ໂດຍ: ພູວັນ
ໃນສົກຮຽນ 2023-2024ຜ່ານມາ ເປັນສົກຮຽນທີ່ມີຄວາມໝາຍສຳຄັນຫຼາຍ ຕໍ່ການພັດທະນາການສຶກສາ ແລະ ກິລາເພາະເປັນໄລຍະແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຂອງອົງຄະນະພັກນະຄອນຫຼວງວຽງຈັນ (ນວ) ສະໄໝທີ VII ກໍຄືການປະຕິບັດແຜນພັດທະນາເສດຖະກິດ-ສັງຄົມ ແລະ ແຜນພັດທະນາຂະແໜງການສຶກສາ 5 ປີຄັ້ງທີ IX (2021-2025)ທີ່ກະຊວງສຶກສາທິການ ແລະ ກິລາ (ສສກ) ວາງອອກໃນ 1 ສົກຮຽນທີ່ຜ່ານມາ ສາມາດຕີລາຄາຜົນງານການຈັດຕັ້ງປະຕິບັດຂອງຂະແໜງການສຶກສາ ແລະ ກິລາມີຜົນສຳເລັດໃນຫຼາຍດ້ານ.
ທ່ານ ສົມພອນສອນດາລາຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ໄດ້ລາຍງານໃຫ້ຮູ້ເມື່ອບໍ່ດົນມານີ້ວ່າ: ໃນ 1 ສົກຮຽນທີ່ຜ່ານມາ ນວ ໄດ້ມີຜົນສຳເລັດຫຼາຍດ້ານ ໂດຍສະເພາະຜົນສໍາເລັດດ້ານວຽກງານການສຶກສາ ແລະ ກິລາໄດ້ສຳເລັດການບຳລຸງຊັ້ນປະຖົມໃຫ້ແກ່ປະຊາຊົນພາຍໃນນວ ຈຳນວນ 48 ບ້ານ, ມີຜູ້ສໍາເລັດທັງໝົດ 651 ຄົນຍິງ 369 ຄົນ; ທຽບໃສ່ແຜນປີ 93%, ສໍາເລັດການບຳລຸງຊັ້ນມັດທະຍົມຕອນຕົ້ນໃຫ້ແກ່ປະຊາຊົນໄດ້ຈຳນວນ 72 ຈຸດຮຽນ, ມີຜູ້ສໍາເລັດ 1.462 ຄົນ ຍິງ 812 ຄົນ; ທຽບໃສ່ແຜນປີ 132,90%, ສໍາເລັດການບຳລຸງຊັ້ນມັດທະຍົມຕອນປາຍບຳລຸງ ມ.7 ໃຫ້ແກ່ປະຊາຊົນກຸ່ມຜູ້ທີ່ມີຄວາມສົນໃຈຜູ້ທີ່ດ້ອຍໂອກາດຈຳນວນ4 ຈຸດຮຽນມີທັງໝົດ207 ຄົນຍິງ 95 ຄົນ, ໄດ້ຈັດຝຶກອົົບຮົມວິຊາຊີບໃຫ້ແກ່ປະຊາຊົນໃນ ນວ ເຊັ່ນ: ວິຊາຕັດຫຍິບ, ປຸງແຕ່ງອາຫານ, ເສີມສວຍ, ບຳລຸງພາສາອັງກິດ, ການເຮັດເຂົ້າໜົມຊະນິດຕ່າງໆໄດ້ທັງໝົດ 310 ຄົນ ຍິງ 258 ຄົນ.ໃນນວ ມີສູນຝຶກອົບຮົມພາກເອກະຊົນຮູບແບບການສຶກສານອກໂຮງຮຽນຈຳນວນ 108 ແຫ່ງເຊັ່ນ: ການຝຶກອົບຮົມພາສາຕ່າງປະເທດ, ການຝຶກອົບຮົມທັກສະການເວົ້າ ແລະ ການໂຄສະນາສື່ສານ, ການຝຶກອົບຮົມການເສີມສວຍ, ປຸງແຕ່ງ; ສໍາລັບການສຶກສາຊັ້ນສູງນັກຮຽນຈົບຊັ້ນ ມ.7 ໄດ້ຮຽນຕໍ່ພາຍໃນປະເທດຈໍານວນ 8.764 ຄົນ ແລະ ມີນັກຮຽນຈົບຊັ້ນ ມ.7 ແລະ ພະນັກງານໄປສຶກສາຕໍ່ທີ່ ສສ ຫວຽດນາມ ແຂວງແທງຮົວຈຳນວນ 10 ຄົນ. ນອກນັ້ນຍັງໄດ້ຈັດການຮຽນ-ການສອນສາມັນວິຊາຊີບໄດ້ທັງໝົດ 164 ຄົນ; ໄດ້ຍາດແຍ່ງການຊ່ວຍເຫຼືອກັບບັນດາອົງການຈັດຕັ້ງສາກົນທີ່ບໍ່ສັງກັດລັດຖະບານສະໜັບສະໜູນດ້ານອຸປະກອນການຮຽນ-ການສອນ, ກໍ່ສ້າງພື້ນຖານໂຄງລ່າງ, ປັບປຸງສະພາບແວດລ້ອມ, ການຝຶກອົບຮົມ,ໃຫ້ທຶນການສຶກສາ, ການຊ່ວຍເຫຼືອອຸປະກອນ ແລະ ປັບປຸງຫ້ອງກວດການໄດ້ຍິນຂອງໂຮງຮຽນຄົນພິການ, ຈາກນະຄອນຫຼວງ, ກະຊວງສຶກສາ ແລະ ຄູ່ຮ່ວມພັດທະນາເຊັ່ນ: Asia Exchange Foundation,ADRF, GOOD HANDS, BEQUAL, SCG, DIC, ໄດ້ຮັບທຶນຊ່ວຍເຫຼືອຝຶກອົບຮົມໃຫ້ແກ່ຊາວໜຸ່ມຜູ້ດ້ອຍໂອກາດເປັນຕົ້ນການເບິ່ງແຍງຜູ້ສູງອາຍຸ, ການໂຮງແຮມ ແລະ ການກໍ່ສ້າງຫໍພັກສຳລັບນັກຝຶກອົບຮົມຈາກອົງການ IV-JAN ແລະ ອື່ນໆ. ສໍາເລັດການຈັດງານແຂ່ງຂັນກິລາປະຈໍາປີຄັ້ງທີ 2 ທີ່ເມືອງສີໂຄດເປັນເຈົ້າພາບ ແລະ ການແຂ່ງຂັນສິລະປະນັກຮຽນທົ່ວນວ ທີ່ສູນການຄ້າລາວ-ໄອເຕັກ ສາມາດເຫັນໄດ້ບັນດານັກຮຽນຜູ້ທີ່ມີພອນສະຫວັນເພື່ອກະກຽມເຂົ້າຮ່ວມແຂ່ງຂັນງານກິລານັກຮຽນທົ່ວປະເທດທີ່ແຂວງສາລະວັນໃນທ້າຍປີນີ້;
ທ່ານ ສົມພອນສອນດາລາກ່າວໃຫ້ຮູ້ອີກວ່າ: ປັດຈຸບັນວຽກງານການສຶກສາໄດ້ມີການຂະຫຍາຍຕົວດ້ານປະລິມານແລະຄຸນນະພາບສະແດງອອກດ້ານຈຳນວນໂຮງຮຽນ, ຫ້ອງຮຽນ, ຄູສອນແລະນັກຮຽນມີຈຳນວນເພີ່ມຂຶ້ນ. ການສຶກສາໄດ້ຮັບການພັດທະນາຄົບຕາມ 3 ລັກສະນະແລະ5 ຫຼັກມູນຂອງການສຶກສາ, ໄດ້ຂະຫຍາຍຕາໜ່າງໄປສູ່ທ້ອງຖິ່ນ, ເຂດຊົນນະບົດຫ່າງໄກສອກຫຼີກແລະມີຫຼາຍໂຄງການໄດ້ນຳໄປຈັດຕັ້ງປະຕິບັດຢູ່ບັນດາເມືອງ, ບ້ານແລະກຸ່ມບ້ານພັດທະນາເປັນຕົ້ນການຂະຫຍາຍໂຮງຮຽນອະນຸບານຫຼືຫ້ອງກຽມປະຖົມຊຶ່ງເຮັດໃຫ້ຈຳນວນໂຮງຮຽນ, ສະຖານທີ່ຮຽນ, ຫ້ອງຮຽນໄດ້ເພີ່ມຂຶ້ນແລະໄດ້ເປັນເງື່ອນໄຂໃຫ້ແກ່ປະຊາກອນໃນແຕ່ລະກຸ່ມເປົ້າໝາຍມີໂອກາດເຂົ້າເຖິງການສຶກສາຫຼາຍຂຶ້ນ.
ໃນສົກຮຽນ 2023-2024ຜ່ານມາ ເປັນສົກຮຽນທີ່ມີຄວາມໝາຍສຳຄັນຫຼາຍ ຕໍ່ການພັດທະນາການສຶກສາ ແລະ ກິລາເພາະເປັນໄລຍະແຫ່ງການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຂອງອົງຄະນະພັກນະຄອນຫຼວງວຽງຈັນ (ນວ) ສະໄໝທີ VII ກໍຄືການປະຕິບັດແຜນພັດທະນາເສດຖະກິດ-ສັງຄົມ ແລະ ແຜນພັດທະນາຂະແໜງການສຶກສາ 5 ປີຄັ້ງທີ IX (2021-2025)ທີ່ກະຊວງສຶກສາທິການ ແລະ ກິລາ (ສສກ) ວາງອອກໃນ 1 ສົກຮຽນທີ່ຜ່ານມາ ສາມາດຕີລາຄາຜົນງານການຈັດຕັ້ງປະຕິບັດຂອງຂະແໜງການສຶກສາ ແລະ ກິລາມີຜົນສຳເລັດໃນຫຼາຍດ້ານ.
ທ່ານ ສົມພອນສອນດາລາຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ (ນວ) ໄດ້ລາຍງານໃຫ້ຮູ້ເມື່ອບໍ່ດົນມານີ້ວ່າ: ໃນ 1 ສົກຮຽນທີ່ຜ່ານມາ ນວ ໄດ້ມີຜົນສຳເລັດຫຼາຍດ້ານ ໂດຍສະເພາະຜົນສໍາເລັດດ້ານວຽກງານການສຶກສາ ແລະ ກິລາໄດ້ສຳເລັດການບຳລຸງຊັ້ນປະຖົມໃຫ້ແກ່ປະຊາຊົນພາຍໃນນວ ຈຳນວນ 48 ບ້ານ, ມີຜູ້ສໍາເລັດທັງໝົດ 651 ຄົນຍິງ 369 ຄົນ; ທຽບໃສ່ແຜນປີ 93%, ສໍາເລັດການບຳລຸງຊັ້ນມັດທະຍົມຕອນຕົ້ນໃຫ້ແກ່ປະຊາຊົນໄດ້ຈຳນວນ 72 ຈຸດຮຽນ, ມີຜູ້ສໍາເລັດ 1.462 ຄົນ ຍິງ 812 ຄົນ; ທຽບໃສ່ແຜນປີ 132,90%, ສໍາເລັດການບຳລຸງຊັ້ນມັດທະຍົມຕອນປາຍບຳລຸງ ມ.7 ໃຫ້ແກ່ປະຊາຊົນກຸ່ມຜູ້ທີ່ມີຄວາມສົນໃຈຜູ້ທີ່ດ້ອຍໂອກາດຈຳນວນ4 ຈຸດຮຽນມີທັງໝົດ207 ຄົນຍິງ 95 ຄົນ, ໄດ້ຈັດຝຶກອົົບຮົມວິຊາຊີບໃຫ້ແກ່ປະຊາຊົນໃນ ນວ ເຊັ່ນ: ວິຊາຕັດຫຍິບ, ປຸງແຕ່ງອາຫານ, ເສີມສວຍ, ບຳລຸງພາສາອັງກິດ, ການເຮັດເຂົ້າໜົມຊະນິດຕ່າງໆໄດ້ທັງໝົດ 310 ຄົນ ຍິງ 258 ຄົນ.ໃນນວ ມີສູນຝຶກອົບຮົມພາກເອກະຊົນຮູບແບບການສຶກສານອກໂຮງຮຽນຈຳນວນ 108 ແຫ່ງເຊັ່ນ: ການຝຶກອົບຮົມພາສາຕ່າງປະເທດ, ການຝຶກອົບຮົມທັກສະການເວົ້າ ແລະ ການໂຄສະນາສື່ສານ, ການຝຶກອົບຮົມການເສີມສວຍ, ປຸງແຕ່ງ; ສໍາລັບການສຶກສາຊັ້ນສູງນັກຮຽນຈົບຊັ້ນ ມ.7 ໄດ້ຮຽນຕໍ່ພາຍໃນປະເທດຈໍານວນ 8.764 ຄົນ ແລະ ມີນັກຮຽນຈົບຊັ້ນ ມ.7 ແລະ ພະນັກງານໄປສຶກສາຕໍ່ທີ່ ສສ ຫວຽດນາມ ແຂວງແທງຮົວຈຳນວນ 10 ຄົນ. ນອກນັ້ນຍັງໄດ້ຈັດການຮຽນ-ການສອນສາມັນວິຊາຊີບໄດ້ທັງໝົດ 164 ຄົນ; ໄດ້ຍາດແຍ່ງການຊ່ວຍເຫຼືອກັບບັນດາອົງການຈັດຕັ້ງສາກົນທີ່ບໍ່ສັງກັດລັດຖະບານສະໜັບສະໜູນດ້ານອຸປະກອນການຮຽນ-ການສອນ, ກໍ່ສ້າງພື້ນຖານໂຄງລ່າງ, ປັບປຸງສະພາບແວດລ້ອມ, ການຝຶກອົບຮົມ,ໃຫ້ທຶນການສຶກສາ, ການຊ່ວຍເຫຼືອອຸປະກອນ ແລະ ປັບປຸງຫ້ອງກວດການໄດ້ຍິນຂອງໂຮງຮຽນຄົນພິການ, ຈາກນະຄອນຫຼວງ, ກະຊວງສຶກສາ ແລະ ຄູ່ຮ່ວມພັດທະນາເຊັ່ນ: Asia Exchange Foundation,ADRF, GOOD HANDS, BEQUAL, SCG, DIC, ໄດ້ຮັບທຶນຊ່ວຍເຫຼືອຝຶກອົບຮົມໃຫ້ແກ່ຊາວໜຸ່ມຜູ້ດ້ອຍໂອກາດເປັນຕົ້ນການເບິ່ງແຍງຜູ້ສູງອາຍຸ, ການໂຮງແຮມ ແລະ ການກໍ່ສ້າງຫໍພັກສຳລັບນັກຝຶກອົບຮົມຈາກອົງການ IV-JAN ແລະ ອື່ນໆ. ສໍາເລັດການຈັດງານແຂ່ງຂັນກິລາປະຈໍາປີຄັ້ງທີ 2 ທີ່ເມືອງສີໂຄດເປັນເຈົ້າພາບ ແລະ ການແຂ່ງຂັນສິລະປະນັກຮຽນທົ່ວນວ ທີ່ສູນການຄ້າລາວ-ໄອເຕັກ ສາມາດເຫັນໄດ້ບັນດານັກຮຽນຜູ້ທີ່ມີພອນສະຫວັນເພື່ອກະກຽມເຂົ້າຮ່ວມແຂ່ງຂັນງານກິລານັກຮຽນທົ່ວປະເທດທີ່ແຂວງສາລະວັນໃນທ້າຍປີນີ້;
ທ່ານ ສົມພອນສອນດາລາກ່າວໃຫ້ຮູ້ອີກວ່າ: ປັດຈຸບັນວຽກງານການສຶກສາໄດ້ມີການຂະຫຍາຍຕົວດ້ານປະລິມານແລະຄຸນນະພາບສະແດງອອກດ້ານຈຳນວນໂຮງຮຽນ, ຫ້ອງຮຽນ, ຄູສອນແລະນັກຮຽນມີຈຳນວນເພີ່ມຂຶ້ນ. ການສຶກສາໄດ້ຮັບການພັດທະນາຄົບຕາມ 3 ລັກສະນະແລະ5 ຫຼັກມູນຂອງການສຶກສາ, ໄດ້ຂະຫຍາຍຕາໜ່າງໄປສູ່ທ້ອງຖິ່ນ, ເຂດຊົນນະບົດຫ່າງໄກສອກຫຼີກແລະມີຫຼາຍໂຄງການໄດ້ນຳໄປຈັດຕັ້ງປະຕິບັດຢູ່ບັນດາເມືອງ, ບ້ານແລະກຸ່ມບ້ານພັດທະນາເປັນຕົ້ນການຂະຫຍາຍໂຮງຮຽນອະນຸບານຫຼືຫ້ອງກຽມປະຖົມຊຶ່ງເຮັດໃຫ້ຈຳນວນໂຮງຮຽນ, ສະຖານທີ່ຮຽນ, ຫ້ອງຮຽນໄດ້ເພີ່ມຂຶ້ນແລະໄດ້ເປັນເງື່ອນໄຂໃຫ້ແກ່ປະຊາກອນໃນແຕ່ລະກຸ່ມເປົ້າໝາຍມີໂອກາດເຂົ້າເຖິງການສຶກສາຫຼາຍຂຶ້ນ.
