ວັນທີ 3 ຕຸລານີ້ທີ່ຫ້ອງປະຊຸມຄະນະກວດກາສູນກາງພັກ, ທ່ານ ດາວບົວລະພາ ບາວົງເພັດ ກຳມະການປະຈໍາພັກ ຮອງປະທານຄະນະກວດກາສູນກາງພັກ ແລະ ອົງການກວດກາແຫ່ງລັດຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ພ້ອມດ້ວຍຄະນະ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ຊຸຍ ຈີ້ນກົງ (Xu jingong ) ອະດີດຮອງເລຂາຄະນະພັກ ມະຫາວິທະຍາໄລແຊ້ຍເມີນຫົວໜ້າສະຖາບັນຄົ້ນຄວ້າ ລັດທິມາກ ແຂວງຟູຈ້ຽນ ສປ ຈີນ ພ້ອມດ້ວຍຄະນະ ໃນໂອກາດທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ.
ໂອກາດນີ້, ທ່ານ ດາວບົວລະພາ ບາວົງເພັດ ຕາງໜ້າຄະນະນໍາ ຄະນະກວດກາສູນກາງພັກ, ອົງການກວດກາແຫ່ງລັດ ສປປ ລາວ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ຕໍ່ການມາຢ້ຽມຢາມ ສປປ ລາວ ຂອງຄະນະນໍາ ມະຫາວິທະຍາໄລແຊ້ຍເມີນແຂວງຟູຈ້ຽນ ສປ ຈີນ ໃນຄັ້ງນີ້ ຊຶ່ງເປັນການສືບຕໍ່ເສີມຂະຫຍາຍສາຍພົວພັນ ລະຫວ່າງ ສປປ ລາວ ແລະ ສປ ຈີນ ໃຫ້ນັບມື້ນັບເຂົ້າສູ່ລວງເລິກ. ພ້ອມທັງໄດ້ສະແດງຄວາມຂອບໃຈຕໍ່ ທ່ານ ຊຸຍ ຈີ້ນກົງ ທີ່ໄດ້ແຈ້ງໃຫ້ຊາບກ່ຽວກັບສະພາບການພົ້ນເດັ່ນໃນການພັດທະນາເສດຖະກິດ-ສັງຄົມ, ການຄຸ້ມຄອງພັກຢ່າງຮອບດ້ານ ກໍຄືການກວດກາລັດ ແລະ ຕ້ານການສໍ້ລາດບັງຫຼວງ ຂອງແຂວງຟູຈ້ຽນ ສປ ຈີນ, ພາຍໃຕ້ການນໍາພາຂອງພັກກອມມູນິດຈີນທີ່ມີສະຫາຍ ເລຂາທິການໃຫຍ່ ສີ ຈິນຜິ້ງ ເປັນແກນກາງ ຊຶ່ງພັກ-ລັດ ແລະ ປະຊາຊົນຈີນສາມາດຍາດໄດ້ຜົນງານອັນໃຫຍ່ຫຼວງໃນທຸກດ້ານຕະຫຼອດໄລຍະທີ່ຜ່ານມາ. ທັງໝົດນັ້ນ, ໄດ້ກາຍເປັນພະລັງຊຸກຍູ້ ແລະ ເປັນບົດຮຽນອັນລໍ້າຄ່າ ສໍາລັບການພັດທະນາເສດຖະກິດ-ສັງຄົມ, ການຄຸ້ມຄອງພັກ, ຄຸ້ມຄອງລັດ, ການກວດກາລັດ ແລະ ຕ້ານການສໍ້ລາດບັງຫຼວງໃຫ້ແກ່ ສປປ ລາວ. ພ້ອມນີ້, ທ່ານ ດາວບົວລະພາ ບາວົງເພັດ ຍັງໄດ້ລາຍງານສະພາບທີ່ພົ້ນເດັ່ນຂອງ ສປປ ລາວ ໃນໄລຍະຜ່ານມາເວົ້າລວມ, ເວົ້າສະເພາະກໍແມ່ນການເຄື່ອນໄຫວຈັດຕັ້ງປະຕິບັດວຽກງານກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງ.
ຈາກນັ້ນ, ທ່ານ ຊຸຍ ຈີ້ນກົງ (Xu jingong ) ກໍໄດ້ສະແດງຄວາມຂອບໃຈຢ່າງສູງຕໍ່ກັບການຕ້ອນຮັບອັນອົບອຸ່ນຂອງທ່ານຮອງປະທານຄະນະກວດກາສູນກາງພັກ ພ້ອມດ້ວຍຄະນະໃນຄັ້ງນີ້, ພ້ອມທັງໄດ້ຍ້ອງຍໍຊົມເຊີຍຕໍ່ຜົນງານການເຄື່ອນໄຫວວຽກງານທີ່ພົ້ນເດັ່ນຂອງແຂວງຟູຈ້ຽນ ສປ ຈີນ.
ທ່ານຮອງປະທານຄະນະກວດກາສູນກາງພັກ ຍັງໄດ້ອວຍພອນໃຫ້ອະດີດຮອງເລຂາຄະນະພັກ ມະຫາວິທະຍາໄລແຊ້ຍເມີນຫົວໜ້າສະຖາບັນຄົ້ນຄວ້າ ລັດທິມາກ ແຂວງຟູຈ້ຽນ ສປ ຈີນ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຈົ່ງປະສົບຜົນສໍາເລັດຢ່າງຈົບງາມ ແລະ ເດີນທາງກັບຄືນປະເທດດ້ວຍຄວາມສະຫັວດດີພາບ.
ຂ່າວ-ພາບ:ກວດກາສູນກາງ
ໂອກາດນີ້, ທ່ານ ດາວບົວລະພາ ບາວົງເພັດ ຕາງໜ້າຄະນະນໍາ ຄະນະກວດກາສູນກາງພັກ, ອົງການກວດກາແຫ່ງລັດ ສປປ ລາວ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ຕໍ່ການມາຢ້ຽມຢາມ ສປປ ລາວ ຂອງຄະນະນໍາ ມະຫາວິທະຍາໄລແຊ້ຍເມີນແຂວງຟູຈ້ຽນ ສປ ຈີນ ໃນຄັ້ງນີ້ ຊຶ່ງເປັນການສືບຕໍ່ເສີມຂະຫຍາຍສາຍພົວພັນ ລະຫວ່າງ ສປປ ລາວ ແລະ ສປ ຈີນ ໃຫ້ນັບມື້ນັບເຂົ້າສູ່ລວງເລິກ. ພ້ອມທັງໄດ້ສະແດງຄວາມຂອບໃຈຕໍ່ ທ່ານ ຊຸຍ ຈີ້ນກົງ ທີ່ໄດ້ແຈ້ງໃຫ້ຊາບກ່ຽວກັບສະພາບການພົ້ນເດັ່ນໃນການພັດທະນາເສດຖະກິດ-ສັງຄົມ, ການຄຸ້ມຄອງພັກຢ່າງຮອບດ້ານ ກໍຄືການກວດກາລັດ ແລະ ຕ້ານການສໍ້ລາດບັງຫຼວງ ຂອງແຂວງຟູຈ້ຽນ ສປ ຈີນ, ພາຍໃຕ້ການນໍາພາຂອງພັກກອມມູນິດຈີນທີ່ມີສະຫາຍ ເລຂາທິການໃຫຍ່ ສີ ຈິນຜິ້ງ ເປັນແກນກາງ ຊຶ່ງພັກ-ລັດ ແລະ ປະຊາຊົນຈີນສາມາດຍາດໄດ້ຜົນງານອັນໃຫຍ່ຫຼວງໃນທຸກດ້ານຕະຫຼອດໄລຍະທີ່ຜ່ານມາ. ທັງໝົດນັ້ນ, ໄດ້ກາຍເປັນພະລັງຊຸກຍູ້ ແລະ ເປັນບົດຮຽນອັນລໍ້າຄ່າ ສໍາລັບການພັດທະນາເສດຖະກິດ-ສັງຄົມ, ການຄຸ້ມຄອງພັກ, ຄຸ້ມຄອງລັດ, ການກວດກາລັດ ແລະ ຕ້ານການສໍ້ລາດບັງຫຼວງໃຫ້ແກ່ ສປປ ລາວ. ພ້ອມນີ້, ທ່ານ ດາວບົວລະພາ ບາວົງເພັດ ຍັງໄດ້ລາຍງານສະພາບທີ່ພົ້ນເດັ່ນຂອງ ສປປ ລາວ ໃນໄລຍະຜ່ານມາເວົ້າລວມ, ເວົ້າສະເພາະກໍແມ່ນການເຄື່ອນໄຫວຈັດຕັ້ງປະຕິບັດວຽກງານກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງ.
ຈາກນັ້ນ, ທ່ານ ຊຸຍ ຈີ້ນກົງ (Xu jingong ) ກໍໄດ້ສະແດງຄວາມຂອບໃຈຢ່າງສູງຕໍ່ກັບການຕ້ອນຮັບອັນອົບອຸ່ນຂອງທ່ານຮອງປະທານຄະນະກວດກາສູນກາງພັກ ພ້ອມດ້ວຍຄະນະໃນຄັ້ງນີ້, ພ້ອມທັງໄດ້ຍ້ອງຍໍຊົມເຊີຍຕໍ່ຜົນງານການເຄື່ອນໄຫວວຽກງານທີ່ພົ້ນເດັ່ນຂອງແຂວງຟູຈ້ຽນ ສປ ຈີນ.
ທ່ານຮອງປະທານຄະນະກວດກາສູນກາງພັກ ຍັງໄດ້ອວຍພອນໃຫ້ອະດີດຮອງເລຂາຄະນະພັກ ມະຫາວິທະຍາໄລແຊ້ຍເມີນຫົວໜ້າສະຖາບັນຄົ້ນຄວ້າ ລັດທິມາກ ແຂວງຟູຈ້ຽນ ສປ ຈີນ ພ້ອມດ້ວຍຄະນະ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສປປ ລາວ ຄັ້ງນີ້ ຈົ່ງປະສົບຜົນສໍາເລັດຢ່າງຈົບງາມ ແລະ ເດີນທາງກັບຄືນປະເທດດ້ວຍຄວາມສະຫັວດດີພາບ.
ຂ່າວ-ພາບ:ກວດກາສູນກາງ
