ກອງປະຊຸມສະຫຼຸບຖອດຖອນບົດຮຽນການຈັດຕັ້ງປະຕິບັດວຽກງານໄອຍະການທະຫານທົ່ວກອງທັບ ຄັ້ງທີ VI ປະຈໍາປີ 2018-2023ແລະ ວາງທິດທາງແຜນການ 5 ປີ ຕໍ່ໜ້າ (2023-2028)ໄດ້ເປີດຂຶ້ນໃນວັນທີ 27 ພຶດສະພາ ນີ້ ທີ່ສະໂມສອນກົມໃຫຍ່ການເມືອງກອງທັບ, ໂດຍການເປັນປະທານຂອງທ່ານ ພົນໂທ ທອງລອຍ ສີລິວົງ ກໍາມະການສູນກາງພັກຮອງລັດຖະມົນຕີກະຊວງປ້ອງກັນປະເທດຫົວໜ້າກົມໃຫຍ່ການເມືອງກອງທັບ, ມີຄະນະນຳ 4 ກົມໃຫຍ່, ຫ້ອງວ່າການກະຊວງປ້ອງກັນປະເທດ, ອົງການໄອຍະການປະຊາຊົນສູງສຸດ ແລະ ຄະນະພັກ-ຄະນະບັນຊາອົງການ, ກົມກອງກຳລັງຫຼວງ, ກຳລັງທ້ອງຖິ່ນໃນທົ່ວກອງທັບເຂົ້າຮ່ວມ.
ໂອກາດນີ້,ທ່ານ ພົນໂທ ທອງລອຍ ສີລິວົງ ໄດ້ມີຄໍາເຫັນກ່າວເປີດກອງປະຊຸມວ່າ: ກອງປະຊຸມຄັ້ງນີ້ ຈະໄດ້ຮັບຟັງການສະຫຼຸບຕີລາຄາຄືນການຈັດຕັ້ງປະຕິບັດວຽກງານໄອຍະການທະຫານໃນຊຸມປີຜ່ານມາ ແລະ ທິດທາງແຜນການ 5 ປີ ຕໍ່ໜ້າ ທີ່ອົງການໄອຍະການ ທະຫານໄດ້ບຸກບືນຜ່ານຜ່າດ້ວຍຄວາມເອົາໃຈໃສ່ສູ້ຊົນ ສາມາດຍາດໄດ້ຜົນງານຫຼາຍດ້ານທີ່ສໍາຄັນ, ປະກອບສ່ວນເຮັດໃຫ້ອົງການຈັດຕັ້ງ, ກົມກອງ, ກຳລັງຫຼວງ ແຕ່ສູນກາງລົງຮອດທ້ອງຖິ່ນ ມີຄວາມສະຫງົບໂດຍພື້ນຖານ ມີຄວາມເປັນລະບຽບຮຽບຮ້ອຍ, ຄວາມສັກສິດແຫ່ງການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ໄດ້ຮັບການຍົກສູງຂຶ້ນ ບັນດາປະກົດການຫຍໍ້ທໍ້ໃນສັງຄົມ ກໍຄືການລະເມີດກົດໝາຍຂອງນາຍ ແລະ ພົນທະຫານ ໄດ້ຮັບການແກ້ໄຂຕາມທິດທາງ ແລະ ມາດຕະການຕ່າງໆຢ່າງເປັນເຈົ້າການ, ແຕ່ພວກເຮົາກໍຮັບຮູ້ນໍາກັນວ່າ ໜ້າທີ່ຂອງອົງການໄອຍະການທະຫານ ໃນການຕິດຕາມ ກວດກາການເຄົາລົບ ແລະ ປະຕິບັດກົດໝາຍຂອງອົງການຈັດຕັ້ງ, ກົມກອງ, ນາຍ ແລະ ພົນທະຫານໃນຖັນແຖວກອງທັບບໍ່ທັນໄດ້ດີເທົ່າທີ່ຄວນ ແລະ ຈະໄດ້ລົງເລິກຄົ້ນຄວ້າກ່ຽວມາດຕະການທີ່ແທດເໝາະຕົວຈິງ ແລະ ໃຫ້ມີປະສິດທິຜົນກວ່າເກົ່າ, ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ບັນດາເນື້ອໃນວຽກງານສຳຄັນດັ່ງນີ້: ບົດສະຫຼຸບຕີລາຄາການເຄື່ອນໄຫວວຽກງານຮອບດ້ານຊຸມປີຜ່ານມາ ແລະ ທິດທາງແຜນການເຄື່ອນໄຫວວຽກງານ 5 ປີ ຕໍ່ໜ້າ, ຮັບຟັງການປະກອບຄໍາຄິດຄໍາເຫັນ ຂອງບັນດາຜູ້ແທນກອງປະຊຸມ, ຮັບຟັງການປະກອບຄໍາເຫັນ ຂອງທ່ານຫົວໜ້າອົງການໄອຍະການປະຊາຊົນສູງສຸດ .
ເພື່ອຮັບປະກັນຜົນສໍາເລັດຂອງບັນດາວຽກງານ ແລະ ບັນລຸໄດ້ຕາມຈຸດປະສົງ-ຄາດ
ໝາຍ ຂອງແຜນການທີ່ວາງໄວ້, ທ່ານ ພົນໂທ ທອງລອຍ ສີລິວົງ ຍັງໄດ້ຮຽກຮ້ອງມາຍັງບັນດາສະຫາຍ ຜູ້ແທນທີ່ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບ ສຸມສະຕິປັນຍາຄວາມຮູ້-ຄວາມສາມາດ ແລະ ບົດຮຽນພຶດຕິກຳຕົວຈິງ, ປະກອບຄໍາຄິດຄໍາເຫັນເຮັດໃຫ້ເນື້ອໃນກອງປະຊຸມມີຄວາມເລິກເຊິ່ງ ໄຈ້ແຍກໃຫ້ເຫັນດ້ານດີ ຜົນງານ, ບົດຮຽນ, ຂອດທີ່ຍັງຄົງຄ້າງ, ສາເຫດຕົ້ນຕໍ ແລະ ພຶດຕິກຳ, ວິທີແກ້ໄຂ ເພື່ອພ້ອມກັນປັບປຸງເຮັດໃຫ້ອົງການໄອຍະການທະຫານ ປະຕິບັດພາລະບົດບາດຕິດຕາມກວດກາການປະຕິບັດກົດໝາຍ ໃນທົ່ວກໍາລັງປະກອບອາວຸດປ້ອງກັນຊາດ ໃຫ້ມີຄວາມໜັກແໜ້ນເຂັ້ມແຂງ.
(ຂ່າວ-ພາບ: ສຸກສາຄອນ)
ໂອກາດນີ້,ທ່ານ ພົນໂທ ທອງລອຍ ສີລິວົງ ໄດ້ມີຄໍາເຫັນກ່າວເປີດກອງປະຊຸມວ່າ: ກອງປະຊຸມຄັ້ງນີ້ ຈະໄດ້ຮັບຟັງການສະຫຼຸບຕີລາຄາຄືນການຈັດຕັ້ງປະຕິບັດວຽກງານໄອຍະການທະຫານໃນຊຸມປີຜ່ານມາ ແລະ ທິດທາງແຜນການ 5 ປີ ຕໍ່ໜ້າ ທີ່ອົງການໄອຍະການ ທະຫານໄດ້ບຸກບືນຜ່ານຜ່າດ້ວຍຄວາມເອົາໃຈໃສ່ສູ້ຊົນ ສາມາດຍາດໄດ້ຜົນງານຫຼາຍດ້ານທີ່ສໍາຄັນ, ປະກອບສ່ວນເຮັດໃຫ້ອົງການຈັດຕັ້ງ, ກົມກອງ, ກຳລັງຫຼວງ ແຕ່ສູນກາງລົງຮອດທ້ອງຖິ່ນ ມີຄວາມສະຫງົບໂດຍພື້ນຖານ ມີຄວາມເປັນລະບຽບຮຽບຮ້ອຍ, ຄວາມສັກສິດແຫ່ງການຄຸ້ມຄອງລັດ-ຄຸ້ມຄອງສັງຄົມດ້ວຍກົດໝາຍ ໄດ້ຮັບການຍົກສູງຂຶ້ນ ບັນດາປະກົດການຫຍໍ້ທໍ້ໃນສັງຄົມ ກໍຄືການລະເມີດກົດໝາຍຂອງນາຍ ແລະ ພົນທະຫານ ໄດ້ຮັບການແກ້ໄຂຕາມທິດທາງ ແລະ ມາດຕະການຕ່າງໆຢ່າງເປັນເຈົ້າການ, ແຕ່ພວກເຮົາກໍຮັບຮູ້ນໍາກັນວ່າ ໜ້າທີ່ຂອງອົງການໄອຍະການທະຫານ ໃນການຕິດຕາມ ກວດກາການເຄົາລົບ ແລະ ປະຕິບັດກົດໝາຍຂອງອົງການຈັດຕັ້ງ, ກົມກອງ, ນາຍ ແລະ ພົນທະຫານໃນຖັນແຖວກອງທັບບໍ່ທັນໄດ້ດີເທົ່າທີ່ຄວນ ແລະ ຈະໄດ້ລົງເລິກຄົ້ນຄວ້າກ່ຽວມາດຕະການທີ່ແທດເໝາະຕົວຈິງ ແລະ ໃຫ້ມີປະສິດທິຜົນກວ່າເກົ່າ, ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ບັນດາເນື້ອໃນວຽກງານສຳຄັນດັ່ງນີ້: ບົດສະຫຼຸບຕີລາຄາການເຄື່ອນໄຫວວຽກງານຮອບດ້ານຊຸມປີຜ່ານມາ ແລະ ທິດທາງແຜນການເຄື່ອນໄຫວວຽກງານ 5 ປີ ຕໍ່ໜ້າ, ຮັບຟັງການປະກອບຄໍາຄິດຄໍາເຫັນ ຂອງບັນດາຜູ້ແທນກອງປະຊຸມ, ຮັບຟັງການປະກອບຄໍາເຫັນ ຂອງທ່ານຫົວໜ້າອົງການໄອຍະການປະຊາຊົນສູງສຸດ .
ເພື່ອຮັບປະກັນຜົນສໍາເລັດຂອງບັນດາວຽກງານ ແລະ ບັນລຸໄດ້ຕາມຈຸດປະສົງ-ຄາດ
ໝາຍ ຂອງແຜນການທີ່ວາງໄວ້, ທ່ານ ພົນໂທ ທອງລອຍ ສີລິວົງ ຍັງໄດ້ຮຽກຮ້ອງມາຍັງບັນດາສະຫາຍ ຜູ້ແທນທີ່ເຂົ້າຮ່ວມກອງປະຊຸມ ຈົ່ງພ້ອມກັນຍົກສູງຄວາມຮັບຜິດຊອບ ສຸມສະຕິປັນຍາຄວາມຮູ້-ຄວາມສາມາດ ແລະ ບົດຮຽນພຶດຕິກຳຕົວຈິງ, ປະກອບຄໍາຄິດຄໍາເຫັນເຮັດໃຫ້ເນື້ອໃນກອງປະຊຸມມີຄວາມເລິກເຊິ່ງ ໄຈ້ແຍກໃຫ້ເຫັນດ້ານດີ ຜົນງານ, ບົດຮຽນ, ຂອດທີ່ຍັງຄົງຄ້າງ, ສາເຫດຕົ້ນຕໍ ແລະ ພຶດຕິກຳ, ວິທີແກ້ໄຂ ເພື່ອພ້ອມກັນປັບປຸງເຮັດໃຫ້ອົງການໄອຍະການທະຫານ ປະຕິບັດພາລະບົດບາດຕິດຕາມກວດກາການປະຕິບັດກົດໝາຍ ໃນທົ່ວກໍາລັງປະກອບອາວຸດປ້ອງກັນຊາດ ໃຫ້ມີຄວາມໜັກແໜ້ນເຂັ້ມແຂງ.
(ຂ່າວ-ພາບ: ສຸກສາຄອນ)
