ຂ່າວສານຊີອາໄອລາຍງານ, ໂຕເລກຂໍ້ມູນທີ່ອົງການພະລັງງານແຫ່ງຊາດຈີນເປີດເຜີຍໃນວັນທີ 20 ທັນວາ ຜ່ານມາໂດຍສະແດງໃຫ້ເຫັນວ່າ: ນັບມາຮອດທ້າຍເດືອນພະຈິກຜ່ານມາ, ປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າໃນທົ່ວປະເທດຈີນມີເຖິງ 3,23 ຕື້ກິໂລວັດ, ເພີ່ມຂຶ້ນ 14,4% ເມື່ອທຽບໃສ່ໄລຍະດຽວກັນຂອງປີກາຍ.

ຂ່າວລະບຸວ່າ: ໃນ 11 ເດືອນປີນີ້, ໂຄງການແຫຼ່ງໄຟຟ້າຂອງວິສາຫະກິດຜະລິດໄຟຟ້າຕົ້ນຕໍໃນທົ່ວປະເທດຈີນໄດ້ສຳເລັດການລົງທຶນ 866,5 ຕື້ຢວນ, ເພີ່ມຂຶ້ນ 12% ເມື່ອທຽບໃສ່ໄລຍະດຽວກັນຂອງປີກາຍ, ໂຄງການຕາຂ່າຍໄຟຟ້າໄດ້ສຳເລັດການລົງທຶນ 529 ຕື້ຢວນ, ເພີ່ມຂຶ້ນ 18,7% ເມື່ອທຽບໃສ່ໄລຍະດຽວກັນຂອງປີກາຍ.