ໂດຍ: ວັນເພັງ
ໂຮງຮຽນອະນຸບານກະຊວງສາທາລະນະສຸກ ເນັ້ນເອົາໃຈໃສ່ເບິ່ງແຍງ, ລ້ຽງດູ, ສິດສອນເດັກກ່ອນໄວຮຽນຖືເປັນສິ່ງສຳຄັນ ແລະ ຈັດການຮຽນ-ການສອນໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ, ສອນຕາມແຜນການຂອງໂຮງຮຽນວາງອອກ ໂດຍຖືເອົາເດັກເປັນໃຈກາງ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 30 ປີ (7 ຕຸລາ 1994-7 ຕຸລາ 2024) ທີ່ໃກ້ຈະມາເຖິງນີ້, ທ່ານນາງ ສີສົມພອນ ນວນຜາລີ ຜູ້ອໍານວຍການໂຮງຮຽນອະນຸບານກະຊວງສາທາລະນະສຸກ ເມືອງສີສັດຕະນາກ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 2 ຕຸລາ 2024 ທີ່ໂຮງຮຽນດັ່ງກ່າວວ່າ: ນິຍາມຄໍາວ່າຄູບໍ່ອາດພັນລະນານັບໄດ້ ຄໍາວ່າຄູແມ່ນມີຄວາມໝາຍ-ຄວາມສໍາຄັນຫຼາຍຕໍ່ກັບການປະຕິບັດໜ້າທີ່ວຽກງານຂອງຜູ້ເປັນຄູ, ຄູຄືແມ່ພິມຂອງຊາດ. ສໍາລັບຄູອະນຸບານແລ້ວປຽບເໝືອນແມ່ຜູ້ທີ່ສອງຂອງເດັກ. ນອກນັ້ນ, ຄູຍັງເປັນຜູ້ປະຕິບັດໜ້າທີ່ການສິດສອນ, ຖ່າຍທອດຄວາມຮູ້,ສຶກສາອົບຮົມ, ຄົ້ນຄວ້າວິໄຈ, ຊຸກຍູ້ສົ່ງເສີມ ແລະ ຊ່ວຍເຫຼືອຜູ້ຮຽນດ້ວຍຫຼາຍຮູບການ. ໂຮງຮຽນອະນຸບານດັ່ງກ່າວນີ້ເປັນອາຄານ 2 ຊັ້ນ, ມີທັງໝົດ 10 ຫ້ອງຮຽນ, ມີຄູ-ອາຈານທັງໝົດ 25 ຄົນ ເປັນຍິງທັງໝົດ, ມີນັກຮຽນທັງໝົດ 206 ຄົນ ຍິງ 99 ຄົນ.
ທ່ານນາງ ສີສົມພອນ ນວນຜາລີ ກ່າວໃຫ້ຮູ້ຕື່ມວ່າ: ໃນໄລຍະ 1 ປີຜ່ານມາ, ໂຮງຮຽນມີຜົນງານພົ້ນເດັ່ນຫຼາຍດ້ານເປັນຕົ້ນເອົາໃຈໃສ່ສຶກສາອົບຮົມນໍາພາການເມືອງ-ແນວຄິດ ດ້ວຍການນໍາເອົາເອກະສານສໍາຄັນຕ່າງໆທີ່ມີຢູ່ໃນແຕ່ລະເດືອນ ແລະ ທາງຂັ້ນເທິງສົ່ງມາໃຫ້ຈັດຕັ້ງເຜີຍແຜ່ເຊື່ອມຊຶມຈຶ່ງເຮັດໃຫ້ພະນັກງານທຸກຄົນມີແນວຄິດອຸ່ນອ່ຽນທຸ່ນທ່ຽງ,ມີທັດສະນະຫຼັກໝັ້ັນດີ, ມີຄວາມສາມັກຄີເປັນເອກະພາບຕໍ່ແນວທາງນະໂຍຍາຍຂອງພັກ-ລັດ ເຮັດໃຫ້ສະພາບແນວຄິດຂອງພະນັກງານ-ລັດຖະກອນໃນໂຮງຮຽນມີຄວາມສະຫງົບ,ມີຄວາມເຊື່ອໝັ້ນຕໍ່ການປະຕິບັດໜ້າທີ່ວຽກງານ. ເຖິງແມ່ນວ່າຜ່ານມາຈະມີຄວາມຫຍຸ້ງຍາກ,ຄ່າຄອງຊີບມີການເໜັງຕີງຄູສອນບາງຫ້ອງມີແຕ່ຜູ້ດຽວ ແຕ່ພະນັກງານຄູ-ອາຈານທຸກຄົນໄດ້ມີຄວາມອົດທົນຜ່ານຜ່າ ສູ້ຊົນປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ບັນລຸຜົນໄດ້ເປັນຢ່າງດີ.
ສຳລັບວຽກງານການສິດສອນໄດ້ເອົາໃຈໃສ່ເບິ່ງແຍງ,ລ້ຽງດູ,ສິດສອນເດັກກ່ອນໄວຮຽນ ແລະ ຈັດການຮຽນ-ການສອນໃຫ້ໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ, ສອນຕາມແຜນການຂອງໂຮງຮຽນວາງອອກ ໂດຍຖືເອົາເດັກເປັນໃຈກາງ. ນອກນັ້ນ,ຍັງໄດ້ເອົາໃຈໃສ່ຕໍ່ວຽກງານອະນາໄມ,ປະດັບປະດາຫ້ອງຮຽນໃຫ້ສະອາດສວຍງາມ,ນໍາພາເດັກອອກຫຼິ້ນກາງແຈ້ງ,ເຂົ້າຮ່ວມໂມງສອນຖອດຖອນບົດຮຽນພາຍໃນໂຮງຮຽນ ເພື່ອຍົກສູງຄຸນນະພາບຂອງຄູສອນ. ນອກຈາກການສິດສອນໃນຫ້ອງແລ້ວ ຄູຍັງໄດ້ນໍາພາເດັກອອກສອນນອກຫ້ອງ,ເຂົ້າຫ້ອງສະມຸດເພື່ອເຮັດໃຫ້ເດັກໄດ້ພັດທະນາຄວາມພ້ອມໃນດ້ານຕ່າງໆຕາມໄວອາຍຸ,ໄດ້ປະເມີນຜົນການຮຽນຮູ້ຂອງເດັກຫຼັງຈາກຈັດກິດຈະກໍາແລ້ວ.ໃນນັ້ນ, ຍັງໄດ້ເອົາໃຈໃສ່ໃນການປຸງແຕ່ງອາຫານກາງເວັນໃຫ້ເດັກໄດ້ກິນທັນເວລາ, ມື້ໜຶ່ງ 2 ຄາບ ໂດຍຖືເອົາອາຫານຫຼັກ 6 ໝູ່ໃນການປຸງແຕ່ງ. ພ້ອມນັ້ນ, ຍັງໄດ້ຮັບຄວາມຮ່ວມມືຈາກຫ້ອງການສາທາລະນະສຸກເມືອງສີສັດຕະນາກ ໃຫ້ເດັກໄດ້ກິນຢາຂ້າແມ່ທ້ອງ, ຢອດຢາວິຕາມິນອາ, ສັກຢາກັນພະຍາດໝາກແດງນ້ອຍ-ໝາກແດງໃຫຍ່, ເດັກໄດ້ຮັບການກວດສຸຂະພາບປະຈໍາປີ ແລະ ໄດ້ກວດສຸຂະພາບປາກ ແລະ ແຂ້ວຈາກມະຫາວິທະຍາໄລ ວິທະຍາສາດສຸຂະພາບມາໃຫ້ບໍລິການ,ໄດ້ຕິດຕາມການຈະເລີນເຕີບໂຕຂອງເດັກດ້ວຍການຊັ່ງນ້ຳໜັກແທກລວງສູງ ແລະ ທຽບສີໃສ່ເກນມາດຕະຖານການຈະເລີນເຕີບໂຕຊຶ່ງໄດ້ກວດສຸຂະພາບເດັກຈໍານວນ 4 ຄັ້ງ, ມີນັກຮຽນທັງໝົດ944 ເທື່ອຄົນ, ຈໍານວນນັກຮຽນໄດ້ກວດຕົວຈິງ 772 ເທື່ອຄົນ ພ້ອມໄດ້ຕີລາຄາຜົນການກວດຄື:ເດັກສຸຂະພາບແຂງແຮງ (ສີຂາວ, ຂຽວ )ມີ 658 ເທື່ອຄົນຍິງ 330ເທື່ອຄົນເທົ່າກັບ85.23 %, ເດັກສຸຂະພາບປານກາງ (ສີເຫຼືອງ) 96ເທື່ອຄົນ ຍິງ 36 ເທື່ອຄົນເທົ່າກັບ 12.43%, ເດັກຂາດສານອາຫານ (ສີແດງ)0ເທື່ອຄົນ, ເດັກບໍ່ໄດ້ກວດ18ເທື່ອຄົນ, ຍິງ 6 ເທື່ອຄົນເທົ່າກັບ 2.33%. ໃນນັ້ນ, ຫ້ອງການສຶກສາທິການ ແລະ ກິລາເມືອງສີສັດຕະນາກ ຍັງໄດ້ລົງມາປະເມີນວຽກງານນໍ້າ ແລະ ສຸຂະອະນາໄມໃນໂຮງຮຽນໃນຮູບແບບ 3 ດາວ ແລະ ໂຮງຮຽນສີຂຽວຖືວ່າຜ່ານເກນມາດຕະຖານ.
ທ່ານນາງ ສີສົມພອນ ນວນຜາລີ ກ່າວຕື່ມວ່າ: ສຳລັບທິດທາງແຜນການໃນຕໍ່ໜ້າຈະສືບຕໍ່ນໍາພາການດໍາເນີນຊີວິດການເມືອງໃຫ້ເປັນປົກກະຕິໃນທຸກໆເດືອນ; ຈັດຕັ້ງຮໍ່າຮຽນທຸກມະຕິຄໍາສັ່ງ ແລະ ເອກະສານສໍາຄັນຕ່າງໆທີ່ທາງຂັ້ນເທິງສົ່ງມາໃຫ້, ຊຸກຍູ້ໃຫ້ 3 ອົງການຈັດຕັ້ງມະຫາຊົນເຄື່ອນໄຫວຕາມພາລະບົດບາດ; ສືບຕໍ່ເອົາໃຈໃສ່ປັບປຸງຄຸນນະພາບການສິດສອນຂອງຄູໃຫ້ດີຂຶ້ນກວ່າເກົ່າ; ປະເມີນຜົນພັດທະນາການເດັກໃຫ້ທັນໃນແຕ່ລະພາກຮຽນ; ສືບຕໍ່ຫັດແອບນິໄສເດັກໃຫ້ຮູ້ຈັກມາລະຍາດທາງສັງຄົມ,ຮູ້ຈັກຮັກສາອະນາໄມສິ່ງແວດລ້ອມ ແລະ ຮູ້ຈັກຊ່ວຍເຫຼືອຕົນເອງ; ນໍາພາເດັກຝຶກແອບສິລະປະ-ກິລາເພື່ອຮັບໃຊ້ວັນສໍາຄັນຕ່າງໆທັງພາຍໃນ ແລະ ນອກໂຮງຮຽນ; ສືບຕໍ່ປັບປຸງຫ້ອງຫຼິ້ນ ແລະ ເດີ່ນຫຼິ້ນຂອງຊັ້ນລ້ຽງເດັກ, ປັບປຸງສະພາບແວດລ້ອມຫ້ອງຮຽນຂອງຊັ້ນລ້ຽງເດັກ ແລະ ວຽກງານອື່ນໆໃຫ້ດີຂຶ້ນ.
ສຳລັບກິດຈະກຳກະກຽມສະເຫຼີມສະຫຼອງວັນຄູແຫ່ງຊາດໃນປີນີ້,ເພື່ອເຮັດໃຫ້ເດັກມີສຸຂະພາບແຂງແຮງ, ມີຄວາມເບີກບານມ່ວນຊື່ນ ທັງເປັນການສົ່ງເສີມພອນສະຫວັນຂອງເດັກທີ່ມີຢູ່ທາງໂຮງຮຽນໄດ້ຝຶກຊ້ອມສິລະປະ3 ລາຍການ,ກິລາ2 ປະເພດ ພ້ອມທັງໄດ້ເປີດຂະບວນການແຂ່ງຂັນຄູສອນດີເດັກຮຽນເກັ່ງ,ປັບປຸງເດີ່ນຫຼິ້ນຂອງເດັກໃຫ້ມີສີສັນທັງເປັນບ່ອນຮອງຮັບໃຫ້ເດັກໄດ້ເຄື່ອນໄຫວກິດຈະກຳຢ່າງເຕັມທີ່.
ເນື່ອງໃນໂອກາດວັນຄູແຫ່ງຊາດຄົບຮອບ 30 ປີທີ່ໃກ້ຈະມາເຖິງນີ້, ທ່ານນາງ ສີສົມພອນນວນຜາລີ ຍັງໄດ້ອວຍພອນໄຊອັນປະເສີດມາຍັງຜູ້ທີ່ເຮັດໜ້າທີ່ເປັນຄູໃນຂອບເຂດທົ່ວປະເທດ ລວມທັງຜູ້ທີ່ໄດ້ຮັບພັກຜ່ອນບໍານານ, ຜູ້ທີ່ກໍາລັງປະຕິບັດໜ້າທີ່ວຽກງານເປັນຄູ-ອາຈານຢູ່ໃນປັດຈຸບັນຈົ່ງມີສຸຂະພາບແຂງແຮງປາສະຈາກໂຣກໄພໄຂ້ເຈັບ,ຕັ້ງໜ້າປະຕິບັດໜ້າທີ່ອັນມີກຽດໃຫ້ບັນລຸຕາມຈຸດປະສົງຂອງພັກ-ລັດມອບໝາຍໃຫ້.
ໂຮງຮຽນອະນຸບານກະຊວງສາທາລະນະສຸກ ເນັ້ນເອົາໃຈໃສ່ເບິ່ງແຍງ, ລ້ຽງດູ, ສິດສອນເດັກກ່ອນໄວຮຽນຖືເປັນສິ່ງສຳຄັນ ແລະ ຈັດການຮຽນ-ການສອນໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ, ສອນຕາມແຜນການຂອງໂຮງຮຽນວາງອອກ ໂດຍຖືເອົາເດັກເປັນໃຈກາງ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ຄົບຮອບ 30 ປີ (7 ຕຸລາ 1994-7 ຕຸລາ 2024) ທີ່ໃກ້ຈະມາເຖິງນີ້, ທ່ານນາງ ສີສົມພອນ ນວນຜາລີ ຜູ້ອໍານວຍການໂຮງຮຽນອະນຸບານກະຊວງສາທາລະນະສຸກ ເມືອງສີສັດຕະນາກ ນະຄອນຫຼວງວຽງຈັນ ໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 2 ຕຸລາ 2024 ທີ່ໂຮງຮຽນດັ່ງກ່າວວ່າ: ນິຍາມຄໍາວ່າຄູບໍ່ອາດພັນລະນານັບໄດ້ ຄໍາວ່າຄູແມ່ນມີຄວາມໝາຍ-ຄວາມສໍາຄັນຫຼາຍຕໍ່ກັບການປະຕິບັດໜ້າທີ່ວຽກງານຂອງຜູ້ເປັນຄູ, ຄູຄືແມ່ພິມຂອງຊາດ. ສໍາລັບຄູອະນຸບານແລ້ວປຽບເໝືອນແມ່ຜູ້ທີ່ສອງຂອງເດັກ. ນອກນັ້ນ, ຄູຍັງເປັນຜູ້ປະຕິບັດໜ້າທີ່ການສິດສອນ, ຖ່າຍທອດຄວາມຮູ້,ສຶກສາອົບຮົມ, ຄົ້ນຄວ້າວິໄຈ, ຊຸກຍູ້ສົ່ງເສີມ ແລະ ຊ່ວຍເຫຼືອຜູ້ຮຽນດ້ວຍຫຼາຍຮູບການ. ໂຮງຮຽນອະນຸບານດັ່ງກ່າວນີ້ເປັນອາຄານ 2 ຊັ້ນ, ມີທັງໝົດ 10 ຫ້ອງຮຽນ, ມີຄູ-ອາຈານທັງໝົດ 25 ຄົນ ເປັນຍິງທັງໝົດ, ມີນັກຮຽນທັງໝົດ 206 ຄົນ ຍິງ 99 ຄົນ.
ທ່ານນາງ ສີສົມພອນ ນວນຜາລີ ກ່າວໃຫ້ຮູ້ຕື່ມວ່າ: ໃນໄລຍະ 1 ປີຜ່ານມາ, ໂຮງຮຽນມີຜົນງານພົ້ນເດັ່ນຫຼາຍດ້ານເປັນຕົ້ນເອົາໃຈໃສ່ສຶກສາອົບຮົມນໍາພາການເມືອງ-ແນວຄິດ ດ້ວຍການນໍາເອົາເອກະສານສໍາຄັນຕ່າງໆທີ່ມີຢູ່ໃນແຕ່ລະເດືອນ ແລະ ທາງຂັ້ນເທິງສົ່ງມາໃຫ້ຈັດຕັ້ງເຜີຍແຜ່ເຊື່ອມຊຶມຈຶ່ງເຮັດໃຫ້ພະນັກງານທຸກຄົນມີແນວຄິດອຸ່ນອ່ຽນທຸ່ນທ່ຽງ,ມີທັດສະນະຫຼັກໝັ້ັນດີ, ມີຄວາມສາມັກຄີເປັນເອກະພາບຕໍ່ແນວທາງນະໂຍຍາຍຂອງພັກ-ລັດ ເຮັດໃຫ້ສະພາບແນວຄິດຂອງພະນັກງານ-ລັດຖະກອນໃນໂຮງຮຽນມີຄວາມສະຫງົບ,ມີຄວາມເຊື່ອໝັ້ນຕໍ່ການປະຕິບັດໜ້າທີ່ວຽກງານ. ເຖິງແມ່ນວ່າຜ່ານມາຈະມີຄວາມຫຍຸ້ງຍາກ,ຄ່າຄອງຊີບມີການເໜັງຕີງຄູສອນບາງຫ້ອງມີແຕ່ຜູ້ດຽວ ແຕ່ພະນັກງານຄູ-ອາຈານທຸກຄົນໄດ້ມີຄວາມອົດທົນຜ່ານຜ່າ ສູ້ຊົນປະຕິບັດໜ້າທີ່ວຽກງານທີ່ການຈັດຕັ້ງມອບໝາຍໃຫ້ບັນລຸຜົນໄດ້ເປັນຢ່າງດີ.
ສຳລັບວຽກງານການສິດສອນໄດ້ເອົາໃຈໃສ່ເບິ່ງແຍງ,ລ້ຽງດູ,ສິດສອນເດັກກ່ອນໄວຮຽນ ແລະ ຈັດການຮຽນ-ການສອນໃຫ້ໄປຕາມ 3 ລັກສະນະ ແລະ 5 ຫຼັກມູນຂອງການສຶກສາ, ສອນຕາມແຜນການຂອງໂຮງຮຽນວາງອອກ ໂດຍຖືເອົາເດັກເປັນໃຈກາງ. ນອກນັ້ນ,ຍັງໄດ້ເອົາໃຈໃສ່ຕໍ່ວຽກງານອະນາໄມ,ປະດັບປະດາຫ້ອງຮຽນໃຫ້ສະອາດສວຍງາມ,ນໍາພາເດັກອອກຫຼິ້ນກາງແຈ້ງ,ເຂົ້າຮ່ວມໂມງສອນຖອດຖອນບົດຮຽນພາຍໃນໂຮງຮຽນ ເພື່ອຍົກສູງຄຸນນະພາບຂອງຄູສອນ. ນອກຈາກການສິດສອນໃນຫ້ອງແລ້ວ ຄູຍັງໄດ້ນໍາພາເດັກອອກສອນນອກຫ້ອງ,ເຂົ້າຫ້ອງສະມຸດເພື່ອເຮັດໃຫ້ເດັກໄດ້ພັດທະນາຄວາມພ້ອມໃນດ້ານຕ່າງໆຕາມໄວອາຍຸ,ໄດ້ປະເມີນຜົນການຮຽນຮູ້ຂອງເດັກຫຼັງຈາກຈັດກິດຈະກໍາແລ້ວ.ໃນນັ້ນ, ຍັງໄດ້ເອົາໃຈໃສ່ໃນການປຸງແຕ່ງອາຫານກາງເວັນໃຫ້ເດັກໄດ້ກິນທັນເວລາ, ມື້ໜຶ່ງ 2 ຄາບ ໂດຍຖືເອົາອາຫານຫຼັກ 6 ໝູ່ໃນການປຸງແຕ່ງ. ພ້ອມນັ້ນ, ຍັງໄດ້ຮັບຄວາມຮ່ວມມືຈາກຫ້ອງການສາທາລະນະສຸກເມືອງສີສັດຕະນາກ ໃຫ້ເດັກໄດ້ກິນຢາຂ້າແມ່ທ້ອງ, ຢອດຢາວິຕາມິນອາ, ສັກຢາກັນພະຍາດໝາກແດງນ້ອຍ-ໝາກແດງໃຫຍ່, ເດັກໄດ້ຮັບການກວດສຸຂະພາບປະຈໍາປີ ແລະ ໄດ້ກວດສຸຂະພາບປາກ ແລະ ແຂ້ວຈາກມະຫາວິທະຍາໄລ ວິທະຍາສາດສຸຂະພາບມາໃຫ້ບໍລິການ,ໄດ້ຕິດຕາມການຈະເລີນເຕີບໂຕຂອງເດັກດ້ວຍການຊັ່ງນ້ຳໜັກແທກລວງສູງ ແລະ ທຽບສີໃສ່ເກນມາດຕະຖານການຈະເລີນເຕີບໂຕຊຶ່ງໄດ້ກວດສຸຂະພາບເດັກຈໍານວນ 4 ຄັ້ງ, ມີນັກຮຽນທັງໝົດ944 ເທື່ອຄົນ, ຈໍານວນນັກຮຽນໄດ້ກວດຕົວຈິງ 772 ເທື່ອຄົນ ພ້ອມໄດ້ຕີລາຄາຜົນການກວດຄື:ເດັກສຸຂະພາບແຂງແຮງ (ສີຂາວ, ຂຽວ )ມີ 658 ເທື່ອຄົນຍິງ 330ເທື່ອຄົນເທົ່າກັບ85.23 %, ເດັກສຸຂະພາບປານກາງ (ສີເຫຼືອງ) 96ເທື່ອຄົນ ຍິງ 36 ເທື່ອຄົນເທົ່າກັບ 12.43%, ເດັກຂາດສານອາຫານ (ສີແດງ)0ເທື່ອຄົນ, ເດັກບໍ່ໄດ້ກວດ18ເທື່ອຄົນ, ຍິງ 6 ເທື່ອຄົນເທົ່າກັບ 2.33%. ໃນນັ້ນ, ຫ້ອງການສຶກສາທິການ ແລະ ກິລາເມືອງສີສັດຕະນາກ ຍັງໄດ້ລົງມາປະເມີນວຽກງານນໍ້າ ແລະ ສຸຂະອະນາໄມໃນໂຮງຮຽນໃນຮູບແບບ 3 ດາວ ແລະ ໂຮງຮຽນສີຂຽວຖືວ່າຜ່ານເກນມາດຕະຖານ.
ທ່ານນາງ ສີສົມພອນ ນວນຜາລີ ກ່າວຕື່ມວ່າ: ສຳລັບທິດທາງແຜນການໃນຕໍ່ໜ້າຈະສືບຕໍ່ນໍາພາການດໍາເນີນຊີວິດການເມືອງໃຫ້ເປັນປົກກະຕິໃນທຸກໆເດືອນ; ຈັດຕັ້ງຮໍ່າຮຽນທຸກມະຕິຄໍາສັ່ງ ແລະ ເອກະສານສໍາຄັນຕ່າງໆທີ່ທາງຂັ້ນເທິງສົ່ງມາໃຫ້, ຊຸກຍູ້ໃຫ້ 3 ອົງການຈັດຕັ້ງມະຫາຊົນເຄື່ອນໄຫວຕາມພາລະບົດບາດ; ສືບຕໍ່ເອົາໃຈໃສ່ປັບປຸງຄຸນນະພາບການສິດສອນຂອງຄູໃຫ້ດີຂຶ້ນກວ່າເກົ່າ; ປະເມີນຜົນພັດທະນາການເດັກໃຫ້ທັນໃນແຕ່ລະພາກຮຽນ; ສືບຕໍ່ຫັດແອບນິໄສເດັກໃຫ້ຮູ້ຈັກມາລະຍາດທາງສັງຄົມ,ຮູ້ຈັກຮັກສາອະນາໄມສິ່ງແວດລ້ອມ ແລະ ຮູ້ຈັກຊ່ວຍເຫຼືອຕົນເອງ; ນໍາພາເດັກຝຶກແອບສິລະປະ-ກິລາເພື່ອຮັບໃຊ້ວັນສໍາຄັນຕ່າງໆທັງພາຍໃນ ແລະ ນອກໂຮງຮຽນ; ສືບຕໍ່ປັບປຸງຫ້ອງຫຼິ້ນ ແລະ ເດີ່ນຫຼິ້ນຂອງຊັ້ນລ້ຽງເດັກ, ປັບປຸງສະພາບແວດລ້ອມຫ້ອງຮຽນຂອງຊັ້ນລ້ຽງເດັກ ແລະ ວຽກງານອື່ນໆໃຫ້ດີຂຶ້ນ.
ສຳລັບກິດຈະກຳກະກຽມສະເຫຼີມສະຫຼອງວັນຄູແຫ່ງຊາດໃນປີນີ້,ເພື່ອເຮັດໃຫ້ເດັກມີສຸຂະພາບແຂງແຮງ, ມີຄວາມເບີກບານມ່ວນຊື່ນ ທັງເປັນການສົ່ງເສີມພອນສະຫວັນຂອງເດັກທີ່ມີຢູ່ທາງໂຮງຮຽນໄດ້ຝຶກຊ້ອມສິລະປະ3 ລາຍການ,ກິລາ2 ປະເພດ ພ້ອມທັງໄດ້ເປີດຂະບວນການແຂ່ງຂັນຄູສອນດີເດັກຮຽນເກັ່ງ,ປັບປຸງເດີ່ນຫຼິ້ນຂອງເດັກໃຫ້ມີສີສັນທັງເປັນບ່ອນຮອງຮັບໃຫ້ເດັກໄດ້ເຄື່ອນໄຫວກິດຈະກຳຢ່າງເຕັມທີ່.
ເນື່ອງໃນໂອກາດວັນຄູແຫ່ງຊາດຄົບຮອບ 30 ປີທີ່ໃກ້ຈະມາເຖິງນີ້, ທ່ານນາງ ສີສົມພອນນວນຜາລີ ຍັງໄດ້ອວຍພອນໄຊອັນປະເສີດມາຍັງຜູ້ທີ່ເຮັດໜ້າທີ່ເປັນຄູໃນຂອບເຂດທົ່ວປະເທດ ລວມທັງຜູ້ທີ່ໄດ້ຮັບພັກຜ່ອນບໍານານ, ຜູ້ທີ່ກໍາລັງປະຕິບັດໜ້າທີ່ວຽກງານເປັນຄູ-ອາຈານຢູ່ໃນປັດຈຸບັນຈົ່ງມີສຸຂະພາບແຂງແຮງປາສະຈາກໂຣກໄພໄຂ້ເຈັບ,ຕັ້ງໜ້າປະຕິບັດໜ້າທີ່ອັນມີກຽດໃຫ້ບັນລຸຕາມຈຸດປະສົງຂອງພັກ-ລັດມອບໝາຍໃຫ້.
