ເພື່ອເປັນການລະນຶກເຖິງວັນຄົນພິການສາກົນ, ກະຊວງສຶກສາທິການ ແລະ ກິລາ(ສສກ)ຮ່ວມກັບລັດຖະບານອົສຕຣາລີ ໂດຍຜ່ານແຜນງານບີຄວາຊຶ່ງແມ່ນແຜນງານທີ່ນຳພາໂດຍກະຊວງສຶກສາທິການ ແລະ ກິລາ ໂດຍການສະໜັບສະໜູນຈາກລັດຖະບານອົສຕຣາລີ ແລະ ອົງການພັດທະນາສາກົນຂອງປະເທດສະຫະລັດອາເມຣິກາ (USAID). ໄດ້ຈັດພິທີສະເຫຼີມສະຫຼອງວັນຄົນພິການສາກົນຂຶ້ນໃນວັນທີ 18 ທັນວາ 2024 ທີ່ສະຖາບັນຄົ້ນຄວ້າວິທະຍາສາດການສຶກສາໂດຍການເຂົ້າຮ່ວມຂອງທ່ານ ສໍາລານ ພັນຄະວົງ ຮອງລັດຖະມົນຕີກະຊວງສຶກສາທິການ ແລະ ກິລາ ແລະ ທ່ານ ນາງ ເບັນນິຕາ ຊຳເມີວິວຮອງເອກອັກຄະລັດຖະທູດອົສຕຣາລີ ປະຈຳ ສປປ ລາວພ້ອມດ້ວຍຜູ້ຕາງໜ້າຈາກບັນດາກົມຂອງກະຊວງສຶກສາທິການ ແລະ ກິລາ, ກະຊວງອ້ອມຂ້າງ, ອົງການຈັດຕັ້ງເພື່ອຄົນພິການ (OPDs), ຄູ່ຮ່ວມພັດທະນາ ແລະ ບັນດາອົງການຈັດຕັ້ງສາກົນເຂົ້າຮ່ວມ.
ທ່ານ ສໍາລານພັນຄະວົງ ໄດ້ຍົກໃຫ້ເຫັນເຖິງຄວາມສຳຄັນຂອງການປະສານງານ ແລະ ການຮ່ວມມື ເພື່ອບັນລຸເປົ້າໝາຍ ແລະ ຍຸດທະສາດການສຶກສາຮຽນຮ່ວມຮອດປີ 2030 ຂອງກະຊວງ ສສກ. ສສກ ແລະ ລັດຖະບານອົສຕຣາລີ ໄດ້ສົ່ງເສີມການຮ່ວມມືຢ່າງແໜ້ນແຟ້ນລະຫວ່າງບັນດາຜູ້ມີສ່ວນຮ່ວມທີ່ສຳຄັນ ເພື່ອບັນລຸຄຸນນະພາບການສຶກສາທີ່ເໝາະສົມສຳລັບຄົນພິການຊຶ່ງການຈັດກິດຈະກຳຄັ້ງນີ້ຈຸດປະສົງເພື່ອຮັດແໜ້ນການຮ່ວມມືລະຫວ່າງບັນດາພາກສ່ວນຂອງຂະແໜງການສຶກສາ ແລະ ບັນດາຜູ້ມີສ່ວນຮ່ວມທີ່ສຳຄັນເພື່ອພັດທະນາການສຶກສາຮຽນຮ່ວມໃນ ສປປ ລາວ ໃຫ້ມີຄວາມກ້າວໜ້າ. ໃນໂອກາດນີ້ ກໍໄດ້ຮັບຄຳໝັ້ນສັນຍາຈາກຜູ້ເຂົ້າຮ່ວມທັງໝົດ ເພື່ອຊ່ວຍກັນລຶບລ້າງບັນດາອຸປະສັກ ແລະ ສົ່ງເສີມການເຂົ້າເຖິງການສຶກສາທີ່ມີຄຸນນະພາບຢ່າງເທົ່າທຽມກັນສຳລັບຄົນພິການ ທີ່ຢູ່ ສປປ ລາວ.
ທ່ານ ນາງ ເບັນນິຕາ ຊຳເມີວິວ ໄດ້ກ່າວວ່າ: ການສົ່ງເສີມສິດຂອງຄົນພິການແມ່ນສະທ້ອນເຖິງ ນະໂຍບາຍຂອງລັດຖະບານອົສຕຣາລີ ທີ່ໄດ້ໃຫ້ຄວາມສຳຄັນຕໍ່ວຽກງານດັ່ງກ່າວ, ຍຸດທະສາດຄວາມສະເໝີພາບດ້ານຄວາມພິການ ແລະ ສິດທິສາກົນສະບັບໃໝ່ຂອງອົສຕຣາລີໄດ້ເລີ່ມຈັດຕັ້ງປະຕິບັດໃນວັນທີ 28 ພະຈິກ 2024ຊຶ່ງເປັນການຫັນປ່ຽນຈຸດສຸມຂອງພວກເຮົາຈາກການລວມເອົາຄວາມພິການໄປສູ່ຄວາມສະເໝີພາບຂອງຄວາມພິການ ແລະ ສິດທິ, ວາງແນວທາງການຮ່ວມມືກັບຄົນພິການເປັນຈຸດໃຈກາງຂອງການຮ່ວມມືລະດັບສາກົນ.ຜ່ານການເຄື່ອນໄຫວໃນຫຼາຍກິດຈະກຳ, ພາຍໃນງານຄັ້ງນີ້ໄດ້ນຳເອົາຫົວຂໍ້ຂອງວັນຄົນພິການສາກົນ ປີ 2024 ຄື: ເພີ່ມທະວີຄວາມເປັນຜູ້ນຳຂອງຜູ້ທີ່ມີຄວາມເປັນພິການ ເພື່ອອະນາຄົດທີ່ມີການລວມເອົາພວກເຂົາ ແລະ ອະນາຄົດທີ່ຍືນຍົງ
ໃນພິທີຜູ້ເຂົ້າຮ່ວມໄດ້ຮັບຊົມການສະແດງບົດຟ້ອນແລະຮ້ອງເພງຊາດລາວເປັນພາສາມືຈາກນັກຮຽນສູນມືແຫ່ງຄວາມຫວັງ; ການຫຼິ້ນດົນຕີ ແລະ ຮ້ອງເພງຂອງນັກຮຽນຈາກໂຮງຮຽນຄົນຕາບອດ; ຊຶ່ງເຮັດໃຫ້ຜູ້ເຂົ້າຮ່ວມໄດ້ຮັບແຮງບັນດານໃຈຈາກການຮັບຟັງຕົວຢ່າງຕ່າງໆກ່ຽວກັບການນໍາພາໂດຍຄົນພິການ ທີ່ບອກເລົ່າໂດຍຜູ້ຕາງໜ້າຈາກ ສສກ ແລະ ບັນດາການຈັດຕັ້ງຂອງຄົນພິການໃນ ສປປ ລາວ. ໄດ້ມີການແລກປ່ຽນສົນທະນາຍົກໃຫ້ເຫັນເຖິງ ສຽງ ແລະ ການເປັນຜູ້ນຳຂອງຄົນພິການ ໂດຍຜ່ານການສົນທະນາກ່ຽວກັບຍຸດທະສາດເພື່ອຊ່ວຍໃຫ້ຄູພັດທະນາທັກສະການສອນທີ່ເຂົ້າໃຈຄົນພິການ ແລະ ຄົນປົກກະຕິສາມາດຮຽນຮ່ວມກັນໄດ້ ແລະ ວິທີຮັບປະກັນໃຫ້ໂຮງຮຽນເປັນບ່ອນປອດໄພສຳລັບຄົນພິການ.
ຂ່າວ-ພາບ: ຍຸພິນທອງ
ທ່ານ ສໍາລານພັນຄະວົງ ໄດ້ຍົກໃຫ້ເຫັນເຖິງຄວາມສຳຄັນຂອງການປະສານງານ ແລະ ການຮ່ວມມື ເພື່ອບັນລຸເປົ້າໝາຍ ແລະ ຍຸດທະສາດການສຶກສາຮຽນຮ່ວມຮອດປີ 2030 ຂອງກະຊວງ ສສກ. ສສກ ແລະ ລັດຖະບານອົສຕຣາລີ ໄດ້ສົ່ງເສີມການຮ່ວມມືຢ່າງແໜ້ນແຟ້ນລະຫວ່າງບັນດາຜູ້ມີສ່ວນຮ່ວມທີ່ສຳຄັນ ເພື່ອບັນລຸຄຸນນະພາບການສຶກສາທີ່ເໝາະສົມສຳລັບຄົນພິການຊຶ່ງການຈັດກິດຈະກຳຄັ້ງນີ້ຈຸດປະສົງເພື່ອຮັດແໜ້ນການຮ່ວມມືລະຫວ່າງບັນດາພາກສ່ວນຂອງຂະແໜງການສຶກສາ ແລະ ບັນດາຜູ້ມີສ່ວນຮ່ວມທີ່ສຳຄັນເພື່ອພັດທະນາການສຶກສາຮຽນຮ່ວມໃນ ສປປ ລາວ ໃຫ້ມີຄວາມກ້າວໜ້າ. ໃນໂອກາດນີ້ ກໍໄດ້ຮັບຄຳໝັ້ນສັນຍາຈາກຜູ້ເຂົ້າຮ່ວມທັງໝົດ ເພື່ອຊ່ວຍກັນລຶບລ້າງບັນດາອຸປະສັກ ແລະ ສົ່ງເສີມການເຂົ້າເຖິງການສຶກສາທີ່ມີຄຸນນະພາບຢ່າງເທົ່າທຽມກັນສຳລັບຄົນພິການ ທີ່ຢູ່ ສປປ ລາວ.
ທ່ານ ນາງ ເບັນນິຕາ ຊຳເມີວິວ ໄດ້ກ່າວວ່າ: ການສົ່ງເສີມສິດຂອງຄົນພິການແມ່ນສະທ້ອນເຖິງ ນະໂຍບາຍຂອງລັດຖະບານອົສຕຣາລີ ທີ່ໄດ້ໃຫ້ຄວາມສຳຄັນຕໍ່ວຽກງານດັ່ງກ່າວ, ຍຸດທະສາດຄວາມສະເໝີພາບດ້ານຄວາມພິການ ແລະ ສິດທິສາກົນສະບັບໃໝ່ຂອງອົສຕຣາລີໄດ້ເລີ່ມຈັດຕັ້ງປະຕິບັດໃນວັນທີ 28 ພະຈິກ 2024ຊຶ່ງເປັນການຫັນປ່ຽນຈຸດສຸມຂອງພວກເຮົາຈາກການລວມເອົາຄວາມພິການໄປສູ່ຄວາມສະເໝີພາບຂອງຄວາມພິການ ແລະ ສິດທິ, ວາງແນວທາງການຮ່ວມມືກັບຄົນພິການເປັນຈຸດໃຈກາງຂອງການຮ່ວມມືລະດັບສາກົນ.ຜ່ານການເຄື່ອນໄຫວໃນຫຼາຍກິດຈະກຳ, ພາຍໃນງານຄັ້ງນີ້ໄດ້ນຳເອົາຫົວຂໍ້ຂອງວັນຄົນພິການສາກົນ ປີ 2024 ຄື: ເພີ່ມທະວີຄວາມເປັນຜູ້ນຳຂອງຜູ້ທີ່ມີຄວາມເປັນພິການ ເພື່ອອະນາຄົດທີ່ມີການລວມເອົາພວກເຂົາ ແລະ ອະນາຄົດທີ່ຍືນຍົງ
ໃນພິທີຜູ້ເຂົ້າຮ່ວມໄດ້ຮັບຊົມການສະແດງບົດຟ້ອນແລະຮ້ອງເພງຊາດລາວເປັນພາສາມືຈາກນັກຮຽນສູນມືແຫ່ງຄວາມຫວັງ; ການຫຼິ້ນດົນຕີ ແລະ ຮ້ອງເພງຂອງນັກຮຽນຈາກໂຮງຮຽນຄົນຕາບອດ; ຊຶ່ງເຮັດໃຫ້ຜູ້ເຂົ້າຮ່ວມໄດ້ຮັບແຮງບັນດານໃຈຈາກການຮັບຟັງຕົວຢ່າງຕ່າງໆກ່ຽວກັບການນໍາພາໂດຍຄົນພິການ ທີ່ບອກເລົ່າໂດຍຜູ້ຕາງໜ້າຈາກ ສສກ ແລະ ບັນດາການຈັດຕັ້ງຂອງຄົນພິການໃນ ສປປ ລາວ. ໄດ້ມີການແລກປ່ຽນສົນທະນາຍົກໃຫ້ເຫັນເຖິງ ສຽງ ແລະ ການເປັນຜູ້ນຳຂອງຄົນພິການ ໂດຍຜ່ານການສົນທະນາກ່ຽວກັບຍຸດທະສາດເພື່ອຊ່ວຍໃຫ້ຄູພັດທະນາທັກສະການສອນທີ່ເຂົ້າໃຈຄົນພິການ ແລະ ຄົນປົກກະຕິສາມາດຮຽນຮ່ວມກັນໄດ້ ແລະ ວິທີຮັບປະກັນໃຫ້ໂຮງຮຽນເປັນບ່ອນປອດໄພສຳລັບຄົນພິການ.
ຂ່າວ-ພາບ: ຍຸພິນທອງ
