ຂ່າວຕ່າງປະເທດລາຍງານ ຫວ່າງບໍ່ດົນມານີ້ວ່າ: ກົມຢາງພາລາຂອງກຳປູເຈຍ ລາຍງານລາຍຮັບຈາກການສົ່ງອອກນ້ຳຢາງພາລາທຳມະຊາດຂອງກຳປູເຈຍ ໃນໄລຍະ 10 ເດືອນທຳອິດ (ມັງກອນ-ຕຸລາ) ຂອງປີນີ້ ລວມຢູ່ທີ່ 472 ລ້ານໂດລາ ເພີ່ມຂຶ້ນ 22.5% ຈາກໄລຍະດຽວກັນຂອງປີກ່ອນ.

ປະລິມານການສົ່ງອອກສິນຄ້າດັ່ງກ່າວຂອງກຳປູເຈຍ ໃນໄລຍະເດືອນມັງກອນ - ຕຸລາ ລວມຢູ່ທີ່ 291,269 ໂຕນ ເພີ່ມຂຶ້ນ 2.6% ຈາກໄລຍະດຽວກັນຂອງປີ 2023.

ທ່ານ ກຸນ ຄາຄາດາ ຮັກສາການອະທິບໍດີກົມຢາງພາລາຂອງກຳປູເຈຍ ລາຍງານລາຍຮັບຈາກການສົ່ງອອກນໍ້າຢາງທຳມະຊາດຂອງກຳປູເຈຍ ໃນໄລຍະ 10 ເດືອນທຳອິດ (ມັງກອນ - ຕຸລາ) ຂອງປີນີ້ ລວມ ຢູ່ທີ່ 1,621 ໂດລາ ເພີ່ມຂຶ້ນ 22.5% ຈາກໄລຍະດຽວກັນຂອງປີກ່ອນ. ກຳປູເຈຍ ສົ່ງອອກນໍ້າຢາງພາລາສູ່ມາເລເຊຍ, ຫວຽດນາມ, ສິງກະໂປ ແລະ ຈີນ ເປັນຫຼັກ.

ປັດຈຸບັນ, ກໍາປູເຈຍ ມີເນື້ອທີ່ປູກຕົ້ນຢາງ ລວມທັງໝົດ 4.07 ແສນເຮັກຕາ ຊຶ່ງຕົ້ນຢາງໃນເນື້ອທີ່ 3.2 ແສນເຮັກຕາ ແກ່ພໍຂີດເອົານໍ້າຢາງແລ້ວ.