ງານບຸນມະໂຫລານປຶ້ມ ແລະ ກິດຈະກຳສົ່ງເສີມການອ່ານຄັ້ງທີ V ໄດ້ຈັດຂຶ້ນໃນວັນທີ 19 ທັນວານີ້ ທີ່ສູນການຄ້າລາວ-ໄອເຕັກ (ຕຶກເກົ່າຊັ້ນ 2) ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງທ່ານສິນລະວົງ ຄຸດໄພທູນປະທານສູນກາງແນວລາວສ້າງຊາດ, ທ່ານໄຊບັນດິດ ຣາຊະພົນ ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດລາວ ຄະນະກໍາມະການຈັດງານບຸນມະໂຫລານປຶ້ມ ແລະ ກິດຈະກຳສົ່ງເສີ່ມການອ່ານຄັ້ງທີ V, ມີຄູ-ອາຈານ, ນັກຮຽນ, ນັກສຶກສາ, ພ້ອມດ້ວຍແຂກຖືກເຊີນເຂົ້າຮ່ວມ.
ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວ (ຖວທ) ໄດ້ກ່າວເປີດງານວ່າ: ບຸນມະໂຫລານປຶ້ມ ແລະ ກິດຈະກຳສົ່ງເສີມການອ່ານເປັນເວທີໜຶ່ງທີ່ສ້າງໂອກາດໃຫ້ແກ່ເດັກນ້ອຍລາວ ໄດ້ສະແດງຄວາມສາມາດທາງດ້ານການສະແດງ, ການຄິດ, ການແຕ້ມ ແລະ ພອນສະຫວັນດ້ານຕ່າງໆ ເຮັດໃຫ້ເດັກໄດ້ຮັບໂອກາດດີໆໃນການສະແດງອອກໃນເວທີ ທີ່ສໍາຄັນ ແລະ ທັງເປັນການປະກອບສ່ວນປຸກລະດົມໃນທົ່ວສັງຄົມໄດ້ປະກອບສ່ວນທຶນຮອນໃນການຈັດຊື້ປຶ້ມອ່ານ, ປຶ້ມນິທານຕ່າງໆທີ່ມີຄວາມຫຼາກຫຼາຍເພື່ອໃຫ້ຜູ້ອ່ານໄດ້ໃຊ້ເວລາໃຫ້ເກີດປະໂຫຍດໃນການຊອກຫາປຶ້ມອ່ານເພື່ອເສີມທັກສະຄວາມຮູ້ໃຫ້ແກ່ຕົນເອງ.
ທ່ານ ນາງ ສວນສະຫວັນ ວິຍະເກດ ກ່າວຕື່ມວ່າ: ມາຮອດປັດຈຸບັນ, ວຽກງານຫໍສະໝຸດມີການພັດທະນາໄດ້ຂະຫຍາຍຕົວທັງທາງດ້ານປະລິມານ ແລະ ຄຸນນະພາບ. ປັດຈຸບັນນອກຈາກມີຫໍສະໝຸດແຫ່ງຊາດ 1 ແຫ່ງ, ຍັງມີຫໍສະໝຸດທ້ອງຖິ່ນ ຈໍານວນ 10 ແຫ່ງ, ຫໍສະໝຸດວິທະຍາໄລ, ມະຫາວິທະຍາໄລ ແລະ ສະຖາບັນວິຊາຊີບ ຈໍານວນ 99 ແຫ່ງ, ຫ້ອງອ່ານ-ມູມອ່ານຈໍານວນ 1,968 ແຫ່ງທີ່ເປີດໃຫ້ບໍລິການອ່ານຢ່າງເປັນປົກກະຕິ. ສໍາລັບວຽກງານການອອກທະບຽນພິມປຶ້ມສາມາດອອກທະບຽນປຶ້ມບັນລຸຈຳນວນ 1,668 ຫົວເລື່ອງ ແລະ ໄດ້ພິມອອກຈໍານວນ 7,895,000 ຫົວ. ຫໍສະໝຸດແຫ່ງຊາດ ກໍຄືບັນດາພາກສ່ວນທີ່ກ່ຽວຂ້ອງຂອງ ກະຊວງ ຖວທ ໄດ້ເຄື່ອນໄຫວຊຸກຍູ້ສົ່ງເສີມການອ່ານດ້ວຍຫຼາຍວິທີ ເພື່ອໃຫ້ເດັກນ້ອຍຊຸມຊົນໄດ້ມີໂອກາດອ່ານປຶ້ມ. ນອກຈາກການສ້າງຕູ້ປຶ້ມ, ຖົງປຶ້ມເຄື່ອນທີ່ແລ້ວ.ປີນີ້, ຍັງມີການບໍລິການລົດຕູ້ສະໝຸດເຄື່ອນທີ່ເພື່ອເຄື່ອນໄຫວສົ່ງເສີມການອ່ານຢູ່ໃນໂຮງຮຽນປະຖົມໃນນະຄອນຫຼວງວຽງຈັນ, ໄດ້ອັດຄລິບນິທານ, ການຮຽນ, ການສອນລູກໃຫ້ມີສ່ວນຮ່ວມຂອງຜູ້ປົກຄອງ, ຄູ ແລະ ຊຸມຊົນ, ການຈັດລາຍການອັດນິທານສົດຜ່ານໂທລະໂຄ່ງຊຸມຊົນ ແລະ ການເປີດຄລິບສຽງໃຫ້ປວງຊົນໄດ້ຮັບຟັງນິທານ, ການຮຽນ, ເພື່ອຊ່ວຍຊຸກຍູ້ໃຫ້ແກ່ການຮຽນ-ການອ່ານໃຫ້ແກ່ເດັກນ້ອຍທີ່ຢູ່ 4 ແຂວງເປົ້າໝາຍ. ວຽກງານຫໍສະໝຸດຕໍ່ການສຶກສາແມ່ນອີງໃສ່ຫຼາຍຈຸດພິເສດ ແລະ ປັດໄຈຕ່າງໆທັງໃນຕົວ ແລະ ນອກຕົວ. ປັດໃຈສໍາຄັນໃນການສ້າງສາພັດທະນາປະເທດຊາດໃຫ້ກ້າວໜ້າ ແລະ ສີວິໄລ ກໍຄືການໃຫ້ບຸກຄົນໃນຊາດ ມີລະດັບການສຶກສາສູງ, ມີເຕັກນິກວິຊາການທີ່ເກັ່ງ, ສາມາດນໍາໃຊ້ວັດຖຸອຸປະກອນອັນທັນສະໄໝໃຫ້ໄດ້ດີ, ມີປະສິດທິພາບໃນການໃຊ້ງານຈະເຮັດໄດ້ດັ່ງນີ້ຕ້ອງມີການຮຽນຮູ້, ຕ້ອງອ່ານ, ຕ້ອງຄົ້ນຄວ້າຫາປະສົບການເພື່ອໄປທົດສອບ ແລະ ນໍາໃຊ້ເຂົ້າໃນພາກປະຕິບັດຕົວຈິງ.
ດັ່ງໄດ້ຮັບຮູ້ນໍາກັນແລ້ວວ່າ, ວຽກງານການສຶກສາ ແລະ ວຽກງານວັດທະນະທໍາຕ້ອງໄດ້ຄຽງຄູ່ກັນ. ການສຶກສາຢູ່ໃນສະຖາບັນ, ໂຮງຮຽນ ແລະ ການສຶກສານອກສະຖານທີ່ລ້ວນແຕ່ເປັນປັດໄຈສໍາຄັນເພື່ອສົ່ງເສີມໃຫ້ເຂົາເຈົ້າໄດ້ເຂົ້າເຖິງ ແລະ ມີສ່ວນຮ່ວມຂອງສັງຄົມຕໍ່ວຽກງານການສຶກສາ ແລະ ຕໍ່ວຽກງານການອ່ານ ເພື່ອພັດທະນາການອ່ານ, ການສ້າງສັງຄົມການອ່ານ ແລະ ວັດທະນະທໍາການອ່ານໃນຄອບຄົວໃຫ້ພັດທະນາໄປເທື່ອລະກ້າວ. ການທີ່ຈະສ້າງໃຫ້ເດັກຮັກການອ່ານ, ຈະສ້າງເປັນສັງຄົມການອ່ານ ແລະ ວັດທະນະທໍາ ການອ່ານມັນບໍ່ງ່າຍ ແລະ ມັນກໍບໍ່ຍາກເກີນຄວາມສາມາດຖ້າພວກເຮົາພ້ອມໃຈກັນ, ວຽກງານດັ່ງກ່າວນັ້ນຈະພັດທະນາ ແລະ ຂະຫຍາຍຕົວທາງດ້ານປະລິມານ ແລະ ຄຸນນະພາບໄດ້ກໍຕໍ່ເມື່ອມີການປະກອບສ່ວນຂອງທຸກຄົນໃນທົ່ວສັງຄົມຈົ່ງໄດ້ຮ່ວມໃຈ ແລະ ເປັນກຳລັງແຮງເພື່ອຊຸກຍູ້ວຽກງານດັ່ງກ່າວໃຫ້ກ້າວໜ້າ.ກິດຈະກຳມື້ນີ້ສຸດທີ່ມີຄວາມໝາຍ-ຄວາມສໍາຄັນຊຶ່ງຈະເປັນອີກກິດຈະກຳໜຶ່ງ ປະກອບສ່ວນເຂົ້າໃນການຊຸກຍູ້ສົ່ງເສີມໃຫ້ຄົນລາວຮັກການອ່ານ ເພື່ອປູກຈິດສໍານຶກຄວາມມັກຮັກໃນການອ່ານແຕ່ຍັງເຍົາໄວ, ສ້າງສັງຄົມການອ່ານ ແລະ ວັດທະນະທຳການອ່ານໃຫ້ມີການພັດທະນາຢ່າງແຂງແຮງ. ເຮົາປູກຕົ້ນໄມ້ອາດໃຊ້ເວລາ 10 ປີຈຶ່ງສາມາດໄດ້ກິນໝາກ ແຕ່ການທີ່ເຮົາຈະສ້າງຄົນ ມັນອາດຕ້ອງໃຊ້ເວລາ 100 ປີຈຶ່ງໄດ້ຮັບຜົນ.ດັ່ງນັ້ນ, ການສົ່ງເສີມການສຶກສາ, ການສົ່ງເສີມການປູກຈິດສໍານຶກໃຫ້ມັກຮັກໃນການອ່ານ ແມ່ນຄວາມຮັບຜິດຊອບຂອງພວກເຮົາທຸກຄົນຕ້ອງໄດ້ພ້ອມໃຈກັນຊຸກຍູ້ສົ່ງເສີມ ໃຫ້ລູກຫຼານ, ເຍົາວະຊົນ, ນັກຮຽນ ນັກສຶກສາ, ຄົນຮຸ່ນໃໝ່ຕ້ອງໄດ້ເອົາໃຈໃສ່ໃນການອ່ານ.
ໂອກາດນີ້, ທ່ານສິນລະວົງ ຄຸດໄພທູນ, ທ່ານນາງ ສວນສະຫວັນ ວິຍະເກດ, ທ່ານໄຊບັນດິດ ຣາຊະພົນ ໄດ້ໃຫ້ກຽດຕັດແຖບຜ້າ ເພື່ອເປັນສິຣິມຸງຄຸນໃນການເປີດງານໃນຄັ້ງນີ້ຢ່າງເປັນທາງການ.
ຂ່າວ-ພາບ: ວັນເພັງ
ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວ (ຖວທ) ໄດ້ກ່າວເປີດງານວ່າ: ບຸນມະໂຫລານປຶ້ມ ແລະ ກິດຈະກຳສົ່ງເສີມການອ່ານເປັນເວທີໜຶ່ງທີ່ສ້າງໂອກາດໃຫ້ແກ່ເດັກນ້ອຍລາວ ໄດ້ສະແດງຄວາມສາມາດທາງດ້ານການສະແດງ, ການຄິດ, ການແຕ້ມ ແລະ ພອນສະຫວັນດ້ານຕ່າງໆ ເຮັດໃຫ້ເດັກໄດ້ຮັບໂອກາດດີໆໃນການສະແດງອອກໃນເວທີ ທີ່ສໍາຄັນ ແລະ ທັງເປັນການປະກອບສ່ວນປຸກລະດົມໃນທົ່ວສັງຄົມໄດ້ປະກອບສ່ວນທຶນຮອນໃນການຈັດຊື້ປຶ້ມອ່ານ, ປຶ້ມນິທານຕ່າງໆທີ່ມີຄວາມຫຼາກຫຼາຍເພື່ອໃຫ້ຜູ້ອ່ານໄດ້ໃຊ້ເວລາໃຫ້ເກີດປະໂຫຍດໃນການຊອກຫາປຶ້ມອ່ານເພື່ອເສີມທັກສະຄວາມຮູ້ໃຫ້ແກ່ຕົນເອງ.
ທ່ານ ນາງ ສວນສະຫວັນ ວິຍະເກດ ກ່າວຕື່ມວ່າ: ມາຮອດປັດຈຸບັນ, ວຽກງານຫໍສະໝຸດມີການພັດທະນາໄດ້ຂະຫຍາຍຕົວທັງທາງດ້ານປະລິມານ ແລະ ຄຸນນະພາບ. ປັດຈຸບັນນອກຈາກມີຫໍສະໝຸດແຫ່ງຊາດ 1 ແຫ່ງ, ຍັງມີຫໍສະໝຸດທ້ອງຖິ່ນ ຈໍານວນ 10 ແຫ່ງ, ຫໍສະໝຸດວິທະຍາໄລ, ມະຫາວິທະຍາໄລ ແລະ ສະຖາບັນວິຊາຊີບ ຈໍານວນ 99 ແຫ່ງ, ຫ້ອງອ່ານ-ມູມອ່ານຈໍານວນ 1,968 ແຫ່ງທີ່ເປີດໃຫ້ບໍລິການອ່ານຢ່າງເປັນປົກກະຕິ. ສໍາລັບວຽກງານການອອກທະບຽນພິມປຶ້ມສາມາດອອກທະບຽນປຶ້ມບັນລຸຈຳນວນ 1,668 ຫົວເລື່ອງ ແລະ ໄດ້ພິມອອກຈໍານວນ 7,895,000 ຫົວ. ຫໍສະໝຸດແຫ່ງຊາດ ກໍຄືບັນດາພາກສ່ວນທີ່ກ່ຽວຂ້ອງຂອງ ກະຊວງ ຖວທ ໄດ້ເຄື່ອນໄຫວຊຸກຍູ້ສົ່ງເສີມການອ່ານດ້ວຍຫຼາຍວິທີ ເພື່ອໃຫ້ເດັກນ້ອຍຊຸມຊົນໄດ້ມີໂອກາດອ່ານປຶ້ມ. ນອກຈາກການສ້າງຕູ້ປຶ້ມ, ຖົງປຶ້ມເຄື່ອນທີ່ແລ້ວ.ປີນີ້, ຍັງມີການບໍລິການລົດຕູ້ສະໝຸດເຄື່ອນທີ່ເພື່ອເຄື່ອນໄຫວສົ່ງເສີມການອ່ານຢູ່ໃນໂຮງຮຽນປະຖົມໃນນະຄອນຫຼວງວຽງຈັນ, ໄດ້ອັດຄລິບນິທານ, ການຮຽນ, ການສອນລູກໃຫ້ມີສ່ວນຮ່ວມຂອງຜູ້ປົກຄອງ, ຄູ ແລະ ຊຸມຊົນ, ການຈັດລາຍການອັດນິທານສົດຜ່ານໂທລະໂຄ່ງຊຸມຊົນ ແລະ ການເປີດຄລິບສຽງໃຫ້ປວງຊົນໄດ້ຮັບຟັງນິທານ, ການຮຽນ, ເພື່ອຊ່ວຍຊຸກຍູ້ໃຫ້ແກ່ການຮຽນ-ການອ່ານໃຫ້ແກ່ເດັກນ້ອຍທີ່ຢູ່ 4 ແຂວງເປົ້າໝາຍ. ວຽກງານຫໍສະໝຸດຕໍ່ການສຶກສາແມ່ນອີງໃສ່ຫຼາຍຈຸດພິເສດ ແລະ ປັດໄຈຕ່າງໆທັງໃນຕົວ ແລະ ນອກຕົວ. ປັດໃຈສໍາຄັນໃນການສ້າງສາພັດທະນາປະເທດຊາດໃຫ້ກ້າວໜ້າ ແລະ ສີວິໄລ ກໍຄືການໃຫ້ບຸກຄົນໃນຊາດ ມີລະດັບການສຶກສາສູງ, ມີເຕັກນິກວິຊາການທີ່ເກັ່ງ, ສາມາດນໍາໃຊ້ວັດຖຸອຸປະກອນອັນທັນສະໄໝໃຫ້ໄດ້ດີ, ມີປະສິດທິພາບໃນການໃຊ້ງານຈະເຮັດໄດ້ດັ່ງນີ້ຕ້ອງມີການຮຽນຮູ້, ຕ້ອງອ່ານ, ຕ້ອງຄົ້ນຄວ້າຫາປະສົບການເພື່ອໄປທົດສອບ ແລະ ນໍາໃຊ້ເຂົ້າໃນພາກປະຕິບັດຕົວຈິງ.
ດັ່ງໄດ້ຮັບຮູ້ນໍາກັນແລ້ວວ່າ, ວຽກງານການສຶກສາ ແລະ ວຽກງານວັດທະນະທໍາຕ້ອງໄດ້ຄຽງຄູ່ກັນ. ການສຶກສາຢູ່ໃນສະຖາບັນ, ໂຮງຮຽນ ແລະ ການສຶກສານອກສະຖານທີ່ລ້ວນແຕ່ເປັນປັດໄຈສໍາຄັນເພື່ອສົ່ງເສີມໃຫ້ເຂົາເຈົ້າໄດ້ເຂົ້າເຖິງ ແລະ ມີສ່ວນຮ່ວມຂອງສັງຄົມຕໍ່ວຽກງານການສຶກສາ ແລະ ຕໍ່ວຽກງານການອ່ານ ເພື່ອພັດທະນາການອ່ານ, ການສ້າງສັງຄົມການອ່ານ ແລະ ວັດທະນະທໍາການອ່ານໃນຄອບຄົວໃຫ້ພັດທະນາໄປເທື່ອລະກ້າວ. ການທີ່ຈະສ້າງໃຫ້ເດັກຮັກການອ່ານ, ຈະສ້າງເປັນສັງຄົມການອ່ານ ແລະ ວັດທະນະທໍາ ການອ່ານມັນບໍ່ງ່າຍ ແລະ ມັນກໍບໍ່ຍາກເກີນຄວາມສາມາດຖ້າພວກເຮົາພ້ອມໃຈກັນ, ວຽກງານດັ່ງກ່າວນັ້ນຈະພັດທະນາ ແລະ ຂະຫຍາຍຕົວທາງດ້ານປະລິມານ ແລະ ຄຸນນະພາບໄດ້ກໍຕໍ່ເມື່ອມີການປະກອບສ່ວນຂອງທຸກຄົນໃນທົ່ວສັງຄົມຈົ່ງໄດ້ຮ່ວມໃຈ ແລະ ເປັນກຳລັງແຮງເພື່ອຊຸກຍູ້ວຽກງານດັ່ງກ່າວໃຫ້ກ້າວໜ້າ.ກິດຈະກຳມື້ນີ້ສຸດທີ່ມີຄວາມໝາຍ-ຄວາມສໍາຄັນຊຶ່ງຈະເປັນອີກກິດຈະກຳໜຶ່ງ ປະກອບສ່ວນເຂົ້າໃນການຊຸກຍູ້ສົ່ງເສີມໃຫ້ຄົນລາວຮັກການອ່ານ ເພື່ອປູກຈິດສໍານຶກຄວາມມັກຮັກໃນການອ່ານແຕ່ຍັງເຍົາໄວ, ສ້າງສັງຄົມການອ່ານ ແລະ ວັດທະນະທຳການອ່ານໃຫ້ມີການພັດທະນາຢ່າງແຂງແຮງ. ເຮົາປູກຕົ້ນໄມ້ອາດໃຊ້ເວລາ 10 ປີຈຶ່ງສາມາດໄດ້ກິນໝາກ ແຕ່ການທີ່ເຮົາຈະສ້າງຄົນ ມັນອາດຕ້ອງໃຊ້ເວລາ 100 ປີຈຶ່ງໄດ້ຮັບຜົນ.ດັ່ງນັ້ນ, ການສົ່ງເສີມການສຶກສາ, ການສົ່ງເສີມການປູກຈິດສໍານຶກໃຫ້ມັກຮັກໃນການອ່ານ ແມ່ນຄວາມຮັບຜິດຊອບຂອງພວກເຮົາທຸກຄົນຕ້ອງໄດ້ພ້ອມໃຈກັນຊຸກຍູ້ສົ່ງເສີມ ໃຫ້ລູກຫຼານ, ເຍົາວະຊົນ, ນັກຮຽນ ນັກສຶກສາ, ຄົນຮຸ່ນໃໝ່ຕ້ອງໄດ້ເອົາໃຈໃສ່ໃນການອ່ານ.
ໂອກາດນີ້, ທ່ານສິນລະວົງ ຄຸດໄພທູນ, ທ່ານນາງ ສວນສະຫວັນ ວິຍະເກດ, ທ່ານໄຊບັນດິດ ຣາຊະພົນ ໄດ້ໃຫ້ກຽດຕັດແຖບຜ້າ ເພື່ອເປັນສິຣິມຸງຄຸນໃນການເປີດງານໃນຄັ້ງນີ້ຢ່າງເປັນທາງການ.
ຂ່າວ-ພາບ: ວັນເພັງ
