ລັດຖະບານ ກໍຄືກະຊວງກະສິກຳ ແລະ ປ່າໄມ້ ມີແຜນປູກຕົ້ນໄມ້ ໃນວັນປູກຕົ້ນໄມ້ແຫ່ງຊາດ ປີນີ້ ໃຫ້ໄດ້ 3.500 ເຮັກຕາ ໃນຂອບເຂດທົ່ວປະເທດ, ສະເພາະກະຊວງກະສິກຳ ແລະ ປ່າໄມ້ ຮ່ວມກັບ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ຈັດພິທີປູກຢູ່ ເຂດເມືອງນາຊາຍທອງ, ໃນເນື້ອທີ່ 5 ເຮັກຕາ, ໃນວັນທີ 1 ມິຖຸນານີ້.
ທ່ານ ລິນຄຳ ດວງສະຫວັນ ລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ຖະແຫຼງຂ່າວ ໃນວັນທີ 27 ພຶດສະພານີ້ ທີ່ກະຊວງກະສິກຳ ແລະ ປ່າໄມ້, ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ວ່າ: ພັກ ແລະ ລັດຖະບານ ໄດ້ກໍານົດເອົາ ວັນທີ 1 ມິຖຸນາ ຂອງທຸກໆປີ ເປັນວັນປູກຕົ້ນໄມ້ແຫ່ງຊາດ ຊຶ່ງກົງກັບວັນເດັກນ້ອຍສາກົນ ເພື່ອປູກຈິດສໍານຶກໃຫ້ແກ່ເຍົາວະຊົນ ແລະ ອະນຸຊົນ ກໍຄືທົ່ວສັງຄົມ ໃຫ້ເຫັນໄດ້ເຖິງຄວາມສໍາຄັນຂອງປ່າໄມ້, ການປົກປັກຮັກສາ, ພັດທະນາ ແລະ ນໍາໃຊ້ ປ່າໄມ້ ຕາມທິດພັດທະນາການເຕີບໂຕສີຂຽວ ແລະ ຍືນຍົງ ຂອງອົງການສະຫະປະຊາຊາດ.
ປ່າໄມ້ມີຄວາມສໍາຄັນທີ່ສຸດຕໍ່ການພັດທະນາເສດຖະກິດ-ສັງຄົມແຫ່ງຊາດໂດຍທາງກົງ ແລະ ທາງອ້ອມ, ໃນການປົກປັກຮັກສາດິນ, ແຫຼ່ງນໍ້າ ແລະ ຊີວະນາໆພັນໃຫ້ມີຄວາມອຸດົມສົມບູນ, ປ້ອງກັນການປ່ຽນແປງດິນຟ້າອາກາດ ຊຶ່ງບົດບາດນີ້ມະນຸດເຮົາບໍ່ສາມາດຈະເຮັດແທນໄດ້. ພ້ອມນີ້ ປ່າໄມ້ຍັງປະກອບສ່ວນຢ່າງຫຼວງຫຼາຍ ຕໍ່ການພັດທະນາກະສິກຳ ແລະ ປ່າໄມ້ ຕິດພັນກັບອຸດສາຫະກຳ ແລະ ການບໍລິການ, ໂດຍຖືເອົາການປົກປັກຮັກສາ ແລະ ພັດທະນາປ່າໄມ້ເປັນໜ້າທີ່ຂອງທົ່ວປວງຊົນ. ການພັດທະນາພື້ນຖານໂຄງລ່າງເຊັ່ນ: ເຂື່ອນໄຟຟ້ານ້ຳຕົກ, ອ່າງເກັບນ້ຳເພື່ອການຜະລິດກະສິກຳ, ການຜະລິດເປັນສິນຄ້າ, ການຄົມມະນາຄົມ, ການຂຸດຄົ້ນຊັບພະຍາກອນປ່າໄມ້ ແລະ ເຄື່ອງປ່າຂອງດົງແບບຍືນຍົງ ຊຶ່ງໄດ້ປະກອບສ່ວນການປັບປຸງຊີວິດການເປັນຢູ່ຂອງປະຊາຊົນ ຕິດພັນກັບການພັດທະນາຊົນນະບົດ ແກ້ໄຂຄວາມທຸກຍາກເປັນກ້າວໆ, ດັ່ງທີ່ທ່ານປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ເຄີຍກ່າວໄວ້ວ່າ: “ປ່າໄມ້ຄືຄໍາຂຽວຂອງຊາດ”.
ທ່ານ ລັດຖະມົນຕີ ກະຊວງກະສິກຳ ແລະ ປ່າໄມ້ ກ່າວອີກວ່າ: ເພື່ອເປັນການສ້າງຂະບວນການປູກຈິດສຳນຶກໃຫ້ທົ່ວສັງຄົມໃນການສົ່ງເສີມປູກໄມ້ ແລະ ຟື້ນຟູປ່າ ແບບທໍາມະຊາດ ໃຫ້ກວ້າງຂວາງ ແລະ ບັນລຸຕາມແຜນການທີ່ວາງໄວ້, ກະຊວງກະສິກຳ ແລະ ປ່າໄມ້ ໄດ້ອອກແຈ້ງການ ສະບັບເລກທີ 2523/ກປ, ລົງວັນທີ 8 ພຶດສະພາ 2024 ເພື່ອເປັນການສ້າງຂະບວນການປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024. ນອກຈາກນີ້, ກະຊວງກະສິກໍາ ແລະ ປ່າໄມ້ໄດ້ສົມທົບກັບຄະນະພັກ, ຄະນະນຳ ກໍຄືອົງການປົກຄອງທ້ອງຖິ່ນທົ່ວປະເທດ ກະກຽມແຜນການ ແລະ ຂະບວນການປູກໄມ້ຢູ່ທ້ອງຖິ່ນໃຫ້ເປັນຂະບວນຟົດຟື້ນ, ໂດຍມີແຜນການເກັບແກ່ນ 20 ພັນກວ່າກິໂລກຣາມ, ກ້າເບ້ຍໄມ້ 34 ລ້ານກວ່າເບ້ຍ ແລະ ປູກໄມ້ 42.000 ເຮັກຕາ.
ສະເພາະໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ໃນທົ່ວປະເທດມີແຜນການຈະຈັດພິທີສ້າງຂະບວນການປູກຕົ້ນໄມ້ ຈໍານວນ 3.500 ເຮັກຕາ ແລະ ກະກຽມເບ້ຍໄມ້ ຈໍານວນ 3.500.000 ກວ່າເບ້ຍ. ສະເພາະ ກະຊວງກະສິກໍາ ແລະ ປ່າໄມ້ ໄດ້ປະສານສົມທົບກັບພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງ ຈະຮ່ວມກັນຈັດພິທີສ້າງຂະບວນການປູກຕົ້ນໄມ້ເພື່ອສະເຫຼີມສະໜອງ ວັນປູກຕົ້ນແຫ່ງຊາດ 1 ມີຖຸນາ ຢູ່ທີ່ ບ້ານໂພສີ (ກຸ່ມໂພນທອງ) ເມືອງນາຊາຍທອງ, ນະຄອນຫຼວງວຽງຈັນ ໃນເນື້ອທີ່ ປະມານ 5 ເຮັກຕາ.
ເນື່ອງໃນໂອກາດວັນປູກໄມ້ແຫ່ງຊາດ ວັນທີ 1 ມີຖຸນາ ທ່ານ ລິນຄໍາ ດວງສະຫວັນ ຍັງໄດ້ຮຽກຮ້ອງມາຍັງປວງຊົນທັງຊາດ ຈົ່ງເຊີດຊູສະຕິຮັກຊາດ ແລະ ຫວງແຫນປ່າໄມ້ ປະກອບສ່ວນຕາມເງື່ອນໄຂຄວາມສາມາດໃນການປູກໄມ້, ຟື້ນຟູປ່າ ໄປຄຽງຄູ່ກັບການຄຸ້ມຄອງ, ປົກປັກຮັກສາປ່າໄມ້ ອັນເປັນມໍລະດົກ ແລະ ຊັບສົມບັດຂອງວົງຄະນາຍາດແຫ່ງຊາດ ໃຫ້ນັບມື້ມີຄວາມອຸດົມສົມບູນ, ສາມາດຕອບສະໜອງ ຄວາມຮຽກຮ້ອງຕ້ອງການ ວັດຖຸດິບດ້ານໄມ້ ແລະ ຜະລິດຕະຜົນປ່າໄມ້ ແບບຍືນນານ ໂດຍບໍ່ມີວັນບົກແຫ້ງ, ເຮັດໃຫ້ຊັບພະຍາກອນປ່າໄມ້ ຊຶ່ງເປັນສ່ວນປະກອບອັນສຳຄັນ ຂອງການພັດທະນາເສດຖະກິດຂອງຊາດ ແລະ ປົກປັກຮັກສາສິ່ງແວດລ້ອມ. ການປູກຕົ້ນໄມ້ ແມ່ນສາມາດປູກໄດ້ແຕ່ດຽວນີ້ເປັນຕົ້ນໄປ ຈົນຮອດທ້າຍຂອງລະດູຝົນໃນເນື້ອທີ່ດິນເປົ່າຫວ່າງຂອງຕົນ, ໃນຮົ້ວ, ສວນ, ທີ່ດິນປຸກສ້າງ, ເດີ່ນໂຮງຮຽນ, ສໍານັກງານ ອົງການ ແລະ ຕາມແຄມທາງຕາມເງື່ອນໄຂຕົວຈິງ ເຊັ່ນ: ໄມ້ອຸດສາຫະກໍາ, ໄມ້ພື້ນເມືອງ, ໄມ້ໃຫ້ໝາກ ແລະ ໄມ້ປະດັບ ດັ່ງຄຳຂວັນຂອງວັນປູກຕົ້ນໄມ້ ແຫ່ງຊາດ ປະຈໍາປີ 2024 ທີ່ວ່າ:
“ ປູກຕົ້ນໄມ້ ໃນວັນນີ້ ເພື່ອລູກຫຼານ ໃນວັນໜ້າ”
“ຈົ່ງຊ່ວຍກັນປູກຕົ້ນໄມ້ ໃຫ້ເປັນປ່າ ເພື່ອເປັນສິນຄ້າ ແລະ ປົກປັກຮັກສາສິ່ງແວດລ້ອມ, ຫຼຸດຜ່ອນມົນລະພິດທາງອາກາດ”
ຂ່າວ-ພາບ: ນາງ ແສງຈັນ
ທ່ານ ລິນຄຳ ດວງສະຫວັນ ລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ຖະແຫຼງຂ່າວ ໃນວັນທີ 27 ພຶດສະພານີ້ ທີ່ກະຊວງກະສິກຳ ແລະ ປ່າໄມ້, ເນື່ອງໃນໂອກາດ ວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ວ່າ: ພັກ ແລະ ລັດຖະບານ ໄດ້ກໍານົດເອົາ ວັນທີ 1 ມິຖຸນາ ຂອງທຸກໆປີ ເປັນວັນປູກຕົ້ນໄມ້ແຫ່ງຊາດ ຊຶ່ງກົງກັບວັນເດັກນ້ອຍສາກົນ ເພື່ອປູກຈິດສໍານຶກໃຫ້ແກ່ເຍົາວະຊົນ ແລະ ອະນຸຊົນ ກໍຄືທົ່ວສັງຄົມ ໃຫ້ເຫັນໄດ້ເຖິງຄວາມສໍາຄັນຂອງປ່າໄມ້, ການປົກປັກຮັກສາ, ພັດທະນາ ແລະ ນໍາໃຊ້ ປ່າໄມ້ ຕາມທິດພັດທະນາການເຕີບໂຕສີຂຽວ ແລະ ຍືນຍົງ ຂອງອົງການສະຫະປະຊາຊາດ.
ປ່າໄມ້ມີຄວາມສໍາຄັນທີ່ສຸດຕໍ່ການພັດທະນາເສດຖະກິດ-ສັງຄົມແຫ່ງຊາດໂດຍທາງກົງ ແລະ ທາງອ້ອມ, ໃນການປົກປັກຮັກສາດິນ, ແຫຼ່ງນໍ້າ ແລະ ຊີວະນາໆພັນໃຫ້ມີຄວາມອຸດົມສົມບູນ, ປ້ອງກັນການປ່ຽນແປງດິນຟ້າອາກາດ ຊຶ່ງບົດບາດນີ້ມະນຸດເຮົາບໍ່ສາມາດຈະເຮັດແທນໄດ້. ພ້ອມນີ້ ປ່າໄມ້ຍັງປະກອບສ່ວນຢ່າງຫຼວງຫຼາຍ ຕໍ່ການພັດທະນາກະສິກຳ ແລະ ປ່າໄມ້ ຕິດພັນກັບອຸດສາຫະກຳ ແລະ ການບໍລິການ, ໂດຍຖືເອົາການປົກປັກຮັກສາ ແລະ ພັດທະນາປ່າໄມ້ເປັນໜ້າທີ່ຂອງທົ່ວປວງຊົນ. ການພັດທະນາພື້ນຖານໂຄງລ່າງເຊັ່ນ: ເຂື່ອນໄຟຟ້ານ້ຳຕົກ, ອ່າງເກັບນ້ຳເພື່ອການຜະລິດກະສິກຳ, ການຜະລິດເປັນສິນຄ້າ, ການຄົມມະນາຄົມ, ການຂຸດຄົ້ນຊັບພະຍາກອນປ່າໄມ້ ແລະ ເຄື່ອງປ່າຂອງດົງແບບຍືນຍົງ ຊຶ່ງໄດ້ປະກອບສ່ວນການປັບປຸງຊີວິດການເປັນຢູ່ຂອງປະຊາຊົນ ຕິດພັນກັບການພັດທະນາຊົນນະບົດ ແກ້ໄຂຄວາມທຸກຍາກເປັນກ້າວໆ, ດັ່ງທີ່ທ່ານປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ເຄີຍກ່າວໄວ້ວ່າ: “ປ່າໄມ້ຄືຄໍາຂຽວຂອງຊາດ”.
ທ່ານ ລັດຖະມົນຕີ ກະຊວງກະສິກຳ ແລະ ປ່າໄມ້ ກ່າວອີກວ່າ: ເພື່ອເປັນການສ້າງຂະບວນການປູກຈິດສຳນຶກໃຫ້ທົ່ວສັງຄົມໃນການສົ່ງເສີມປູກໄມ້ ແລະ ຟື້ນຟູປ່າ ແບບທໍາມະຊາດ ໃຫ້ກວ້າງຂວາງ ແລະ ບັນລຸຕາມແຜນການທີ່ວາງໄວ້, ກະຊວງກະສິກຳ ແລະ ປ່າໄມ້ ໄດ້ອອກແຈ້ງການ ສະບັບເລກທີ 2523/ກປ, ລົງວັນທີ 8 ພຶດສະພາ 2024 ເພື່ອເປັນການສ້າງຂະບວນການປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024. ນອກຈາກນີ້, ກະຊວງກະສິກໍາ ແລະ ປ່າໄມ້ໄດ້ສົມທົບກັບຄະນະພັກ, ຄະນະນຳ ກໍຄືອົງການປົກຄອງທ້ອງຖິ່ນທົ່ວປະເທດ ກະກຽມແຜນການ ແລະ ຂະບວນການປູກໄມ້ຢູ່ທ້ອງຖິ່ນໃຫ້ເປັນຂະບວນຟົດຟື້ນ, ໂດຍມີແຜນການເກັບແກ່ນ 20 ພັນກວ່າກິໂລກຣາມ, ກ້າເບ້ຍໄມ້ 34 ລ້ານກວ່າເບ້ຍ ແລະ ປູກໄມ້ 42.000 ເຮັກຕາ.
ສະເພາະໃນວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ 2024 ໃນທົ່ວປະເທດມີແຜນການຈະຈັດພິທີສ້າງຂະບວນການປູກຕົ້ນໄມ້ ຈໍານວນ 3.500 ເຮັກຕາ ແລະ ກະກຽມເບ້ຍໄມ້ ຈໍານວນ 3.500.000 ກວ່າເບ້ຍ. ສະເພາະ ກະຊວງກະສິກໍາ ແລະ ປ່າໄມ້ ໄດ້ປະສານສົມທົບກັບພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງ ຈະຮ່ວມກັນຈັດພິທີສ້າງຂະບວນການປູກຕົ້ນໄມ້ເພື່ອສະເຫຼີມສະໜອງ ວັນປູກຕົ້ນແຫ່ງຊາດ 1 ມີຖຸນາ ຢູ່ທີ່ ບ້ານໂພສີ (ກຸ່ມໂພນທອງ) ເມືອງນາຊາຍທອງ, ນະຄອນຫຼວງວຽງຈັນ ໃນເນື້ອທີ່ ປະມານ 5 ເຮັກຕາ.
ເນື່ອງໃນໂອກາດວັນປູກໄມ້ແຫ່ງຊາດ ວັນທີ 1 ມີຖຸນາ ທ່ານ ລິນຄໍາ ດວງສະຫວັນ ຍັງໄດ້ຮຽກຮ້ອງມາຍັງປວງຊົນທັງຊາດ ຈົ່ງເຊີດຊູສະຕິຮັກຊາດ ແລະ ຫວງແຫນປ່າໄມ້ ປະກອບສ່ວນຕາມເງື່ອນໄຂຄວາມສາມາດໃນການປູກໄມ້, ຟື້ນຟູປ່າ ໄປຄຽງຄູ່ກັບການຄຸ້ມຄອງ, ປົກປັກຮັກສາປ່າໄມ້ ອັນເປັນມໍລະດົກ ແລະ ຊັບສົມບັດຂອງວົງຄະນາຍາດແຫ່ງຊາດ ໃຫ້ນັບມື້ມີຄວາມອຸດົມສົມບູນ, ສາມາດຕອບສະໜອງ ຄວາມຮຽກຮ້ອງຕ້ອງການ ວັດຖຸດິບດ້ານໄມ້ ແລະ ຜະລິດຕະຜົນປ່າໄມ້ ແບບຍືນນານ ໂດຍບໍ່ມີວັນບົກແຫ້ງ, ເຮັດໃຫ້ຊັບພະຍາກອນປ່າໄມ້ ຊຶ່ງເປັນສ່ວນປະກອບອັນສຳຄັນ ຂອງການພັດທະນາເສດຖະກິດຂອງຊາດ ແລະ ປົກປັກຮັກສາສິ່ງແວດລ້ອມ. ການປູກຕົ້ນໄມ້ ແມ່ນສາມາດປູກໄດ້ແຕ່ດຽວນີ້ເປັນຕົ້ນໄປ ຈົນຮອດທ້າຍຂອງລະດູຝົນໃນເນື້ອທີ່ດິນເປົ່າຫວ່າງຂອງຕົນ, ໃນຮົ້ວ, ສວນ, ທີ່ດິນປຸກສ້າງ, ເດີ່ນໂຮງຮຽນ, ສໍານັກງານ ອົງການ ແລະ ຕາມແຄມທາງຕາມເງື່ອນໄຂຕົວຈິງ ເຊັ່ນ: ໄມ້ອຸດສາຫະກໍາ, ໄມ້ພື້ນເມືອງ, ໄມ້ໃຫ້ໝາກ ແລະ ໄມ້ປະດັບ ດັ່ງຄຳຂວັນຂອງວັນປູກຕົ້ນໄມ້ ແຫ່ງຊາດ ປະຈໍາປີ 2024 ທີ່ວ່າ:
“ ປູກຕົ້ນໄມ້ ໃນວັນນີ້ ເພື່ອລູກຫຼານ ໃນວັນໜ້າ”
“ຈົ່ງຊ່ວຍກັນປູກຕົ້ນໄມ້ ໃຫ້ເປັນປ່າ ເພື່ອເປັນສິນຄ້າ ແລະ ປົກປັກຮັກສາສິ່ງແວດລ້ອມ, ຫຼຸດຜ່ອນມົນລະພິດທາງອາກາດ”
ຂ່າວ-ພາບ: ນາງ ແສງຈັນ
