ຂ່າວສານຫວຽດນາມລາຍງານວ່າ: ລາຄານໍ້າມັນໃນຕະຫຼາດອາຊີໄດ້ຫຼຸດລົງໃນຮອບຕອນເຊົ້າຂອງວັນທີ 23 ທັນວາ ນີ້ ເນື່ອງຈາກຄວາມກັງວົນກ່ຽວກັບການເຕີບໂຕຂອງຄວາມຕ້ອງການໃນປີ 2025, ໂດຍສະເພາະໃນປະເທດຈີນ (ປະເທດນໍາເຂົ້ານ້ໍາມັນດິບທີ່ໃຫຍ່ທີ່ສຸດຂອງໂລກ).
ໃນຮອບຊື້-ຂາຍນ້ໍາມັນໃນອາທິດນີ້, ລາຄານ້ໍາມັນເບຣນ (Brent) ທະເລເໜືອ ຫຼຸດລົງ 31 ເຊັນ, ເທົ່າກັບ 0.43%, ເປັນ 72.57 ໂດລາ/ບາເລນ. ໃນຂະນະນັ້ນ, ລາຄານ້ຳມັນ WTI ຂອງອາເມຣິກາ ໄດ້ຫຼຸດລົງ 26 ເຊັນ, ເທົ່າກັບ 0.26%, ເປັນ 69.12 ໂດລາ/ບາເຣນ.
ກຸ່ມໂຮງກັ່ນນໍ້າມັນຂອງລັດ (ຈີນ), Sinopec, ລາຍງານການຄາດຄະເນພະລັງງານປະຈໍາປີຂອງຕົນທີ່ເປີດເຜີຍໃນທ້າຍອາທິດຜ່ານມາ, ຄາດຄະເນວ່າການບໍລິໂພກນ້ໍາມັນຂອງຈີນຈະຕໍ່າສຸດໃນປີ 2027 ເນື່ອງຈາກຄວາມຕ້ອງການນໍ້າມັນແອັດຊັງ ແລະ ກາຊວນຫຼຸດລົງ.
ນອກຈາກນີ້, ຄ່າເງິນໂດລາທີ່ເພີ່ມຂຶ້ນໃນລະດັບສູງສຸດໃນຮອບ 2 ປີຍັງສ້າງຄວາມກົດດັນຕໍ່ລາຄານ້ໍາມັນ, ຫຼັງຈາກທະນາຄານກາງອາເມຣິກາ (Fed) ໃຫ້ສັນຍານວ່າຈະລະມັດລະວັງໃນການຫຼຸດອັດຕາດອກເບ້ຍໃນປີ 2025.