ໂດຍ: ພູວັນ
ທ່ານ ວຽງພອນ ສຸກຂະວົງ ກໍາມະການຄະນະພັກກະຊວງ ຜູ້ອໍານວຍການວິທະຍາໄລສິລະປະແຫ່ງຊາດ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ສະແດງຄວາມຮູ້ສຶກຕໍ່ວັນຄູແຫ່ງຊາດຄົບຮອບ 30 ປີ (7 ຕຸລາ 1994-7 ຕຸລາ 2024) ວ່າ: ວັນທີ 7 ຕຸລາເປັນວັນທີ່ມີຄວາມໝາຍສໍາຄັນທາງປະຫວັດສາດຂອງຊາດ, ພັກ ແລະ ລັດຖະບານ ເວລາໃດກໍໃຫ້ຄວາມສໍາຄັນ ແລະ ເອົາໃຈໃສ່ຕໍ່ຄູ ແລະ ຖືເອົາຄູສອນເປັນກົກໃນການຍົກສູງຄຸນນະພາບຂອງການສຶກສາ ກໍຄືການພັດທະນາຊັບພະຍາກອນມະນຸດ ເວົ້າລວມ, ເວົ້າສະເພາະກໍຄືການພັດທະນາຊັບພະຍາກອນມະນຸດທາງດ້ານສິລະປະການສະແດງ ເພາະວ່າຄູມີບົດບາດສໍາຄັນໃນການສ້າງອະນາຄົດໃຫ້ຄົນແຕ່ລະຮຸ່ນໃຫ້ມີຄວາມຮູ້ ຄວາມສາມາດດ້ານຕ່າງໆໃຫ້ກ້າວໜ້າເຂັ້ມແຂງ. ເມື່ອເວົ້າເຖິງບົດບາດຂອງຄູແລ້ວ ກໍມີການນໍາພັກ-ລັດ, ສັງຄົມເຮົາໄດ້ໃຫ້ຂະໜານນາມວ່າ: ຄູແມ່ນຄົນຂອງພັກ, ຄູແມ່ນແມ່ພິມຂອງຊາດ, ຄູແມ່ນພໍ່ແມ່ຜູ້ທີ່ສອງຂອງເດັກ, ຄູແມ່ນຜູ້ທີ່ໃຫ້ຄວາມຮູ້ ແລະ ເປັນຜູ້ຖ່າຍທອດຄວາມຮູ້ໃຫ້ແກ່ຜູ້ອື່ນ ແລະ ອື່ນໆ. ບົດບາດຂອງຄູໄດ້ຕິດພັນກັບວິວັດທະນາການຂອງການພັດທະນາປະເທດຊາດ, ບົດບາດໜ້າທີ່ຂອງຄູບໍ່ວ່າຈະຢູ່ໃສເວລາໃດກໍຕາມ ຄູແມ່ນມີຄວາມສໍາຄັນເປັນໜຶ່ງປັດໄຈຕັດສິນຄຸນນະພາບຂອງການສຶກສາ ແລະ ພັກເຮົາຍັງໃຫ້ທັດສະນະວ່າ ເອົາການສຶກສາໄປກ່ອນກ້າວໜຶ່ງ ຊຶ່ງສະແດງໃຫ້ເຫັນວ່າເປັນທ່າແຮງທີ່ບົ່ມຊ້ອນຢ່າງແຂງແຮງ ປະກອບສ່ວນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນໍາພາຂອງພັກປະຊາຊົນປະຕິວັດລາວທີ່ສະຫຼາດສ່ອງໃສໃນການນໍາພາປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດໄດ້ຢ່າງມີໄຊ, ເນື່ອງໃນໂອກາດວັນຄູແຫ່ງຊາດຄົບຮອບ 30 ປີ, ອັນມີຄວາມໝາຍສໍາຄັນນີ້ ພວກເຮົາສຸດທີ່ຊາບຊຶ້ງໃນບຸນຄຸນຂອງຄູ-ອາຈານຮຸ່ນກ່ອນ ຊຶ່ງໄດ້ເປັນແມ່ພິມ ແລະ ເປັນແມ່ຜູ້ທີ່ສອງຂອງພວກເຮົາໄດ້ເຕີບໃຫຍ່ກ້າວຂຶ້ນຢ່າງບໍ່ຢຸດຢັ້ງແລະ ພວກເຮົາໄດ້ພ້ອມກັນສືບຕໍ່ຜັນຂະຫຍາຍມູນເຊື້ອອັນດີງາມຂອງຄູເຂົ້າໃນພາລະກິດລວມແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດນັບມື້ນັບກ້າວຂຶ້ນ.
ໃນໂອກາດອັນມີຄວາມໝາຍຄວາມສໍາຄັນນີ້ ຂ້າພະເຈົ້າຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງທີ່ໄດ້ສືບຕໍ່ນໍາພາໃນວຽກງານບໍາລຸງກໍ່ສ້າງຖັນແຖວຄູດ້ານສິລະປະການສະແດງຢູ່ວິທະຍາໄລສິລະປະແຫ່ງຊາດ ກະຊວງຖວທ ຊຶ່ງຍາມໃດກໍຖືວ່າຄູຄືຜູ້ປະຈັນບານຕໍ່ໜ້າສະພາບສິ່ງທ້າທາຍ ແລະ ຄວາມບຸກບືນສູ້ຊົນຕໍ່ຄວາມຫຍຸ້ງຍາກນາໆປະການ ທັງຄົ້ນຄວ້າຮໍ່າຮຽນ ແລະ ດໍາເນີນການຮຽນ-ການສອນເພື່ອສ້າງຊັບພະຍາກອນມະນຸດທາງດ້ານສິລະປະການສະແດງ ເພື່ອປະກອບສ່ວນນັກສະແດງ, ນັກສິນລະປິນ, ນັກປະພັນ, ນັກກໍາກັບການສະແດງ, ນັກອອກແບບສິລະປະ ແລະ ອື່ນໆ ປະກອບສ່ວນເຂົ້າໃນການສ້າງສາພັດທະນາເສດຖະກິດ-ສັງຄົມໃນໄລຍະໃໝ່ຂອງປະເທດເຮົາໃຫ້ກ້າວໜ້າເຂັ້ມແຂງ. ຄູ-ອາຈານໄດ້ອຸທິດເຫື່ອແຮງສະຕິປັນຍາດ້ວຍຄວາມພາກພຽນມານະອົດທົນໃນການປະຕິບັດໜ້າທີ່ການສອນຂອງຕົນຢ່າງບໍ່ຮູ້ອິດຮູ້ເມື່ອຍ ເຮັດໃຫ້ການສ້າງຊັບພະຍາກອນມະນຸດທາງດ້ານສິລະປະການສະແດງຂະຫຍາຍຕົວຮັບປະກັນໄດ້ທັງດ້ານປະລິມານ ແລະ ຄຸນນະພາບ ຊຶ່ງເປັນການສ້າງໂອກາດໃຫ້ຄົນລາວໄດ້ຮຽນຮູ້ວຽກງານສິລະປະການສະແດງ ແລະ ກາຍເປັນນັກສະແດງ, ນັກສິນລະປິນອາຊີບຈໍານວນຫຼາຍສາມາດກ້າວສູ່ນັກສິນລະປິນລາວ-ນັກສິນລະປິນສາກົນເທື່ອລະກ້າວ.
ປັດຈຸບັນຕໍ່ໜ້າສະພາບການພັດທະນານະວັດຕະກໍາ-ເຕັກໂນໂລຊີ ແລະ ການເຊື່ອມໂຍງກັບສາກົນ, ຄູຕ້ອງເພີ່ມທະວີສ້າງຕົນໃຫ້ມີຈັນຍາບັນ, ຈັນຍະທໍາ, ຮັກວິຊາຊີບຄູ, ເຄົາລົບຕໍ່ການຈັດຕັ້ງ, ຕໍ່ປະຊາຊົນ ແລະ ສັງຄົມສະເໝີຕົ້ນສະເໝີປາຍ. ຄູຍາມໃດ ກໍຝຶກຝົນຫຼໍ່ຫຼອມຕົນເອງຢູ່ຕະຫຼອດເວລາ, ມີຄຸນສົມບັດສິນທໍາປະຕິວັດ ມີວິໄນຕົວເອງ, ຊື່ສັດບໍລິສຸດ, ມີນໍ້າໃຈເສຍສະຫຼະ ແລະ ບໍ່ສວຍໃຊ້ໜ້າທີ່ເພື່ອຫາຜົນປະໂຫຍດສ່ວນຕົວ, ມີທັກສະການສອນ, ການຄົ້ນຄວ້າ, ເປັນແບບຢ່າງທີ່ດີ ເພື່ອຮັບໃຊ້ວິຊາຊີບຂອງຕົນເອົາໃຈໃສ່ຄົ້ນຄວ້າ, ວິໄຈການສິດສອນແບບໃໝ່ທັນສະໄໝ, ປະດິດຄິດສ້າງນະວັດຕະກໍາໃໝ່ຮັບໃຊ້ການຮຽນ-ການສອນໃຫ້ທັນສະພາບການປ່ຽນແປງໃໝ່, ພ້ອມກັນນັ້ນຕ້ອງຕ້ານສະກັດກັ້ນປະກົດການຫຍໍ້ທໍ້ຕ່າງໆໃນຖັນແຖວຄູ-ອາຈານ ກໍຄືຢູ່ໃນສັງຄົມໃຫ້ໄດ້, ສືບທອດພາລະກິດ ແລະ ເຊີດຊູກຽດສັກສີຄຸນງາມຄວາມດີຂອງຄູຮຸ່ນກ່ອນ ຫຼືບັນພະບູລຸດຄູປະຕິວັດອາວຸໂສທີ່ໄດ້ສ້າງໄວ້ມາຍັງຄູຮຸ່ນປັດຈຸບັນ ແລະ ຮຸ່ນສືບທອດຂອງພວກເຮົາ.
ດ້ວຍຄວາມມານະອົດທົນພາກພຽນຂອງຄູວິທະຍາໄລສິລະປະແຫ່ງຊາດ ໄດ້ມີຜົນສໍາເລັດພົ້ນເດັ່ນຫຼາຍດ້ານໃນສົກຮຽນທີ່ຜ່ານມາໄດ້ສໍາເລັດໃນການຍົກລະດັບຈາກໂຮງຮຽນສິລະປະແຫ່ງຊາດ ຂຶ້ນເປັນວິທະຍາໄລສິລະປະແຫ່ງຊາດ ແລະ ໄດ້ປັບປຸງ, ສ້າງຫຼັກສູດລະດັບຊັ້ນຕົ້ນ, ຊັ້ນກາງ ແລະ ຊັັ້ນສູງໃນສາຂາວິຊາຕ່າງໆ ລວມມີ 4 ພາກວິຊາ: ພາກວິຊາດົນຕີຕາເວັນຕົກ, ພາກວິຊາດົນຕີພື້ນເມືອງ, ພາກວິຊາຟ້ອນ ແລະ ພາກວິຊາຮ້ອງ, ຂັບ-ລໍາ ໄດ້ຄົບຖ້ວນສົມບູນ ໂດຍຢຶດຖືເອົາການສ້າງວັດທະນະທໍາໃຫ້ມີລັກສະນະຊາດ, ລັກສະນະມະຫາຊົນ, ລັກສະນະກ້າວໜ້າ ແລະ ໄດ້ຈັດຕັ້ັງຜັນຂະຫຍາຍໄປຕາມ 3 ລັກສະນະ (ລັກສະນະຊາດ, ລັກສະນະວິທະຍາສາດ-ທັນສະໄໝ ແລະ ລັກສະນະມະຫາຊົນ) ແລະ 5 ຫຼັກມູນການສຶກສາຂອງລາວ (ຄຸນສົມບັດສຶກສາ, ປັນຍາສຶກສາ, ແຮງງານສຶກສາ, ພາລະສຶກສາ ແລະ ສິລະປະສຶກສາ) ຂອງກະຊວງສຶກສາທິການ-ກິລາ ແລະ ກະຊວງຖວທວາງອອກໃນແຕ່ລະໄລຍະຢ່າງມີຜົນສໍາເລັດ. ສໍາເລັດໃນການສ້າງວົງດົນຕີປະສານສຽງອໍເຄສຕຣ້າຊາວໜຸ່ມລາວໂດຍການຊ່ວຍເຫຼືອຂອງສະມາຄົມແລກປ່ຽນດ້ານວັດທະນະທໍາອາຊີ ສເກົາຫຼີ, ໄດ້ປັບປຸງໂຄງລ່າງພື້ນຖານການຮຽນ-ການສອນ, ການຝຶກປະຕິບັດວິຊາສະເພາະມີລັກສະນະທັນສະໄໝຂຶ້ນ, ການສະແດງສິລະປະ-ດົນຕີຕົວຈິງໄດ້ຈໍານວນຫຼາຍຄັ້ງ ແລະ ກ້າວສູ່ຄຸນນະພາບໃໝ່,ຄູ-ອາຈານຫຼາຍທ່ານໄດ້ຮັບການສັນລະເສີນເປັນຄູສອນດີ-ສອນເກັ່ງກາຍເປັນຄູປະສົບການກາຍເປັນສິນລະປິນ, ຊ່ຽວຊານສະເພາະດ້ານ, ກາຍເປັນນັກປະດິດແຕ່ງ, ນັກປະພັນ, ນັກອອກແບບສິລະປະການສະແດງ ແລະ ອື່ນໆ ຊຶ່ງໄດ້ຮັບການຍ້ອງຍໍຈາກການຈັດຕັ້ງ ແລະ ສັງຄົມຕະຫຼອດມາ. ນອກຈາກນັ້ນ, ຄູຍັງໄດ້ເຂົ້າຮ່ວມງານແຂ່ງຂັນສິລະປະການສະແດງໃນລະດັບຕ່າງໆຢູ່ພາຍໃນ ແລະ ຕ່າງປະເທດໄດ້ຮັບຫຼາຍລາງວັນຈາກປະເທດຕ່າງໆພາກພື້ນ ແລະ ສາກົນສະແດງໃຫ້ເຫັນວ່າຄູສອນມີຄວາມຮັບຜິດຊອບສູງ ແລະ ມີຈັນຍາບັນ-ຈັນຍາທໍາ ແລະ ກຽດສັກສີຂອງຄູ.
ເນື່ອງໃນໂອກາດວັນຄູແຫ່ງຊາດທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງນີ້ ຂໍຕາງໜ້າໃຫ້ຄະນະພັກ, ຄະນະອໍານວຍການ, ຄູວິທະຍາໄລສິລະປະແຫ່ງຊາດທຸກສະຫາຍ ຂໍອວຍພອນໄຊອັນປະເສີດມາຍັງຄູ ແລະ ຜູ້ບໍລິຫານການສຶກສາ, ຜູ້ປະກອບການການສຶກສາທຸກທ່ານຈົ່ງມີສຸຂະພາບເຂັ້ມແຂງ, ມີຄວາມສຸກຄວາມຈະເລີນ ແລະ ປະສົບຜົນສໍາເລັດໃນໜ້າທີ່ວຽກງານອັນສູງສົ່ງຂອງຕົນນໍ້າໃຈວັນຄູແຫ່ງຊາດ 7 ຕຸລາ ໝັ້ນຍືນ!.
ທ່ານ ວຽງພອນ ສຸກຂະວົງ ກໍາມະການຄະນະພັກກະຊວງ ຜູ້ອໍານວຍການວິທະຍາໄລສິລະປະແຫ່ງຊາດ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ໄດ້ສະແດງຄວາມຮູ້ສຶກຕໍ່ວັນຄູແຫ່ງຊາດຄົບຮອບ 30 ປີ (7 ຕຸລາ 1994-7 ຕຸລາ 2024) ວ່າ: ວັນທີ 7 ຕຸລາເປັນວັນທີ່ມີຄວາມໝາຍສໍາຄັນທາງປະຫວັດສາດຂອງຊາດ, ພັກ ແລະ ລັດຖະບານ ເວລາໃດກໍໃຫ້ຄວາມສໍາຄັນ ແລະ ເອົາໃຈໃສ່ຕໍ່ຄູ ແລະ ຖືເອົາຄູສອນເປັນກົກໃນການຍົກສູງຄຸນນະພາບຂອງການສຶກສາ ກໍຄືການພັດທະນາຊັບພະຍາກອນມະນຸດ ເວົ້າລວມ, ເວົ້າສະເພາະກໍຄືການພັດທະນາຊັບພະຍາກອນມະນຸດທາງດ້ານສິລະປະການສະແດງ ເພາະວ່າຄູມີບົດບາດສໍາຄັນໃນການສ້າງອະນາຄົດໃຫ້ຄົນແຕ່ລະຮຸ່ນໃຫ້ມີຄວາມຮູ້ ຄວາມສາມາດດ້ານຕ່າງໆໃຫ້ກ້າວໜ້າເຂັ້ມແຂງ. ເມື່ອເວົ້າເຖິງບົດບາດຂອງຄູແລ້ວ ກໍມີການນໍາພັກ-ລັດ, ສັງຄົມເຮົາໄດ້ໃຫ້ຂະໜານນາມວ່າ: ຄູແມ່ນຄົນຂອງພັກ, ຄູແມ່ນແມ່ພິມຂອງຊາດ, ຄູແມ່ນພໍ່ແມ່ຜູ້ທີ່ສອງຂອງເດັກ, ຄູແມ່ນຜູ້ທີ່ໃຫ້ຄວາມຮູ້ ແລະ ເປັນຜູ້ຖ່າຍທອດຄວາມຮູ້ໃຫ້ແກ່ຜູ້ອື່ນ ແລະ ອື່ນໆ. ບົດບາດຂອງຄູໄດ້ຕິດພັນກັບວິວັດທະນາການຂອງການພັດທະນາປະເທດຊາດ, ບົດບາດໜ້າທີ່ຂອງຄູບໍ່ວ່າຈະຢູ່ໃສເວລາໃດກໍຕາມ ຄູແມ່ນມີຄວາມສໍາຄັນເປັນໜຶ່ງປັດໄຈຕັດສິນຄຸນນະພາບຂອງການສຶກສາ ແລະ ພັກເຮົາຍັງໃຫ້ທັດສະນະວ່າ ເອົາການສຶກສາໄປກ່ອນກ້າວໜຶ່ງ ຊຶ່ງສະແດງໃຫ້ເຫັນວ່າເປັນທ່າແຮງທີ່ບົ່ມຊ້ອນຢ່າງແຂງແຮງ ປະກອບສ່ວນສໍາຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນໍາພາຂອງພັກປະຊາຊົນປະຕິວັດລາວທີ່ສະຫຼາດສ່ອງໃສໃນການນໍາພາປະຕິບັດ 2 ໜ້າທີ່ຍຸດທະສາດຄື: ປົກປັກຮັກສາ ແລະ ສ້າງສາພັດທະນາປະເທດຊາດໄດ້ຢ່າງມີໄຊ, ເນື່ອງໃນໂອກາດວັນຄູແຫ່ງຊາດຄົບຮອບ 30 ປີ, ອັນມີຄວາມໝາຍສໍາຄັນນີ້ ພວກເຮົາສຸດທີ່ຊາບຊຶ້ງໃນບຸນຄຸນຂອງຄູ-ອາຈານຮຸ່ນກ່ອນ ຊຶ່ງໄດ້ເປັນແມ່ພິມ ແລະ ເປັນແມ່ຜູ້ທີ່ສອງຂອງພວກເຮົາໄດ້ເຕີບໃຫຍ່ກ້າວຂຶ້ນຢ່າງບໍ່ຢຸດຢັ້ງແລະ ພວກເຮົາໄດ້ພ້ອມກັນສືບຕໍ່ຜັນຂະຫຍາຍມູນເຊື້ອອັນດີງາມຂອງຄູເຂົ້າໃນພາລະກິດລວມແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດນັບມື້ນັບກ້າວຂຶ້ນ.
ໃນໂອກາດອັນມີຄວາມໝາຍຄວາມສໍາຄັນນີ້ ຂ້າພະເຈົ້າຮູ້ສຶກເປັນກຽດ ແລະ ພາກພູມໃຈເປັນຢ່າງຍິ່ງທີ່ໄດ້ສືບຕໍ່ນໍາພາໃນວຽກງານບໍາລຸງກໍ່ສ້າງຖັນແຖວຄູດ້ານສິລະປະການສະແດງຢູ່ວິທະຍາໄລສິລະປະແຫ່ງຊາດ ກະຊວງຖວທ ຊຶ່ງຍາມໃດກໍຖືວ່າຄູຄືຜູ້ປະຈັນບານຕໍ່ໜ້າສະພາບສິ່ງທ້າທາຍ ແລະ ຄວາມບຸກບືນສູ້ຊົນຕໍ່ຄວາມຫຍຸ້ງຍາກນາໆປະການ ທັງຄົ້ນຄວ້າຮໍ່າຮຽນ ແລະ ດໍາເນີນການຮຽນ-ການສອນເພື່ອສ້າງຊັບພະຍາກອນມະນຸດທາງດ້ານສິລະປະການສະແດງ ເພື່ອປະກອບສ່ວນນັກສະແດງ, ນັກສິນລະປິນ, ນັກປະພັນ, ນັກກໍາກັບການສະແດງ, ນັກອອກແບບສິລະປະ ແລະ ອື່ນໆ ປະກອບສ່ວນເຂົ້າໃນການສ້າງສາພັດທະນາເສດຖະກິດ-ສັງຄົມໃນໄລຍະໃໝ່ຂອງປະເທດເຮົາໃຫ້ກ້າວໜ້າເຂັ້ມແຂງ. ຄູ-ອາຈານໄດ້ອຸທິດເຫື່ອແຮງສະຕິປັນຍາດ້ວຍຄວາມພາກພຽນມານະອົດທົນໃນການປະຕິບັດໜ້າທີ່ການສອນຂອງຕົນຢ່າງບໍ່ຮູ້ອິດຮູ້ເມື່ອຍ ເຮັດໃຫ້ການສ້າງຊັບພະຍາກອນມະນຸດທາງດ້ານສິລະປະການສະແດງຂະຫຍາຍຕົວຮັບປະກັນໄດ້ທັງດ້ານປະລິມານ ແລະ ຄຸນນະພາບ ຊຶ່ງເປັນການສ້າງໂອກາດໃຫ້ຄົນລາວໄດ້ຮຽນຮູ້ວຽກງານສິລະປະການສະແດງ ແລະ ກາຍເປັນນັກສະແດງ, ນັກສິນລະປິນອາຊີບຈໍານວນຫຼາຍສາມາດກ້າວສູ່ນັກສິນລະປິນລາວ-ນັກສິນລະປິນສາກົນເທື່ອລະກ້າວ.
ປັດຈຸບັນຕໍ່ໜ້າສະພາບການພັດທະນານະວັດຕະກໍາ-ເຕັກໂນໂລຊີ ແລະ ການເຊື່ອມໂຍງກັບສາກົນ, ຄູຕ້ອງເພີ່ມທະວີສ້າງຕົນໃຫ້ມີຈັນຍາບັນ, ຈັນຍະທໍາ, ຮັກວິຊາຊີບຄູ, ເຄົາລົບຕໍ່ການຈັດຕັ້ງ, ຕໍ່ປະຊາຊົນ ແລະ ສັງຄົມສະເໝີຕົ້ນສະເໝີປາຍ. ຄູຍາມໃດ ກໍຝຶກຝົນຫຼໍ່ຫຼອມຕົນເອງຢູ່ຕະຫຼອດເວລາ, ມີຄຸນສົມບັດສິນທໍາປະຕິວັດ ມີວິໄນຕົວເອງ, ຊື່ສັດບໍລິສຸດ, ມີນໍ້າໃຈເສຍສະຫຼະ ແລະ ບໍ່ສວຍໃຊ້ໜ້າທີ່ເພື່ອຫາຜົນປະໂຫຍດສ່ວນຕົວ, ມີທັກສະການສອນ, ການຄົ້ນຄວ້າ, ເປັນແບບຢ່າງທີ່ດີ ເພື່ອຮັບໃຊ້ວິຊາຊີບຂອງຕົນເອົາໃຈໃສ່ຄົ້ນຄວ້າ, ວິໄຈການສິດສອນແບບໃໝ່ທັນສະໄໝ, ປະດິດຄິດສ້າງນະວັດຕະກໍາໃໝ່ຮັບໃຊ້ການຮຽນ-ການສອນໃຫ້ທັນສະພາບການປ່ຽນແປງໃໝ່, ພ້ອມກັນນັ້ນຕ້ອງຕ້ານສະກັດກັ້ນປະກົດການຫຍໍ້ທໍ້ຕ່າງໆໃນຖັນແຖວຄູ-ອາຈານ ກໍຄືຢູ່ໃນສັງຄົມໃຫ້ໄດ້, ສືບທອດພາລະກິດ ແລະ ເຊີດຊູກຽດສັກສີຄຸນງາມຄວາມດີຂອງຄູຮຸ່ນກ່ອນ ຫຼືບັນພະບູລຸດຄູປະຕິວັດອາວຸໂສທີ່ໄດ້ສ້າງໄວ້ມາຍັງຄູຮຸ່ນປັດຈຸບັນ ແລະ ຮຸ່ນສືບທອດຂອງພວກເຮົາ.
ດ້ວຍຄວາມມານະອົດທົນພາກພຽນຂອງຄູວິທະຍາໄລສິລະປະແຫ່ງຊາດ ໄດ້ມີຜົນສໍາເລັດພົ້ນເດັ່ນຫຼາຍດ້ານໃນສົກຮຽນທີ່ຜ່ານມາໄດ້ສໍາເລັດໃນການຍົກລະດັບຈາກໂຮງຮຽນສິລະປະແຫ່ງຊາດ ຂຶ້ນເປັນວິທະຍາໄລສິລະປະແຫ່ງຊາດ ແລະ ໄດ້ປັບປຸງ, ສ້າງຫຼັກສູດລະດັບຊັ້ນຕົ້ນ, ຊັ້ນກາງ ແລະ ຊັັ້ນສູງໃນສາຂາວິຊາຕ່າງໆ ລວມມີ 4 ພາກວິຊາ: ພາກວິຊາດົນຕີຕາເວັນຕົກ, ພາກວິຊາດົນຕີພື້ນເມືອງ, ພາກວິຊາຟ້ອນ ແລະ ພາກວິຊາຮ້ອງ, ຂັບ-ລໍາ ໄດ້ຄົບຖ້ວນສົມບູນ ໂດຍຢຶດຖືເອົາການສ້າງວັດທະນະທໍາໃຫ້ມີລັກສະນະຊາດ, ລັກສະນະມະຫາຊົນ, ລັກສະນະກ້າວໜ້າ ແລະ ໄດ້ຈັດຕັ້ັງຜັນຂະຫຍາຍໄປຕາມ 3 ລັກສະນະ (ລັກສະນະຊາດ, ລັກສະນະວິທະຍາສາດ-ທັນສະໄໝ ແລະ ລັກສະນະມະຫາຊົນ) ແລະ 5 ຫຼັກມູນການສຶກສາຂອງລາວ (ຄຸນສົມບັດສຶກສາ, ປັນຍາສຶກສາ, ແຮງງານສຶກສາ, ພາລະສຶກສາ ແລະ ສິລະປະສຶກສາ) ຂອງກະຊວງສຶກສາທິການ-ກິລາ ແລະ ກະຊວງຖວທວາງອອກໃນແຕ່ລະໄລຍະຢ່າງມີຜົນສໍາເລັດ. ສໍາເລັດໃນການສ້າງວົງດົນຕີປະສານສຽງອໍເຄສຕຣ້າຊາວໜຸ່ມລາວໂດຍການຊ່ວຍເຫຼືອຂອງສະມາຄົມແລກປ່ຽນດ້ານວັດທະນະທໍາອາຊີ ສເກົາຫຼີ, ໄດ້ປັບປຸງໂຄງລ່າງພື້ນຖານການຮຽນ-ການສອນ, ການຝຶກປະຕິບັດວິຊາສະເພາະມີລັກສະນະທັນສະໄໝຂຶ້ນ, ການສະແດງສິລະປະ-ດົນຕີຕົວຈິງໄດ້ຈໍານວນຫຼາຍຄັ້ງ ແລະ ກ້າວສູ່ຄຸນນະພາບໃໝ່,ຄູ-ອາຈານຫຼາຍທ່ານໄດ້ຮັບການສັນລະເສີນເປັນຄູສອນດີ-ສອນເກັ່ງກາຍເປັນຄູປະສົບການກາຍເປັນສິນລະປິນ, ຊ່ຽວຊານສະເພາະດ້ານ, ກາຍເປັນນັກປະດິດແຕ່ງ, ນັກປະພັນ, ນັກອອກແບບສິລະປະການສະແດງ ແລະ ອື່ນໆ ຊຶ່ງໄດ້ຮັບການຍ້ອງຍໍຈາກການຈັດຕັ້ງ ແລະ ສັງຄົມຕະຫຼອດມາ. ນອກຈາກນັ້ນ, ຄູຍັງໄດ້ເຂົ້າຮ່ວມງານແຂ່ງຂັນສິລະປະການສະແດງໃນລະດັບຕ່າງໆຢູ່ພາຍໃນ ແລະ ຕ່າງປະເທດໄດ້ຮັບຫຼາຍລາງວັນຈາກປະເທດຕ່າງໆພາກພື້ນ ແລະ ສາກົນສະແດງໃຫ້ເຫັນວ່າຄູສອນມີຄວາມຮັບຜິດຊອບສູງ ແລະ ມີຈັນຍາບັນ-ຈັນຍາທໍາ ແລະ ກຽດສັກສີຂອງຄູ.
ເນື່ອງໃນໂອກາດວັນຄູແຫ່ງຊາດທີ່ໄດ້ໝູນວຽນມາບັນຈົບຄົບຮອບອີກວາລະໜຶ່ງນີ້ ຂໍຕາງໜ້າໃຫ້ຄະນະພັກ, ຄະນະອໍານວຍການ, ຄູວິທະຍາໄລສິລະປະແຫ່ງຊາດທຸກສະຫາຍ ຂໍອວຍພອນໄຊອັນປະເສີດມາຍັງຄູ ແລະ ຜູ້ບໍລິຫານການສຶກສາ, ຜູ້ປະກອບການການສຶກສາທຸກທ່ານຈົ່ງມີສຸຂະພາບເຂັ້ມແຂງ, ມີຄວາມສຸກຄວາມຈະເລີນ ແລະ ປະສົບຜົນສໍາເລັດໃນໜ້າທີ່ວຽກງານອັນສູງສົ່ງຂອງຕົນນໍ້າໃຈວັນຄູແຫ່ງຊາດ 7 ຕຸລາ ໝັ້ນຍືນ!.
