ການແຂ່ງຂັນກິລາໜ້າເກັກ ໃນງານມະຫະກໍາກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ໄດ້ເລີ່ມແຂ່ງຂັນໃນວັນທີ 14-18 ທັນວານີ້ ທີ່ສະໂມສອນໂຮງຮຽນ ມສ ຊົນເຜົ່າມີທັງໝົດ 32 ຄະນະ, ໃນນັ້ນທີມຊາຍ 16 ຄະນະ ແລະ ທີມຍິງ 16 ຄະນະ, ມີລາຍການແຂ່ງຂັນທັງໝົດ 12 ລາຍການ, ປະເພດຊາຍ 6 ລາຍການ ແລະ ຍິງ 6 ລາຍການ ຄື: ດ່ຽວຍິງ-ຊາຍ, ຄູ່ຍິງ-ຊາຍ ແລະ ທີມຍິງ-ຊາຍ, ມີໄລຍະແຂ່ງຂັນ 10 ແມັດ, 15 ແມັດ ແລະ ໄລຍະ 20 ແມັດ ໃນທ່ານັ່ງ ແລະ ທ່າຢືນ.
ຜົນການແຂ່ງຂັນໃນປະເພດຊາຍ ລາຍການດ່ຽວ ໄລຍະ 15 ແມັດ ຫຼຽນຄຳ ເປັນຂອງແຂວງອັດຕະປື, ຫຼຽນເງິນ ໄດ້ແກ່ແຂວງຊຽງຂວາງ, ຫຼຽນທອງ ໄດ້ແກ່ແຂວງຫົວພັນ. ໃນໄລຍະ 20 ແມັດ, ແຂວງຊຽງຂວາງ ຍາດໄດ້ຫຼຽນຄຳ ໄປຄອງ, ຫຼຽນເງິນແຂວງອັດຕະປື, ຫຼຽນທອງ ແຂວງຫຼວງພະບາງ. ລາຍການຄູ່ ໄລຍະ 15 ແມັດ, ຫຼຽນຄໍາ ແຂວງຫົວພັນ, ຫຼຽນເງິນ ແຂວງຈຳປາສັກ, ຫຼຽນທອງ ແຂວງຊຽງຂວາງ; ໄລຍະ 20 ແມັດຫຼຽນຄຳແຂວງໄຊຍະບູລີ, ຫຼຽນເງິນ ແຂວງຫົວພັນ ແລະ ຫຼຽນທອງ ແຂວງອັດຕະປື; ລາຍການທີມ ໄລຍະ 20 ແມັດ, ຫຼຽນຄຳແຂວງຊຽງຂວາງ, ຫຼຽນເງິນ ນະຄອນຫຼວງວຽງຈັນ ແລະ ຫຼຽນທອງ ແຂວງບໍລິຄໍາໄຊ, ໄລຍະ 15 ແມັດຫຼຽນຄຳແຂວງຈຳປາສັກ;ຫຼຽນເງິນໄດ້ແກ່ ຊຽງຂວາງ, ຫຼຽນທອງ ແຂວງໄຊຍະບູລີ.
ສຳລັບຜົນການແຂ່ງຂັນປະເພດຍິງ ລາຍການດ່ຽວ ໄລຍະ 10 ແມັດ, ຫຼຽນຄຳແຂວງຈໍາປາສັກ, ຫຼຽນເງິນ ແຂວງເຊກອງ, ຫຼຽນທອງ ນະຄອນຫຼວງວຽງຈັນ; ໄລຍະ 15 ແມັດ, ຫຼຽນຄຳນະຄອນຫຼວງວຽງຈັນ , ຫຼຽນເງິນ ແຂວງຫົວພັນ, ຫຼຽນທອງ ແຂວງອັດຕະປື; ລາຍການຄູ່ ໄລຍະ 10 ແມັດຫຼຽນຄຳແຂວງຫຼວງພະບາງ, ຫຼຽນເງິນ ແຂວງຊຽງແຂວງ ແລະ ຫຼຽນທອງ ແຂວງຈຳປາສັກ;ໄລຍະ 15 ແມັດຫຼຽນຄຳ ແຂວງຫົວພັນ, ຫຼຽນເງິນ ແຂວງອັດຕະປື ແລະ ຫຼຽນທອງແຂວງໄຊຍະບູລີ; ສ່ວນທີມຍິງ ໄລຍະ 10 ແມັດ, ຫຼຽນຄຳແຂວງຫຼວງພະບາງ, ຫຼຽນເງິນ ແຂວງຊຽງຂວາງ ແລະ ຫຼຽນທອງ ແຂວງໄຊຍະບູລີ; ໄລຍະ 15 ແມັດ ຫຼຽນຄໍາ ແຂວງບໍລິຄໍາໄຊ, ຫຼຽນເງິນ ນະຄອນຫຼວງວຽງຈັນ ແລະ ຫຼຽນທອງ ແຂວງອັດຕະປື.
ໃນວັນທີ 18 ທັນວານີ້, ໄດ້ມີພິທີມອບຫຼຽນ ໃນທັງໝົດ 12 ລາຍການທີ່ສະໂມສອນ ໂຮງຮຽນ ມສ ຊົນເຜົ່າ, ໃຫ້ກຽດມອບໂດຍທ່ານ ສົມຄິດ ແສນທະວີ ປະທານສະຫະພັນກິລາໜ້າເກັກແຂວງສາລະວັນ, ພ້ອມດ້ວຍບັນດາທ່ານຮອງ ແລະ ຄະນະສະຫະພັນກິລາໜ້າເກັກແຂວງ ແລະ ບັນດາຕາງໜ້າແຂວງທີ່ເຂົ້າຮ່ວມ.
(ຂ່າວ-ພາບ: ວິໄລວອນ ສິດທິໄຊ)