ວັນທີ 19 ກັນຍາ ນີ້ ທີ່ສູນວັດທະນະທໍາຈີນປະຈໍາສປປລາວ ໄດ້ມີພິທີປິດຊຸດຝຶກອົບຮົມມວຍໄທເກັກຕະກູນລຸ ແລະ ການສະແດງຜົນງານການຝຶກອົບຮົມ  ໂດຍມີທ່ານນາງ ຫຼີຢີຜິງ ຫົວໜ້າສູນວັດທະນະທໍາຈີນ ປະຈໍາ ສປປ ລາວ, ທ່ານຊ້ານຟູລ້ຽງ ເລຂາທິການສະມາຄົມມວຍໄທເກັກຕະກູນລຸ, ທ່ານລຸຊ່າງຊິຜູ້ສືບທອດຮຸ່ນທີ 5 ມວຍໄທເກັກຕະກູນລຸ, ບັນດາຄູ-ອາຈານ ແລະ ນັກຮຽນຈາກໂຮງຮຽນລຽວໂຕວເຂົ້າຮ່ວມ.
ໃນພິທີປິດ, ນັກຮຽນ  16 ຄົນໄດ້ສະແດງຜົນງານຂອງການຝຶກອົບຮົມ ຄື: ລໍາມວຍໄທເກັກຕະກູນລຸ 8 ກະບວນທ່າດ້ວຍຄວາມໜັກ
ແໜ້ນ ແລະ ພິ້ວໄຫວ, ໂດຍຖືກຕ້ອງຕາມຫຼັກສູດມວຍໄທເກັກຕະກູນລຸ, ພາຍໃນງານຍັງໄດ້ມອບໃບຢັ້ງຢືນໃຫ້ແກ່ນັກຮຽນທີ່ສຳເລັດການຝຶກອົບຮົມຄັ້ງນີ້.
ທ່ານນາງ ຫຼີຢີ່ຜິງ  ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດຂອງການຝຶກອົບຮົມຂອງບັນດານັກຮຽນ ແລະ ຄູ-ອາຈານ.  ການຝຶກອົບຮົມແມ່ນ 1 ໃນ 7 ວຽກງານຫຼັກຂອງສູນວັດທະນະທໍາຈີນແລະ ເປັນວຽກງານທີ່ສໍາຄັນຂອງສູນວັດທະນະທໍາຈີນ ແລະ ຈະສືບຕໍ່ຕັ້ງໜ້າເສີມຂະຫຍາຍການຮ່ວມມືແລກປ່ຽນວັດທະນະທໍາ ແລະ ທ່ອງທ່ຽວລະຫວ່າງລາວ-ຈີນ.
ການຝຶກອົບຮົບຄັ້ງນີ້, ມີເນື້ອໃນການສິດສອນຄືມວຍໄທເກັກຕະກູນລຸຮູບແບບຫຍໍ້ 8 ກະບວນທ່າ, ມີຕົ້ນກໍາເນີດຢູ່ເຂດກວາງຜິງ ເມືອງຫານຕ່ານ ແຂວງເຫິເປີຍຊຶ່ງຖືກບັນທຶກເຂົ້າໃນລາຍຊື່ມໍລະດົກວັດທະນະທໍານາມມະທໍາແຂວງເຫິເປີຍ，ສູນວັດທະນະທໍາຈີນ ປະຈໍາ ສປປ ລາວໄດ້ເຊື້ອເຊີນອາຈານຊ້ານຟູລ້ຽງ ເລຂາທິການສະມາຄົມມວຍໄທເກັກຕະກູນລຸ ແລະ ອາຈານລຸຊ່າງຊິຜູ້ສືບທອດຮຸ່ນທີ 5 ມວຍໄທເກັກຕະກູນລຸຮັບຜິດຊອບການສິດສອນຊຶ່ງໄດ້ເລີ່ມຝຶກສອນລະຫວ່າງວັນທີ 14 - 19 ກັນຍາ ນີ້, ໂດຍມີນັກຮຽນຈາກໂຮງຮຽນລຽວໂຕຈໍານວນ 16 ຄົນເຂົ້າຮ່ວມ.
(ຂ່າວ:ສູນວັດທະນະທຳຈີນ)