ກົມວັນນະຄະດີ ແລະ ພິມຈຳໜ່າຍ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ)ໄດ້ຈັດກອງປະຊຸມສຳມະນາກ່ຽວກັບວັນນະກໍາລາຍນາກ ແລະ ວິຖີຊີວິດຊຸມຊົນເຊື້ອຊາດລາວ ເນື່ອງໃນໂອກາດສະເຫຼີມສະຫຼອງລາຍນາກຖືກຮັບຮອງເປັນມໍຣະດົກນາມມະທຳທີ່ເປັນຕົວແບບຂອງມວນມະນຸດໂດຍອົງການອຸຍແນັສໂກຂຶ້ນໃນວັນທີ 6 ມິຖຸນານີ້ ທີ່ຫໍວັດທະນະທຳແຫ່ງຊາດ, ໂດຍເປັນກຽດເຂົ້າຮ່ວມຂອງທ່ານນາງ ຈັນເພັດ ຄຳຟອງ ຫົວໜ້າກົມວັນນະຄະດີ ແລະ ພິມຈຳໜ່າຍກະຊວງ ຖວທ, ມີຫົວໜ້າກົມ-ຮອງກົມ, ຜູ້ຊົງຄຸນວຸດທິ, ນັກຄົ້ນຄວ້າ, ນັກປະພັນ, ນັກກະວີ, ຄູ-ອາຈານ, ນັກສຶກສາຈາກມະຫາວິທະຍາໄລແຫ່ງຊາດ ຊາວຫັດຖະກຳ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານນາງ ຈັນເພັດ ຄຳຟອງກ່າວວ່າ: ການສຳມະນາໃນຄັ້ງນີ້ ແມ່ນໜຶ່ງໃນກິດຈະກຳເພື່ອສະເຫຼີມສະຫຼອງພູມປັນຍາຫັດຖະກຳພື້ນເມືອງການຕໍ່າລາຍນາກຂອງຊຸມຊົນເຊື້ອຊາດລາວໄດ້ຖືກຮັບຮອງເຂົ້າເປັນມໍຣະດົກວັດທະນະທຳ ນາມມະທຳຂອງມວນມະນຸດ(ໂລກ) ໂດຍມີຈຸດປະສົງເພື່ອນຳສະເໜີຄວາມຮູ້ຈາກຜົນງານການຄົ້ນຄວ້າຂອງບັນດາອາຈານກ່ຽວກັບສັດໃນຕຳນານນາກ ທີ່ຕິດພັນກັບຊຸມຊົນເຊື້ອຊາດລາວ ຖືເປັນການປະກອບສ່ວນທີ່ສະແດງອອກເຖິງຄວາມຮັບຜິດຊອບຂອງວຽກງານວັນນະຄະດີ ແລະ ພິມຈຳໜ່າຍ ກໍຄືບຸກຄົນທີ່ເຮັດວຽກຄຸ້ມຄອງ, ສົ່ງເສີມ, ສືບທອດ ແລະ ມີຄວາມຮັກມັກ, ການຄົ້ນຄວ້າ, ຂີດຂຽນບົດວັນນະຄະດີ. ບົດວັນນະຄະດີກ່ຽວກັບນາກ ຫຼືນາກໃນວັນນະຄະດີ, ນາກໃນລາຍຜ້າໄດ້ກາຍເປັນຫຼັກຖານຢັ້ງຢືນຄວາມເຊື່ອຄວາມຜູກພັນກັບນາກ ຊຶ່ງມີອິດທິພົນຕໍ່ຈິດໃຈຂອງປະຊາຊົນຊາດລາວບັນດາເຜົ່າທີ່ມີມາແຕ່ບູຮານ ຊຶ່ງບໍ່ມີໃຜລຶບລ້າງ ຫຼື ພິກປີ້ນຄວາມຈິງໄດ້ຈາກການຮຽນຮູ້ຄວາມເຊື່ອ ແລະ ສັດທາໃນຕຳນານທີ່ເລົ່າຂານໄວ້ກ່ຽວກັບນາກນັ້ນໄດ້ກາຍເປັນຄວາມຜູກພັນເລື່ອງນາກໄດ້, ເກີດຄວາມຄິດຈິນຕະນາການກ່ຽວກັບນາກໄດ້ເຮັດໃຫ້ບັນດານັກຄົ້ນຄວ້າ, ນັກປາດອາຈານ, ນັກຈິດຕະກອນ, ຊ່າງຫູກສາມາດຂຽນປຶ້ມ, ວາດພາບ, ຕໍ່າ, ຂີດ, ເກັບລາຍນາກ ລວມທັງການຄວັດ,ແກະສະຫຼັກດ້ວຍໄມ້ດ້ວຍປູນຊີມັງຕາມວັດວາອາຣາມ ແລະ ຢູ່ສະຖານທີ່ຕ່າງໆຕາມຄວາມເຊື່ອ ແລະ ສັດທາຂອງປະຊາຊົນລາວບັນດາເຜົ່າເຮັດໃຫ້ຄົນຮຸ່ນໃໝ່ໄດ້ຮັບຮູ້ກ່ຽວກັບຊຸມຊົນເຊື້ອຊາດລາວມາຈົນເຖິງປັດຈຸບັນ. ເພື່ອສ້າງຄວາມຮັບຮູ້ເຂົ້າໃຈເພີ່ມຕື່ມກ່ຽວກັບນາກ ຕິດພັນກັບວິຖີຊີວິດຄວາມເຊື່ອ, ຄວາມສັດທາຂອງຄົນລາວຊາດລາວ, ປຶ້ມ ແລະ ເລື່ອງລາວຕ່າງໆໃນບົດວັນນະຄະດີໄດ້ຖືເປັນສິ່ງສະໜັບສະໜູນອີກແຮງໜຶ່ງເຮັດໃຫ້ພູມປັນຍາຫັດຖະກຳ ການຕໍ່າລາຍນາກຂອງຊຸມຊົນເຊື້ອຊາດລາວໄດ້ເປັນມໍຣະດົກໂລກວັດທະນະທຳນາມມະທຳໂດຍອົງການອຸຍແນັສໂກຢ່າງສົມສັກສີ.
ກອງປະຊຸມຍັງໄດ້ມີການອ່ານກະວີປະກອບສຽງແຄນເປັນຕົ້ນກະວີແພພັນລາຍຈາກປາຍມືແມ່, ຮັບຟັງການບັນຍາຍໃນຫົວຂໍ້: ລາຍນາກໃນຜ້າແພລາວ, ອ່ານກະວີປະກອບສຽງແຄນ ຊື່ກະວີ ແຍງນາງແຍງນາກ, ສຳມະນາຫົວຂໍ້: ນາກໃນວັນນະຄະດີລາວ ແລະ ອ່ານກະວີປະກອບສຽງແຄນ ຊື່ກະວີ ລາຍນາກລາຍສິນຈິນຕະນາການ ແລະ ຄວາມຈິງ.(ຂ່າວ-ພາບ: ວັນເພັງ)
ທ່ານນາງ ຈັນເພັດ ຄຳຟອງກ່າວວ່າ: ການສຳມະນາໃນຄັ້ງນີ້ ແມ່ນໜຶ່ງໃນກິດຈະກຳເພື່ອສະເຫຼີມສະຫຼອງພູມປັນຍາຫັດຖະກຳພື້ນເມືອງການຕໍ່າລາຍນາກຂອງຊຸມຊົນເຊື້ອຊາດລາວໄດ້ຖືກຮັບຮອງເຂົ້າເປັນມໍຣະດົກວັດທະນະທຳ ນາມມະທຳຂອງມວນມະນຸດ(ໂລກ) ໂດຍມີຈຸດປະສົງເພື່ອນຳສະເໜີຄວາມຮູ້ຈາກຜົນງານການຄົ້ນຄວ້າຂອງບັນດາອາຈານກ່ຽວກັບສັດໃນຕຳນານນາກ ທີ່ຕິດພັນກັບຊຸມຊົນເຊື້ອຊາດລາວ ຖືເປັນການປະກອບສ່ວນທີ່ສະແດງອອກເຖິງຄວາມຮັບຜິດຊອບຂອງວຽກງານວັນນະຄະດີ ແລະ ພິມຈຳໜ່າຍ ກໍຄືບຸກຄົນທີ່ເຮັດວຽກຄຸ້ມຄອງ, ສົ່ງເສີມ, ສືບທອດ ແລະ ມີຄວາມຮັກມັກ, ການຄົ້ນຄວ້າ, ຂີດຂຽນບົດວັນນະຄະດີ. ບົດວັນນະຄະດີກ່ຽວກັບນາກ ຫຼືນາກໃນວັນນະຄະດີ, ນາກໃນລາຍຜ້າໄດ້ກາຍເປັນຫຼັກຖານຢັ້ງຢືນຄວາມເຊື່ອຄວາມຜູກພັນກັບນາກ ຊຶ່ງມີອິດທິພົນຕໍ່ຈິດໃຈຂອງປະຊາຊົນຊາດລາວບັນດາເຜົ່າທີ່ມີມາແຕ່ບູຮານ ຊຶ່ງບໍ່ມີໃຜລຶບລ້າງ ຫຼື ພິກປີ້ນຄວາມຈິງໄດ້ຈາກການຮຽນຮູ້ຄວາມເຊື່ອ ແລະ ສັດທາໃນຕຳນານທີ່ເລົ່າຂານໄວ້ກ່ຽວກັບນາກນັ້ນໄດ້ກາຍເປັນຄວາມຜູກພັນເລື່ອງນາກໄດ້, ເກີດຄວາມຄິດຈິນຕະນາການກ່ຽວກັບນາກໄດ້ເຮັດໃຫ້ບັນດານັກຄົ້ນຄວ້າ, ນັກປາດອາຈານ, ນັກຈິດຕະກອນ, ຊ່າງຫູກສາມາດຂຽນປຶ້ມ, ວາດພາບ, ຕໍ່າ, ຂີດ, ເກັບລາຍນາກ ລວມທັງການຄວັດ,ແກະສະຫຼັກດ້ວຍໄມ້ດ້ວຍປູນຊີມັງຕາມວັດວາອາຣາມ ແລະ ຢູ່ສະຖານທີ່ຕ່າງໆຕາມຄວາມເຊື່ອ ແລະ ສັດທາຂອງປະຊາຊົນລາວບັນດາເຜົ່າເຮັດໃຫ້ຄົນຮຸ່ນໃໝ່ໄດ້ຮັບຮູ້ກ່ຽວກັບຊຸມຊົນເຊື້ອຊາດລາວມາຈົນເຖິງປັດຈຸບັນ. ເພື່ອສ້າງຄວາມຮັບຮູ້ເຂົ້າໃຈເພີ່ມຕື່ມກ່ຽວກັບນາກ ຕິດພັນກັບວິຖີຊີວິດຄວາມເຊື່ອ, ຄວາມສັດທາຂອງຄົນລາວຊາດລາວ, ປຶ້ມ ແລະ ເລື່ອງລາວຕ່າງໆໃນບົດວັນນະຄະດີໄດ້ຖືເປັນສິ່ງສະໜັບສະໜູນອີກແຮງໜຶ່ງເຮັດໃຫ້ພູມປັນຍາຫັດຖະກຳ ການຕໍ່າລາຍນາກຂອງຊຸມຊົນເຊື້ອຊາດລາວໄດ້ເປັນມໍຣະດົກໂລກວັດທະນະທຳນາມມະທຳໂດຍອົງການອຸຍແນັສໂກຢ່າງສົມສັກສີ.
ກອງປະຊຸມຍັງໄດ້ມີການອ່ານກະວີປະກອບສຽງແຄນເປັນຕົ້ນກະວີແພພັນລາຍຈາກປາຍມືແມ່, ຮັບຟັງການບັນຍາຍໃນຫົວຂໍ້: ລາຍນາກໃນຜ້າແພລາວ, ອ່ານກະວີປະກອບສຽງແຄນ ຊື່ກະວີ ແຍງນາງແຍງນາກ, ສຳມະນາຫົວຂໍ້: ນາກໃນວັນນະຄະດີລາວ ແລະ ອ່ານກະວີປະກອບສຽງແຄນ ຊື່ກະວີ ລາຍນາກລາຍສິນຈິນຕະນາການ ແລະ ຄວາມຈິງ.(ຂ່າວ-ພາບ: ວັນເພັງ)
