ເທຄວັນໂດ ແຂວງສາລະວັນ ສາມາດຍາດໄດ້ 5 ຫຼຽນ, ໃນໄລຍະ 2 ວັນຂອງການແຂ່ງຂັນ ເທຄວັນໂດ ໃນງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ VII ທີ່ແຂວງສາລະວັນ ເປັນເຈົ້າພາບ.
ການແຂ່ງຂັນໃນຄັ້ງນີ້ ມີທັງໝົດ 9 ແຂວງ, 1 ນະຄອນຫຼວງ; ສຳລັບ ແຂວງສາລະວັນ ມີ10 ຄົນ, ມີ 2 ລາຍການແຂ່ງຂັນ ຄື: ລາຍການ ຕໍ່ສູ້ ມີ 6ລຸ້ນ, ເພດຊາຍ 4 ລຸ້ນ ມີ: ລຸ້ນນໍ້າໜັກ 46, 48, 50 ແລະ 54 ກິໂລ; ເພດຍິງ ມີ 46 ແລະ 44; ມີ 4 ລາຍການຄື: ດ່ຽວຍິງ, ດ່ຽວຊາຍ, ຄູ່ປະສົມຍິງ-ຊາຍ ແລະ ທີມປະສົມ.
ສຳລັບການແຂ່ງຂັນໃນໄລຍະ 2 ວັນຄື: ວັນທີ 17-18 ທັນວາ 2024 ນັກກິລາເທຄວັນໂດ ແຂວງສາລະວັນ ສາມາດຍາດໄດ້ 4 ຫຼຽນຄຳ ແລະ 1 ຫຼຽນເງິນ, ໃນນີ້ ປະເພດດ່ຽວຊາຍ ຫຼຽນຄຳທ້າວ ອະນຸພົງ ຊານິກວຽນ; ຫຼຽນຄຳ ປະເພດດ່ຽວຍິງ ນາງ ຈິນດາວັນ ຄູນໄຊຍະບູສີ ແລະ ຫຼຽນຄຳ ປະເພດທີມຍິງ ຫຼຽນຄຳ ປະເພດ ຕໍ່ສູ້ຍິງ ລຸ້ນນໍ້າໜັກ 43 ກິໂລ ແມ່ນ ນາງລິນດາ ເຂັມມາລາ; ຫຼຽນເງິນ ປະເພດ ຕໍ່ສູ້ຊາຍ ລຸ້ນນໍ້າໜັກ ບໍ່ເກີນ 48 ກິໂລ ແມ່ນ ທ້າວ ລັດຕະນະພອນ ລັດຕະນະເສີດ.
ສໍາລັບພິທີ ໄດ້ມີການມອບລາງວັນແຕ່ລະລໍາດັບ ໂດຍໃຫ້ກຽດມອບຂອງ ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ຮອງປະທານຄະນະກຳມະການລະດັບຊາດ ຈັດງານມະຫະກຳ ກິລານັກຮຽນ ມັດທະຍົມສຶກສາ ທົ່ວປະເທດ ຄັ້ງທີ VII ຕໍ່ດ້ວຍບັນດາທ່ານທີ່ຢູ່ໃນຄະນະກໍາມະການຈັດງານຕາມລຳດັບ. ການແຂ່ງຂັນເລີ່ມແຕ່ ວັນທີ 17 ທັນວາ ແລະຈະໄດ້ດຳເນີນໄປຮອດວັນທີ 20 ທັນວາ 2024.
(ຂ່າວ-ພາບ:ບຸນອູ້ມ)