ໂຮງຮຽນອະນຸບານກະຊວງສາທາລະນະສຸກໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນແລະວັນປູກຕົ້ນໄມ້ແຫ່ງຊາດຂຶ້ນໃນວັນທີ 29ພຶດສະນານີ້ທີ່ໂຮງຮຽນດັ່ງກ່າວ, ໂດຍການເປັນປະທານແລະກ່າວເປີດຂອງທ່ານນາງສີສົມພອນນວນຜາລີຜູ້ອໍານວຍການໂຮງຮຽນອະນຸບານກະຊວງສາທາລະນະສຸກ, ມີທ່ານນາງດາວັນສີບົວລິພາຮອງຫົວໜ້າກົມຈັດຕັ້ງແລະພະນັກງານກະຊວງສາທາລະນະສຸກ, ມີ ບັນດາຮອງອຳນວຍການ, ພະນັກງານຄູ, ມີຜູ້ປົກຄອງແລະຫຼານນ້ອຍນັກຮຽນເຂົ້າຮ່ວມ.
ນາງສີສົມພອນນວນຜາລີໄດ້ກ່າວວ່າ: ການສະເຫຼີມສະຫຼອງວັນເດັກສາກົນ 1 ມິຖຸນາພາຍໃຕ້ຄໍາຂວັນທີ່ວ່າ "ສ້າງອະນາຄົດທີ່ຍືນຍົງ ຄືການສ້າງຄວາມເຂັ້ມແຂງໃຫ້ແກ່ເດັກ” ແລະ ຕິດພັນກັບຂະບວນການວັນປູກຕົ້ນໄມ້ແຫ່ງຊາດ ປຽບດັ່ງປາງບຸນໃຫຍ່ຂອງເດັກໃນທົ່ວໂລກ ກໍຄືເດັກລາວບັນດາເຜົ່າ, ເພື່ອສົ່ງເສີມສິດແລະສ້າງຄວາມເຂັ້ມແຂງ, ຄວາມຜາສຸກ ແລະ ຄວາມເປັນຢູ່ທີ່ດີສໍາລັບເດັກ ເປັນວັນໂຄສະນາປູກຈິດສໍານຶກໃຫ້ຄອບຄົວ, ສັງຄົມ ໄດ້ຮັບຮູ້ເຂົ້າໃຈຕໍ່ບັນຫາ ແລະ ຜົນກະທົບທີ່ຈະເກີດຂຶ້ນກັບເດັກ, ສະໜັບສະໜູນສິດທິຂອງເຂົາເຈົ້າ ແລະ ທ່າແຮງຂີດຄວາມສາມາດທີ່ບົ່ມຊ້ອນຂອງເດັກ, ອີກທັງເປັນການຢໍ້າເຕືອນຄວາມສໍາຄັນຂອງການລົງທຶນ ແລະ ການສ້າງຄວາມເຂັ້ມແຂງໃຫ້ແກ່ເດັກທາງດ້ານການສຶກສາ, ສຸຂະພາບ ແລະ ການປົກປ້ອງເດັກໃຫ້ມີຄວາມປອດໄພຈາກຄວາມຮຸນແຮງ, ການກະທໍາສ້າງສິ່ງລາມົກອະນາຈານຕໍ່ເດັກຜ່ານສື່ສັງຄົມອອນລາຍ ແລະ ການກະທໍາອື່ນໆທີ່ສົ່ງຜົນກະທົບຕໍ່ເດັກໃນທາງກົງ ແລະ ທາງອ້ອມ ເພື່ອຮັບປະກັນໃຫ້ເດັກທຸກຄົນມີອະນາຄົດທີ່ສົດໃສ ແລະ ຊີວິດທີ່ມີຄຸນນະພາບ, ໃນໜຶ່ງສົກຮຽນຜ່ານມາ ໂຮງຮຽນອະນຸບານກະຊວງສາທາລະນະສຸກ ໄດ້ເອົາໃຈໃສ່ຕໍ່ວຽກງານພັດທະນາເດັກດັ່ງລຸ່ມນີ້:ໄດ້ເອົາໃຈໃສ່ຕໍ່ວຽກງານການເບິ່ງແຍງ, ລ້ຽງດູ ແລະ ຈັດການຮຽນການສອນໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ ສອນຕາມແຜນການຂອງໂຮງຮຽນວາງອອກ, ໂດຍຖືເອົາເດັກເປັນໃຈກາງ, ນອກນັ້ນ, ຍັງໄດ້ເອົາໃຈໃສ່ຕໍ່ວຽກງານສົ່ງເສີມສຸຂະພາບເດັກດີໃນໂຮງຮຽນ, ປະດັບປະດາຫ້ອງໃຫ້ສະອາດສວຍງາມ, ນໍາພາເດັກອອກຫຼິ້ນກາງແຈ້ງ, ໄດ້ເຂົ້າຮ່ວມໂມງສອນຖອດຖອນບົດຮຽນພາຍໃນໂຮງຮຽນ ເພື່ອເປັນການຍົກສູງຄຸນນະພາບຂອງຄູສອນ, ນອກຈາກການສິດສອນໃນຫ້ອງແລ້ວຄູຍັງໄດ້ນໍາພາເດັກອອກສອນນອກຫ້ອງ, ເຂົ້າຫ້ອງສະໝຸດເພື່ອເຮັດໃຫ້ເດັກໄດ້ພັດທະນາຄວາມພ້ອມ ໃນດ້ານຕ່າງໆຕາມໄວອາຍຸ, ໄດ້ປະເມີນຜົນການຮຽນຮູ້ຂອງເດັກຫຼັງຈາກຈັດກິດຈະກຳແລ້ວ, ໄດ້ເອົາໃຈໃສ່ໃນການປຸງແຕ່ງອາຫານກາງເວັນໃຫ້ເດັກໄດ້ກິນທັນເວລາ, ໄດ້ຮັບຄວາມຮ່ວມມືຈາກ ຫ້ອງການສາທາລະນະສຸກເມືອງສີສັດຕະນາກໃຫ້ເດັກໄດ້ກິນຢາຂ້າແມ່ທ້ອງ, ຢອດຢາວິດຕາມິນ ແລະ ສັກວັກຊິນປ້ອງກັນພະຍາດໝາກແດງໃຫຍ່ແລະໝາກແດງນ້ອຍ.
ພິທີສະເຫຼີມສະຫຼອງວັນເດັກນ້ອຍສາກົນແລະວັນປູກຕົ້ນໄມ້ແຫ່ງຊາດຄັ້ງນີ້ມີຫຼາຍກິດຈະກຳເຊັ່ນ: ສະແດງສິລະປະ, ການແຕ້ມຮູບ, ຮ້ອງເພງ, ຟ້ອນແລະກິດຈະກຳອື່ນໆຂອງຫຼານນ້ອຍນັກຮຽນຕື່ມອີກ.
ຂ່າວ - ພາບ: ບຸນອູ້ມ
ນາງສີສົມພອນນວນຜາລີໄດ້ກ່າວວ່າ: ການສະເຫຼີມສະຫຼອງວັນເດັກສາກົນ 1 ມິຖຸນາພາຍໃຕ້ຄໍາຂວັນທີ່ວ່າ "ສ້າງອະນາຄົດທີ່ຍືນຍົງ ຄືການສ້າງຄວາມເຂັ້ມແຂງໃຫ້ແກ່ເດັກ” ແລະ ຕິດພັນກັບຂະບວນການວັນປູກຕົ້ນໄມ້ແຫ່ງຊາດ ປຽບດັ່ງປາງບຸນໃຫຍ່ຂອງເດັກໃນທົ່ວໂລກ ກໍຄືເດັກລາວບັນດາເຜົ່າ, ເພື່ອສົ່ງເສີມສິດແລະສ້າງຄວາມເຂັ້ມແຂງ, ຄວາມຜາສຸກ ແລະ ຄວາມເປັນຢູ່ທີ່ດີສໍາລັບເດັກ ເປັນວັນໂຄສະນາປູກຈິດສໍານຶກໃຫ້ຄອບຄົວ, ສັງຄົມ ໄດ້ຮັບຮູ້ເຂົ້າໃຈຕໍ່ບັນຫາ ແລະ ຜົນກະທົບທີ່ຈະເກີດຂຶ້ນກັບເດັກ, ສະໜັບສະໜູນສິດທິຂອງເຂົາເຈົ້າ ແລະ ທ່າແຮງຂີດຄວາມສາມາດທີ່ບົ່ມຊ້ອນຂອງເດັກ, ອີກທັງເປັນການຢໍ້າເຕືອນຄວາມສໍາຄັນຂອງການລົງທຶນ ແລະ ການສ້າງຄວາມເຂັ້ມແຂງໃຫ້ແກ່ເດັກທາງດ້ານການສຶກສາ, ສຸຂະພາບ ແລະ ການປົກປ້ອງເດັກໃຫ້ມີຄວາມປອດໄພຈາກຄວາມຮຸນແຮງ, ການກະທໍາສ້າງສິ່ງລາມົກອະນາຈານຕໍ່ເດັກຜ່ານສື່ສັງຄົມອອນລາຍ ແລະ ການກະທໍາອື່ນໆທີ່ສົ່ງຜົນກະທົບຕໍ່ເດັກໃນທາງກົງ ແລະ ທາງອ້ອມ ເພື່ອຮັບປະກັນໃຫ້ເດັກທຸກຄົນມີອະນາຄົດທີ່ສົດໃສ ແລະ ຊີວິດທີ່ມີຄຸນນະພາບ, ໃນໜຶ່ງສົກຮຽນຜ່ານມາ ໂຮງຮຽນອະນຸບານກະຊວງສາທາລະນະສຸກ ໄດ້ເອົາໃຈໃສ່ຕໍ່ວຽກງານພັດທະນາເດັກດັ່ງລຸ່ມນີ້:ໄດ້ເອົາໃຈໃສ່ຕໍ່ວຽກງານການເບິ່ງແຍງ, ລ້ຽງດູ ແລະ ຈັດການຮຽນການສອນໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ ສອນຕາມແຜນການຂອງໂຮງຮຽນວາງອອກ, ໂດຍຖືເອົາເດັກເປັນໃຈກາງ, ນອກນັ້ນ, ຍັງໄດ້ເອົາໃຈໃສ່ຕໍ່ວຽກງານສົ່ງເສີມສຸຂະພາບເດັກດີໃນໂຮງຮຽນ, ປະດັບປະດາຫ້ອງໃຫ້ສະອາດສວຍງາມ, ນໍາພາເດັກອອກຫຼິ້ນກາງແຈ້ງ, ໄດ້ເຂົ້າຮ່ວມໂມງສອນຖອດຖອນບົດຮຽນພາຍໃນໂຮງຮຽນ ເພື່ອເປັນການຍົກສູງຄຸນນະພາບຂອງຄູສອນ, ນອກຈາກການສິດສອນໃນຫ້ອງແລ້ວຄູຍັງໄດ້ນໍາພາເດັກອອກສອນນອກຫ້ອງ, ເຂົ້າຫ້ອງສະໝຸດເພື່ອເຮັດໃຫ້ເດັກໄດ້ພັດທະນາຄວາມພ້ອມ ໃນດ້ານຕ່າງໆຕາມໄວອາຍຸ, ໄດ້ປະເມີນຜົນການຮຽນຮູ້ຂອງເດັກຫຼັງຈາກຈັດກິດຈະກຳແລ້ວ, ໄດ້ເອົາໃຈໃສ່ໃນການປຸງແຕ່ງອາຫານກາງເວັນໃຫ້ເດັກໄດ້ກິນທັນເວລາ, ໄດ້ຮັບຄວາມຮ່ວມມືຈາກ ຫ້ອງການສາທາລະນະສຸກເມືອງສີສັດຕະນາກໃຫ້ເດັກໄດ້ກິນຢາຂ້າແມ່ທ້ອງ, ຢອດຢາວິດຕາມິນ ແລະ ສັກວັກຊິນປ້ອງກັນພະຍາດໝາກແດງໃຫຍ່ແລະໝາກແດງນ້ອຍ.
ພິທີສະເຫຼີມສະຫຼອງວັນເດັກນ້ອຍສາກົນແລະວັນປູກຕົ້ນໄມ້ແຫ່ງຊາດຄັ້ງນີ້ມີຫຼາຍກິດຈະກຳເຊັ່ນ: ສະແດງສິລະປະ, ການແຕ້ມຮູບ, ຮ້ອງເພງ, ຟ້ອນແລະກິດຈະກຳອື່ນໆຂອງຫຼານນ້ອຍນັກຮຽນຕື່ມອີກ.
ຂ່າວ - ພາບ: ບຸນອູ້ມ
