ກົມໃຫຍ່ການເມືຶອງກອງທັບ ໄດ້ຈັດພິທີປາຖະກະຖາວັນຜ່າວົງປິດລ້ອມກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ ແລະ ວິລະກຳໂຕນຄຸກຢ່າງມະຫັດສະຈັນຂອງຜູ້ນຳພັກ ແລະ ແນວລາວຮັກຊາດ ຄົບຮອບ 64 ປີຂຶ້ນໃນວັນທີ 4 ມິຖຸນານີ້ໂດຍການປາຖະກະຖາຂອງສະຫາຍ ພົນຈັດຕະວາ ໄພວັນ ຈັນທະພົມມາ ກຳມະການຄະນະພັກກະຊວງປ້ອງກັນປະເທດຮອງຫົວໜ້າກົມໃຫຍ່ການເມືອງກອງທັບ, ມີຄະນະພັກ-ຄະນະບັນຊາ ບັນດາກົມ, ຫ້ອງການ, ກອງທີ່ກ່ຽວຂ້ອງເຂົ້າຮ່ວມ.
ສະຫາຍ ພົນຈັດຕະວາ ໄພວັນ ຈັນທະພົມມາ ໄດ້ຍົກໃຫ້ເຫັນຄວາມໝາຍ-ຄວາມສຳຄັນການຜ່າວົງປິດລ້ອມຂອງກອງພັນທີ2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ ຊຶ່ງແມ່ນໄຊຊະນະອັນໃຫຍ່ຫຼວງຂອງກຳລັງປະກອບອາວຸດເຮົາທີ່ຢູ່ໃຕ້ການນຳພາຂອງພັກ, ເປັນເຫດການປະຫວັດສາດອັນສໍາຄັນຂອງຊາດ, ຂອງພັກ, ຂອງກອງທັບ ແລະ ເປັນບົດຮຽນອັນລໍ້າຄ່າທີ່ສຸດໃຫ້ແກ່ຂະບວນຕໍ່ສູ້ຂອງກອງທັບ ແລະ ປະຊາຊົນຍາດເອົາໄຊຊະນະໃນໄລຍະຕໍ່ມາ ທັງສະແດງໃຫ້ເຫັນເຖິງຄວາມບໍລິສຸດຜຸດຜ່ອງ, ຄວາມຈົງຮັກພັກດີ, ຄວາມສາມັກຄີເປັນຈິດໜຶ່ງໃຈດຽວ, ຄວາມອົດທົນໝັ້ນໜຽວບໍ່ຄອນແຄນຕໍ່ການນາບຂູ່ຫຼອກລວງຂອງສັດຕູ, ນໍ້າໃຈສູ້ຮົບພິລະອາດຫານ ແລະ ມີໄຫວພິບຂອງກອງພັນທີ 2 ໄດ້ເປັນແວ່ນແຍງເປັນການປຸກລະດົມອັນແຮງກ້າໃຫ້ແກ່ຂະບວນການປະຕິວັດ ເພື່ອຕີເອົາຊະນະຈັກກະພັດລ່າເມືອງຂຶ້ນແບບໃໝ່ ແລະ ລູກແຫຼ່ງຕີນມືເຮັດໃຫ້ກຳລັງປະກອບອາວຸດປະຊາຊົນລາວນັບມື້ເຕີບໃຫຍ່ຂະຫຍາຍຕົວ ແລະ ເຂັ້ມແຂງເປັນປັດໄຈພື້ນຖານເຮັດໃຫ້ກອງພັນທີ 2 ສາມາດຜ່າວົງປິດລ້ອມຢ່າງມີໄຊ.
ພ້ອມນັ້ນໄດ້ຍົກໃຫ້ເຫັນມູນເຊື້ອວິລະກຳຜູ້ນຳໂຕນຄຸກໂພນເຄັງຢ່າງມະຫັດສະຈັນ ຂອງບັນດາທ່ານຜູ້ນຳພັກ ແລະ ແນວລາວຮັກຊາດໄລຍະປີ 1957-1959 ໂດຍເຄື່ອນໄຫວປະຕິບັດຄວາມຖືກຕ້ອງປອງດອງຊາດຂອງຝ່າຍກໍາລັງຮັກຊາດ ແລະ ກຳລັງສະໜັບສະໜູນແນວລາວຮັກຊາດນັບມື້ນັບມີອິດທິພົນສູງເດັ່ນຂຶ້ນໃນທົ່ວປະເທດ ແລະ ເວທີສາກົນ, ກົງກັນຂ້າມກັບບົດບາດ, ອິດທິພົນຂອງຝ່າຍວຽງຈັນລູກແຫຼ່ງຕີນມືຂອງຈັກກະພັດອາເມຣິການັບມື້ນັບຫຼຸດລົງດ້ວຍກົນອຸບາຍຫຼອກເສືອອອກຈາກຖໍ້າເພື່ອຂ້າເສືອ, ພ້ອມທັງເລ່ຫຼ່ຽມຫັນປ່ຽນໂດຍສັນຕິຂອງພວກເຂົາໄດ້ປະລາໄຊລົງຢ່າງໜັກໜ່ວງ, ຍ້ອນແນວນັ້ນ, ພວກເຂົາຈຶ່ງຈັບກຸມຄຸມຂັງກຳລັງຂອງຝ່າຍແນວລາວຮັກຊາດ ແລະ ບຸກຄົນທີ່ຮັກຊາດຢ່າງໂຫດຮ້າຍ ແຕ່ຍ້ອນການນໍາພາອັນຖືກຕ້ອງສະຫຼາດສ່ອງໃສຂອງພັກ,ຄວາມມີນໍ້າໃຈຮັກຊາດອັນແຮງກ້າຂອງບັນດາທ່ານຜູ້ນໍາພັກ ແລະ ແນວລາວຮັກຊາດທີ່ມີຄວາມອົງອາດກ້າຫານ, ຕັດສິນໃຈຍອມເສຍສະຫຼະຊີວິດເລືອດເນື້ອ, ມີຄວາມປີຊາສາມາດໄຫວພິບ, ປຸກລະດົມຂົນຂວາຍ, ສຶກສາອົບຮົມສາລະວັດທະຫານຝ່າຍສັດຕູໃຫ້ມີແນວຄິດນໍ້າໃຈຮັກຊາດ, ຕື່ນຕົວເຂົ້າຮ່ວມການປະຕິວັດ ແລະ ວາງແຜນລະອຽດ ສາມາດນໍາເອົາບັນດາຜູ້ນຳພັກແນວລາວຮັກຊາດໂຕນອອກຈາກຄຸກໄດ້ສຳເລັດ ແລະ ເດີນທາງໄປສູ່ເຂດທີ່ໝັ້ນໄດ້ຢ່າງປອດໄພ.
ການປາຖະກະຖາຄັ້ງນີ້, ເພື່ອສຶກສາອົບຮົມ ແລະ ປຸກລະດົມໃຫ້ພະນັກງານ-ນັກຮົບຮັບຮູ້ເຊື່ອມຊຶມ, ກຳແໜ້ນມູນເຊື້ອປະຫວັດສາດສຳຄັນຂອງຊາດ, ຂອງພັກ, ຂອງກອງທັບ ທັງເປັນການລະນຶກເຖິງຄຸນງາມຄວາມດີ, ຄວາມອົງອາດກ້າຫານຂອງນັກຮົບປະຕິວັດໃນເມື່ອກ່ອນ ທີ່ໄດ້ອຸທິດຕົນໃນການເສຍສະຫຼະເລືອດເນື້ອ, ເສຍສະຫຼະຊີວິດເພື່ອປະເທດຊາດ, ເພື່ອເສີມຂະຫຍາຍ ແລະ ປະກອບສ່ວນຢ່າງຕັ້ງໜ້າເຂົ້າໃນການປັບປຸງກໍ່ສ້າງກົມກອງກໍຄືກອງທັບໃຫ້ກາຍເປັນກອງທັບປະຕິວັດທີ່ມີແບບແຜນທັນສະໄໝກ້າວຂຶ້ນຢ່າງບໍ່ຢຸດຢັ້ງ.
ຂ່າວ-ພາບ: ນົກ ບຸນມາເລີດ
ສະຫາຍ ພົນຈັດຕະວາ ໄພວັນ ຈັນທະພົມມາ ໄດ້ຍົກໃຫ້ເຫັນຄວາມໝາຍ-ຄວາມສຳຄັນການຜ່າວົງປິດລ້ອມຂອງກອງພັນທີ2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 65 ປີ ຊຶ່ງແມ່ນໄຊຊະນະອັນໃຫຍ່ຫຼວງຂອງກຳລັງປະກອບອາວຸດເຮົາທີ່ຢູ່ໃຕ້ການນຳພາຂອງພັກ, ເປັນເຫດການປະຫວັດສາດອັນສໍາຄັນຂອງຊາດ, ຂອງພັກ, ຂອງກອງທັບ ແລະ ເປັນບົດຮຽນອັນລໍ້າຄ່າທີ່ສຸດໃຫ້ແກ່ຂະບວນຕໍ່ສູ້ຂອງກອງທັບ ແລະ ປະຊາຊົນຍາດເອົາໄຊຊະນະໃນໄລຍະຕໍ່ມາ ທັງສະແດງໃຫ້ເຫັນເຖິງຄວາມບໍລິສຸດຜຸດຜ່ອງ, ຄວາມຈົງຮັກພັກດີ, ຄວາມສາມັກຄີເປັນຈິດໜຶ່ງໃຈດຽວ, ຄວາມອົດທົນໝັ້ນໜຽວບໍ່ຄອນແຄນຕໍ່ການນາບຂູ່ຫຼອກລວງຂອງສັດຕູ, ນໍ້າໃຈສູ້ຮົບພິລະອາດຫານ ແລະ ມີໄຫວພິບຂອງກອງພັນທີ 2 ໄດ້ເປັນແວ່ນແຍງເປັນການປຸກລະດົມອັນແຮງກ້າໃຫ້ແກ່ຂະບວນການປະຕິວັດ ເພື່ອຕີເອົາຊະນະຈັກກະພັດລ່າເມືອງຂຶ້ນແບບໃໝ່ ແລະ ລູກແຫຼ່ງຕີນມືເຮັດໃຫ້ກຳລັງປະກອບອາວຸດປະຊາຊົນລາວນັບມື້ເຕີບໃຫຍ່ຂະຫຍາຍຕົວ ແລະ ເຂັ້ມແຂງເປັນປັດໄຈພື້ນຖານເຮັດໃຫ້ກອງພັນທີ 2 ສາມາດຜ່າວົງປິດລ້ອມຢ່າງມີໄຊ.
ພ້ອມນັ້ນໄດ້ຍົກໃຫ້ເຫັນມູນເຊື້ອວິລະກຳຜູ້ນຳໂຕນຄຸກໂພນເຄັງຢ່າງມະຫັດສະຈັນ ຂອງບັນດາທ່ານຜູ້ນຳພັກ ແລະ ແນວລາວຮັກຊາດໄລຍະປີ 1957-1959 ໂດຍເຄື່ອນໄຫວປະຕິບັດຄວາມຖືກຕ້ອງປອງດອງຊາດຂອງຝ່າຍກໍາລັງຮັກຊາດ ແລະ ກຳລັງສະໜັບສະໜູນແນວລາວຮັກຊາດນັບມື້ນັບມີອິດທິພົນສູງເດັ່ນຂຶ້ນໃນທົ່ວປະເທດ ແລະ ເວທີສາກົນ, ກົງກັນຂ້າມກັບບົດບາດ, ອິດທິພົນຂອງຝ່າຍວຽງຈັນລູກແຫຼ່ງຕີນມືຂອງຈັກກະພັດອາເມຣິການັບມື້ນັບຫຼຸດລົງດ້ວຍກົນອຸບາຍຫຼອກເສືອອອກຈາກຖໍ້າເພື່ອຂ້າເສືອ, ພ້ອມທັງເລ່ຫຼ່ຽມຫັນປ່ຽນໂດຍສັນຕິຂອງພວກເຂົາໄດ້ປະລາໄຊລົງຢ່າງໜັກໜ່ວງ, ຍ້ອນແນວນັ້ນ, ພວກເຂົາຈຶ່ງຈັບກຸມຄຸມຂັງກຳລັງຂອງຝ່າຍແນວລາວຮັກຊາດ ແລະ ບຸກຄົນທີ່ຮັກຊາດຢ່າງໂຫດຮ້າຍ ແຕ່ຍ້ອນການນໍາພາອັນຖືກຕ້ອງສະຫຼາດສ່ອງໃສຂອງພັກ,ຄວາມມີນໍ້າໃຈຮັກຊາດອັນແຮງກ້າຂອງບັນດາທ່ານຜູ້ນໍາພັກ ແລະ ແນວລາວຮັກຊາດທີ່ມີຄວາມອົງອາດກ້າຫານ, ຕັດສິນໃຈຍອມເສຍສະຫຼະຊີວິດເລືອດເນື້ອ, ມີຄວາມປີຊາສາມາດໄຫວພິບ, ປຸກລະດົມຂົນຂວາຍ, ສຶກສາອົບຮົມສາລະວັດທະຫານຝ່າຍສັດຕູໃຫ້ມີແນວຄິດນໍ້າໃຈຮັກຊາດ, ຕື່ນຕົວເຂົ້າຮ່ວມການປະຕິວັດ ແລະ ວາງແຜນລະອຽດ ສາມາດນໍາເອົາບັນດາຜູ້ນຳພັກແນວລາວຮັກຊາດໂຕນອອກຈາກຄຸກໄດ້ສຳເລັດ ແລະ ເດີນທາງໄປສູ່ເຂດທີ່ໝັ້ນໄດ້ຢ່າງປອດໄພ.
ການປາຖະກະຖາຄັ້ງນີ້, ເພື່ອສຶກສາອົບຮົມ ແລະ ປຸກລະດົມໃຫ້ພະນັກງານ-ນັກຮົບຮັບຮູ້ເຊື່ອມຊຶມ, ກຳແໜ້ນມູນເຊື້ອປະຫວັດສາດສຳຄັນຂອງຊາດ, ຂອງພັກ, ຂອງກອງທັບ ທັງເປັນການລະນຶກເຖິງຄຸນງາມຄວາມດີ, ຄວາມອົງອາດກ້າຫານຂອງນັກຮົບປະຕິວັດໃນເມື່ອກ່ອນ ທີ່ໄດ້ອຸທິດຕົນໃນການເສຍສະຫຼະເລືອດເນື້ອ, ເສຍສະຫຼະຊີວິດເພື່ອປະເທດຊາດ, ເພື່ອເສີມຂະຫຍາຍ ແລະ ປະກອບສ່ວນຢ່າງຕັ້ງໜ້າເຂົ້າໃນການປັບປຸງກໍ່ສ້າງກົມກອງກໍຄືກອງທັບໃຫ້ກາຍເປັນກອງທັບປະຕິວັດທີ່ມີແບບແຜນທັນສະໄໝກ້າວຂຶ້ນຢ່າງບໍ່ຢຸດຢັ້ງ.
ຂ່າວ-ພາບ: ນົກ ບຸນມາເລີດ
