ໃນວັນທີ 1 ມິຖຸນາ ຜ່ານມາທີ່ສູນຝຶກອົບຮົມວິຊາຊີບບ້ານພ້າວ ເມືອງປາກງື່ມ ນະຄອນຫຼວງວຽງຈັນ, ທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ (ສນຊ) ໄດ້ເປັນກຽດເຂົ້າຮ່ວມພິທີເປີດສູນຝຶກອົບຮົມວິຊາຊີບດັ່ງກ່າວ ຊຶ່ງມີທ່ານ ກອງມີ ສີສະໝຸດ ຮອງເຈົ້າເມືອງປາກງື່ມ, ທ່ານ ຈາວເວິນຢູ່ ທີ່ປຶກສາດ້ານການຄ້າສະຖານເອກອັກຄະລັດຖະທູດແຫ່ງ ສປ ຈີນປະຈໍາລາວພ້ອມດ້ວຍການນຳພັກ-ລັດຂັ້ນສູນກາງ, ນະຄອນຫຼວງ, ເມືອງທີ່ກ່ຽວຂ້ອງເຂົ້າຮ່ວມ.
ໂຄງການກໍ່ສ້າງສູນຝຶກອົບຮົມວິຊາຊີບນີ້ສ້າງຂຶ້ນເພື່ອຜູ້ດ້ອຍໂອກາດ ຊຶ່ງດໍາເນີນການກໍ່ສ້າງມາແຕ່ປີ 2021ມາຮອດທ້າຍປີ 2023 ແມ່ນໄດ້ສໍາເລັດສ່ວນໃຫຍ່, ສູນດັ່ງກ່າວໄດ້ຮັບທຶນອຸປະຖຳຫຼັກຈາກຄອບຄົວຄຸດໄພທູນ ແລະ ຍາດພີ່ນ້ອງຮ່ວມກັບບັນດານັກທຸລະກິດທັງພາຍໃນ ແລະ ຕ່າງປະເທດ ຊຶ່ງເປັນອາຄານຊັ້ນດຽວ ປະກອບມີຫ້ອງຮຽນຈໍານວນ 7 ຫ້ອງ, ຫ້ອງການ 1 ຫ້ອງ, ຫ້ອງປະຊຸມ 1 ຫ້ອງ, ຫ້ອງພັກພະນັກງານ 2 ຫ້ອງ, ໂຮງອາຫານ 1 ຫຼັງ, ຫໍພັກຄູ-ນັກຮຽນຈໍານວນ 10 ຫ້ອງ ແລະ ຫ້ອງນໍ້າຊາຍ 2 ຫ້ອງ, ຫ້ອງນ້ຳຍິງ 2 ຫ້ອງ. ໄດ້ນໍາໃຊ້ລະບົບໄຟຟ້າແສງຕາເວັນ (Solar Panel) ຈຳນວນ 102 ແຜ່ນ, ສຳຮອງໄວ້ 2 ແຜ່ນ, ກຳລັງໄຟຟ້າປະມານ 45.000 W,ສຳລັບຄ່າອອກແບບ, ການປະກອບເຟີນີເຈີ, ອຸປະກອນຮັບໃຊ້, ຄອມພິວເຕີແລະ ສິ່ງອຳນວຍຄວາມສະດວກອື່ນໆ ແມ່ນໄດ້ຮັບການອຸປະຖຳຈາກຫຼາຍພາກສ່ວນທີ່ເປັນບຸກຄົນ, ນິຕິບຸກຄົນ ທັງພາກລັດ, ເອກະຊົນ.
ຈຸດປະສົງຕົ້ນຕໍຂອງໂຄງການ ເພື່ອດຶງດູດເອົາຄູ-ອາຈານ, ຊ່ຽວຊານພາຍໃນປະເທດ ແລະ ຕ່າງປະເທດ ເຂົ້າມາສິດສອນວິຊາຄວາມຮູ້ໃຫ້ຜູ້ດ້ອຍໂອກາດ, ປະຊາຊົນ ແລະ ຜູ້ທີ່ຢາກສຶກສາຮໍ່າຮຽນຍົກລະດັບຄວາມຮູ້, ແຕ່ລະວິຊາຕ່າງໆເຊັ່ນ: ດ້ານກະສິກຳ, ຫັດຖະກຳ, ພາສາ, ຄອມພີວເຕີ ແລະ ອື່ນໆ. ເພື່ອໃຫ້ມີສີມືແຮງງານທີ່ຜ່ານການຝຶກອົບຮົມສາມາດສ້າງອາຊີບດ້ວຍໂຕເອງໄດ້ ແລະ ໄປຍົກລະດັບອາຊີບຂອງຕົນເອງໃຫ້ດີຂຶ້ນກ່ວາເກົ່າ. ຢາກໃຫ້ປະຊາຊົນ ແລະ ລູກຫຼານຜູ້ທີ່ວ່າງງານໄດ້ມາສຶກສາຮຽນຮູ້ ແລ້ວໄປສ້າງເປັນອາຊີບໃຫ້ຕົນເອງ, ຄອບຄົວເພື່ອສ້າງລາຍຮັບເປັນຂອງຕົນເອງ, ຫຼີກລ່ຽງການໄປເຮັດວຽກເປັນແຮງງານຮັບຈ້າງຕ່າງປະເທດ ອີກຢ່າງໜຶ່ງເພື່ອສົ່ງເສີມການຜະລິດສິນຄ້າດ້ານກະສິກຳ ແລະ ຫັດຖະກຳພາຍໃນປະເທດໃຫ້ດີຂຶ້ນ ສ້າງເສດຖະກິດເອກະລາດ ເປັນເຈົ້າຕົນເອງເທື່ອລະກ້າວ.
ໃນພິທີໄດ້ມອບ-ຮັບໃບກຽດຕິຄຸນ, ໃບຍ້ອງຍໍໃຫ້ບັນດາບໍລິສັດ, ບຸກຄົນ, ນິຕິບຸກຄົນທີ່ໄດ້ປະກອບສ່ວນຊ່ວຍເຫຼືອສ້າງສູນຝຶກອົບຮົມຫຼັງດັ່ງກ່າວ.ຈາກນັ້ນ, ທ່ານປະທານ ສນຊ ພ້ອມຄະນະໄດ້ປູກຕົ້ນໄມ້ເນື່ອງໃນໂອກາດວັນປູກຕົ້ນໄມ້ແຫ່ງຊາດຄົບຮອບ 44 ປີ ຊຶ່ງມີປະເພດໄມ້ໃຫ້ໝາກ, ໄມ້ອຸດສະຫະກໍາຢູ່ບໍລິເວນອ້ອມຮອບສູນດັ່ງກ່າວ.
ຂ່າວ-ພາບ: ລີ
ໂຄງການກໍ່ສ້າງສູນຝຶກອົບຮົມວິຊາຊີບນີ້ສ້າງຂຶ້ນເພື່ອຜູ້ດ້ອຍໂອກາດ ຊຶ່ງດໍາເນີນການກໍ່ສ້າງມາແຕ່ປີ 2021ມາຮອດທ້າຍປີ 2023 ແມ່ນໄດ້ສໍາເລັດສ່ວນໃຫຍ່, ສູນດັ່ງກ່າວໄດ້ຮັບທຶນອຸປະຖຳຫຼັກຈາກຄອບຄົວຄຸດໄພທູນ ແລະ ຍາດພີ່ນ້ອງຮ່ວມກັບບັນດານັກທຸລະກິດທັງພາຍໃນ ແລະ ຕ່າງປະເທດ ຊຶ່ງເປັນອາຄານຊັ້ນດຽວ ປະກອບມີຫ້ອງຮຽນຈໍານວນ 7 ຫ້ອງ, ຫ້ອງການ 1 ຫ້ອງ, ຫ້ອງປະຊຸມ 1 ຫ້ອງ, ຫ້ອງພັກພະນັກງານ 2 ຫ້ອງ, ໂຮງອາຫານ 1 ຫຼັງ, ຫໍພັກຄູ-ນັກຮຽນຈໍານວນ 10 ຫ້ອງ ແລະ ຫ້ອງນໍ້າຊາຍ 2 ຫ້ອງ, ຫ້ອງນ້ຳຍິງ 2 ຫ້ອງ. ໄດ້ນໍາໃຊ້ລະບົບໄຟຟ້າແສງຕາເວັນ (Solar Panel) ຈຳນວນ 102 ແຜ່ນ, ສຳຮອງໄວ້ 2 ແຜ່ນ, ກຳລັງໄຟຟ້າປະມານ 45.000 W,ສຳລັບຄ່າອອກແບບ, ການປະກອບເຟີນີເຈີ, ອຸປະກອນຮັບໃຊ້, ຄອມພິວເຕີແລະ ສິ່ງອຳນວຍຄວາມສະດວກອື່ນໆ ແມ່ນໄດ້ຮັບການອຸປະຖຳຈາກຫຼາຍພາກສ່ວນທີ່ເປັນບຸກຄົນ, ນິຕິບຸກຄົນ ທັງພາກລັດ, ເອກະຊົນ.
ຈຸດປະສົງຕົ້ນຕໍຂອງໂຄງການ ເພື່ອດຶງດູດເອົາຄູ-ອາຈານ, ຊ່ຽວຊານພາຍໃນປະເທດ ແລະ ຕ່າງປະເທດ ເຂົ້າມາສິດສອນວິຊາຄວາມຮູ້ໃຫ້ຜູ້ດ້ອຍໂອກາດ, ປະຊາຊົນ ແລະ ຜູ້ທີ່ຢາກສຶກສາຮໍ່າຮຽນຍົກລະດັບຄວາມຮູ້, ແຕ່ລະວິຊາຕ່າງໆເຊັ່ນ: ດ້ານກະສິກຳ, ຫັດຖະກຳ, ພາສາ, ຄອມພີວເຕີ ແລະ ອື່ນໆ. ເພື່ອໃຫ້ມີສີມືແຮງງານທີ່ຜ່ານການຝຶກອົບຮົມສາມາດສ້າງອາຊີບດ້ວຍໂຕເອງໄດ້ ແລະ ໄປຍົກລະດັບອາຊີບຂອງຕົນເອງໃຫ້ດີຂຶ້ນກ່ວາເກົ່າ. ຢາກໃຫ້ປະຊາຊົນ ແລະ ລູກຫຼານຜູ້ທີ່ວ່າງງານໄດ້ມາສຶກສາຮຽນຮູ້ ແລ້ວໄປສ້າງເປັນອາຊີບໃຫ້ຕົນເອງ, ຄອບຄົວເພື່ອສ້າງລາຍຮັບເປັນຂອງຕົນເອງ, ຫຼີກລ່ຽງການໄປເຮັດວຽກເປັນແຮງງານຮັບຈ້າງຕ່າງປະເທດ ອີກຢ່າງໜຶ່ງເພື່ອສົ່ງເສີມການຜະລິດສິນຄ້າດ້ານກະສິກຳ ແລະ ຫັດຖະກຳພາຍໃນປະເທດໃຫ້ດີຂຶ້ນ ສ້າງເສດຖະກິດເອກະລາດ ເປັນເຈົ້າຕົນເອງເທື່ອລະກ້າວ.
ໃນພິທີໄດ້ມອບ-ຮັບໃບກຽດຕິຄຸນ, ໃບຍ້ອງຍໍໃຫ້ບັນດາບໍລິສັດ, ບຸກຄົນ, ນິຕິບຸກຄົນທີ່ໄດ້ປະກອບສ່ວນຊ່ວຍເຫຼືອສ້າງສູນຝຶກອົບຮົມຫຼັງດັ່ງກ່າວ.ຈາກນັ້ນ, ທ່ານປະທານ ສນຊ ພ້ອມຄະນະໄດ້ປູກຕົ້ນໄມ້ເນື່ອງໃນໂອກາດວັນປູກຕົ້ນໄມ້ແຫ່ງຊາດຄົບຮອບ 44 ປີ ຊຶ່ງມີປະເພດໄມ້ໃຫ້ໝາກ, ໄມ້ອຸດສະຫະກໍາຢູ່ບໍລິເວນອ້ອມຮອບສູນດັ່ງກ່າວ.
ຂ່າວ-ພາບ: ລີ
