ຖ້ຽວບິນທຳອິດຂອງ ຫວຽດເຈັດ (VietJet) ຈາກຮ່າໂນ້ຍ ສສ ຫວຽດນາມ ໄປ ເມວເບີນ ປະເທດອົສຕຣາລີ ໄດ້ລົງຈອດຢູ່ສະໜາມບິນ ເມວເບີນ ເປັນທີ່ຮຽບຮ້ອຍ. ຮ່າໂນ້ຍ - ເມວເບີນ ແມ່ນເສັ້ນທາງສາຍທີ 6 ຂອງ VietJet ເຊື່ອມຕໍ່ຫວຽດນາມ ກັບ ອົສຕຣາລີ ດ້ວຍຖ້ຽວບິນ 2 ຖ້ຽວ ທຸກໆວັນອັງຄານ ແລະ ວັນເສົາ ດ້ວຍເຮືອບິນ A330 ທີ່ກວ້າງ ແລະ ທັນສະໄໝ, VietJet ສືບຕໍ່ອໍານວຍຄວາມສະດວກໃຫ້ແກ່ການເດີນທາງລະຫວ່າງ ຮ່າໂນ້ຍ ແລະ ອົສຕຣາລີ ໃຫ້ສະດວກສະບາຍຫຼາຍຂຶ້ນ. ການຂະຫຍາຍຕາ

ໜ່າງການບິນສາກົນໃນຄັ້ງນີ້ ຍັງມອບຄວາມສະດວກໃຫ້ນັກທ່ອງທ່ຽວໃນພາກພື້ນອາຊີ ແລະ ອົສຕຣາລີ, ຈີນ, ອິນເດຍ, ຍີ່ປູ່ນ, ສ ເກົາຫຼີ ແລະ ອື່ນໆ, ນັກເດີນທາງຈາກລາວສາມາດທ່ອງທ່ຽວໂດຍເສັ້ນທາງສາຍໃໝ່ໃນປີນີ້ ທີ່ເຊື່ອມຕໍ່ນະຄອນຫຼວງວຽງຈັນ ຫາ ນະຄອນໂຮ່ຈິມິນ ດ້ວຍຖ້ຽວບິນໄປກັບ 4 ຖ້ຽວຕໍ່ອາທິດໃນວັນຈັນ, ວັນພຸດ, ວັນສຸກ ແລະ ວັນອາທິດ, ໂດຍໃຊ້ເວລາບິນພຽງແຕ່ 1 ຊົ່ວໂມງ 45 ນາທີ.

ທ່ານ Nguyen Thi Thuy Binh ຮອງປະທານ ຫວຽດເຈັດ ໃຫ້ຮູ້ວ່າ: ນັບແຕ່ຖ້ຽວບິນທຳອິດຂອງ VietJet ໄປອົສຕຣາລີ ໃນເດືອນເມສາ 2023, ພວກເຮົາໄດ້ສືບຕໍ່ຂະຫຍາຍຕາໜ່າງການບິນເຊື່ອມຕໍ່ 5 ເມືອງໃຫຍ່ຂອງ ອົສຕຣາລີ ລວມມີ Melbourne, Sydney, Brisbane ແລະ Perth, Adelaide ກັບນະຄອນໂຮ່ຈິມິນ, ເປີດໃຊ້ເສັ້ນທາງ ເມວເບີນ - ຮ່າໂນ້ຍ ໃນມື້ນີ້ ແລະ Sydney - Hanoi ໃນວັນທີ 8 ມິຖຸນາ 2024 ໄດ້ພິສູດໃຫ້ເຫັນວ່າ ຄໍາໝັ້ນສັນຍາຂອງພວກເຮົາໃນການພັດທະນາ ໂດຍສືບຕໍ່ຂະຫຍາຍເຄືອຂ່າຍ ແລະ ການບໍລິການທີ່ມີຄຸນນະພາບລະຫວ່າງ ອົສຕຣາລີ - ຫວຽດນາມ, ສາມາດຕອບສະໜອງຄວາມຮຽກຮ້ອງຕ້ອງການຂອງທ້ອງຖິ່ນ ແລະ ນັກທ່ອງທ່ຽວໄດ້.

ທ່ານ Jim Paraskos ຫົວໜ້າສາຍການບິນ ສະໜາມບິນ Melbourne ໃຫ້ຮູ້ວ່າ: ການຂະຫຍາຍຕົວຂອງຕະຫຼາດ ຫວຽດນາມ ແມ່ນມີຄວາມພົ້ນເດັ່ນ. ການເພີ່ມທະວີຄວາມສາມາດໃນຕະຫຼາດໄດ້ສ້າງຜົນປະໂຫຍດໃນດ້ານລາຄາປີ້ຍົນທີ່ປະຢັດກວ່າ, ແຕ່ຍັງນອນຢູ່ໃນຕະຫຼາດທີ່ມີມູນຄ່າສູງ. ຖ້ຽວບິນຮ່າໂນ້ຍຈະເພີ່ມປະສິດທິພາບໃຫ້ຖ້ຽວບິນໂຮ່ຈິມິນ ແລະ ຖືເປັນຈຸດເຊື່ອມຕໍ່ໃໝ່ລະຫວ່າງ ອົສຕຣາລີ ແລະ ຈຸດໝາຍປາຍທາງອື່ນໆໃນອາຊີດ້ວຍເຄືອຂ່າຍການບິນຂອງ Vietjet. ຫວຽດນາມ ຖືເປັນ 1 ໃນ 10 ອັນດັບ ສະຖານທີ່ທ່ອງທ່ຽວຂອງນັກທ່ອງທ່ຽວຈາກອົສຕຣາລີ.

ເສັ້ນທາງ ຮ່າໂນ້ຍ - ເມວເບີນ ຄາດວ່າຈະດຶງດູດການລົງທຶນ ແລະ ຕ້ອນຮັບນັກທ່ອງທ່ຽວ, ນັກສຶກສາ, ຄອບຄົວ, ໂອກາດໃນການເຮັດວຽກຢູ່ ເມືອງ Victoria. ປະກອບສ່ວນເຂົ້າໃນການຟື້ນຟູການທ່ອງທ່ຽວຂອງລັດ Victoria ຈາກຜົນກະທົບຂອງການແຜ່ລະບາດຂອງພະຍາດ ໃຫ້ໄດ້ໃນປີ 2025 ແລະ ສ້າງລາຍຮັບຈາກການທ່ອງທ່ຽວບັນລຸ 53 ຕື້ໂດລາ ແລະ ຄາດວ່າຈະມີນັກທ່ອງທ່ຽວ 111,8 ເທື່ອ/ຄົນໃນປີ 2028.

VietJet ຈະເປີດເສັ້ນທາງ Hanoi - Sydney ໃນວັນທີ 8 ມິຖຸນາ ນີ້ ໃຫ້ໃຊ້ບໍລິການໃນວັນນີ້. ປັດຈຸບັນ VietJet ໄດ້ດຳເນີນຖ້ຽວບິນ 58 ຖ້ຽວຕໍ່ອາທິດທີ່ເຊື່ອມຕໍ່ຫວຽດນາມ ແລະ ອົສຕຣາລີ.

ເພື່ອສະເຫຼີມສະຫຼອງ, ສາຍການບິນໄດ້ມອບໂປຣໂມຊັນ ຈາກ 0 ໂດລາ (ບໍ່ລວມພາສີ ແລະ ຄ່າທຳນຽມ) ສໍາລັບປີ້ຊັ້ນປະຢັດ, ນຳໃຊ້ໄດ້ກັບຖ້ຽວບິນຫວຽດນາມ ແລະ ອົສຕຣາລີ ຈົນຮອດວັນທີ 10 ມິຖຸນາ 2024, ເພີ່ມນໍ້າໜັກກະເປົາໄດ້ 20 ກິໂລ ສຳລັບອາຫານ ແລະ ບ່ອນນັ່ງສ່ວນຫຼຸດແມ່ນແຕກຕ່າງກັນໄປຕາມເສັ້ນທາງ ແລະ ມື້ເດີນທາງ.

ນອກຈາກນັ້ນ, VietJet ຍັງໃຫ້ບໍລິການຊັ້ນທຸລະກິດໂດຍບໍ່ຕ້ອງຕໍ່ແຖວ ພ້ອມຫ້ອງຮັບແຂກພິເສດ, ມີອາຫານແຊບໆ ຄອຍບໍລິການຕະຫຼອດຖ້ຽວບິນ ແລະ ເພີ່ມນໍ້າໜັກກະເປົາໄດ້ເຖິງ 60 ກິໂລ ບວກກັບ Golf set, ຫ້ອງໂດຍສານສ່ວນຕົວ ແລະ ບ່ອນນັ່ງທີ່ປັບໄດ້ເຖິງ 180 ອົງສາ. ຕັ້ງແຕ່ມື້ນີ້ຈົນຮອດວັນທີ 14 ມິຖຸນາ, ຄ່າປີ້ໂດຍສານທຸລະກິດແມ່ນຫຼຸດ 50% (ບໍ່ລວມພາສີ ແລະ ຄ່າທຳນຽມ) ພຽງແຕ່ທ່ານໃຊ້ລະຫັດໂປຣໂມຊັນ SBJUNE50. ຜູ້ໂດຍສາຍທີ່ບິນກັບ VietJet ຈະໄດ້ຮັບປະກັນໄພການເດີນທາງ Skecare, ນອກຈາກນັ້ນຜູ້ໂດຍສານ ທີ່ບິນໃນລະດູຮ້ອນນີ້ຍັງໄດ້ຮັບຄະແນນແລກຂອງລາງວັນກັບ VietJet Sky joy Loyalty.

VietJet ຍິນດີຕອ້ນຮັບຜູ້ໂດຍສາຍທຸກຄົນທີ່ຈະບິນໄປທົ່ວໂລກດ້ວຍເຮືອບິນໃໝ່ທີ່ທັນສະໄໝ ເປັນມິດກັບສິ່ງແວດລ້ອມ, ພະນັກງານການບິນທີ່ເປັນມືອາຊີບ ແລະ ມີຄວາມຕັ້ງໃຈ, ພ້ອມແລ້ວທີ່ຈະມອບປະສົບການທີ່ດີທີ່ສຸດກັບອາຫານຫວຽດນາມ ແລະ ອາຫານສາກົນທີ່ເຮັດສົດໃໝ່ທຸກຈານບໍ່ວ່າຈະເປັນ: Pho, Banh Mi ພ້ອມຮັບຊົມການສະແດງສິລະປະວັດທະນະທໍາຢູ່ລະດັບຄວາມສູງ 10.000 ແມັດ ໃນໂອກາດສຸດພິເສດ.

(ຂ່າວ: ຕຸໄລເພັດ)