ຄະນະກໍາມາທິການເພື່ອຄວາມກ້າວໜ້າແມ່ຍິງ ແລະ ແມ່-ເດັກ ກະຊວງແຜນການແລະການລົງທຶນ(ກຜທ)ໄດ້ຈັດກອງປະຊຸມສໍາມະນາ ເນື່ອງໃນວັນເດັກສາກົນ, ວັນສົນທິສັນຍາວ່າດ້ວຍສິດທິເດັກ(ວັນເດັກໂລກ) 20 ພະຈິກ 2024, ໃນວັນທີ 30 ພຶດສະພານີ້ ທີ່ຫ້ອງປະຊຸມຂອງກະຊວງດັ່ງກ່າວ, ໂດຍການເປັນປະທານຂອງທ່ານ ນາງ ພອນວັນ ອຸທະວົງ ຮອງລັດຖະມົນຕີປະທານຄະນະກໍາມາທິການເພື່ອຄວາມກ້າວໜ້າແມ່ຍິງ ແລະ ແມ່-ຍິງ ກຜທ ໂດຍມີບັນດາທ່ານຜູ້ຕາງໜ້າຈາກຄະນະ ຄກມດ ກະຊວງ ແຜນການ ແລະ ການ ລົງທຶນ, ຜູ້ຕາງໜ້າຈາກຫ້ອງການກອງເລຂາ ຄະນະສົ່ງເສີມຄວາມກ້າວໜ້າແມ່ ແລະ ເດັກ ແຫ່ງຊາດ, ທ່ານຫົວໜ້າຫ້ອງການ, ບັນດາທ່ານຫົວໜ້າກົມ, ຮອງຫົວໜ້າຫ້ອງການ, ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກພ້ອມດ້ວຍພະນັກງານວິຊາການພາຍໃນກຜທ
ໃນພິທີ, ທ່ານ ນາງ ພອນວັນ ອຸທະວົງໄດ້ກ່າວວ່າ:ໃນໄລຍະຜ່ານມາຄະນະພັກ, ຄະນະນໍາກະຊວງ ແຜນການ ແລະການລົງທຶນ ກໍໄດ້ເອົາໃຈໃສ່ ເປັນເຈົ້າການຈັດຕັ້ງປະຕິບັດຂໍ້ສະເໜີແນະຂອງສປຊ ຕໍ່ບົດລາຍງານແຫ່ງຊາດໃນການຈັດຕັ້ງປະຕິບັດຂໍ້ສະເໜີແນະດັ່ງກ່າວ ຊຶ່ງລັດຖະບານສປປລາວໄດ້ເປັນພາຄີໂດຍສະເພາະສົນທິສັນຍາຊີດໍ ແລະ ບົດລາຍງານແຫ່ງຊາດ ກ່ຽວກັບການຈັດຕັ້ງປະຕິບັດສົນທິສັນຍາ 475/ຫສນຍ, ລົງວັນທີ 18 ມີນາ 2019, ບັນດາກົມກອງທີ່ກ່ຽວຂ້ອງພາຍໃນກະຊວງແຜນການ ແລະການລົງທຶນຈະຕ້ອງໄດ້ສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈຂອງຂໍ້ສະເໜີແນະດັ່ງກ່າວທີ່ໄດ້ຮຽກຮ້ອງໃຫ້ພວກເຮົາຈະຕ້ອງໄດ້ເພີ່ມການປັບປຸງແກ້ໄຂບໍ່ວ່າຈະເປັນວຽກງານການຈັດສັນງົບປະມານທີ່ເອົາໃຈໃສ່ວຽກງານແມ່-ເດັກ, ເພີ່ມທະວີຄວາມເອົາໃຈໃສ່ວຽກງານໃນຂົງເຂດທີ່ຕົນຮັບຜິດຊອບ, ຄົ້ນຄວ້າເຖິງບັນຫາ ແລະ ລະດົມທຶນຊ່ວຍເຫຼືອຈາກອົງການຈັດຕັ້ງສາກົນ, ຕິດພັນກັບຂົງເຂດວຽກງານບົດບາດຍິງ-ຊາຍ, ຂໍ້ຄົງຄ້າງເພື່ອສະເໜີໃຫ້ຂັ້ນເທິງພິຈາລະນາ.
ກອງປະຊຸມໃນຄັ້ງນີ້, ບັນດາທ່ານຈະໄດ້ຮັບຟັງການນໍາສະເໜີກ່ຽວກັບ ສານອວຍພອນ ຂອງທ່ານ ນາຍົກລັດຖະມົນ ຕີແຫ່ງ ສປປ ລາວ ເນື່ອງໃນໂອກາດວັນເດັກນ້ອຍສາກົນ, ການນໍາສະເໜີເອກະສານທີ່ສໍາຄັນມີ ຫົວຂໍ້ຄື: ບົດລາຍງານຄວາມເຂົ້າໃຈຂອງເສັ້ນທາງການຖືພາຂອງໄວໜຸ່ມໃນ ສປປ ລາວ ຊຶ່ງບັນຫາດັ່ງກ່າວ, ຈະເປັນການຍົກສູງຄວາມຮັບຮູ້ ແລະ ຄວາມເຂົ້າໃຈຕໍ່ກັບເນື້ອໃນອັນສໍາຄັນ ເພື່ອເປັນຂໍ້ມູນໃນການສືບຕໍ່ຈັດຕັ້ງປະຕິບັດວຽກງານຂອງຕົນ ໂດຍສະເພາະໃນການວາງແຜນ, ກຳນົດນະໂຍບາຍທີ່ຖືກຕ້ອງ ແລະ ແທດເໝາະກັບສະພາບຄວາມເປັນຈິງໃນແຕ່ລະໄລຍະ ເພື່ອຫາວິທີທາງແກ້ໄຂໃນຕໍ່ໜ້າຈາກຜູ້ບັນຍາຍທີ່ມີປະສົບປະການ ແລະ ບົດຮຽນໃນການຈັດຕັ້ງປະຕິບັດວຽກງານ ພ້ອມທັງເປັນເວທີໃນການສົນທະນາ ແລະ ແລກປ່ຽນບົດຮຽນຮ່ວມກັນ.
ທ່ານ ນາງ ພອນວັນ ອຸທະວົງ ກ່າວຕື່ມວ່າ: ຂ້າພະເຈົ້າຫວັງຢ່າງຍິ່ງວ່າ ທຸກທ່ານຈະເອົາໃຈໃສ່ໃນການຕິດຕາມ ແລະ ມີສ່ວນຮ່ວມໃນການປະກອບຄໍາຄິດຄໍາເຫັນຢ່າງກົງໄປກົງມາ ເພື່ອເຮັດໃຫ້ກອງປະຊຸມສໍາມະນາໃນມື້ນີ້ ມີເນື້ອໃນຄົບຖ້ວນສົມບູນ.
(ຂ່າວ-ພາບ: ແສງຈັນ)
ໃນພິທີ, ທ່ານ ນາງ ພອນວັນ ອຸທະວົງໄດ້ກ່າວວ່າ:ໃນໄລຍະຜ່ານມາຄະນະພັກ, ຄະນະນໍາກະຊວງ ແຜນການ ແລະການລົງທຶນ ກໍໄດ້ເອົາໃຈໃສ່ ເປັນເຈົ້າການຈັດຕັ້ງປະຕິບັດຂໍ້ສະເໜີແນະຂອງສປຊ ຕໍ່ບົດລາຍງານແຫ່ງຊາດໃນການຈັດຕັ້ງປະຕິບັດຂໍ້ສະເໜີແນະດັ່ງກ່າວ ຊຶ່ງລັດຖະບານສປປລາວໄດ້ເປັນພາຄີໂດຍສະເພາະສົນທິສັນຍາຊີດໍ ແລະ ບົດລາຍງານແຫ່ງຊາດ ກ່ຽວກັບການຈັດຕັ້ງປະຕິບັດສົນທິສັນຍາ 475/ຫສນຍ, ລົງວັນທີ 18 ມີນາ 2019, ບັນດາກົມກອງທີ່ກ່ຽວຂ້ອງພາຍໃນກະຊວງແຜນການ ແລະການລົງທຶນຈະຕ້ອງໄດ້ສືບຕໍ່ຈັດຕັ້ງຜັນຂະຫຍາຍເນື້ອໃນຈິດໃຈຂອງຂໍ້ສະເໜີແນະດັ່ງກ່າວທີ່ໄດ້ຮຽກຮ້ອງໃຫ້ພວກເຮົາຈະຕ້ອງໄດ້ເພີ່ມການປັບປຸງແກ້ໄຂບໍ່ວ່າຈະເປັນວຽກງານການຈັດສັນງົບປະມານທີ່ເອົາໃຈໃສ່ວຽກງານແມ່-ເດັກ, ເພີ່ມທະວີຄວາມເອົາໃຈໃສ່ວຽກງານໃນຂົງເຂດທີ່ຕົນຮັບຜິດຊອບ, ຄົ້ນຄວ້າເຖິງບັນຫາ ແລະ ລະດົມທຶນຊ່ວຍເຫຼືອຈາກອົງການຈັດຕັ້ງສາກົນ, ຕິດພັນກັບຂົງເຂດວຽກງານບົດບາດຍິງ-ຊາຍ, ຂໍ້ຄົງຄ້າງເພື່ອສະເໜີໃຫ້ຂັ້ນເທິງພິຈາລະນາ.
ກອງປະຊຸມໃນຄັ້ງນີ້, ບັນດາທ່ານຈະໄດ້ຮັບຟັງການນໍາສະເໜີກ່ຽວກັບ ສານອວຍພອນ ຂອງທ່ານ ນາຍົກລັດຖະມົນ ຕີແຫ່ງ ສປປ ລາວ ເນື່ອງໃນໂອກາດວັນເດັກນ້ອຍສາກົນ, ການນໍາສະເໜີເອກະສານທີ່ສໍາຄັນມີ ຫົວຂໍ້ຄື: ບົດລາຍງານຄວາມເຂົ້າໃຈຂອງເສັ້ນທາງການຖືພາຂອງໄວໜຸ່ມໃນ ສປປ ລາວ ຊຶ່ງບັນຫາດັ່ງກ່າວ, ຈະເປັນການຍົກສູງຄວາມຮັບຮູ້ ແລະ ຄວາມເຂົ້າໃຈຕໍ່ກັບເນື້ອໃນອັນສໍາຄັນ ເພື່ອເປັນຂໍ້ມູນໃນການສືບຕໍ່ຈັດຕັ້ງປະຕິບັດວຽກງານຂອງຕົນ ໂດຍສະເພາະໃນການວາງແຜນ, ກຳນົດນະໂຍບາຍທີ່ຖືກຕ້ອງ ແລະ ແທດເໝາະກັບສະພາບຄວາມເປັນຈິງໃນແຕ່ລະໄລຍະ ເພື່ອຫາວິທີທາງແກ້ໄຂໃນຕໍ່ໜ້າຈາກຜູ້ບັນຍາຍທີ່ມີປະສົບປະການ ແລະ ບົດຮຽນໃນການຈັດຕັ້ງປະຕິບັດວຽກງານ ພ້ອມທັງເປັນເວທີໃນການສົນທະນາ ແລະ ແລກປ່ຽນບົດຮຽນຮ່ວມກັນ.
ທ່ານ ນາງ ພອນວັນ ອຸທະວົງ ກ່າວຕື່ມວ່າ: ຂ້າພະເຈົ້າຫວັງຢ່າງຍິ່ງວ່າ ທຸກທ່ານຈະເອົາໃຈໃສ່ໃນການຕິດຕາມ ແລະ ມີສ່ວນຮ່ວມໃນການປະກອບຄໍາຄິດຄໍາເຫັນຢ່າງກົງໄປກົງມາ ເພື່ອເຮັດໃຫ້ກອງປະຊຸມສໍາມະນາໃນມື້ນີ້ ມີເນື້ອໃນຄົບຖ້ວນສົມບູນ.
(ຂ່າວ-ພາບ: ແສງຈັນ)
