ວິທະຍາຄານການແພດກອງທັບ ສະຫຼຸບການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ 2023-2024 ຂຶ້ນໃນວັນທີ 5 ມິຖຸນາຜ່ານມາ ທີ່ວິທະຍາຄານດັ່ງກ່າວໂດຍການເປັນປະທານຂອງສະຫາຍ ພົນຈັດຕະວາ ສີທອງ ຖິ່ນສະຫວັນ ກຳມະການຄະນະພັກອົງການກົມໃຫຍ່ ຫົວໜ້າກົມເສນາພະລາ ກົມໃຫຍ່ພະລາທິການກອງທັບ ທັງເປັນຫົວໜ້າຊີ້ນໍາກວດກາໜ່ວຍພັກປອດໃສ, ເຂັ້ມແຂງ,ໜັກແໜ້ນປະຈຳປີ2023-2024, ມີສະຫາຍ ພົນຈັດຕະວາ ຈັນສະໝອນ ມະຫາວົງ ກຳມະການຄະນະພັກອົງການກົມໃຫຍ່ພະລາທິການກອງທັບ ຮອງເລຂາຄະນະພັກ ຫົວໜ້າການທະຫານວິທະຍາຄານການແພດກອງທັບ ພ້ອມດ້ວຍຄະນະພັກ-ຄະນະບັນຊາ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກເຂົ້າຮ່ວມ.
ສະຫາຍ ພົນຈັດຕະວາ ສຸລິວົງ ລັດວິໄລ ຄະນະປະຈຳພັກ ເລຂາຄະນະພັກຫົວໜ້າການເມືອງວິທະຍາຄານການແພດກອງທັບ ໄດ້ຜ່ານບົດສະຫຼຸບການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ2023-2024ຊຶ່ງໄດ້ຍົກໃຫ້ເຫັນຜົນສໍາເລັດຫຼາຍດ້ານເປັນຕົ້ນ ຄະນະພັກໄດ້ຖືເອົາວຽກງານສຶກສາອົບຮົມການເມືອງນໍາພາແນວຄິດເປັນບັນຫາສໍາຄັນຕົ້ນຕໍເຮັດໃຫ້ສະມາຊິກ, ພະນັກງານ-ນັກຮົບພາຍໃນກົມກອງມີຄວາມຮັບຮູ້ເຊື່ອມຊຶມ, ກຳແໜ້ນແນວທາງນະໂຍບາຍ, ມະຕິ, ຄໍາສັ່ງ, ຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດ, ມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກົມໃຫຍ່ພະລາທິການກອງທັບ, ໄດ້ນໍາເອົາເນື້ອໃນ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດ. ເວົ້າລວມ, ເວົ້າສະເພາະແມ່ນໜ້າທີ່ໃຫຍ່ທີ II, ແຜນງານທີ 8 ໃນການຮັບປະກັນດ້ານວຽກງານກໍ່ສ້າງກຳລັງຂະແໜງການແພດ ເພື່ອເຮັດສໍາເລັດໜ້າທີ່ໆການຈັດຕັ້ງຂັ້ນເທິງມອບໝາຍໃຫ້ ຊຶ່ງສະແດງອອກພະນັກງານສະມາຊິກພັກແຕ່ລະສະຫາຍໄດ້ມີຄວາມເຊື່ອໝັ້ນຕໍ່ການນໍາພາຂອງພັກ ມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ, ຕໍ່ປະເທດຊາດ, ເປັນເຈົ້າການເຊີດຊູສະຕິລະວັງຕົວສູງຕໍ່ກົນອຸບາຍມ້າງເພທຳລາຍຂອງສັດຕູ ແລະ ຕອບຕ້ານທຸກປະກົດການຫຍໍ້ທໍ້ຕ່າງໆໄດ້ຢ່າງຂາດຕົວເຮັດໃຫ້ພະນັກງານ-ສະມາຊິກພັກແຕ່ລະສະຫາຍມີສະຕິຕໍ່ການຈັດຕັ້ງມີຄວາມເປັນເອກະພາບຕໍ່ແນວທາງປ່ຽນແປງໃໝ່ຂອງພັກ ກໍຄືການສ້າງແຜນເຄື່ອນໄຫວຂອງໜ່ວຍພັກທີ່ວາງອອກໃນແຕ່ລະໄລຍະຢ່າງມີຜົນສໍາເລັດ.
ຜ່ານການຈັດຕັ້ງປະຕິບັດການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ ສາມາດສ້າງໜ່ວຍພັກປະເພດແຂງໄດ້ 12 ໜ່ວຍ, ກາງໄດ້ 3 ໜ່ວຍ.ໃນນີ້, ສະເໜີຄະນະພັກຂັ້ນເທິງຮັບຮອງເປັນໜ່ວຍພັກປອດໃສ,ເຂັ້ມແຂງ,ໜັກແໜ້ນຄັ້ງທີ VI ມີ 6 ໜ່ວຍພັກ,ຄັ້ງທີ IV ມີ 1 ໜ່ວຍພັກ,ຄັ້ງທີ 1 ມີ 5 ໜ່ວຍພັກ.ໃນພິທີໄດ້ມອບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນປີ 2023 ຈຳນວນ 15 ໜ່ວຍພັກ, ມອບຫຼຽນໄຊພິລະອາດຫານຊັ້ນ II ໃຫ້ບຸກຄົນ 14 ສະຫາຍ, ຊັ້ນ III 6 ສະຫາຍ, ໃບຍ້ອງຍໍກະຊວງປ້ອງກັນເທດ 58 ສະຫາຍ ແລະ ໃບຍ້ອງຍໍກົມໃຫຍ່ການເມືອງກອງທັບ 18 ສະຫາຍ.
ຂ່າວ-ພາບ: ບິກໄຊ
ສະຫາຍ ພົນຈັດຕະວາ ສຸລິວົງ ລັດວິໄລ ຄະນະປະຈຳພັກ ເລຂາຄະນະພັກຫົວໜ້າການເມືອງວິທະຍາຄານການແພດກອງທັບ ໄດ້ຜ່ານບົດສະຫຼຸບການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນປະຈຳປີ2023-2024ຊຶ່ງໄດ້ຍົກໃຫ້ເຫັນຜົນສໍາເລັດຫຼາຍດ້ານເປັນຕົ້ນ ຄະນະພັກໄດ້ຖືເອົາວຽກງານສຶກສາອົບຮົມການເມືອງນໍາພາແນວຄິດເປັນບັນຫາສໍາຄັນຕົ້ນຕໍເຮັດໃຫ້ສະມາຊິກ, ພະນັກງານ-ນັກຮົບພາຍໃນກົມກອງມີຄວາມຮັບຮູ້ເຊື່ອມຊຶມ, ກຳແໜ້ນແນວທາງນະໂຍບາຍ, ມະຕິ, ຄໍາສັ່ງ, ຂໍ້ກຳນົດ, ກົດລະບຽບຂອງພັກ, ກົດໝາຍຂອງລັດ, ມະຕິກອງປະຊຸມໃຫຍ່ຄັ້ງທີ V ຂອງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ຄັ້ງທີ VI ຂອງອົງຄະນະພັກກົມໃຫຍ່ພະລາທິການກອງທັບ, ໄດ້ນໍາເອົາເນື້ອໃນ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດ. ເວົ້າລວມ, ເວົ້າສະເພາະແມ່ນໜ້າທີ່ໃຫຍ່ທີ II, ແຜນງານທີ 8 ໃນການຮັບປະກັນດ້ານວຽກງານກໍ່ສ້າງກຳລັງຂະແໜງການແພດ ເພື່ອເຮັດສໍາເລັດໜ້າທີ່ໆການຈັດຕັ້ງຂັ້ນເທິງມອບໝາຍໃຫ້ ຊຶ່ງສະແດງອອກພະນັກງານສະມາຊິກພັກແຕ່ລະສະຫາຍໄດ້ມີຄວາມເຊື່ອໝັ້ນຕໍ່ການນໍາພາຂອງພັກ ມີຄວາມຈົງຮັກພັກດີຕໍ່ພັກ, ຕໍ່ປະຊາຊົນ, ຕໍ່ປະເທດຊາດ, ເປັນເຈົ້າການເຊີດຊູສະຕິລະວັງຕົວສູງຕໍ່ກົນອຸບາຍມ້າງເພທຳລາຍຂອງສັດຕູ ແລະ ຕອບຕ້ານທຸກປະກົດການຫຍໍ້ທໍ້ຕ່າງໆໄດ້ຢ່າງຂາດຕົວເຮັດໃຫ້ພະນັກງານ-ສະມາຊິກພັກແຕ່ລະສະຫາຍມີສະຕິຕໍ່ການຈັດຕັ້ງມີຄວາມເປັນເອກະພາບຕໍ່ແນວທາງປ່ຽນແປງໃໝ່ຂອງພັກ ກໍຄືການສ້າງແຜນເຄື່ອນໄຫວຂອງໜ່ວຍພັກທີ່ວາງອອກໃນແຕ່ລະໄລຍະຢ່າງມີຜົນສໍາເລັດ.
ຜ່ານການຈັດຕັ້ງປະຕິບັດການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ ສາມາດສ້າງໜ່ວຍພັກປະເພດແຂງໄດ້ 12 ໜ່ວຍ, ກາງໄດ້ 3 ໜ່ວຍ.ໃນນີ້, ສະເໜີຄະນະພັກຂັ້ນເທິງຮັບຮອງເປັນໜ່ວຍພັກປອດໃສ,ເຂັ້ມແຂງ,ໜັກແໜ້ນຄັ້ງທີ VI ມີ 6 ໜ່ວຍພັກ,ຄັ້ງທີ IV ມີ 1 ໜ່ວຍພັກ,ຄັ້ງທີ 1 ມີ 5 ໜ່ວຍພັກ.ໃນພິທີໄດ້ມອບໃບຢັ້ງຢືນໜ່ວຍພັກປອດໃສ,ເຂັ້ມແຂງ,ໜັກແໜ້ນປີ 2023 ຈຳນວນ 15 ໜ່ວຍພັກ, ມອບຫຼຽນໄຊພິລະອາດຫານຊັ້ນ II ໃຫ້ບຸກຄົນ 14 ສະຫາຍ, ຊັ້ນ III 6 ສະຫາຍ, ໃບຍ້ອງຍໍກະຊວງປ້ອງກັນເທດ 58 ສະຫາຍ ແລະ ໃບຍ້ອງຍໍກົມໃຫຍ່ການເມືອງກອງທັບ 18 ສະຫາຍ.
ຂ່າວ-ພາບ: ບິກໄຊ
