ປັດຈຸບັນສະພາບການຂອງໂລກແລະພາກພື້ນສືບຕໍ່ຜັນແປໄປຢ່າງສັບສົນ ແລະ ສົ່ງຜົນກະທົບຕໍ່ປະເທດຕ່າງໆ ດ້ວຍການສູ້ຊົນບຸກບືນຂອງລັດຖະບານກໍຄືອົງການປົກຄອງແຕ່ລະຂັ້ນເຮັດໃຫ້ປະເທດຂອງພວກເຮົາສືບຕໍ່ມີສະຖຽນລະພາບຢ່າງຕໍ່ເນື່ອງ ແຕ່ບັນຫາໃໝ່ໄດ້ແຊກເຂົ້າມາໂດຍສະເພາະບັນຫາການ "ເງິນ" ຫຼື ປາກທ້ອງ ເຮັດໃຫ້ຄົນລາວຫຼາຍແສນຄົນຈໍາຕ້ອງໄດ້ດີ້ນລົນເພື່ອຄວາມຢູ່ລອດດ້ວຍການໄປເຮັດວຽກຢູ່ຕ່າງປະເທດ.
ຕໍ່ບັນຫາດັ່ງກ່າວມັນເລັ່ງທວງໃຫ້ພາກລັດແກ້ໄຂຢ່າງຮີບດ່ວນ ໂດຍການຍົກລະດັບເງິນເດືອນ ແລະ ສະຫວັດດີການໃຫ້ສູງ, ແຕ່ສຳຄັນຢູ່ປະເທດເຮົາຄ່າແຮງງານຂອງຄົນຕ່າງປະເທດທີ່ເຮັດວຽກໜ້າດຽວຄືກັນກັບຄົນລາວ ພັດຄ່າແຮງງານສູງກວ່າແຮງງານລາວ ດີແທ້ກໍຢ່າໃຫ້ມັນຫຼຸດໂຕນກັນຫຼາຍຖ້າເຮັດກັບໂຄງການ/ອົງການ/ບໍລິສັດຂອງຕ່າງປະເທດຄວນໄດ້ຮັບເງິນເດືອນ ຫຼືຄ່າແຮງງານສູງ ຕາມພາກສ່ວນດັ່ງກ່າວກໍານົດ ດ້ວຍເງິນຕາຕ່າງປະເທດແລ້ວຈຶ່ງມາແລກເປັນເງິນກີບຕາມອັດຕາແລກປ່ຽນໃນມື້ນັ້ນ ແລະ ທາງພາກລັດອາດຈະບໍ່ໄປກຳນົດເງິນເດືອນໃຫ້ແຮງງານທີ່ເຮັດວຽກກັບຕ່າງປະເທດທີ່ຕໍ່າກ່ວາຄົນເຂົາເຈົ້າ ດີແທ້ຄວນສົ່ງເສີມພັດທະນາແຮງງານໃຫ້ກາຍເປັນມືອາຊີບ. ສະນັ້ນ, ແຮງງານມືອາຊີບມີຄວາມສຳຄັນຫຼາຍເປັນທີ່ຕ້ອງການຂອງຕະຫຼາດແຮງງານ, ຖ້າຫາກປະເທດເຮົາຂາດແຄນແຮງງານແລ້ວແມ່ນຫຍັງຈະເກີດຂຶ້ນ......ການຂາດແຄນແຮງງານແມ່ນໄດ້ຖືກເປີດເຜີຍໃນວັນທີ 9 ພຶດສະພາຜ່ານມາທີ່ກອງປະຊຸມ 3 ຝ່າຍ ໂດຍມີການນໍາກະຊວງແຮງງານ ແລະ ສະຫວັດດີການສັງຄົມ (ຮສສ), ສູນກາງສະຫະພັນກໍາມະບານລາວ, ສະພາການຄ້າແລະອຸດສາຫະກໍາແຫ່ງຊາດລາວ ໂດຍມີແຜນຮ່ວມແກ້ໄຂບັນຫາດັ່ງກ່າວ, ແລກປ່ຽນຂໍ້ມູນຄວາມຄິດເຫັນກ່ຽວກັບການບໍລິການຈັດຫາງານພາຍໃນ, ສະພາບແຮງງານ, ຄວາມຕ້ອງການ, ບັນຫາ, ສິ່ງທ້າທາຍ ແລະຂໍ້ສະເໜີຕ່າງໆ ເພື່ອແກ້ໄຂບັນຫາຂາດແຄນແຮງງານ ກອງປະຊຸມໄດ້ເອກະພາບກໍານົດມາດຕະການໃນການແກ້ໄຂບັນຫາສະເພາະໜ້າ ແລະ ຍາວນານ ໂດຍເນັ້ນເຖິງການປະສານງານຮ່ວມມືພາກສ່ວນທີ່ກ່ຽວຂ້ອງແລະການແບ່ງຄວາມຮັບຜິດຊອບໃຫ້ແຕ່ລະພາກສ່ວນຢ່າງຊັດເຈນ ບົນພື້ນຖານພາລະບົດບາດແຕ່ລະພາກສ່ວນ ເພື່ອເຮັດໃຫ້ການແກ້ໄຂບັນຫາໃຫ້ເປັນຮູບປະທໍາຫຼາຍຂຶ້ນ.
ກອງປະຊຸມອົງການປົກຄອງນະຄອນຫຼວງວຽງຈັນ(ນວ) ຄັ້ງທີ 36 ປະຈໍາເດືອນພຶດສະພາ 2024; ທ່ານເຈົ້າຄອງ ນວ ໄດ້ຊີ້ນໍາໃຫ້ເອົາໃຈໃສ່ພັດທະນາລະບົບຖານຂໍ້ມູນຂ່າວສານຕະຫຼາດແຮງງານໃຫ້ມີຄວາມເຂັ້ມແຂງ ແລະ ເປັນລະບົບເພື່ອໃຫ້ສາມາດສະໜອງຂໍ້ມູນໃນການດຸ່ນດ່ຽງໂຄງປະກອບກຳລັງແຮງ, ການດັດສົມກຳລັງແຮງ ແລະ ການຈັດຫາວຽກເຮັດງານທຳຕາມຄວາມຮຽກຮ້ອງຕ້ອງການໃຫ້ຄ່ອງຕົວຂຶ້ນ ຕິດພັນກັບການປັບປຸງໂຄງລ່າງພື້ນຖານ ແລະ ກົນໄກການພັດທະນາສີມືແຮງງານ ໂດຍການມີສ່ວນຮ່ວມລະຫວ່າງພາກລັດ, ພາກເອກະຊົນ, ຫົວໜ່ວຍແຮງງານ, ບັນດາໂຄງການລົງທຶນເອກະຊົນ ແລະ ຕ່າງປະເທດໃຫ້ມີຄວາມກົມກຽວກັນຂຶ້ນຕື່ມ.
ກອງປະຊຸມສະໄໝສາມັນຂອງລັດຖະບານປະຈຳເດືອນພຶດສະພາ 2024ໄດ້ພິຈາລະນາຮ່າງດໍາລັດວ່າດ້ວຍການກວດກາແຮງງານ ແລະ ໄດ້ມອບໃຫ້ກະຊວງ ຮສສ ສົມທົບກັບຂະແໜງການ ແລະ ພາກສ່ວນທີ່ກ່ຽວຂ້ອງນໍາໄປຈັດສໍາມະນາລະດົມຄວາມຄິດເຫັນຕື່ມ ເພື່ອໃຫ້ມີເນື້ອໃນຄົບຖ້ວນສົມບູນ, ຮັດກຸມ ແລະ ລະອຽດຈະແຈ້ງຫຼາຍຂຶ້ນ ບົນພື້ນຖານການຄົ້ນຄວ້າ ແລະ ປັບປຸງໃນບັນດາຈຸດທີ່ສະມາຊິກລັດຖະບານໄດ້ປະກອບຄຳເຫັນ ເປັນຕົ້ນການກຳນົດຈຸດປະສົງໃຫ້ສອດຄ່ອງກວ່າເກົ່າ, ການກຳນົດໜ້າວຽກໃນເປົ້າໝາຍຂອງການກວດກາໃຫ້ຈະແຈ້ງແລະຄົບຖ້ວນ, ການນຳໃຊ້ຄຳສັບໃຫ້ສອດຄ່ອງກັບຄຳສັບທາງດ້ານກົດໝາຍ, ການກຳນົດສິດ ແລະ ພັນທະທັງຜູ້ໃຊ້ແຮງງານ ແລະ ຜູ້ອອກແຮງງານໃຫ້ຈະແຈ້ງຮັດກຸມຕື່ມ, ກຳນົດເພີ່ມກ່ຽວກັບການແກ້ໄຂຜົນຂອງການກວດກາແຮງງານ, ຄົ້ນຄວ້າ ແລະ ຈໍາກັດຊ່ອງວ່າງຄວາມແຕກໂຕນດ້ານຄ່າແຮງງານ ລະຫວ່າງແຮງງານຕ່າງປະເທດ ແລະ ແຮງງານລາວໃນເງື່ອນໄຂທີ່ຄວາມຮັບຜິດຊອບໃນໜ້າທີ່ເທົ່າທຽມກັນລວມທັງປັບປຸງບັນດາຈຸດທີ່ເຫັນວ່າແຮງງານລາວຍັງເສຍປຽບ.
ເປັນທີ່ຈະແຈ້ງແລ້ວວ່າ: ລັດຖະບານ ກໍຄືກະຊວງ ຮສສແລະອົງການທີ່ກ່ຽວຂ້ອງໄດ້ມີຄວາມພະຍາຍາມຢ່າງຕັ້ງໜ້າສູງໃນການແກ້ບັນຫາການຂາດແຄນແຮງງານ ຫຼືການຈໍາກັດຊ່ອງວ່າງຄວາມແຕກໂຕນດ້ານຄ່າແຮງງານ ລະຫວ່າງແຮງງານຕ່າງປະເທດ ແລະ ແຮງງານລາວໃນເງື່ອນໄຂທີ່ຄວາມຮັບຜິດຊອບໃນໜ້າທີ່ເທົ່າທຽມກັນ ທັງນີ້ເພື່ອເຮັດໃຫ້ປະຊາຊົນ ແລະ ແຮງງານລາວໄດ້ນໍາໃຊ້ສະຕິປັນຍາ, ມັນສະໝອງ ແລະ ເຫື່ອແຮງຂອງຕົນເຂົ້າໃນວຽກງານຢູ່ຕ່າງປະເທດຕາມຈໍານວນທີ່ເໝາະ ແລະ ຢູ່ກັບບ້ານເກີດເມືອງນອນຂອງຕົນ ແລະ ແຮງງານເຫຼົ່ານີ້ໄດ້ກາຍເປັນຈຸລັງອັນສໍາຄັນ ເພື່ອຄຸ້ມກັນສັງຄົມໃນການພັດທະນາ ແລະ ຮັບປະກັນສະຖຽນລະພາບ, ຄວາມໝັ້ນຄົງທາງດ້ານເສດຖະກິດ-ສັງຄົມ, ການເມືອງ ແລະ ການປ້ອງກັນຊາດ-ປ້ອງກັນຄວາມສະຫງົບຕາມແນວທາງ ແລະ ແຜນນະໂຍບາຍຂອງພັກ ແລະ ລັດຖະບານໃນແຕ່ລະໄລຍະໃຫ້ມີໝາກຜົນດີຢ່າງບໍ່ຢຸດຢັ້ງ.
ຂ່າວ-ພາບ: ຣັດສະໝີ ດວງສັດຈະ
ຕໍ່ບັນຫາດັ່ງກ່າວມັນເລັ່ງທວງໃຫ້ພາກລັດແກ້ໄຂຢ່າງຮີບດ່ວນ ໂດຍການຍົກລະດັບເງິນເດືອນ ແລະ ສະຫວັດດີການໃຫ້ສູງ, ແຕ່ສຳຄັນຢູ່ປະເທດເຮົາຄ່າແຮງງານຂອງຄົນຕ່າງປະເທດທີ່ເຮັດວຽກໜ້າດຽວຄືກັນກັບຄົນລາວ ພັດຄ່າແຮງງານສູງກວ່າແຮງງານລາວ ດີແທ້ກໍຢ່າໃຫ້ມັນຫຼຸດໂຕນກັນຫຼາຍຖ້າເຮັດກັບໂຄງການ/ອົງການ/ບໍລິສັດຂອງຕ່າງປະເທດຄວນໄດ້ຮັບເງິນເດືອນ ຫຼືຄ່າແຮງງານສູງ ຕາມພາກສ່ວນດັ່ງກ່າວກໍານົດ ດ້ວຍເງິນຕາຕ່າງປະເທດແລ້ວຈຶ່ງມາແລກເປັນເງິນກີບຕາມອັດຕາແລກປ່ຽນໃນມື້ນັ້ນ ແລະ ທາງພາກລັດອາດຈະບໍ່ໄປກຳນົດເງິນເດືອນໃຫ້ແຮງງານທີ່ເຮັດວຽກກັບຕ່າງປະເທດທີ່ຕໍ່າກ່ວາຄົນເຂົາເຈົ້າ ດີແທ້ຄວນສົ່ງເສີມພັດທະນາແຮງງານໃຫ້ກາຍເປັນມືອາຊີບ. ສະນັ້ນ, ແຮງງານມືອາຊີບມີຄວາມສຳຄັນຫຼາຍເປັນທີ່ຕ້ອງການຂອງຕະຫຼາດແຮງງານ, ຖ້າຫາກປະເທດເຮົາຂາດແຄນແຮງງານແລ້ວແມ່ນຫຍັງຈະເກີດຂຶ້ນ......ການຂາດແຄນແຮງງານແມ່ນໄດ້ຖືກເປີດເຜີຍໃນວັນທີ 9 ພຶດສະພາຜ່ານມາທີ່ກອງປະຊຸມ 3 ຝ່າຍ ໂດຍມີການນໍາກະຊວງແຮງງານ ແລະ ສະຫວັດດີການສັງຄົມ (ຮສສ), ສູນກາງສະຫະພັນກໍາມະບານລາວ, ສະພາການຄ້າແລະອຸດສາຫະກໍາແຫ່ງຊາດລາວ ໂດຍມີແຜນຮ່ວມແກ້ໄຂບັນຫາດັ່ງກ່າວ, ແລກປ່ຽນຂໍ້ມູນຄວາມຄິດເຫັນກ່ຽວກັບການບໍລິການຈັດຫາງານພາຍໃນ, ສະພາບແຮງງານ, ຄວາມຕ້ອງການ, ບັນຫາ, ສິ່ງທ້າທາຍ ແລະຂໍ້ສະເໜີຕ່າງໆ ເພື່ອແກ້ໄຂບັນຫາຂາດແຄນແຮງງານ ກອງປະຊຸມໄດ້ເອກະພາບກໍານົດມາດຕະການໃນການແກ້ໄຂບັນຫາສະເພາະໜ້າ ແລະ ຍາວນານ ໂດຍເນັ້ນເຖິງການປະສານງານຮ່ວມມືພາກສ່ວນທີ່ກ່ຽວຂ້ອງແລະການແບ່ງຄວາມຮັບຜິດຊອບໃຫ້ແຕ່ລະພາກສ່ວນຢ່າງຊັດເຈນ ບົນພື້ນຖານພາລະບົດບາດແຕ່ລະພາກສ່ວນ ເພື່ອເຮັດໃຫ້ການແກ້ໄຂບັນຫາໃຫ້ເປັນຮູບປະທໍາຫຼາຍຂຶ້ນ.
ກອງປະຊຸມອົງການປົກຄອງນະຄອນຫຼວງວຽງຈັນ(ນວ) ຄັ້ງທີ 36 ປະຈໍາເດືອນພຶດສະພາ 2024; ທ່ານເຈົ້າຄອງ ນວ ໄດ້ຊີ້ນໍາໃຫ້ເອົາໃຈໃສ່ພັດທະນາລະບົບຖານຂໍ້ມູນຂ່າວສານຕະຫຼາດແຮງງານໃຫ້ມີຄວາມເຂັ້ມແຂງ ແລະ ເປັນລະບົບເພື່ອໃຫ້ສາມາດສະໜອງຂໍ້ມູນໃນການດຸ່ນດ່ຽງໂຄງປະກອບກຳລັງແຮງ, ການດັດສົມກຳລັງແຮງ ແລະ ການຈັດຫາວຽກເຮັດງານທຳຕາມຄວາມຮຽກຮ້ອງຕ້ອງການໃຫ້ຄ່ອງຕົວຂຶ້ນ ຕິດພັນກັບການປັບປຸງໂຄງລ່າງພື້ນຖານ ແລະ ກົນໄກການພັດທະນາສີມືແຮງງານ ໂດຍການມີສ່ວນຮ່ວມລະຫວ່າງພາກລັດ, ພາກເອກະຊົນ, ຫົວໜ່ວຍແຮງງານ, ບັນດາໂຄງການລົງທຶນເອກະຊົນ ແລະ ຕ່າງປະເທດໃຫ້ມີຄວາມກົມກຽວກັນຂຶ້ນຕື່ມ.
ກອງປະຊຸມສະໄໝສາມັນຂອງລັດຖະບານປະຈຳເດືອນພຶດສະພາ 2024ໄດ້ພິຈາລະນາຮ່າງດໍາລັດວ່າດ້ວຍການກວດກາແຮງງານ ແລະ ໄດ້ມອບໃຫ້ກະຊວງ ຮສສ ສົມທົບກັບຂະແໜງການ ແລະ ພາກສ່ວນທີ່ກ່ຽວຂ້ອງນໍາໄປຈັດສໍາມະນາລະດົມຄວາມຄິດເຫັນຕື່ມ ເພື່ອໃຫ້ມີເນື້ອໃນຄົບຖ້ວນສົມບູນ, ຮັດກຸມ ແລະ ລະອຽດຈະແຈ້ງຫຼາຍຂຶ້ນ ບົນພື້ນຖານການຄົ້ນຄວ້າ ແລະ ປັບປຸງໃນບັນດາຈຸດທີ່ສະມາຊິກລັດຖະບານໄດ້ປະກອບຄຳເຫັນ ເປັນຕົ້ນການກຳນົດຈຸດປະສົງໃຫ້ສອດຄ່ອງກວ່າເກົ່າ, ການກຳນົດໜ້າວຽກໃນເປົ້າໝາຍຂອງການກວດກາໃຫ້ຈະແຈ້ງແລະຄົບຖ້ວນ, ການນຳໃຊ້ຄຳສັບໃຫ້ສອດຄ່ອງກັບຄຳສັບທາງດ້ານກົດໝາຍ, ການກຳນົດສິດ ແລະ ພັນທະທັງຜູ້ໃຊ້ແຮງງານ ແລະ ຜູ້ອອກແຮງງານໃຫ້ຈະແຈ້ງຮັດກຸມຕື່ມ, ກຳນົດເພີ່ມກ່ຽວກັບການແກ້ໄຂຜົນຂອງການກວດກາແຮງງານ, ຄົ້ນຄວ້າ ແລະ ຈໍາກັດຊ່ອງວ່າງຄວາມແຕກໂຕນດ້ານຄ່າແຮງງານ ລະຫວ່າງແຮງງານຕ່າງປະເທດ ແລະ ແຮງງານລາວໃນເງື່ອນໄຂທີ່ຄວາມຮັບຜິດຊອບໃນໜ້າທີ່ເທົ່າທຽມກັນລວມທັງປັບປຸງບັນດາຈຸດທີ່ເຫັນວ່າແຮງງານລາວຍັງເສຍປຽບ.
ເປັນທີ່ຈະແຈ້ງແລ້ວວ່າ: ລັດຖະບານ ກໍຄືກະຊວງ ຮສສແລະອົງການທີ່ກ່ຽວຂ້ອງໄດ້ມີຄວາມພະຍາຍາມຢ່າງຕັ້ງໜ້າສູງໃນການແກ້ບັນຫາການຂາດແຄນແຮງງານ ຫຼືການຈໍາກັດຊ່ອງວ່າງຄວາມແຕກໂຕນດ້ານຄ່າແຮງງານ ລະຫວ່າງແຮງງານຕ່າງປະເທດ ແລະ ແຮງງານລາວໃນເງື່ອນໄຂທີ່ຄວາມຮັບຜິດຊອບໃນໜ້າທີ່ເທົ່າທຽມກັນ ທັງນີ້ເພື່ອເຮັດໃຫ້ປະຊາຊົນ ແລະ ແຮງງານລາວໄດ້ນໍາໃຊ້ສະຕິປັນຍາ, ມັນສະໝອງ ແລະ ເຫື່ອແຮງຂອງຕົນເຂົ້າໃນວຽກງານຢູ່ຕ່າງປະເທດຕາມຈໍານວນທີ່ເໝາະ ແລະ ຢູ່ກັບບ້ານເກີດເມືອງນອນຂອງຕົນ ແລະ ແຮງງານເຫຼົ່ານີ້ໄດ້ກາຍເປັນຈຸລັງອັນສໍາຄັນ ເພື່ອຄຸ້ມກັນສັງຄົມໃນການພັດທະນາ ແລະ ຮັບປະກັນສະຖຽນລະພາບ, ຄວາມໝັ້ນຄົງທາງດ້ານເສດຖະກິດ-ສັງຄົມ, ການເມືອງ ແລະ ການປ້ອງກັນຊາດ-ປ້ອງກັນຄວາມສະຫງົບຕາມແນວທາງ ແລະ ແຜນນະໂຍບາຍຂອງພັກ ແລະ ລັດຖະບານໃນແຕ່ລະໄລຍະໃຫ້ມີໝາກຜົນດີຢ່າງບໍ່ຢຸດຢັ້ງ.
ຂ່າວ-ພາບ: ຣັດສະໝີ ດວງສັດຈະ
