ໃນລະຫ່ວາງວັນທີ 9-10 ຕຸລາ ນີ້, ຄະນະຜູ້ແທນ ແຂວງດຽນບ່ຽນ ແຫ່ງ ສສ ຫວຽດນາມ ຊຶ່ງນຳໂດຍ ສະຫາຍ ມົວ ອາ ເສີ້ນ ຮອງເລຂາພັກແຂວງດຽນບ່ຽນ ພ້ອມດ້ວຍຄະນະ ໄດ້ເດີນທາງເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີ, ໂອກາດນີ້ ກໍໄດ້ຮັບການຕ້ອນຮັບອັນອົບອຸ່ນ ຈາກ ສະຫາຍ ຄຳຜອຍ ວັນນະສານ ກຳມະການສູນກາງພັກ ເລຂາພັກແຂວງ ເຈົ້າແຂວງຜົ້ງສາລີ ພ້ອມດ້ວຍຄະນະ ຢູ່ໂຮງແຮມມິດຕະພາບ III.
ຈາກນັ້ນ, ຄະນະຜູ້ແທນທັງສອງຝ່າຍກໍໄດ້ເຂົ້າຮ່ວມກອງປະຊຸມພົບປະແລກປ່ຽນບົດຮຽນຮ່ວມກັນ ຢູ່ຫ້ອງປະຊຸມຂອງຫ້ອງວ່າການແຂວງ ຊຶ່ງໃນໂອກາດນີ້ ສະຫາຍເລຂາພັກແຂວງ ເຈົ້າແຂວງຜົ້ງສາລີ ກໍໄດ້ກ່າວສະແດງຄວາມຕ້ອນຮັບຢ່າງອົບອຸ່ນພ້ອມທັງຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີຂອງ ສະຫາຍ ມົວ ອາ ເສີ້ນ ໃນຄັ້ງນີ້ ຊຶ່ງເປັນການເສີມຂະຫຍາຍມູນເຊື້ອ ແລະ ເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ແຂວງຜົ້ງສາລີ ກັບ ແຂວງດຽນບ່ຽນ ໃຫ້ນັບມື້ເຂົ້າສູ່ລວງເລິກ. ໃນກອງປະຊຸມຄັ້ງນີ້ ໄດ້ດຳເນີນໄປດ້ວຍບົນຈິດໃຈສາມັກຄີ, ມິດຕະພາບແບບພິເສດ, ເຊື່ອໝັ້ນ ແລະ ຄວາມເຂົ້າໃຈຊຶ່ງກັນ ແລະ ກັນ, ສອດຄ່ອງກັບພາລະບົດບາດສິດ ແລະ ໜ້າທີ່ ຂອງແຕ່ລະຝ່າຍ ແລະ ລະບຽບກົດໝາຍຂອງແຕ່ລະປະເທດ; ພ້ອມດຽວກັນນີ້ທັງສອງຝ່າຍ ໄດ້ຜັດປ່ຽນກັນແຈ້ງສະພາບການ ແລະ ໝາກຜົນແຫ່ງການພັດທະນາເສດຖະກິດ-ສັງຄົມ, ແນວທາງປ້ອງກັນຊາດ-ປ້ອງກັນຄວາມສະຫງົບ, ການກໍ່ສ້າງພັກ ແລະ ລະບົບການເມືອງຂອງແຕ່ລະແຂວງໃນໄລຍະຜ່ານມາໃຫ້ກັນຊາບ. ພ້ອມກັນນັ້ນ, ກໍໄດ້ເຫັນດີເປັນເອກະພາບການປະເມີນຜົນໃນການປະຕິບັດບົດບັນທຶກຊ່ວຍຈຳ ລະຫວ່າງ ແຂວງດຽນບ່ຽນ ແລະ ແຂວງຜົ້ງສາລີ ນັບແຕ່ມີການລົງນາມໃນເດືອນ 7 ປີ 2022 ມາຮອດປັດຈຸບັນ ແລະ ສະພາບການ ໝາກຜົນການນຳໃຊ້ທຶນຊ່ວຍເຫຼືອຂອງແຂວງດຽນບ່ຽນ ໃຫ້ແກ່ແຂວງຜົ້ງສາລີ ໃນການລົງທຶນກໍ່ສ້າງບັນດາໂຄງການ ນັບແຕ່ປີ 2010-2023. ພ້ອມກັນນັ້ນສອງແຂວງໄດ້ເປັນເອກະພາບ ແລະ ເຫັນດີຈະສືບຕໍ່ເພີ່ມທະວີການນຳພາ, ຊີ້ນຳທຸກຂັ້ນ, ທຸກຂະແໜງການ ເປັນເສນາທິການໃຫ້ການນຳສອງແຂວງ ປະຕິບັດເນື້ອໃນບົດບັນທຶກຊ່ວຍຈຳ ລະຫວ່າງ ຄະນະຜູ້ແທນພັກ, ອົງການປົກຄອງແຂວງດຽນບ່ຽນ ແຫ່ງ ສສ ຫວຽດນາມ ແລະ ຄະນະຜູ້ແທນພັກ, ອົງການປົກຄອງແຂວງຜົ້ງສາລີ ແຫ່ງ ສປປ ລາວ ທີ່ໄດ້ລົງນາມ ໃນວັນທີ 16 ກໍລະກົດ 2022 ຜ່ານມາໃຫ້ມີປະສິດທິພາບສູງ. ຈະສືບຕໍ່ຮັກສາການພົບປະ, ແລກປ່ຽນ, ປະເມີນຜົນ, ແກ້ໄຂຄວາມຫຍຸ້ງຍາກ ແລະ ສິ່ງກີດຂວາງໃນການປະຕິບັດຢ່າງທັນການ. ສືບຕໍ່ປົກປັກຮັກສາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຄະນະພັກ, ອົງການປົກຄອງ ແລະ ປະຊາຊົນບັນດາເຜົ່າແຂວງດຽນບ່ຽນກັບຄະນະພັກ, ອົງການປົກຄອງ ແລະ ປະຊາຊົນບັນດາເຜົ່າແຂວງຜົ້ງສາລີ ໃຫ້ນັບມື້ເຂົ້າສູ່ລວງເລິກ.
ໃນກອງປະຊຸມຄັ້ງນີ້ ທັງສອງຝ່າຍຍັງໄດ້ຮ່ວມລົງນາມເຊັນບົດບັນທຶກຮ່ວມກັນລະຫ່ວາງ ແຂວງຜົ້ງສາລີ ແຫ່ງ ສປປ ລາວ ກັບ ແຂວງດຽນບ່ຽນ ແຫ່ງ ສສ ຫວຽດນາມ ຊຶ່ງຕາງໜ້າ ແຂວງຜົ້ງສາລີ ເຊັນໂດຍ ສະຫາຍ ຄຳຜອຍ ວັນນະສານ ເຈົ້າແຂວງຜົ້ງສາລີ ແລະ ຕາງໜ້າ ແຂວງດຽນບ່ຽນ ເຊັນໂດຍ ສະຫາຍ ມົວ ອາ ເສີ້ນ ຮອງເລຂາພັກແຂວງດຽນບ່ຽນ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂິພິຍານ.
ໃນໂອກາດ ທີ່ຄະນະຜູ້ແທນ ແຂວງດຽນບ່ຽນ ມາເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີຄັ້ງນີ້ ຍັງໄດ້ມອບເງິນໃຫ້ແກ່ອົງການປົກຄອງແຂວງຜົ້ງສາລີ ຈຳນວນ 150 ລ້ານດົງ ແລະ ໄດ້ໄປທັດສະນະທ່ຽວຊົມພະທາດມິ່ງຂວັນພູຟ້າ ແລະ ຢ້ຽມຢາມໂຮງຮຽນແຫ່ງຕ່າງໆ ທີ່ໄດ້ຮັບທຶນຊ່ວຍເຫຼືອຂອງແຂວງດຽນບ່ຽນ ແຫ່ງ ສສ ຫວຽດນາມ ຕື່ມອີກ.
(ຂ່າວ-ພາບ: ແສງຄຳ ສາລີວັນ)
ຈາກນັ້ນ, ຄະນະຜູ້ແທນທັງສອງຝ່າຍກໍໄດ້ເຂົ້າຮ່ວມກອງປະຊຸມພົບປະແລກປ່ຽນບົດຮຽນຮ່ວມກັນ ຢູ່ຫ້ອງປະຊຸມຂອງຫ້ອງວ່າການແຂວງ ຊຶ່ງໃນໂອກາດນີ້ ສະຫາຍເລຂາພັກແຂວງ ເຈົ້າແຂວງຜົ້ງສາລີ ກໍໄດ້ກ່າວສະແດງຄວາມຕ້ອນຮັບຢ່າງອົບອຸ່ນພ້ອມທັງຕີລາຄາສູງຕໍ່ການມາຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີຂອງ ສະຫາຍ ມົວ ອາ ເສີ້ນ ໃນຄັ້ງນີ້ ຊຶ່ງເປັນການເສີມຂະຫຍາຍມູນເຊື້ອ ແລະ ເພີ່ມພູນຄູນສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ແຂວງຜົ້ງສາລີ ກັບ ແຂວງດຽນບ່ຽນ ໃຫ້ນັບມື້ເຂົ້າສູ່ລວງເລິກ. ໃນກອງປະຊຸມຄັ້ງນີ້ ໄດ້ດຳເນີນໄປດ້ວຍບົນຈິດໃຈສາມັກຄີ, ມິດຕະພາບແບບພິເສດ, ເຊື່ອໝັ້ນ ແລະ ຄວາມເຂົ້າໃຈຊຶ່ງກັນ ແລະ ກັນ, ສອດຄ່ອງກັບພາລະບົດບາດສິດ ແລະ ໜ້າທີ່ ຂອງແຕ່ລະຝ່າຍ ແລະ ລະບຽບກົດໝາຍຂອງແຕ່ລະປະເທດ; ພ້ອມດຽວກັນນີ້ທັງສອງຝ່າຍ ໄດ້ຜັດປ່ຽນກັນແຈ້ງສະພາບການ ແລະ ໝາກຜົນແຫ່ງການພັດທະນາເສດຖະກິດ-ສັງຄົມ, ແນວທາງປ້ອງກັນຊາດ-ປ້ອງກັນຄວາມສະຫງົບ, ການກໍ່ສ້າງພັກ ແລະ ລະບົບການເມືອງຂອງແຕ່ລະແຂວງໃນໄລຍະຜ່ານມາໃຫ້ກັນຊາບ. ພ້ອມກັນນັ້ນ, ກໍໄດ້ເຫັນດີເປັນເອກະພາບການປະເມີນຜົນໃນການປະຕິບັດບົດບັນທຶກຊ່ວຍຈຳ ລະຫວ່າງ ແຂວງດຽນບ່ຽນ ແລະ ແຂວງຜົ້ງສາລີ ນັບແຕ່ມີການລົງນາມໃນເດືອນ 7 ປີ 2022 ມາຮອດປັດຈຸບັນ ແລະ ສະພາບການ ໝາກຜົນການນຳໃຊ້ທຶນຊ່ວຍເຫຼືອຂອງແຂວງດຽນບ່ຽນ ໃຫ້ແກ່ແຂວງຜົ້ງສາລີ ໃນການລົງທຶນກໍ່ສ້າງບັນດາໂຄງການ ນັບແຕ່ປີ 2010-2023. ພ້ອມກັນນັ້ນສອງແຂວງໄດ້ເປັນເອກະພາບ ແລະ ເຫັນດີຈະສືບຕໍ່ເພີ່ມທະວີການນຳພາ, ຊີ້ນຳທຸກຂັ້ນ, ທຸກຂະແໜງການ ເປັນເສນາທິການໃຫ້ການນຳສອງແຂວງ ປະຕິບັດເນື້ອໃນບົດບັນທຶກຊ່ວຍຈຳ ລະຫວ່າງ ຄະນະຜູ້ແທນພັກ, ອົງການປົກຄອງແຂວງດຽນບ່ຽນ ແຫ່ງ ສສ ຫວຽດນາມ ແລະ ຄະນະຜູ້ແທນພັກ, ອົງການປົກຄອງແຂວງຜົ້ງສາລີ ແຫ່ງ ສປປ ລາວ ທີ່ໄດ້ລົງນາມ ໃນວັນທີ 16 ກໍລະກົດ 2022 ຜ່ານມາໃຫ້ມີປະສິດທິພາບສູງ. ຈະສືບຕໍ່ຮັກສາການພົບປະ, ແລກປ່ຽນ, ປະເມີນຜົນ, ແກ້ໄຂຄວາມຫຍຸ້ງຍາກ ແລະ ສິ່ງກີດຂວາງໃນການປະຕິບັດຢ່າງທັນການ. ສືບຕໍ່ປົກປັກຮັກສາສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງ ຄະນະພັກ, ອົງການປົກຄອງ ແລະ ປະຊາຊົນບັນດາເຜົ່າແຂວງດຽນບ່ຽນກັບຄະນະພັກ, ອົງການປົກຄອງ ແລະ ປະຊາຊົນບັນດາເຜົ່າແຂວງຜົ້ງສາລີ ໃຫ້ນັບມື້ເຂົ້າສູ່ລວງເລິກ.
ໃນກອງປະຊຸມຄັ້ງນີ້ ທັງສອງຝ່າຍຍັງໄດ້ຮ່ວມລົງນາມເຊັນບົດບັນທຶກຮ່ວມກັນລະຫ່ວາງ ແຂວງຜົ້ງສາລີ ແຫ່ງ ສປປ ລາວ ກັບ ແຂວງດຽນບ່ຽນ ແຫ່ງ ສສ ຫວຽດນາມ ຊຶ່ງຕາງໜ້າ ແຂວງຜົ້ງສາລີ ເຊັນໂດຍ ສະຫາຍ ຄຳຜອຍ ວັນນະສານ ເຈົ້າແຂວງຜົ້ງສາລີ ແລະ ຕາງໜ້າ ແຂວງດຽນບ່ຽນ ເຊັນໂດຍ ສະຫາຍ ມົວ ອາ ເສີ້ນ ຮອງເລຂາພັກແຂວງດຽນບ່ຽນ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມເປັນສັກຂິພິຍານ.
ໃນໂອກາດ ທີ່ຄະນະຜູ້ແທນ ແຂວງດຽນບ່ຽນ ມາເຄື່ອນໄຫວຢ້ຽມຍາມ ແລະ ເຮັດວຽກຢູ່ແຂວງຜົ້ງສາລີຄັ້ງນີ້ ຍັງໄດ້ມອບເງິນໃຫ້ແກ່ອົງການປົກຄອງແຂວງຜົ້ງສາລີ ຈຳນວນ 150 ລ້ານດົງ ແລະ ໄດ້ໄປທັດສະນະທ່ຽວຊົມພະທາດມິ່ງຂວັນພູຟ້າ ແລະ ຢ້ຽມຢາມໂຮງຮຽນແຫ່ງຕ່າງໆ ທີ່ໄດ້ຮັບທຶນຊ່ວຍເຫຼືອຂອງແຂວງດຽນບ່ຽນ ແຫ່ງ ສສ ຫວຽດນາມ ຕື່ມອີກ.
(ຂ່າວ-ພາບ: ແສງຄຳ ສາລີວັນ)
