ສະຫະພັນບານເຕະແຫ່ງຊາດລາວ (ສຕລ) ຮ່ວມກັບ ສະຫະພັນບານເຕະສາກົນ ຫຼື ຟີຟາ ຈັດກິດຈະກຳບານເຕະຍິງ FIFA Women’s Football Campaign 2024 ແນໃສ່ສົ່ງເສີມ ແລະ ສ້າງແຮງບັນດານໃຈໃຫ້ກັບເຍົາວະຊົນລາວ ໂດຍສະເພາະເພດຍິງ ໃນຮຸ່ນອາຍຸ 8-14 ປີ ໃຫ້ຫັນມາຫຼິ້ນກິລາເຕະບານໃຫ້ນັບມື້ຫຼາຍຂຶ້ນເປັນວົງກວ້າງ.
ກິດຈະກຳເສີມສ້າງທັກສະດ້ານກິລາເຕະບານໃຫ້ເຍົາວະຊົນຍິງລາວ ຈັດຂຶ້ນໃນວັນທີ 21 ກັນຍາ ຜ່ານມາ ທີ່ສູນຝຶກກິລາບານເຕະແຫ່ງຊາດ ໃຫ້ກຽດເຂົ້າຮ່ວມມີ ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ແລະ ທ່ານ ໄຊມອນ ໂທເສວລີ (SIMON TOSELLI) ຜູ້ຕາງໜ້າຈາກ FIFA ພ້ອມດ້ວຍບັນດາຄະນະບໍລິຫານງານ ສຕລ, ແຂກຖືກເຊີນ, ພະນັກງານ, ຄູ-ອາຈານ, ນັກກິລາ ບານເຕະສາວທີມຊາດ, ເຍົາວະຊົນ ແລະ ສື່ມວນຊົນ ເຂົ້າຮ່ວມຫຼາຍຮ້ອຍຄົນ.
ໂອກາດນີ້, ທ່ານ ວີເພັດ ສີຫາຈັກ ກ່າວວ່າ: ‘’ ການຈັດງານຄັ້ງນີ້ແມ່ນເພື່ອຈຸດປະສົງພັດທະນາເຕະບານຍິງ ລາວໃຫ້ກ້າວສູ່ລະດັບເທົ່າທຽມກັບເຕະບານຊາຍ, ນີ້ເປັນໂຄງການທຳອິດຂອງການພັດທະນາກິລາເຕະບານຍິງທີ່ ສຕລ ເປັນຜູ້ລິເລີ່ມສ້າງແຜນຍຸດທະສາດ ພັດທະນາກິລາເຕະບານຍິງນີ້ຂຶ້ນມາໃນປີທີ່ຜ່ານມາ ແລະ ສືບຕໍ່ເຮັດໃຫ້ມີກິດຈະກຳດັ່ງກ່າວນີ້ເກີດຂຶ້ນໄດ້ ຊຶ່ງເປັນຄັ້ງທຳອິດ.
ຂະນະທີ່ ທ່ານ ໄຊມອນ ໂທເສວລີ ກໍໄດ້ກ່າວວ່າ: ‘’ ມື້ນີ້ເປັນໂອກາດອັນດີທີ່ພວກເຮົາໄດ້ພ້ອມກັນສະເຫຼີມສະຫຼອງກິດຈະກຳເຕະບານຍິງ FIFA Women’s Football Campaign 2024.ນີ້ແມ່ນໜຶ່ງໃນຈຸດປະສົງຫຼັກຂອງ ຟີຟາ ທີ່ມີເຈດຈຳນົງໃນການພັດທະນາບານເຕະຍິງໃນທົ່ວໂລກ ກໍຄື ສ້າງຈໍານວນນັກກິລາຍິງໃຫ້ມີສ່ວນຮ່ວມໃນກິລາບານເຕະ ບໍ່ວ່າຈະເປັນໃນລະດັບບານເຕະຂັ້ນພື້ນຖານ, ບານເຕະເຍົາວະຊົນ ແລະ ລະດັບທີມຊາດໃຫ້ນັບມື້ໃຫ້ຫຼາຍຂຶ້ນ. ໂອກາດນີ້ສະແດງຄວາມຂອບໃຈ ແລະ ຍ້ອງຍໍຊົມເຊີຍມາຍັງ ສຕລ ທີ່ໄດ້ມີການຈັດຫຼາຍກິດຈະກຳປິ່ນອ້ອມໃນການພັດທະນາເຕະບານຍິງບໍ່ວ່າຈະເປັນການແຂ່ງຂັນລະດັບເຍົາວະຊົນ, ການແຂ່ງຂັນ ລາວລີກຍິງ ຊຶ່ງຈັດມາເປັນປີທີ 2 ແລ້ວ.
ໃນກິດຈະກຳດັ່ງກ່າວ ມີນັກກິລາທີ່ເປັນເຍົາວະຊົນຍິງລາວ ທີ່ມາຈາກບັນດາໂຮງຮຽນແຫ່ງຕ່າງໆອ້ອມຂ້າງສູນກາງ ນະຄອນຫຼວງວຽງຈັນ ເຂົ້າຮ່ວມ 250 ຄົນ, ໃນນັ້ນ ເຍົາວະຊົນຍິງລາວ ໄດ້ຮ່ວມຫຼິ້ນກິດຈະກຳຕ່າງໆ ໂດຍສະເພາະແມ່ນໄດ້ຮຽນຮູ້ທັກສະ ແລະ ເຕັກນິກ ໃນການຫຼິ້ນເຕະບານ ຊຶ່ງໄດ້ສ້າງໃຫ້ມີຮອຍຍິ້ມ ສຽງຫົວ ແລະ ເກີດມີມິດຕະພາບ ທີ່ດີຂອງນັກກິລາດ້ວຍກັນທີ່ມາຈາກຫຼາຍໂຮງຮຽນ.
(ຂ່າວ-ພາບ: ສົງການ ພັນແພງດີ)
ກິດຈະກຳເສີມສ້າງທັກສະດ້ານກິລາເຕະບານໃຫ້ເຍົາວະຊົນຍິງລາວ ຈັດຂຶ້ນໃນວັນທີ 21 ກັນຍາ ຜ່ານມາ ທີ່ສູນຝຶກກິລາບານເຕະແຫ່ງຊາດ ໃຫ້ກຽດເຂົ້າຮ່ວມມີ ທ່ານ ວີເພັດ ສີຫາຈັກ ປະທານສະຫະພັນບານເຕະແຫ່ງຊາດລາວ ແລະ ທ່ານ ໄຊມອນ ໂທເສວລີ (SIMON TOSELLI) ຜູ້ຕາງໜ້າຈາກ FIFA ພ້ອມດ້ວຍບັນດາຄະນະບໍລິຫານງານ ສຕລ, ແຂກຖືກເຊີນ, ພະນັກງານ, ຄູ-ອາຈານ, ນັກກິລາ ບານເຕະສາວທີມຊາດ, ເຍົາວະຊົນ ແລະ ສື່ມວນຊົນ ເຂົ້າຮ່ວມຫຼາຍຮ້ອຍຄົນ.
ໂອກາດນີ້, ທ່ານ ວີເພັດ ສີຫາຈັກ ກ່າວວ່າ: ‘’ ການຈັດງານຄັ້ງນີ້ແມ່ນເພື່ອຈຸດປະສົງພັດທະນາເຕະບານຍິງ ລາວໃຫ້ກ້າວສູ່ລະດັບເທົ່າທຽມກັບເຕະບານຊາຍ, ນີ້ເປັນໂຄງການທຳອິດຂອງການພັດທະນາກິລາເຕະບານຍິງທີ່ ສຕລ ເປັນຜູ້ລິເລີ່ມສ້າງແຜນຍຸດທະສາດ ພັດທະນາກິລາເຕະບານຍິງນີ້ຂຶ້ນມາໃນປີທີ່ຜ່ານມາ ແລະ ສືບຕໍ່ເຮັດໃຫ້ມີກິດຈະກຳດັ່ງກ່າວນີ້ເກີດຂຶ້ນໄດ້ ຊຶ່ງເປັນຄັ້ງທຳອິດ.
ຂະນະທີ່ ທ່ານ ໄຊມອນ ໂທເສວລີ ກໍໄດ້ກ່າວວ່າ: ‘’ ມື້ນີ້ເປັນໂອກາດອັນດີທີ່ພວກເຮົາໄດ້ພ້ອມກັນສະເຫຼີມສະຫຼອງກິດຈະກຳເຕະບານຍິງ FIFA Women’s Football Campaign 2024.ນີ້ແມ່ນໜຶ່ງໃນຈຸດປະສົງຫຼັກຂອງ ຟີຟາ ທີ່ມີເຈດຈຳນົງໃນການພັດທະນາບານເຕະຍິງໃນທົ່ວໂລກ ກໍຄື ສ້າງຈໍານວນນັກກິລາຍິງໃຫ້ມີສ່ວນຮ່ວມໃນກິລາບານເຕະ ບໍ່ວ່າຈະເປັນໃນລະດັບບານເຕະຂັ້ນພື້ນຖານ, ບານເຕະເຍົາວະຊົນ ແລະ ລະດັບທີມຊາດໃຫ້ນັບມື້ໃຫ້ຫຼາຍຂຶ້ນ. ໂອກາດນີ້ສະແດງຄວາມຂອບໃຈ ແລະ ຍ້ອງຍໍຊົມເຊີຍມາຍັງ ສຕລ ທີ່ໄດ້ມີການຈັດຫຼາຍກິດຈະກຳປິ່ນອ້ອມໃນການພັດທະນາເຕະບານຍິງບໍ່ວ່າຈະເປັນການແຂ່ງຂັນລະດັບເຍົາວະຊົນ, ການແຂ່ງຂັນ ລາວລີກຍິງ ຊຶ່ງຈັດມາເປັນປີທີ 2 ແລ້ວ.
ໃນກິດຈະກຳດັ່ງກ່າວ ມີນັກກິລາທີ່ເປັນເຍົາວະຊົນຍິງລາວ ທີ່ມາຈາກບັນດາໂຮງຮຽນແຫ່ງຕ່າງໆອ້ອມຂ້າງສູນກາງ ນະຄອນຫຼວງວຽງຈັນ ເຂົ້າຮ່ວມ 250 ຄົນ, ໃນນັ້ນ ເຍົາວະຊົນຍິງລາວ ໄດ້ຮ່ວມຫຼິ້ນກິດຈະກຳຕ່າງໆ ໂດຍສະເພາະແມ່ນໄດ້ຮຽນຮູ້ທັກສະ ແລະ ເຕັກນິກ ໃນການຫຼິ້ນເຕະບານ ຊຶ່ງໄດ້ສ້າງໃຫ້ມີຮອຍຍິ້ມ ສຽງຫົວ ແລະ ເກີດມີມິດຕະພາບ ທີ່ດີຂອງນັກກິລາດ້ວຍກັນທີ່ມາຈາກຫຼາຍໂຮງຮຽນ.
(ຂ່າວ-ພາບ: ສົງການ ພັນແພງດີ)
