ບັນດາສະມາຊິກສະພາແຫ່ງຊາດ (ສສຊ) ຈາກເຂດເລືອກຕັ້ງຕ່າງໆ ໄດ້ສືບຕໍ່ປະກອບຄໍາເຫັນໃສ່ບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ຕໍ່ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 20 ພະຈິກນີ້, ບັນດາ ສສຊ ໄດ້ສະເໜີ ໃຫ້ລັດຖະບານ ສືບຕໍ່ແກ້ໄຂ ບັນຫາສຳຄັນ ຕິດພັນກັບການພັດທະນາເສດຖະກິດ-ສັງຄົມ ຂອງປະເທດ ເປັນຕົ້ນ ການພັດທະນາຊົນນະບົດ ແລະ ລຶບລ້າງຄວາມທຸກຍາກ, ການລົງທຶນຂອງບັນດາໂຄງການຕ່າງໆ.
ທ່ານ ນາງ ເກດມະນີ ບັນດາສັກ ສສຊ ເຂດເລືອກຕັ້ງທີ 1 ນະຄອນຫຼວງວຽງຈັນ ໄດ້ມີຄໍາເຫັນຫຼາຍບັນຫາ ໂດຍສະເພາະແມ່ນການຂຸດຄົ້ນບໍ່ແຮ່ ໃນນະຄອນຫຼວງວຽງຈັນ ທີ່ມີການຂະຫຍາຍຕົວ ຊຶ່ງໃນສະພາປະຊາຊົນນະຄອນຫຼວງວຽງຈັນ ໃນສະໄໝສາມັນເທື່ອທີ 6 ແມ່ນມີຄໍາເຫັນເປັນເອກະພາບກັນວ່າບໍ່ເຫັນດີໃຫ້ສືບຕໍ່ ຫຼື ຂະຫຍາຍການຂຸດຄົ້ນ ແຕ່ຄວາມເປັນຈິງແລ້ວ ການຂຸດຄົ້ນຍັງມີການຂະຫຍາຍຕົວ ຊຶ່ງຈຸດນີ້ແມ່ນບັນຫາທີ່ບັນດາສະມາຊິກສະພາໄດ້ເອົາໃຈໃສ່ຕິດຕາມ ໂດຍສະເພາະແມ່ນ ການຂຸດຄົ້ນເກືອກາຣີ ຢູ່ເມືອງປາກງື່ມ ແມ່ນອັນຕະລາຍຫຼາຍ ເນື່ອງ ຈາກວ່າການເຈາະແມ່ນ ເລິກເຖິງ 600 ແມັດ ຊຶ່ງມັນໄດ້ສ້າງຄວາມເສຍຫາຍໃນໄລຍະຍາວ ເພາະໃນບໍລິເວນທີ່ມີການຂຸດຄົ້ນ ແມ່ນຕັ້ງຢູ່ແຄມນໍ້າງື່ມ ແລະ ນໍ້າຂອງ ຖ້າເຮົາມີການຂຸດຄົ້ນໄປເລື້ອຍໆ ໃນອະນາຄົດ ອາດຈະເຮັດໃຫ້ດິນມີການເຊາະເຈື່ອນ ແລະ ສ້າງຄວາມເສຍຫາຍມະຫາສານຈົນປະເມີນບໍ່ໄດ້ ສະນັ້ນ, ຈຶ່ງຢາກໃຫ້ພາກສ່ວນທີ່ກ່ຽວຂ້ອງສັງລວມ ກ່ຽວກັບການຂຸດຄົ້ນໃນນະຄອນຫຼວງວ່າມີຈັກເມືອງ, ຈັກໂຄງການ ເພື່ອເປັນແນວທາງໃຫ້ສະມາຊິກສະພາແຫ່ງຊາດໄດ້ຕິດຕາມ ກວດກາ ວ່າໂຄງການດັ່ງກ່າວ ໄດ້ມາດຕະຖານ ຫຼື ບໍ່.
ອີກບັນຫາໜຶ່ງ ຂໍມີຄໍາເຫັນຕໍ່ວຽກງານການສຶກສາ ທີ່ບໍ່ມີຄຸນນະພາບ ຊຶ່ງເກີດຈາກຫຼາຍປັດໄຈ ເປັນຕົ້ນ ຄູບໍ່ມີຄຸນນະພາບໃນການສິດສອນທີ່ດີ, ຍ້ອນນັກຮຽນ ບໍ່ມີຄວາມກະຕືລືລົ້ນໃນການສຶກສາຮໍ່າຮຽນ, ຜູ້ປົກຄອງ ຕ້ອງສະໜັບໜູນໃຫ້ລູກໄດ້ສຶກສາຮໍ່າຮຽນ ແລະ ສິ່ງແວດລ້ອມສັງຄົມ ກໍເປັນສ່ວນສໍາຄັນທີ່ເຮັດໃຫ້ວຽກງານການສຶກສາຫຼຸດລົງຫຼາຍ ເວົ້າສະເພາະ ໃນນະຄອນຫຼວງວຽງຈັນ ການສຶກສາໃນເຂດຕົວເມືອງ ແລະ ຊົນນະບົດແມ່ນແຕກຕ່າງກັນຫຼາຍ ເນື່ອງຈາກວ່າ ເຂດຊົນນະບົດ ແມ່ນຂາດຄູ, ຄູຄົນດຽວ ສອນຫຼາຍວິຊາ ຈຶ່ງເຮັດໃຫ້ການສຶກສາ ບໍ່ມີຄຸນພາບ, ພ້ອມດຽວກັນ ຈໍານວນນັກຮຽນ ທີ່ເຂົ້າຮຽນກໍຫຼຸດລົງຫຼາຍ ຕໍ່ກັບບັນຫານີ້ ຂໍໃຫ້ກະຊວງສຶກສາທິການ ແລະ ກີລາເອົາໃຈໃສ່ຕື່ມ ຄວນມີຈຸດສຸມໃສ່ການສຶກສາ ໃນເຂດຫ່າງໄກສອກຫຼີກ ເພື່ອເຮັດໃຫ້ນັກຮຽນ ມີຄວາມສົນໃຈໃນການສຶກສາຫຼາຍຂຶ້ນ.
ແນວໃດກໍດີ ຕໍ່ວຽກນີ້ ມັນຕິດພັນກັບງົບປະມານທີ່ມີ ຊຶ່ງລັດຖະບານຈະຕ້ອງໄດ້ສຸມໃສ່ຢ່າງຈິງຈັງເພື່ອສ້າງການປ່ຽນແປງໃນລະບົບການສຶກສາໃນໄລຍະຍາວ.
ຂ່າວ-ພາບ: ຍຸພິນທອງ
ທ່ານ ນາງ ເກດມະນີ ບັນດາສັກ ສສຊ ເຂດເລືອກຕັ້ງທີ 1 ນະຄອນຫຼວງວຽງຈັນ ໄດ້ມີຄໍາເຫັນຫຼາຍບັນຫາ ໂດຍສະເພາະແມ່ນການຂຸດຄົ້ນບໍ່ແຮ່ ໃນນະຄອນຫຼວງວຽງຈັນ ທີ່ມີການຂະຫຍາຍຕົວ ຊຶ່ງໃນສະພາປະຊາຊົນນະຄອນຫຼວງວຽງຈັນ ໃນສະໄໝສາມັນເທື່ອທີ 6 ແມ່ນມີຄໍາເຫັນເປັນເອກະພາບກັນວ່າບໍ່ເຫັນດີໃຫ້ສືບຕໍ່ ຫຼື ຂະຫຍາຍການຂຸດຄົ້ນ ແຕ່ຄວາມເປັນຈິງແລ້ວ ການຂຸດຄົ້ນຍັງມີການຂະຫຍາຍຕົວ ຊຶ່ງຈຸດນີ້ແມ່ນບັນຫາທີ່ບັນດາສະມາຊິກສະພາໄດ້ເອົາໃຈໃສ່ຕິດຕາມ ໂດຍສະເພາະແມ່ນ ການຂຸດຄົ້ນເກືອກາຣີ ຢູ່ເມືອງປາກງື່ມ ແມ່ນອັນຕະລາຍຫຼາຍ ເນື່ອງ ຈາກວ່າການເຈາະແມ່ນ ເລິກເຖິງ 600 ແມັດ ຊຶ່ງມັນໄດ້ສ້າງຄວາມເສຍຫາຍໃນໄລຍະຍາວ ເພາະໃນບໍລິເວນທີ່ມີການຂຸດຄົ້ນ ແມ່ນຕັ້ງຢູ່ແຄມນໍ້າງື່ມ ແລະ ນໍ້າຂອງ ຖ້າເຮົາມີການຂຸດຄົ້ນໄປເລື້ອຍໆ ໃນອະນາຄົດ ອາດຈະເຮັດໃຫ້ດິນມີການເຊາະເຈື່ອນ ແລະ ສ້າງຄວາມເສຍຫາຍມະຫາສານຈົນປະເມີນບໍ່ໄດ້ ສະນັ້ນ, ຈຶ່ງຢາກໃຫ້ພາກສ່ວນທີ່ກ່ຽວຂ້ອງສັງລວມ ກ່ຽວກັບການຂຸດຄົ້ນໃນນະຄອນຫຼວງວ່າມີຈັກເມືອງ, ຈັກໂຄງການ ເພື່ອເປັນແນວທາງໃຫ້ສະມາຊິກສະພາແຫ່ງຊາດໄດ້ຕິດຕາມ ກວດກາ ວ່າໂຄງການດັ່ງກ່າວ ໄດ້ມາດຕະຖານ ຫຼື ບໍ່.
ອີກບັນຫາໜຶ່ງ ຂໍມີຄໍາເຫັນຕໍ່ວຽກງານການສຶກສາ ທີ່ບໍ່ມີຄຸນນະພາບ ຊຶ່ງເກີດຈາກຫຼາຍປັດໄຈ ເປັນຕົ້ນ ຄູບໍ່ມີຄຸນນະພາບໃນການສິດສອນທີ່ດີ, ຍ້ອນນັກຮຽນ ບໍ່ມີຄວາມກະຕືລືລົ້ນໃນການສຶກສາຮໍ່າຮຽນ, ຜູ້ປົກຄອງ ຕ້ອງສະໜັບໜູນໃຫ້ລູກໄດ້ສຶກສາຮໍ່າຮຽນ ແລະ ສິ່ງແວດລ້ອມສັງຄົມ ກໍເປັນສ່ວນສໍາຄັນທີ່ເຮັດໃຫ້ວຽກງານການສຶກສາຫຼຸດລົງຫຼາຍ ເວົ້າສະເພາະ ໃນນະຄອນຫຼວງວຽງຈັນ ການສຶກສາໃນເຂດຕົວເມືອງ ແລະ ຊົນນະບົດແມ່ນແຕກຕ່າງກັນຫຼາຍ ເນື່ອງຈາກວ່າ ເຂດຊົນນະບົດ ແມ່ນຂາດຄູ, ຄູຄົນດຽວ ສອນຫຼາຍວິຊາ ຈຶ່ງເຮັດໃຫ້ການສຶກສາ ບໍ່ມີຄຸນພາບ, ພ້ອມດຽວກັນ ຈໍານວນນັກຮຽນ ທີ່ເຂົ້າຮຽນກໍຫຼຸດລົງຫຼາຍ ຕໍ່ກັບບັນຫານີ້ ຂໍໃຫ້ກະຊວງສຶກສາທິການ ແລະ ກີລາເອົາໃຈໃສ່ຕື່ມ ຄວນມີຈຸດສຸມໃສ່ການສຶກສາ ໃນເຂດຫ່າງໄກສອກຫຼີກ ເພື່ອເຮັດໃຫ້ນັກຮຽນ ມີຄວາມສົນໃຈໃນການສຶກສາຫຼາຍຂຶ້ນ.
ແນວໃດກໍດີ ຕໍ່ວຽກນີ້ ມັນຕິດພັນກັບງົບປະມານທີ່ມີ ຊຶ່ງລັດຖະບານຈະຕ້ອງໄດ້ສຸມໃສ່ຢ່າງຈິງຈັງເພື່ອສ້າງການປ່ຽນແປງໃນລະບົບການສຶກສາໃນໄລຍະຍາວ.
ຂ່າວ-ພາບ: ຍຸພິນທອງ
