ່ຢ່າງຈົດຈໍ່ຊຶ່ງເນື້ອໃນຜົນການຄົ້ນຄວ້າໄດ້ສ່ອງແສງໃຫ້ເຫັນເຖິງທິດສະດີ-ພຶດຕິກຳແລະຖອດບັນດາບົດຮຽນອັນສຳຄັນໃນການສ້າງເສດຖະກິດຕະຫຼາດ ຂອງບັນດາປະເທດເພື່ອນມິດຍຸດທະສາດເພື່ອໝູນໃຊ້ເຂົ້າໃນການສ້າງເສດຖະກິດຕະຫຼາດຢູ່ປະເທດເຮົາ, ທີ່ມີຄຸນຄ່າແລະຕອບສະໜອງໃຫ້ແກ່ການສືບຕໍ່ຄົ້ນຄວ້າແລະສະໜອງຂໍ້ມູນຢ່າງມີວິທະຍາສາດໃຫ້ແກ່ການປັບປຸງບູລະນະແນວທາງຂອງພັກເຮົາໃນຂັ້ນຕໍ່ໄປ.ພ້ອມດຽວກັນນັ້ນ, ກອງປະຊຸມກໍໄດ້ຕົກລົງເຫັນດີເປັນເອກະພາບລົງຄະແນນສຽງຮັບຮອງເອົາຜົນຂອງການຄົ້ນຄວ້າດັ່ງກ່າວ.
ໃນຕອນທ້າຍ, ທ່ານ ຄຳພັນ ເຜີຍຍະວົງ ກໍໄດ້ມີຄຳເຫັນເພີ່ມເຕີມບາງປະການດັ່ງນີ້:1). ຄະນະຮັບຜິດຊອບໂຄງການດັ່ງກ່າວ ຈົ່ງໄດ້ເຊີດຊູຄວາມຮັບຜິດຊອບ ແລະສຸມໃສ່ໃນການນຳເອົາເນື້ອໃນຄຳເຫັນ ຂອງຄະນະກຳມະການວິທະຍາສາດທີ່ໄດ້ມີຄຳເຫັນໃນການຕີລາຄາເນື້ອໃນບົດຄົ້ນຄວ້າໄປປັບປຸງ ແລະລາຍງານມາຍັງສະພາທິດສະດີສູນກາງພັກ ເປັນລາຍລັກອັກສອນ ເພື່ອສະເໜີຄະນະປະຈຳສະພາທິດສະດີສູນກາງພັກມີຄຳເຫັນ ແລະຈັດພິມເປັນສະບັບສົມບູນ, 2). ຄະນະຮັບຜິດຊອບໂຄງການປະສານກັບຫ້ອງການສະພາທິດສະດີສູນກາງພັກສຸມໃສ່ໃນການກວດກາດ້ານເຕັກນິກ-ໄວຍະກອນ, ການສ້າງມາແກັດປຶ້ມແລ້ວສົ່ງໃຫ້ຫ້ອງການສະພາທິດສະດີສູນກາງພັກ, 3). ຫ້ອງການສະພາທິດສະດີສູນກາງພັກເປັນໃຈກາງໃນການຕິດຕາມ ແລະຊຸກຍູ້ການຈັດຕັ້ງປະຕິບັດບັນດາໜ້າວຽກຕ່າງໆ ເພື່ອເຮັດໃຫ້ການດຳເນີນໂຄງການໄດ້ສຳເລັດຕາມລະດັບຄາດໝາຍ ພ້ອມນັ້ນ ກໍຮ່າງຂໍ້ຕົກລົງວ່າດ້ວຍການຮັບຮອງເນື້ອໃນຜົນການຄົ້ນຄວ້າໂຄງການ ເພື່ອສະເໜີສະພາທິດສະດີສູນກາງພັກລົງລາຍເຊັນຢ່າງເປັນທາງການ.
ຂ່າວ-ພາບ:ພູວຽງຄຳ
ໂຄງການຄົ້ນຄວ້າໃນຫົວຂໍ້ “ການສ້າງເສດຖະກິດຕະຫຼາດຕາມທິດສັງຄົມນິຍົມຢູ່ສປປລາວ”ເປັນໜຶ່ງໃນບັນດາໂຄງການຄົ້ນຄວ້າທາງດ້ານທິດສະດີ-ພຶດຕິກຳທີ່ຄະນະເລຂາທິການສູນກາງພັກໄດ້ອະນຸມັດ. ໂຄງການດັ່ງກ່າວໄດ້ສຳເລັດການດຳເນີນການຄົ້ນຄວ້າແລະໄດ້ຜ່ານກອງປະຊຸມສຳມະນາວິທະຍາສາດເປີດກວ້າງລະດົມຄຳຄິດເຫັນທັງພາຍໃນຄະນະຮັບຜິດຊອບໂຄງການແລະຮ່ວມກັບຄະນະກຳມະການດ້ານເສດຖະກິດ, ຄະນະປະຈຳສະພາທິດສະດີສູນກາງພັກເພື່ອປະກອບຄຳເຫັນໃນໄລຍະຜ່ານມາ.
ຜ່ານການຈັດຕັ້ງປະຕິບັດໂຄງການຄົ້ນຄວ້າຕ່າງໆໃນໄລຍະຜ່ານມາ ມາຮອດປັດຈຸບັນນີ້, ສາມາດຮັບຮອງເອົາເນື້ອໃນຜົນການຄົ້ນຄວ້າໂຄງການລະດັບຊາດໄດ້ 3 ໂຄງການໃນນັ້ນໄດ້ສະເໜີຈັດພິມເປັນສະບັບສົມບູນ 1 ໂຄງການ. ບັນດາຜະລິດຕະພັນດັ່ງກ່າວຖືໄດ້ວ່າເປັນຜົນງານການຄົ້ນຄວ້າຂອງສະພາທິດສະດີສູນກາງພັກກໍຄືບັນດາສະຫາຍໃນຄະນະຮັບຜິດຊອບໂຄງການຄົ້ນຄວ້າໃນຫົວຂໍ້ຕ່າງໆທີ່ໄດ້ສຸມທຸກກຳລັງສະຕິປັນຍາໃນການດຳເນີນການຄົ້ນຄວ້າແລະສາມາດນຳສະເໜີເພື່ອໃຫ້ສະພາທິດສະດີສູນກາງພັກພິຈາລະນາຮັບຮອງ.
ສຳລັບໂຄງການຄົ້ນຄວ້ານີ້ຄະນະຮັບຜິດຊອບໂຄງການໄດ້ມີຄວາມເອົາໃຈໃສ່ຢ່າງຈົດຈໍ່ຊຶ່ງເນື້ອໃນຜົນການຄົ້ນຄວ້າໄດ້ສ່ອງແສງໃຫ້ເຫັນເຖິງທິດສະດີ-ພຶດຕິກຳແລະຖອດບັນດາບົດຮຽນອັນສຳຄັນໃນການສ້າງເສດຖະກິດຕະຫຼາດ ຂອງບັນດາປະເທດເພື່ອນມິດຍຸດທະສາດເພື່ອໝູນໃຊ້ເຂົ້າໃນການສ້າງເສດຖະກິດຕະຫຼາດຢູ່ປະເທດເຮົາ, ທີ່ມີຄຸນຄ່າແລະຕອບສະໜອງໃຫ້ແກ່ການສືບຕໍ່ຄົ້ນຄວ້າແລະສະໜອງຂໍ້ມູນຢ່າງມີວິທະຍາສາດໃຫ້ແກ່ການປັບປຸງບູລະນະແນວທາງຂອງພັກເຮົາໃນຂັ້ນຕໍ່ໄປ.ພ້ອມດຽວກັນນັ້ນ, ກອງປະຊຸມກໍໄດ້ຕົກລົງເຫັນດີເປັນເອກະພາບລົງຄະແນນສຽງຮັບຮອງເອົາຜົນຂອງການຄົ້ນຄວ້າດັ່ງກ່າວ.
ໃນຕອນທ້າຍ, ທ່ານ ຄຳພັນ ເຜີຍຍະວົງ ກໍໄດ້ມີຄຳເຫັນເພີ່ມເຕີມບາງປະການດັ່ງນີ້:1). ຄະນະຮັບຜິດຊອບໂຄງການດັ່ງກ່າວ ຈົ່ງໄດ້ເຊີດຊູຄວາມຮັບຜິດຊອບ ແລະສຸມໃສ່ໃນການນຳເອົາເນື້ອໃນຄຳເຫັນ ຂອງຄະນະກຳມະການວິທະຍາສາດທີ່ໄດ້ມີຄຳເຫັນໃນການຕີລາຄາເນື້ອໃນບົດຄົ້ນຄວ້າໄປປັບປຸງ ແລະລາຍງານມາຍັງສະພາທິດສະດີສູນກາງພັກ ເປັນລາຍລັກອັກສອນ ເພື່ອສະເໜີຄະນະປະຈຳສະພາທິດສະດີສູນກາງພັກມີຄຳເຫັນ ແລະຈັດພິມເປັນສະບັບສົມບູນ, 2). ຄະນະຮັບຜິດຊອບໂຄງການປະສານກັບຫ້ອງການສະພາທິດສະດີສູນກາງພັກສຸມໃສ່ໃນການກວດກາດ້ານເຕັກນິກ-ໄວຍະກອນ, ການສ້າງມາແກັດປຶ້ມແລ້ວສົ່ງໃຫ້ຫ້ອງການສະພາທິດສະດີສູນກາງພັກ, 3). ຫ້ອງການສະພາທິດສະດີສູນກາງພັກເປັນໃຈກາງໃນການຕິດຕາມ ແລະຊຸກຍູ້ການຈັດຕັ້ງປະຕິບັດບັນດາໜ້າວຽກຕ່າງໆ ເພື່ອເຮັດໃຫ້ການດຳເນີນໂຄງການໄດ້ສຳເລັດຕາມລະດັບຄາດໝາຍ ພ້ອມນັ້ນ ກໍຮ່າງຂໍ້ຕົກລົງວ່າດ້ວຍການຮັບຮອງເນື້ອໃນຜົນການຄົ້ນຄວ້າໂຄງການ ເພື່ອສະເໜີສະພາທິດສະດີສູນກາງພັກລົງລາຍເຊັນຢ່າງເປັນທາງການ.
ຂ່າວ-ພາບ:ພູວຽງຄຳ
