ໃນວັນທີ19ພະຈິກນີ້, ອົົງການກາແດງແຫ່ງຊາດລາວໄດ້ເປີດກອງປະຊຸມທົບທວນແລະສ້າງແຜນປະຕິບັດງານການກຽມຄວາມພ້ອມການຕອບໂຕ້ໄພພິບັດທີ່ມີປະສິດທິພາບຂຶ້ນທີ່ທ່າລາດເມືອງແກ້ວອຸດົມແຂວງວຽງຈັນ, ໂດຍການເປັນປະທານຂອງທ່ານຄຳລາວັນຈັນທະລາວັນປະທານອົງການກາແດງແຫ່ງຊາດລາວແລະເປັນກຽດເຂົ້າຮ່ວມໂດຍທ່ານນາງບີນິຕ້າໂປ່ເດ່ວ (Binita POUDEL) ຜູ້ຕາງໜ້າອົງການກາແດງສະວິດປະຈຳສປປລາວ, ມີວິທະຍາກອນມາໃຫ້ຄວາມຮູ້ຈາກອົງການກາແດງສະວິດປະຈຳສປປລາວ, ສໍາມະນາກອນຈາກສູນກາງ, ບັນດາຫົວໜ້າແລະຮອງຫົວໜ້າອົງການກາແດງແຂວງໃນທົ່ວປະເທດເຂົ້າຮ່ວມທັງໝົດ33ທ່ານຍິງ11ທ່ານ.
ກອງປະຊຸມໃນຄັ້ງນີ້ແມ່ນເພື່ອທົບທວນຄືນຜົນຂອງການຈັດຕັ້ງປະຕິບັດວຽກງານການກຽມຄວາມພ້ອມຕອບໂຕ້ໄພພິບັດຢ່າງມີປະສິດທິພາບແລະປະສິດທິຜົນ, ເສີມສ້າງຂີດຄວາມສາມາດໃນການວາງແຜນປະຕິບັດງານການຕອບໂຕ້ໄພພິບັດຂອງອົງການກາແດງແຫ່ງຊາດລາວແລະອົງການກາແດງແຂວງໃນຂອບເຂດທົ່ວປະເທດໃນຕໍ່ໜ້າ.
ກອງປະຊຸມດຳເນີນຈົນເຖິງວັນທີ22 ພະຈິກ2024, ໂດຍໄດ້ຮັບການສະໜັບສະໜູນຈາກອົງການກາແດງສະວິດປະຈຳສປປລາວ.
(ຂ່າວ: ອົງການກາແດງ)
