ຮຽບຮຽງໂດຍ: ວັນໄຊ
ວັນແພດລາວກຳເນີດຂຶ້ນຜ່ານຂະບວນການວິວັດ ແຫ່ງການເຕີບໃຫຍ່ຂະຫຍາຍ ຕົວຂອງການແພດລາວໃນແຕ່ລະສະໄໝ ແຕ່ດຶກດຳບັນ ແລະ ຕິດພັນກັບຂະບວກຕໍ່ສູ້ກູ້ຊາດຂອງລາວເຮົາແຕ່ລະໄລຍະສູນກາງພັກໄດ້ມີນະໂຍບາຍ “ສ້າງເຂດປົດປ່ອຍໃຫ້ເປັນລັດໜຶ່ງ, ໃນວັນທີ 18 ມິຖຸນາ 1965 ໄດ້ຕົກລົງແຍກຂະແໜງການສາທາລະນະສຸກ ອອກຈາກເສນາຮັກ ຊຶ່ງເປັນໝໍ່ແໜ່ງແກ່ການສ້າງກະຊວງສາທາລະນະສຸກໃນໄລຍະຕໍ່ມາ; ດ້ວຍຄວາມຮຽກຮ້ອງຕ້ອງການໃຫ້ມີພະນັກງານແພດເພີ່ມຂຶ້ນ, ພະແນກສາທາລະນະສຸກສູນກາງຈຶ່ງຕົກລົງສ້າງໂຮງຮຽນແພດຂຶ້ນຢ່າງເປັນລະບົບ ຊຶ່ງເປັນຄັ້ງທໍາອິດທີ່ພວກເຮົາເປັນເຈົ້າການກໍ່ສ້າງແພດຢູ່ພາຍໃນປະເທດດ້ວຍຕົນເອງ; ເພື່ອຕອບສະໜອງເຈດຕະນາລົມ ຂອງປະທານ ໄກສອນ ພົມວິຫານ ທີ່ໄດ້ກ່າວໃນຕອນທ້າຍຂອງກອງປະຊຸມສາທາລະນະສຸກທົ່ວປະເທດ ຄັ້ງທີ II, ວັນທີ 11 ມີນາ 1987; ກະຊວງສາທາລະນະສຸກໄດ້ຕົກລົງນໍາສະເໜີສະພາແຫ່ງຊາດ ແລະ ຮັບຮອງເອົາ ວັນທີ 18 ມິຖຸນາ ເປັນວັນແພດລາວ ຊຶ່ງໄດ້ລະບຸໃນກົດໝາຍປິ່ນປົວ (ສະບັບປັບປຸງ 2014). ວັນແພດລາວ ແມ່ນວັນໜຶ່ງທີ່ເປັນປະຫວັດສາດອັນລໍ້າຄ່າ ຂອງຂະແໜງການສາທາລະນະສຸກ, ເປັນວັນສ້າງຂະບວນການ, ກິດຈະກຳຕ່າງໆ ເພື່ອລະນຶກເຖິງຜົນງານ ແລະ ສັນລະເສີນຄຸນງາມຄວາມດີຂອງແພດລາວ ໃນສະໄໝຕໍ່ສູ້ກູ້ຊາດ ກໍຄືສະໄໝປົກປັກຮັກສາ ແລະ ພັດທະນາປະເທດຊາດ ເພື່ອປຸກລະດົມມວນຊົນ ໃຫ້ເຫັນຄວາມສໍາຄັນ, ເຂົ້າໃຈ ແລະ ເປັນເຈົ້າການໃນການກັນພະຍາດ, ສົ່ງເສີມ ແລະ ຮັກສາສຸຂະພາບຂອງຕົນເອງ, ຄອບຄົວ ແລະ ສັງຄົມ. ເພື່ອເຮັດໃຫ້ພົນລະເມືອງລາວບັນດາເຜົ່າ, ທຸກຊັ້ນຄົນ, ພະນັກງານແພດໝໍເຫັນໄດ້ຄວາມເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງຂອງ ວຽກງານສາທາລະນະສຸກ, ຂອງຖັນແຖວແພດໝໍລາວໃນແຕ່ລະໄລຍະ. ນອກຈາກນັ້ນ ຍັງເປັນການປູກຈິດສໍານຶກ ໃຫ້ແກ່ແພດໝໍ ແລະ ພະນັກງານ ສາທາລະນະສຸກລາວ ຮຸ່ນສືບທອດຮໍ່າຮຽນເອົາແບບຢ່າງອັນດີງາມຂອງແພດໝໍ ແລະ ພະນັກງານສາທາລະນະສຸກລາວຮຸ່ນກ່ອນ, ອອກແຮງຝຶກຝົນຫຼໍ່ຫຼອມ ສ້າງຕົນເອງໃຫ້ພຽບພ້ອມໄປດ້ວຍຄຸນສົມບັດ, ຈັນຍາທໍາວິຊາຊີບ ແລະ ຄວາມຊຳນານງານດ້ານວິຊາສະເພາະ ເພື່ອກາຍເປັນແພດແຫ່ງຊາດ ແລະ ແພດປະຊາຊົນ: ສົມກຽດສັກສີວ່າເປັນ ນັກຮົບເສື້ອຂາວປະຕິວັດຂອງພັກ.
ວັນແພດລາວກຳເນີດຂຶ້ນຜ່ານຂະບວນການວິວັດ ແຫ່ງການເຕີບໃຫຍ່ຂະຫຍາຍ ຕົວຂອງການແພດລາວໃນແຕ່ລະສະໄໝ ແຕ່ດຶກດຳບັນ ແລະ ຕິດພັນກັບຂະບວກຕໍ່ສູ້ກູ້ຊາດຂອງລາວເຮົາແຕ່ລະໄລຍະສູນກາງພັກໄດ້ມີນະໂຍບາຍ “ສ້າງເຂດປົດປ່ອຍໃຫ້ເປັນລັດໜຶ່ງ, ໃນວັນທີ 18 ມິຖຸນາ 1965 ໄດ້ຕົກລົງແຍກຂະແໜງການສາທາລະນະສຸກ ອອກຈາກເສນາຮັກ ຊຶ່ງເປັນໝໍ່ແໜ່ງແກ່ການສ້າງກະຊວງສາທາລະນະສຸກໃນໄລຍະຕໍ່ມາ; ດ້ວຍຄວາມຮຽກຮ້ອງຕ້ອງການໃຫ້ມີພະນັກງານແພດເພີ່ມຂຶ້ນ, ພະແນກສາທາລະນະສຸກສູນກາງຈຶ່ງຕົກລົງສ້າງໂຮງຮຽນແພດຂຶ້ນຢ່າງເປັນລະບົບ ຊຶ່ງເປັນຄັ້ງທໍາອິດທີ່ພວກເຮົາເປັນເຈົ້າການກໍ່ສ້າງແພດຢູ່ພາຍໃນປະເທດດ້ວຍຕົນເອງ; ເພື່ອຕອບສະໜອງເຈດຕະນາລົມ ຂອງປະທານ ໄກສອນ ພົມວິຫານ ທີ່ໄດ້ກ່າວໃນຕອນທ້າຍຂອງກອງປະຊຸມສາທາລະນະສຸກທົ່ວປະເທດ ຄັ້ງທີ II, ວັນທີ 11 ມີນາ 1987; ກະຊວງສາທາລະນະສຸກໄດ້ຕົກລົງນໍາສະເໜີສະພາແຫ່ງຊາດ ແລະ ຮັບຮອງເອົາ ວັນທີ 18 ມິຖຸນາ ເປັນວັນແພດລາວ ຊຶ່ງໄດ້ລະບຸໃນກົດໝາຍປິ່ນປົວ (ສະບັບປັບປຸງ 2014). ວັນແພດລາວ ແມ່ນວັນໜຶ່ງທີ່ເປັນປະຫວັດສາດອັນລໍ້າຄ່າ ຂອງຂະແໜງການສາທາລະນະສຸກ, ເປັນວັນສ້າງຂະບວນການ, ກິດຈະກຳຕ່າງໆ ເພື່ອລະນຶກເຖິງຜົນງານ ແລະ ສັນລະເສີນຄຸນງາມຄວາມດີຂອງແພດລາວ ໃນສະໄໝຕໍ່ສູ້ກູ້ຊາດ ກໍຄືສະໄໝປົກປັກຮັກສາ ແລະ ພັດທະນາປະເທດຊາດ ເພື່ອປຸກລະດົມມວນຊົນ ໃຫ້ເຫັນຄວາມສໍາຄັນ, ເຂົ້າໃຈ ແລະ ເປັນເຈົ້າການໃນການກັນພະຍາດ, ສົ່ງເສີມ ແລະ ຮັກສາສຸຂະພາບຂອງຕົນເອງ, ຄອບຄົວ ແລະ ສັງຄົມ. ເພື່ອເຮັດໃຫ້ພົນລະເມືອງລາວບັນດາເຜົ່າ, ທຸກຊັ້ນຄົນ, ພະນັກງານແພດໝໍເຫັນໄດ້ຄວາມເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງຂອງ ວຽກງານສາທາລະນະສຸກ, ຂອງຖັນແຖວແພດໝໍລາວໃນແຕ່ລະໄລຍະ. ນອກຈາກນັ້ນ ຍັງເປັນການປູກຈິດສໍານຶກ ໃຫ້ແກ່ແພດໝໍ ແລະ ພະນັກງານ ສາທາລະນະສຸກລາວ ຮຸ່ນສືບທອດຮໍ່າຮຽນເອົາແບບຢ່າງອັນດີງາມຂອງແພດໝໍ ແລະ ພະນັກງານສາທາລະນະສຸກລາວຮຸ່ນກ່ອນ, ອອກແຮງຝຶກຝົນຫຼໍ່ຫຼອມ ສ້າງຕົນເອງໃຫ້ພຽບພ້ອມໄປດ້ວຍຄຸນສົມບັດ, ຈັນຍາທໍາວິຊາຊີບ ແລະ ຄວາມຊຳນານງານດ້ານວິຊາສະເພາະ ເພື່ອກາຍເປັນແພດແຫ່ງຊາດ ແລະ ແພດປະຊາຊົນ: ສົມກຽດສັກສີວ່າເປັນ ນັກຮົບເສື້ອຂາວປະຕິວັດຂອງພັກ.
