ວັນທີ 9 ທັນວານີ້,ຫວຽດເຈັດ (Vietjet) ຮັບເຮືອບິນໃໝ່ໃນເດືອນສຸດທ້າຍຂອງປີ 2024ເພື່ອຂະຫຍາຍເຮືອບິນທີ່ທັນສະໄໝ, ເຮືອບິນ Airbus A321neo ACF (Airbus Cabin Flex)ໄດ້ມາຮອດສະໜາມບິນສາກົນເຕິນເຊີນເຍີດນະຄອນໂຮ່ຈິມິນ ປະເທດ ສສ ຫວຽດນາມ ຫຼັງຈາກເດີນທາງອອກຈາກໂຮງງານ Airbus ໃນ Hamburg ປະເທດເຢຍລະມັນ ໂດຍຖືເປັນເຮືອບິນລຳທີ 111 ທີ່ເຂົ້າຮ່ວມເປັນເຮືອບິນທີ່ທັນສະໄໝລະດັບໂລກຂອງສາຍການບິນ.
Vietjetເປັນທີ່ຮູ້ຈັກສໍາລັບຄວາມເຂັ້ມແຂງຂອງຕົນໃນອາຊີຕາເວັນອອກສ່ຽງໃຕ້ແລະພາກພື້ນອື່ນໆລວມທັງຖ້ຽວບິນໂດຍກົງໄປກັບຈາກນະຄອນຫຼວງວຽງຈັນ. ການຂະຫຍາຍສາຍການບິນຂອງ Vietjetຍັງມີຂ່າວດີສໍາລັບນັກທ່ອງທ່ຽວລາວທີ່ຊອກຫາທາງເລືອກທີ່ສະດວກ, ລາຄາບໍ່ແພງ ແລະເປັນມິດກັບສິ່ງແວດລ້ອມສຳລັບການທ່ອງທ່ຽວໃນພາກພື້ນ ແລະ ຕ່າງປະເທດ. ດ້ວຍການອອກແບບຫ້ອງໂດຍສານທີ່ມີນະວັດຕະກໍາທີ່ຕອບສະໜອງໄດ້ມາດຕະຖານຫຼ້າສຸດສຳລັບຂະໜາດບ່ອນນັ່ງ ແລະ ໄລຍະຫ່າງ, ເຮືອບິນລຸ້ນໃໝ່ຂອງ Vietjetຈະສະໜອງປະສົບການ ການບິນທີ່ດີທີ່ສຸດໃຫ້ແກ່ຜູ້ໂດຍສານ. A321neo ຍັງຫຼຸດຜ່ອນການບໍລິໂພກນໍ້າມັນ ແລະ ການປ່ອຍອາຍມົນລະພິດເຖິງ 20% ແລະ ສຽງລົບກວນເຖິງ 50% ເມື່ອທຽບໃສ່ກັບເຮືອບິນລຸ້ນດຽວກັບລຸ້ນກ່ອນ.
Vietjetກຽມທີ່ຈະຕ້ອນຮັບເຮືອບິນໃໝ່ອີກ 3 ລໍາໃນເດືອນທັນວາ ຊຶ່ງເປັນສ່ວນໜຶ່ງຂອງແຜນການຂະຫຍາຍທຸລະກິດ. ນອກຈາກເຮືອບິນໃໝ່ທີ່ໄດ້ຮັບແລ້ວ, Vietjetຍັງມີແຜນຈະເຊົ່າເຮືອບິນລະຫວ່າງ 6 ຫາ 10 ລໍາໃນໄລຍະເທດສະການກຸດຈີນໃນເດືອນມັງກອນຫາເດືອນກຸມພາ ເພື່ອຮອງຮັບຄວາມຕ້ອງການ ຂອງນັກທ່ອງທ່ຽວຈາກພາຍໃນ ແລະ ຕ່າງປະເທດ.
ປີ 2024, Vietjetສືບຕໍ່ຄວາມເຕີບໃຫຍ່ເປັນທີ່ໜ້າປະທັບໃຈ ໂດຍສ້າງຝູງບິນທີ່ທັນສະ
ໄໝແລະຄ່ອງຕົວທີ່ສຸດແຫ່ງໜຶ່ງໃນພາກພື້ນ. ດ້ວຍຖ້ຽວບິນປະຈໍາວັນ ລະຫວ່າງນະຄອນຫຼວງວຽງຈັນ ແລະ ໂຮ່ຈິມິນ ຊຶ່ງແມ່ນນະຄອນໃຫຍ່ທີ່ສຸດຂອງຫວຽດນາມ ແລະເຄືອຂ່າຍການບິນທີ່ກວມເອົາຫຼາຍປາຍທາງທົ່ວໂລກ. ນັກທ່ອງທ່ຽວຈາກລາວຈຶ່ງມີຄວາມ
ໝັ້ນໃຈວ່າຈະໄດ້ເດີນທາງຢ່າງມ່ວນຊື່ນແລະໄດ້ຮັບບໍລິການທີ່ບໍ່ເຄີຍມີມາກ່ອນ.
ສາຍການບິນ VietJet ບໍ່ພຽງແຕ່ໄດ້ປະຕິວັດອຸດສາຫະກຳການບິນຢູ່ຫວຽດນາມເທົ່ານັ້ນ ແຕ່ຍັງແມ່ນສາຍການບິນບຸກເບີກໃນທົ່ວພາກພື້ນ ແລະ ທົ່ວໂລກ ໂດຍເນັ້ນໃສ່ຄວາມສາມາດໃນການບໍລິຫານຈັດການຕົ້ນທຶນ ການດຳເນີນງານມີປະສິດທິພາບ ການນຳໃຊ້ເຕັກໂນໂລຊີໃໝ່ຫຼ້າສຸດມາປະຍຸກໃຊ້ໃນທຸກກິດຈະກຳ ແລະ ເປັນຜູ້ນຳທີ່ທັນກະແສສັງຄົມ VietJet ສະເໜີໂອກາດການບິນດ້ວຍຄ່າໂດຍສານທີ່ປະຢັດ ແລະ ຄ່ອງຕົວ ພ້ອມທັງການບໍລິການທີ່ຫຼາກຫຼາຍເພື່ອຕອບສະໜອງຄວາມຕ້ອງການຂອງລູກຄ້າ.
VietJet ແມ່ນສະມາຊິກຂອງສະມາຄົມການຂົນສົ່ງທາງອາກາດສາກົນ ພ້ອມໃບຢັ້ງຢືນການກວດສອບຄວາມປອດໄພດ້ານການດຳເນີນງານຂອງສະມາຄົມການຂົນສົ່ງທາງອາກາດສາກົນ ໃນຖານະເປັນບໍລິສັດການບິນເອກະຊົນໃຫຍ່ທີ່ສຸດຂອງຫວຽດນາມ ສາຍການບິນດັ່ງກ່າວໄດ້ຮັບການຈັດອັນດັບຄວາມປອດໄພສູງສຸດລະດັບ 7 ດາວຈາກເວັບໄຊຈັດອັນກັບຄວາມປອດໄພ ແລະ ຜະລິດຕະພັນອັນດຽວຂອງໂລກໃນເວັບໄຊ airlineratings.com ແລະ ຖືກຈັດໃຫ້ເປັນໜຶ່ງໃນ 50 ສາຍການບິນທີ່ດີທີ່ສຸດໃນໂລກ ໃນດ້ານການເງິນ ແລະ ການດຳເນີນງານ ໂດຍວາລະສານ Air finance Journal ຫຼາຍປີຕິດຕໍ່ກັນ ສາຍການບິນດັ່ງກ່າວຍັງໄດ້ຮັບຊື່ເປັນຜູ້ໃຫ້ບໍລິການທີ່ມີລາຄາຖືກທີ່ດີທີ່ສຸດໂດຍອົງການຈັດຕັ້ງທີ່ມີຊື່ສຽງເຊັ່ນ: Skytrax, CAPA, Airline Ratings ແລະ ອື່ນໆ.
ຂ່າວ: ຕຸໄລເພັດ
