ໃນວັນທີ 21 ຕຸລາ ຜ່ານມາ ທີ່ຫ້ອງວ່າການປົກຄອງແຂວງ ສະຫາຍ ຄຳຜອຍ ວັນນະສານ ກໍາມະການສູນກາງພັກ ເລຂາພັກແຂວງ ເຈົ້າແຂວງຜົ້ງສາລີ ພ້ອມດ້ວຍຄະນະ ໄດ້ຕ້ອນຮັບການມາຢ້ຽມຢາມ ມິດຕະພາບ ຂອງ ສະຫາຍ ວູ້ ແມັກ ຮາ ກຳມະການສຳຮອງສູນກາງພັກກອມມູນິດຫວຽດນາມ ຮອງເລຂາພັກແຂວງລາຍເຈົ່າ ແຫ່ງ ສສ ຫວຽດນາມ ພ້ອມດ້ວຍຄະນະ. ໃນໂອກາດທີ່ໄດ້ນໍາພາຄະນະຜູ້ແທນ ຂອງ ແຂວງລາຍເຈົ່າ ເດີນທາງມາຢ້ຽມຢາມພາກເໜືອຂອງ ສປປ ລາວ.
ໂອກາດນີ້, ສະຫາຍ ຄຳຜອຍ ວັນນະສານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ຄະນະຜູ້ແທນແຂວງລາຍເຈົ່າ ສສ ຫວຽດນາມ ທີ່ໄດ້ເດີນທາງມາຢ້ຽມຢາມມິດຕະພາບຢູ່ແຂວງຜົ້ງສາລີ ຊຶ່ງເປັນການເສີມຂະຫຍາຍມູນເຊື້ອ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ເວົ້າລວມ, ເວົ້າສະເພາະ ແມ່ນ ແຂວງຜົ້ງສາລີ ກັບແຂວງລາຍເຈົ່ານັບມື້ເຂົ້າສູ່ລວງເລິກ. ໃນໂອກາດນີ້, ສະຫາຍ ຄຳຜອຍ ວັນນະສານ ຍັງໄດ້ລາຍງານກ່ຽວກັບສະພາບ ແລະ ໝາກຜົນແຫ່ງການສ້າງສາພັດທະນາແຂວງຜົ້ງສາລີ ໃນໄລຍະທີ່ຜ່ານມາ ຊຶ່ງປັດຈຸບັນທາງແຂວງພວມແກ້ໄຂ 8 ບັນຫາທີ່ທັງແຂວງພົບພໍ້ ຊຶ່ງໄດ້ກໍານົດ 16 ວຽກຕົ້ນຕໍ ເພື່ອຈັດຕັ້ງປະຕິບັດ ແລະ ໃນແຜນພັດທະນາເສດຖະກິດ-ສັງຄົມ ໃນ 5 ປີຕໍ່ໜ້າ (2021-2025) ແລະ ສຸມໃສ່ຈັດຕັ້ງປະຕິບັດ 6 ເປົ້າໝາຍຕົ້ນຕໍ, 11 ວຽກງານຈຸດສຸມ, 9 ແຜນງານ ແລະ 6 ທາງອອກ ຂອງແຂວງ, ພ້ອມກັນນັ້ນທາງແຂວງໄດ້ສຸມໃສ່ການພັດທະນາເສດຖະກິດຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມ ຫຍຸ້ງ ຍາກທາງດ້ານເສດຖະກິດ - ການເງິນ ຊຶ່ງໃນປີ 2022 ລວມຍອດມູນຄ່າຜະລິດຕະພັນ (GDP) ບັນລຸເປັນມູນຄ່າ 3.095,10 ຕື້ກີບ; ທຽບໃສ່ປີ2021 ເພີ່ມຂຶ້ນ 7,14%; ໂຄງປະກອບເສດຖະກິດບັນລຸ ລວມຍອດຜະລິດຕະພັນຂອງຂະແໜງກະສິກຳ-ປ່າໄມ້ ກວມ 47,44%; ຂະແໜງອຸດສາຫະກຳ-ຫັດຖະກຳກວມ 26,51%; ຂອງຂະແໜງການບໍລິການກວມ 23,56% ແລະ ຂະແໜງພາສີອາກອນຜະລິດຕະພັນ-ຂາເຂົ້າສຸດທິກວມ 2,49%ຂອງ GDP; ລວມຍອດຜະລິດຕະພັນສະເລ່ຍຕໍ່ຫົວຄົນບັນລຸໄດ້ 15,85 ລ້ານກີບ, ເທົ່າກັບ 923 ໂດລາ (ຕາມອັດຕາແລກປ່ຽນ 17.174 ກີບ ຕໍ່ 1 ໂດລາ). ສຳລັບການພົວພັນຮ່ວມມື ລະຫວ່າງ ຜົ້ງສາລີ ກັບແຂວງລາຍເຈົ່າ ນັບແຕ່ທ້າຍປີ 2019 ເຖິງຈະພົບພໍ້ກັບການແຜ່ລະບາດພະຍາດໂຄວິດ-19 ສອງແຂວງຜົ້ງສາລີ-ລາຍເຈົ່າ ກໍໄດ້ມີຄວາມພະຍາຍາມສືບຕໍ່ພົວພັນຮ່ວມມື ດ້ວຍຫຼາຍຮູບການ, ຫຼາຍຊ່ອງທາງ ແລະ ເຮັດໃຫ້ວຽກງານຕ່າງໆ ທີ່ໄດ້ກໍານົດໄວ້ໃນບົດບັນທຶກ ຂອງຄະນະຜູ້ແທນຂັ້ນສູງຂອງສອງແຂວງ ໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດເປັນຢ່າງດີ ຊຶ່ງໄລຍະ 5 ປີ (2018-2022) ຜ່ານມາ ຄະນະຜູ້ແທນແຂວງຜົ້ງສາລີ ໄດ້ໄປເຄື່ອນໄຫວຢູ່ແຂວງລາຍເຈົ່າ ລວມມີ 13 ຄະນະ, ມີ 120 ທ່ານ, ຍິງ 21 ທ່ານ ແລະ ໄດ້ຕ້ອນຮັບຄະນະຜູ້ແທນຈາກ ແຂວງລາຍເຈົ່າ ລວມ 9 ຄະນະ, ມີ 134 ທ່ານ ຍິງ34 ທ່ານ. ຜ່ານການພົວພັນຮ່ວມມືທີ່ກ່າວມານັ້ນ ແຂວງຜົ້ງສາລີ ໄດ້ແລກປ່ຽນບົດຮຽນໃນຫຼາຍດ້ານ ແລະ ໄດ້ຮັບການຊ່ວຍເຫຼືອດ້ານຕ່າງໆ ເປັນຕົ້ນດ້ານການກໍ່ສ້າງຊັບພະຍາກອນມະນຸດ, ການກໍ່ສ້າງພື້ນຖານໂຄງລ່າງຈໍານວນໜຶ່ງ ແລະ ໄດ້ຮັບການຊ່ວຍເຫຼືອດ້ານງົບປະມານ, ວັດຖຸອຸປະກອນ ໃນການປ້ອງກັນ, ສະກັດກັ້ນ ແລະ ຄວາມຄຸມພະຍາດໂຄວິດ-19 ຄິດເປັນມູນຄ່າຫຼາຍສົມຄວນ ລວມມູນຄ່າ 13,43 ຕື້ດົງ. ໃນໂອກາດນີ້ ສະຫາຍ ວູ້ ແມັກ ຮາ ກໍໄດ້ກ່າວສະແດງຄວາມຂອບອົກຂອບໃຈມາຍັງການນໍາ ຂອງແຂວງຜົ້ງສາລີ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນພ້ອມທັງລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະ ຈຸດປະສົງຂອງການມາເຄື່ອນໄຫວຢູ່ພາກເໜືອຂອງລາວໃຫ້ທ່ານເຈົ້າແຂວງຮັບຊາບ ແລະ ເພື່ອເຮັດການຮ່ວມມືລະຫວ່າງແຂວງລາຍເຈົ່າ ແລະ ແຂວງຜົ້ງສາລີທີ່ມີມາດົນນານແລ້ວນັ້ນໃຫ້ນັບມື້ແຕກດອກອອກຜົນຈະເລີນງອກງາມຍິ່ງຂຶ້ນໄປເລື້ອຍໆ.
ໃນໂອກາດທີ່ ສະຫາຍ ວູ້ ແມັກ ຮາ ພ້ອມດ້ວຍຄະນະມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີໃນຄັ້ງນີ້ ຍັງໄດ້ນຳເອົາເງິນມາມອບໃຫ້ກັບອົງການປົກຄອງແຂວງຜົ້ງສາລີ ຈຳນວນ 150 ລ້ານດົງ ຕື່ມອີກ ພ້ອມກັນນັ້ນການນຳທັງສອງແຂວງໄດ້ໄປຢ້ຽມຢາມເບິ່ງຕຶກປິ່ນປົວພິເສດ ຢູ່ໂຮງໝໍແຂວງ ຊຶ່ງໄດ້ຮັບການຊ່ວຍເຫຼືອຈາກແຂວງລາຍເຈົ່າ ສສ ຫວຽດນາມ ແລະ ທ່ຽວຊົມເທດສະບານໃໝ່ຂອງແຂວງຢູ່ເມືອງບຸນເໜືອອີກດ້ວຍ.
(ຂ່າວ-ພາບ: ແສງຄຳ ສາລີວັນ)
ໂອກາດນີ້, ສະຫາຍ ຄຳຜອຍ ວັນນະສານ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ຄະນະຜູ້ແທນແຂວງລາຍເຈົ່າ ສສ ຫວຽດນາມ ທີ່ໄດ້ເດີນທາງມາຢ້ຽມຢາມມິດຕະພາບຢູ່ແຂວງຜົ້ງສາລີ ຊຶ່ງເປັນການເສີມຂະຫຍາຍມູນເຊື້ອ ແລະ ເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ ສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ເວົ້າລວມ, ເວົ້າສະເພາະ ແມ່ນ ແຂວງຜົ້ງສາລີ ກັບແຂວງລາຍເຈົ່ານັບມື້ເຂົ້າສູ່ລວງເລິກ. ໃນໂອກາດນີ້, ສະຫາຍ ຄຳຜອຍ ວັນນະສານ ຍັງໄດ້ລາຍງານກ່ຽວກັບສະພາບ ແລະ ໝາກຜົນແຫ່ງການສ້າງສາພັດທະນາແຂວງຜົ້ງສາລີ ໃນໄລຍະທີ່ຜ່ານມາ ຊຶ່ງປັດຈຸບັນທາງແຂວງພວມແກ້ໄຂ 8 ບັນຫາທີ່ທັງແຂວງພົບພໍ້ ຊຶ່ງໄດ້ກໍານົດ 16 ວຽກຕົ້ນຕໍ ເພື່ອຈັດຕັ້ງປະຕິບັດ ແລະ ໃນແຜນພັດທະນາເສດຖະກິດ-ສັງຄົມ ໃນ 5 ປີຕໍ່ໜ້າ (2021-2025) ແລະ ສຸມໃສ່ຈັດຕັ້ງປະຕິບັດ 6 ເປົ້າໝາຍຕົ້ນຕໍ, 11 ວຽກງານຈຸດສຸມ, 9 ແຜນງານ ແລະ 6 ທາງອອກ ຂອງແຂວງ, ພ້ອມກັນນັ້ນທາງແຂວງໄດ້ສຸມໃສ່ການພັດທະນາເສດຖະກິດຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມ ຫຍຸ້ງ ຍາກທາງດ້ານເສດຖະກິດ - ການເງິນ ຊຶ່ງໃນປີ 2022 ລວມຍອດມູນຄ່າຜະລິດຕະພັນ (GDP) ບັນລຸເປັນມູນຄ່າ 3.095,10 ຕື້ກີບ; ທຽບໃສ່ປີ2021 ເພີ່ມຂຶ້ນ 7,14%; ໂຄງປະກອບເສດຖະກິດບັນລຸ ລວມຍອດຜະລິດຕະພັນຂອງຂະແໜງກະສິກຳ-ປ່າໄມ້ ກວມ 47,44%; ຂະແໜງອຸດສາຫະກຳ-ຫັດຖະກຳກວມ 26,51%; ຂອງຂະແໜງການບໍລິການກວມ 23,56% ແລະ ຂະແໜງພາສີອາກອນຜະລິດຕະພັນ-ຂາເຂົ້າສຸດທິກວມ 2,49%ຂອງ GDP; ລວມຍອດຜະລິດຕະພັນສະເລ່ຍຕໍ່ຫົວຄົນບັນລຸໄດ້ 15,85 ລ້ານກີບ, ເທົ່າກັບ 923 ໂດລາ (ຕາມອັດຕາແລກປ່ຽນ 17.174 ກີບ ຕໍ່ 1 ໂດລາ). ສຳລັບການພົວພັນຮ່ວມມື ລະຫວ່າງ ຜົ້ງສາລີ ກັບແຂວງລາຍເຈົ່າ ນັບແຕ່ທ້າຍປີ 2019 ເຖິງຈະພົບພໍ້ກັບການແຜ່ລະບາດພະຍາດໂຄວິດ-19 ສອງແຂວງຜົ້ງສາລີ-ລາຍເຈົ່າ ກໍໄດ້ມີຄວາມພະຍາຍາມສືບຕໍ່ພົວພັນຮ່ວມມື ດ້ວຍຫຼາຍຮູບການ, ຫຼາຍຊ່ອງທາງ ແລະ ເຮັດໃຫ້ວຽກງານຕ່າງໆ ທີ່ໄດ້ກໍານົດໄວ້ໃນບົດບັນທຶກ ຂອງຄະນະຜູ້ແທນຂັ້ນສູງຂອງສອງແຂວງ ໄດ້ຮັບການຈັດຕັ້ງປະຕິບັດ ແລະ ມີຜົນສໍາເລັດເປັນຢ່າງດີ ຊຶ່ງໄລຍະ 5 ປີ (2018-2022) ຜ່ານມາ ຄະນະຜູ້ແທນແຂວງຜົ້ງສາລີ ໄດ້ໄປເຄື່ອນໄຫວຢູ່ແຂວງລາຍເຈົ່າ ລວມມີ 13 ຄະນະ, ມີ 120 ທ່ານ, ຍິງ 21 ທ່ານ ແລະ ໄດ້ຕ້ອນຮັບຄະນະຜູ້ແທນຈາກ ແຂວງລາຍເຈົ່າ ລວມ 9 ຄະນະ, ມີ 134 ທ່ານ ຍິງ34 ທ່ານ. ຜ່ານການພົວພັນຮ່ວມມືທີ່ກ່າວມານັ້ນ ແຂວງຜົ້ງສາລີ ໄດ້ແລກປ່ຽນບົດຮຽນໃນຫຼາຍດ້ານ ແລະ ໄດ້ຮັບການຊ່ວຍເຫຼືອດ້ານຕ່າງໆ ເປັນຕົ້ນດ້ານການກໍ່ສ້າງຊັບພະຍາກອນມະນຸດ, ການກໍ່ສ້າງພື້ນຖານໂຄງລ່າງຈໍານວນໜຶ່ງ ແລະ ໄດ້ຮັບການຊ່ວຍເຫຼືອດ້ານງົບປະມານ, ວັດຖຸອຸປະກອນ ໃນການປ້ອງກັນ, ສະກັດກັ້ນ ແລະ ຄວາມຄຸມພະຍາດໂຄວິດ-19 ຄິດເປັນມູນຄ່າຫຼາຍສົມຄວນ ລວມມູນຄ່າ 13,43 ຕື້ດົງ. ໃນໂອກາດນີ້ ສະຫາຍ ວູ້ ແມັກ ຮາ ກໍໄດ້ກ່າວສະແດງຄວາມຂອບອົກຂອບໃຈມາຍັງການນໍາ ຂອງແຂວງຜົ້ງສາລີ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນພ້ອມທັງລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງ ແລະ ຈຸດປະສົງຂອງການມາເຄື່ອນໄຫວຢູ່ພາກເໜືອຂອງລາວໃຫ້ທ່ານເຈົ້າແຂວງຮັບຊາບ ແລະ ເພື່ອເຮັດການຮ່ວມມືລະຫວ່າງແຂວງລາຍເຈົ່າ ແລະ ແຂວງຜົ້ງສາລີທີ່ມີມາດົນນານແລ້ວນັ້ນໃຫ້ນັບມື້ແຕກດອກອອກຜົນຈະເລີນງອກງາມຍິ່ງຂຶ້ນໄປເລື້ອຍໆ.
ໃນໂອກາດທີ່ ສະຫາຍ ວູ້ ແມັກ ຮາ ພ້ອມດ້ວຍຄະນະມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຜົ້ງສາລີໃນຄັ້ງນີ້ ຍັງໄດ້ນຳເອົາເງິນມາມອບໃຫ້ກັບອົງການປົກຄອງແຂວງຜົ້ງສາລີ ຈຳນວນ 150 ລ້ານດົງ ຕື່ມອີກ ພ້ອມກັນນັ້ນການນຳທັງສອງແຂວງໄດ້ໄປຢ້ຽມຢາມເບິ່ງຕຶກປິ່ນປົວພິເສດ ຢູ່ໂຮງໝໍແຂວງ ຊຶ່ງໄດ້ຮັບການຊ່ວຍເຫຼືອຈາກແຂວງລາຍເຈົ່າ ສສ ຫວຽດນາມ ແລະ ທ່ຽວຊົມເທດສະບານໃໝ່ຂອງແຂວງຢູ່ເມືອງບຸນເໜືອອີກດ້ວຍ.
(ຂ່າວ-ພາບ: ແສງຄຳ ສາລີວັນ)
