ໃນວັນທີ 20 ພະຈິກ 2024 ນີ້, ຢູ່ທີ່ພະແນກແຜນການ ແລະ ການລົງທຶນ ແຂວງຫຼວງນໍ້າທາ ໄດ້ຈັດກອງປະຊຸມ ຄະນະຊີ້ນໍາຂັ້ນແຂວງ ຄັ້ງທີ I ໃນການສຳຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດ ຄັ້ງທີ V ປີ 2025 ໂດຍການເປັນປະທານຂອງ ທ່ານ ວົງມະນີ ເພື່ອປະຊາ ຫົວໜ້າພະແນະແຜນການ ແລະ ການລົງທຶນແຂວງຫຼວງນໍ້າທາ, ມີບັນດາຮອງຫນ້າພະແນການທີ່ກ່ຽວຂ້ອງ, ຮອງເຈົ້າເມືອງ 5 ເມືອງ, ຄະນະຮັບຜິດຊອບຂັ້ນແຂວງ, ຂັ້ນເມືອງເຂົ້າຮ່ວມ.
ທ່ານ ນັນທະວົງ ນັນທະລາດ ຮອງຫົວໜ້າພະແນກແຜນການ ແລະ ການລົງທຶນ ແຂວງ ໄດ້ຜ່ານຮ່າງບົດລາຍງານຄວາມຄືບໜ້າ ແລະ ແຜນດຳເນີນງານການກະກຽມສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ່ V ຄັ້ງທີ V ປີ 2025 ຊຶ່ງເປັນການສຳຫຼວດໃຫຍ່ ເພື່ອຈົດນັບທຸກຄົວເຮືອນ ແລະ ທຸກຄົນທີ່ອາໄສຢູ່ຜືນແຜ່ນດິນຂອງ ສປປ ລາວ ຊຶ່ງລວມເອົາຄົນລາວ, ຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດ. ນອກຈາກນັ້ນ, ການສໍາຫຼວດຍັງໄດ້ຈົດນັບເອົາຄົນລາວທີ່ໄປປະຕິບັດໜ້າທີ່ວຽກງານອອກແຮງງານ ແລະ ສຶກສາຮ່ຳຮຽນ ຢູ່ຕ່າງປະເທດ. ການສໍາຫຼວດຄັ້ງນີ້, ຈະໄດ້ຂໍ້ມູນ ຈຳນວນປະຊາກອນ, ຄຸນລັກສະນະທາງດ້ານປະຊາກອນ, ການຂະຫຍາຍຕົວ ແລະ ການແຈກຢາຍຂອງພົນລະເມືອງ, ສະພາບທາງດ້ານເສດຖະກິດ-ສັງຄົມ ແລະ ທີ່ຢູ່ອາໄສຂອງພົນລະເມືອງ ຊຶ່ງເປັນຂໍ້ມູນທີ່ສຳຄັນຫຼາຍໃນການຕິດຕາມ ແລະ ປະເມີນ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ເປົ້າໝາຍການພັດທະນາແບບຍືນຍົງ, ການຫຼຸດພົ້ນອອກຈາກປະເທດດ້ອຍພັດທະນາ ແລະ ການປັບປຸງນະໂຍບາຍທາງດ້ານພົນລະເມືອງ.
ແຜນດຳເນີນງານການສຳຫຼວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ນີ້, ໄດ້ເນັ້ນໃສ່ເນື້ອໃນຕົ້ນຕໍ ຊຶ່ງປະກອບມີທັງໝົດ 10 ພາກຄື: ພາກສະເໜີ, ຈຸດປະສົງ ແລະ ລະດັບຄາດໝາຍການສໍາຫຼວດ, ການຈັດຕັ້ງ ແລະ ໜ້າທີ່ແຕ່ລະຂັ້ນ, ການແບ່ງຄວາມຮັບຜິດຊອບໃນການຈັດຕັ້ງປະຕິບັດ, ການຈັດຕັ້ງປະຕິບັດພາກສະໜາມ, ວຽກງານປ້ອງກັນຄວາມສະຫງົບ, ວຽກງານໂຄສະນາ ແລະ ຍ້ອງຍໍ, ການປະກາດຜົນ ແລະ ເຜີຍແຜ່, ແຜນງົບປະມານ ແລະ ພາກສຸດທ້າຍສັງລວມແຜນຕາຕະລາງເວລາການສໍາຫຼວດ.
ການສຳຫຼວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ນີ້ ຈະເປັນແຫຼ່ງຂໍ້ມູນໜຶ່ງດຽວທີ່ສຳຄັນໃນການປັບປຸງຖານຂໍ້ມູນພົນລະເມືອງແຫ່ງຊາດ ຂອງ ສປປ ລາວ ຕະຫຼອດໄລຍະ 10 ປີ ຜ່ານມາ. ເປັນຂໍ້ມູນກ່ຽວກັບການຈະເລີນພັນ, ການເສຍຊີວິດ ແລະ ການເຄື່ອນຍ້າຍຂອງພົນລະເມືອງ, ກ່ຽວກັບຄຸນລັກສະນະຂອງພົນລະເມືອງ, ໂຄງປະກອບດ້ານອາຍຸ, ເພດ, ຊົນເຜົ່າ, ສາສະໜາ, ການຂຶ້ນທະບຽນການເກີດ, ການຖືບັດປະຈຳຕົວ-ສຳມະໂນຄົວ, ການສຶກສາ, ການປະກອບອາຊີບ, ເງື່ອນໄຂການດຳລົງຊີວິດ ແລະ ການເຂົ້າເຖິງການບໍລິການຕ່າງໆ. ເພື່ອຮັບໃຊ້ໃຫ້ແກ່ການຕິດຕາມ ແລະ ປະເມີນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ແລະ ການກະກຽມສ້າງແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ X, ສະໜອງໃຫ້ແກ່ການຕິດຕາມເປົ້າໝາຍການພັດທະນາແບບຍືນຍົງ ແລະ ວິໄສທັດຮອດ ປີ 2030, ການຫຼຸດພົ້ນອອກຈາກປະເທດດ້ອຍພັດທະນາ, ການປັບປຸງນະໂຍບາຍທາງດ້ານພົນລະເມືອງ ກໍຄືຍຸດທະສາດການພັດທະນາຊັບພະຍາກອນມະນຸດແຫ່ງຊາດ ຂອງ ສປປ ລາວ ແລະ ການຕິດຕາມແຜນງານທາງດ້ານພົນລະເມືອງ ໃນລະດັບຊາດ, ພາກພື້ນ ແລະ ສາກົນ ອີກດ້ວຍ.
(ຂ່າວ: ອຸ້ມ ສົມນໍວັນ)
ທ່ານ ນັນທະວົງ ນັນທະລາດ ຮອງຫົວໜ້າພະແນກແຜນການ ແລະ ການລົງທຶນ ແຂວງ ໄດ້ຜ່ານຮ່າງບົດລາຍງານຄວາມຄືບໜ້າ ແລະ ແຜນດຳເນີນງານການກະກຽມສຳຫຼວດພົນລະເມືອງ ແລະ ທີ່ຢູ່ອາໄສ ຄັ້ງທີ່ V ຄັ້ງທີ V ປີ 2025 ຊຶ່ງເປັນການສຳຫຼວດໃຫຍ່ ເພື່ອຈົດນັບທຸກຄົວເຮືອນ ແລະ ທຸກຄົນທີ່ອາໄສຢູ່ຜືນແຜ່ນດິນຂອງ ສປປ ລາວ ຊຶ່ງລວມເອົາຄົນລາວ, ຄົນຕ່າງປະເທດ, ຄົນຕ່າງດ້າວ ແລະ ຄົນບໍ່ມີສັນຊາດ. ນອກຈາກນັ້ນ, ການສໍາຫຼວດຍັງໄດ້ຈົດນັບເອົາຄົນລາວທີ່ໄປປະຕິບັດໜ້າທີ່ວຽກງານອອກແຮງງານ ແລະ ສຶກສາຮ່ຳຮຽນ ຢູ່ຕ່າງປະເທດ. ການສໍາຫຼວດຄັ້ງນີ້, ຈະໄດ້ຂໍ້ມູນ ຈຳນວນປະຊາກອນ, ຄຸນລັກສະນະທາງດ້ານປະຊາກອນ, ການຂະຫຍາຍຕົວ ແລະ ການແຈກຢາຍຂອງພົນລະເມືອງ, ສະພາບທາງດ້ານເສດຖະກິດ-ສັງຄົມ ແລະ ທີ່ຢູ່ອາໄສຂອງພົນລະເມືອງ ຊຶ່ງເປັນຂໍ້ມູນທີ່ສຳຄັນຫຼາຍໃນການຕິດຕາມ ແລະ ປະເມີນ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ, ເປົ້າໝາຍການພັດທະນາແບບຍືນຍົງ, ການຫຼຸດພົ້ນອອກຈາກປະເທດດ້ອຍພັດທະນາ ແລະ ການປັບປຸງນະໂຍບາຍທາງດ້ານພົນລະເມືອງ.
ແຜນດຳເນີນງານການສຳຫຼວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ນີ້, ໄດ້ເນັ້ນໃສ່ເນື້ອໃນຕົ້ນຕໍ ຊຶ່ງປະກອບມີທັງໝົດ 10 ພາກຄື: ພາກສະເໜີ, ຈຸດປະສົງ ແລະ ລະດັບຄາດໝາຍການສໍາຫຼວດ, ການຈັດຕັ້ງ ແລະ ໜ້າທີ່ແຕ່ລະຂັ້ນ, ການແບ່ງຄວາມຮັບຜິດຊອບໃນການຈັດຕັ້ງປະຕິບັດ, ການຈັດຕັ້ງປະຕິບັດພາກສະໜາມ, ວຽກງານປ້ອງກັນຄວາມສະຫງົບ, ວຽກງານໂຄສະນາ ແລະ ຍ້ອງຍໍ, ການປະກາດຜົນ ແລະ ເຜີຍແຜ່, ແຜນງົບປະມານ ແລະ ພາກສຸດທ້າຍສັງລວມແຜນຕາຕະລາງເວລາການສໍາຫຼວດ.
ການສຳຫຼວດພົນລະເມືອງ ແລະ ທີ່ຢູ່ອາໄສ ທົ່ວປະເທດ ຄັ້ງທີ V ປີ 2025 ນີ້ ຈະເປັນແຫຼ່ງຂໍ້ມູນໜຶ່ງດຽວທີ່ສຳຄັນໃນການປັບປຸງຖານຂໍ້ມູນພົນລະເມືອງແຫ່ງຊາດ ຂອງ ສປປ ລາວ ຕະຫຼອດໄລຍະ 10 ປີ ຜ່ານມາ. ເປັນຂໍ້ມູນກ່ຽວກັບການຈະເລີນພັນ, ການເສຍຊີວິດ ແລະ ການເຄື່ອນຍ້າຍຂອງພົນລະເມືອງ, ກ່ຽວກັບຄຸນລັກສະນະຂອງພົນລະເມືອງ, ໂຄງປະກອບດ້ານອາຍຸ, ເພດ, ຊົນເຜົ່າ, ສາສະໜາ, ການຂຶ້ນທະບຽນການເກີດ, ການຖືບັດປະຈຳຕົວ-ສຳມະໂນຄົວ, ການສຶກສາ, ການປະກອບອາຊີບ, ເງື່ອນໄຂການດຳລົງຊີວິດ ແລະ ການເຂົ້າເຖິງການບໍລິການຕ່າງໆ. ເພື່ອຮັບໃຊ້ໃຫ້ແກ່ການຕິດຕາມ ແລະ ປະເມີນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ IX ແລະ ການກະກຽມສ້າງແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ X, ສະໜອງໃຫ້ແກ່ການຕິດຕາມເປົ້າໝາຍການພັດທະນາແບບຍືນຍົງ ແລະ ວິໄສທັດຮອດ ປີ 2030, ການຫຼຸດພົ້ນອອກຈາກປະເທດດ້ອຍພັດທະນາ, ການປັບປຸງນະໂຍບາຍທາງດ້ານພົນລະເມືອງ ກໍຄືຍຸດທະສາດການພັດທະນາຊັບພະຍາກອນມະນຸດແຫ່ງຊາດ ຂອງ ສປປ ລາວ ແລະ ການຕິດຕາມແຜນງານທາງດ້ານພົນລະເມືອງ ໃນລະດັບຊາດ, ພາກພື້ນ ແລະ ສາກົນ ອີກດ້ວຍ.
(ຂ່າວ: ອຸ້ມ ສົມນໍວັນ)
