ໃນວັນທີ 26 ພະຈິກນີ້, ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມຄະນະ ໄດ້ຢ້ຽມຢາມ ແລະ ເຮັດວຽກຢູ່ເມືອງຄອບ ໂດຍມີ ທ່ານ ສົມນືກ ສິງຄໍາ ວ່າການເຈົ້າເມືອງ, ມີການນໍາຫຼັກແຫຼ່ງຂອງເມືອງໃຫ້ການຕ້ອນຮັບ.

ທ່ານ ສົມນືກ ສິງຄໍາ ໄດ້ລາຍງານການ​ຈັດ​ຕັ້ງ​ປະ​ຕິ​ບັດ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ປີ 2024 ເປັນຕົ້ນ: ການຜະລິດເປັນສິນຄ້າ, ການຄ້າ-ຂາຍ, ການບໍລິການ ແລະ ການທຳມາຫາກິນອື່ນໆຂອງປະຊາຊົນ ຍັງດຳເນີນໄປເປັນປົກກະຕິ ຊຶ່ງສະແດງອອກຄື: ຊຸກ​ຍູ້​ການ​ຜ​ະ​ລິດ​ເຂົ້າ​ໃນ​ເນື້ອ​ທີ່ 2,377.98 ເຮັກ​ຕາ ​ເກັບ​ກ່ຽວ​ສຳ​ເລັດ 98% ຂອງ​ເນື້ອ​ທີ່​ທັງ​ໝົດ, ປູກມັນຕົ້ນໃນເນື້ອ​ທີ່ 2,822.05 ເຮັກ​ຕາ, ສາລີເເຂງເນື້ອ​ທີ່ 1,071 ເຮັກ​ຕາ, ຖົ່ວດິນ 240.69 ເຮັກ​ຕາ, ​ໝາກ​ເດືອຍ 2,545.2 ເຮັກ​ຕ​າ, ​ການ​ຜະ​ລິດ​ລະ​ດູ​ແລ້ງ​ເຊັ່ນ: ໝາກໂມ 30 ເຮັກ​ຕາ, ຖົ່ວເຫຼືອງ 200 ເຮັກ​ຕາ, ນາ​ແຊງ 150 ເຮັກ​ຕາ. ອັນທີ່ພົ້ນເດັ່ນແມ່ນການປູກຢາງພາລາ ສະເພາະໃນ​ປີນີ້​ປູກ​ໄດ້ 198,030 ເບ້ຍ ໃນເນື້ອທີ່ 248.60 ເຮັກຕາ. ນອກນີ້ ກໍໄດ້ປູກພືດຜັກອື່ນໆ ສາມາດຕອບສະໜອງການບໍລິໂພກພາຍໃນເມືອງໄດ້ໂດຍພື້ນຖານ, ເອົາໃຈໃສ່ສົ່ງເສີມການລ້ຽງສັດ ເຮັດ​ໃຫ້ມີສັດລ້ຽງປະເພດຄວາຍ 1,309 ໂຕ, ງົວ 24,000 ໂຕ ຊຶ່ງສາມາດຕອບສະໜອງການບໍລິໂພກພາຍໃນ ແລະ ສົ່ງຂາຍອອກຕ່າງເມືອງປະເພດຄວາຍ 56 ໂຕ, ງົວ 2,537 ໂຕ;​ ສົ່ງອອກສິນ​ຄ້າ​ທັງ​ໝົດ 4 ລ້ານໂດລາສາຫະລັດ; ນໍາເຂົ້າທັງໝົດ 76,127 ໂດລາສະຫະລັດ, ເກັບລາຍຮັບເຂົ້າງົບປະມານໄດ້ທັງໝົດ 2.85 ຕື້ກີບ ເທົ່າກັບ 113% ຂອງແຜນການປີ, ປະຕິບັດລາຍຈ່າຍໄດ້ 1.75 ຕຶ້ກີບ ເທົ່າກັບ 70% ຂອງແຜນການປີ, ຊູກຍູ້ບັນດາໂຮງງານຂຸດຄົ້ນ ແລະ ປຸງແຕ່ງຫີນປູນ ເຂົ້າໃນການກໍ່ສ້າງ ສາມາດຜະລິດໄດ້ທັງໝົດ 140 ພັນ​ກວ່າໂຕນ. ໃນນີ້ ຈໍາໜ່າຍພາຍໃນ 12 ພັນກວ່າໂຕນ ແລະ ​ຈຳໜ່າຍຕ່າງປະເທດ 139 ພັນ​ກວ່າໂຕນ, ສ້າງ​ທາງ​ເບ​ຕົງ​ໄດ້ 3 ບ້ານ​ຄື: ບ້ານ​ປາກ​ຄອບ ຍາວ 270 ແມັດ, ບ້ານ​ເຄິ່ງຫຼັກ​ຄຳ ຍາວ 100 ແມັດ ແລະ ​​ບ້ານ​ໄຈ​ສະ​ຫວ່າງ ຍາວ 160 ແມັດ. ວຽກງານວັດທະນະທໍາ-ສັງຄົມ ໄດ້ຖື​ສຳຄັນເປັນຕົ້ນແມ່ນນຳພາການປະຕິບັດການຮຽນ-ການສອນເປັນປົກກະຕິຢາງຕໍ່ເນື່ອງອັດ​ຕາ​ເຂົ້າ​ຮຽນ​ສຸດ​ທິ​ຂອງ​ເດັກ​ຊັ້ນ​ອາ​ນຸ​ບານປະ​ຕິ​ບັດ​ໄດ້ 81.2% ຊັ້ນ​ປະ​ຖົມ 98.9%, ມັດ​ທະ​ຍົມ​ຕົ້ນ 77.3%, ມັດ​ທະ​ຍົມ​ປາຍ 43.7%; ສັກຢາກັນພະຍາດໃຫ້ກຸ່ມແມ່ ແລະ ເດັກໄດ້ 87% ຂອງແຜນການປີ; ລົງສັກຍາວັກຊິນປ້ອງກັນພະຍາດໝາກ ແດງນ້ອຍ-ໝາກແດງໃຫຍ່ໄດ້ 85%.

(ຂ່າວ-ພາບ: ອຸ່ນເຮືອນ ໂພທິລັກ)